Канон святым мученикам Хрисанфу и Дарии

Припев: Святи́и му́ченицы Хриса́нфе и Да́рие, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 01 апреля (19 марта ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Венце́м, па́че зла́та сия́ющим, му́чениче, украша́емь и муче́ния сия́я добро́тами, Влады́це предстои́ши, о на́с моля́ся, тя́ чту́щих, досточу́дне.

Уязви́лся еси́ сла́дким жела́нием, му́чениче, Зижди́теля твоего́ и, кра́сная ми́ра презре́в, си́лу всю́ по́дал еси́ твоего́ се́рдца, Хриса́нфе, к Жела́емому ти́ усе́рдно.

Ве́рою воору́жся, низложи́л еси́ многоко́зненнаго, тебе́ прило́жшаго, му́чениче, же́нскою сла́стию прельсти́ти, и чистоты́ че́стен сосу́д, Хриса́нфе, бы́л еси́.

Богоро́дичен: Естество́м Боже́ственным непристу́пный, присту́пен мне́ яви́ся, от Тебе́, Де́во, пло́ть прие́мь, Его́же Да́рия жела́ющи, терпели́вно пострада́ и неве́стнически Тому́ приведе́ся.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Зла́то, искуше́но муче́ний огне́м, бы́л еси́, ца́рских, Хриса́нфе, нося́й страда́ний изображе́ние.

Ри́торов оста́вль глумле́ние, плени́цами улови́лся еси́ ученико́в, Хриса́нфе, прея́сне тебе́ умудри́вшаго.

Повину́лася еси́ Рачи́телю, невестоводя́щему тя́ Христу́, всему́драя, честны́я ра́ди ве́ры, рачи́теля плотска́го оста́вльши.

Богоро́дичен: Пло́тию ро́ждься из утро́бы Твоея́, Де́во, Иису́с, Чи́стая, неве́сту чи́сту, му́ченицу Себе́ Да́рию обруча́ет.

Седа́лен, гла́с 3.

Красне́йшую добро́ту возжеле́л еси́, и ви́димыя добро́ты прете́кл еси́, и приве́л еси́ Христу́ златы́ми вои́стинну словесы́ твои́ми, Хриса́нфе блаже́нне, Да́рию сла́вную, страда́ния претерпе́вшую и томи́теля посра́мльшую. С не́юже вся́ ны́ помина́й, ве́рою соверша́ющия па́мять ва́шу.

Богоро́дичен: Недомы́сленно и непостижи́мо е́сть, Влады́чице Богора́дованная, е́же соде́ланное о Тебе́ стра́шное Бо́жие та́инство, и́бо Необыме́ннаго, заче́нши, родила́ еси́, пло́тию обложе́на от пречи́стых крове́й Твои́х; Его́же всегда́, Чи́стая, я́ко Сы́на Твоего́, моли́ спасти́ся душа́м на́шим.

Крестобогоро́дичен: Поно́сную, Ще́дре, сме́рть в распя́тии во́лею претерпе́л еси́, Тебе́ же ро́ждшая, Христе́, зря́щи, уязвля́шеся. Ея́же мольба́ми за милосе́рдие ми́лости Твоея́, еди́не Преблаги́й Человеколю́бче Го́споди, уще́дри и спаси́ ми́р, взе́мляй ми́ра грехи́.

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Ду́ха облиста́ющия зари́ чи́стое се́рдце твое́ всего́ светоза́рна тя́, му́чениче, соде́лаша, усе́рдно зову́ща: сла́ва си́ле Твое́й, Го́споди.

Истка́нною тя́ Боже́ственныя благода́ти свы́ше, Творе́ц облече́ нетле́нною ри́зою, непоро́чно соблю́дша те́ло, блаже́нне, и я́ко победи́теля венча́.

До́блестию се́рдца оттря́сл еси́ сла́сти теле́сныя, добро́тою несравни́тельною Боже́ственною наслажда́емь, и, ра́дуяся, соверши́л еси́ муче́ния твоего́ по́двиг.

Обожи́лася еси́ по прича́стию, страстоно́сице, Боготво́рнаго соедине́ния, и в небе́сныя всели́лася еси́ черто́ги, ра́дующися, я́ко непоро́чна неве́ста Влады́ки тва́ри.

Богоро́дичен: Соблю́д Тя́ Де́ву, я́ко пре́жде рождества́, по рождестве́, Пречи́стая, из Тебе́ воплоти́ся недомы́сленный, Да́рию му́ченицу неве́сту Себе́ приводя́.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Восхище́н у́м от ве́щных творя́, вя́жемь, зло́бу вра́жию, страстоно́сче, разори́л еси́, блаже́нне.

Чистоты́ рачи́тель бы́в свяще́ннейший, претвори́л еси́ де́вы огнепа́льную любо́вь ко Го́споду, прехва́льне.

Пове́ржена зря́ и нога́ми спопира́ема мучи́теля, ра́дованною мы́слию Влады́ку, преблаже́нне, велича́л еси́.

Богоро́дичен: Кто́ мо́жет Твое́ сказа́ти та́инство, о Всечи́стая! Бо́га Сло́ва, па́че ума́ бо и сло́ва, сугу́ба естество́м, родила́ еси́.

Пе́снь 6.

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Пою́ща Влады́ку все́х, приснопа́мятне, све́т с небесе́, всю́ду тя́ окружи́в, просвети́, заключе́на в те́мнейшей хра́мине, Хриса́нфе.

Ри́м тя́, муче́нием честны́м сла́вимаго, златови́дну я́коже звезду́, стяжа́в, му́чениче, украша́ется по́двиги и боже́ственными твои́ми, Хриса́нфе, чудесы́.

Красна́, преудо́брена же и пресла́вна, му́ченице Да́рия де́ва, показа́вшися Сло́ву красне́йшему, уневе́стилася еси́ боле́зньми вся́кими теле́сными.

Богоро́дичен: Мла́да Тя́ я́ко Де́тища Де́ва роди́, Преве́чнаго Сло́ва, Его́же жела́юще, отрокови́цы Се́ю в сле́д Тебе́, все́х Царю́, неве́стнически приведо́шася.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Цве́т му́чеников златови́ден ты́ бы́л еси́, собо́р же страда́льцев приве́л еси́ Христу́ боже́ственными словесы́ твои́ми и чудесы́, му́чениче богоприя́тне, с ни́миже ве́рно тя́ ны́не ублажа́ем.

В хлеви́не скве́рней затворе́на, на́га тя́, блаже́нне, Боже́ственными благово́нии, сла́вою светови́дною Иису́с просвеща́ет, Его́же чи́стою мы́слию, всему́дре, возлюби́л еси́.

Зве́ря храни́теля тебе́ де́вства Христо́с посла́, па́губу нечести́вых отгоня́ща я́ве, песнопою́щей тебе́, всехва́льная: благослове́н еси́ в хра́ме сла́вы Твоея́, Го́споди.

Богоро́дичен: По существу́ Боже́ственному Сы́й неопи́сан, в не́дрех Твои́х, Де́во, бы́сть по на́м пло́тию опису́емь. Благослове́на Ты́ в жена́х еси́, Пренепоро́чная Влады́чице.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Тве́рдым, блаже́нне, по́мыслом проти́вяся суему́дренному, строга́ния претерпе́л еси́ теле́сная и, свеща́ми опаля́емь, неопали́мь пребы́л еси́, со о́троки воспева́я, Хриса́нфе: благослови́те, вся́ дела́ Госпо́дня, Го́спода.

Прему́дростию укра́шен Христо́вою, обуи́л еси́ нему́дрых шата́ние, и у́м льсти́ваго посрами́л еси́, Е́ву прельсти́вшаго, плени́в благоче́стно сего́ ору́жие, му́дре, и приве́л еси́ неве́сту Бо́гу, избра́нну ве́ры ра́ди.

Едине́нием души́ плотска́го избежа́сте совокупле́ния, чи́стыя сосу́ды Вседержи́теля яви́стеся и в хра́м принесо́стеся небе́сный, страда́льцы, вопию́ще Христу́: благослови́те, вся́ дела́ Госпо́дня, Го́спода.

Во́лею Бо́жиею плотски́я стра́сти удержа́вше, о́гнь испепели́ша му́к Хриса́нф и Да́рия росо́ю Ду́ха и венце́в жи́зни улучи́ша, пою́ще: благослови́те, вся́ дела́ Госпо́дня, Го́спода.

Богоро́дичен: Я́ко ши́пок посреди́ те́рния жите́йскаго, Пречи́стая, Бо́г обре́т Тя́, нескве́рную, всели́ся во утро́бу Твою́ чи́стую и благово́ния та́инственнаго ми́р испо́лни, взыва́ющий: благослови́те, вся́ дела́ Госпо́дня, Го́спода.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Священносло́вящу Боже́ственная, Боже́ственное во́инство тебе́ приложи́ся, ле́сти скве́рныя изба́влься, и мече́м непоро́чныя же́ртвы на́с ра́ди, я́ко овча́ти, му́ченицы Поже́ршемуся принесо́шася.

Яви́стеся посреди́ звере́й, я́коже а́гнцы, страстоте́рпцы, воплоще́ние пропове́дающе Боже́ственное Излия́вшагося да́же и до пло́ти, и боле́зньми неболе́зненную кончи́ну боже́ственне насле́довасте.

Дне́сь све́тло пра́зднует вся́к гра́д же и страна́, Ри́м созыва́ющи гра́д, боже́ственныя стра́сти и боре́ния, я́ко всечрежде́ние невеще́ственное, предлага́ющи ва́с, святи́и.

Взя́ти бы́сте к безме́рней сла́ве, Хриса́нфе му́чениче и Да́рия, и вседержи́тельному Сло́ву, венцено́сцы, вку́пе предстоите́, о на́с моля́щеся, блажа́щих ва́с всегда́.

Богоро́дичен: Трепе́щет по́мысл и се́рдце, помышля́юще Твое́ рождество́ недомы́слимое, Отрокови́це: Бо́га бо Сло́ва чревоноси́ла еси́, избавля́ющаго Тобо́ю вся́кия ну́жды чту́щия Тя́.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть.

Вѣнце́мъ па́че зла́та сїѧ́ющимъ, мꙋ́чениче, ᲂу҆краша́емь, и҆ мꙋче́нїѧ сїѧ́ѧ добро́тами, влⷣцѣ предстои́ши, ѡ҆ на́съ молѧ́сѧ, тѧ̀ чтꙋ́щихъ, досточꙋ́дне.

Оу҆ѧзви́лсѧ є҆сѝ сла́дкимъ жела́нїемъ, мꙋ́чениче, зижди́телѧ твоегѡ̀, и҆ кра̑снаѧ мі́ра презрѣ́въ, си́лꙋ всю̀ по́далъ є҆сѝ твоегѡ̀ се́рдца, хрѷса́нѳе, къ жела́емомꙋ тѝ ᲂу҆се́рднѡ.

Вѣ́рою воѡрꙋ́жсѧ, низложи́лъ є҆сѝ многоко́зненнаго, тебѣ̀ прило́жшаго, мꙋ́чениче, же́нскою сла́стїю прельсти́ти, и҆ чистоты̀ че́стенъ сосꙋ́дъ, хрѷса́нѳе, бы́лъ є҆сѝ.

Бг҃оро́диченъ: Є҆стество́мъ бж҃е́ственнымъ непристꙋ́пный, пристꙋ́пенъ мнѣ̀ ꙗ҆ви́сѧ, ѿ тебє̀, дв҃о, пло́ть прїе́мь: є҆го́же да́рїа жела́ющи, терпѣли́внѡ пострада̀, и҆ невѣ́стнически томꙋ̀ приведе́сѧ.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Зла́то и҆скꙋше́но мꙋче́нїй ѻ҆гне́мъ бы́лъ є҆сѝ, ца́рскихъ, хрѷса́нѳе, носѧ́й страда́нїй и҆зѻбраже́нїе.

Ри́торѡвъ ѡ҆ста́вль глꙋмле́нїе, плени́цами ᲂу҆лови́лсѧ є҆сѝ ᲂу҆ченикѡ́въ, хрѷса́нѳе, преѧ́сне тебѐ ᲂу҆мꙋдри́вшагѡ.

Повинꙋ́ласѧ є҆сѝ рачи́телю, невѣстоводѧ́щемꙋ тѧ̀ хрⷭ҇тꙋ̀, всемꙋ́драѧ, честны́ѧ ра́ди вѣ́ры, рачи́телѧ плотска́го ѡ҆ста́вльши.

Бг҃оро́диченъ: Пло́тїю ро́ждсѧ и҆зъ ᲂу҆тро́бы твоеѧ̀, дв҃о, і҆и҃съ, чⷭ҇таѧ, невѣ́стꙋ чи́стꙋ мꙋ́ченицꙋ себѣ̀ да́рїю ѡ҆брꙋча́етъ.

Сѣда́ленъ, гла́съ г҃.

Краснѣ́йшꙋю добро́тꙋ возжелѣ́лъ є҆сѝ, и҆ ви̑димыѧ добрѡ́ты прете́клъ є҆сѝ: и҆ приве́лъ є҆сѝ хрⷭ҇тꙋ̀, златы́ми вои́стиннꙋ словесы̀ твои́ми, хрѷса́нѳе блаже́нне, да́рїю сла́внꙋю, страда̑нїѧ претерпѣ́вшꙋю и҆ томи́телѧ посра́мльшꙋю: съ не́юже всѧ̑ ны̀ помина́й, вѣ́рою соверша́ющыѧ па́мѧть ва́шꙋ.

Бг҃оро́диченъ: Недомы́сленно и҆ непостижи́мо є҆́сть, влⷣчце бг҃ора́дованнаѧ, є҆́же содѣ́ланное ѡ҆ тебѣ̀ стра́шное бж҃їе та́инство: и҆́бо неѡб̾ыме́ннаго заче́нши родила̀ є҆сѝ, пло́тїю ѡ҆бложе́на ѿ пречⷭ҇тыхъ крове́й твои́хъ: є҆го́же всегда̀, чⷭ҇таѧ, ꙗ҆́кѡ сн҃а твоего̀ молѝ, спасти́сѧ дꙋша́мъ на́шимъ.

Крⷭ҇тобг҃оро́диченъ: Поно́снꙋю, ще́дре, сме́рть въ распѧ́тїи во́лею претерпѣ́лъ є҆сѝ: тебе́ же ро́ждшаѧ, хрⷭ҇тѐ, зрѧ́щи ᲂу҆ѧзвлѧ́шесѧ, є҆ѧ́же мольба́ми за милосе́рдїе ми́лости твоеѧ̀, є҆ди́не пребл҃гі́й чл҃вѣколю́бче гдⷭ҇и, ᲂу҆ще́дри, и҆ спасѝ мі́ръ, взе́млѧй мі́ра грѣхѝ.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Дх҃а ѡ҆блиста́ющиѧ зарѝ, чи́стое се́рдце твоѐ всего̀ свѣтоза́рна тѧ̀, мꙋ́чениче, содѣ́лаша, ᲂу҆се́рднѡ зовꙋ́ща: сла́ва си́лѣ твое́й, гдⷭ҇и.

И҆стка́нною тѧ̀ бжⷭ҇твенныѧ благода́ти свы́ше, творе́цъ ѡ҆блечѐ нетлѣ́нною ри́зою, непоро́чнѡ соблю́дша тѣ́ло, бл҃же́нне, и҆ ꙗ҆́кѡ побѣди́телѧ вѣнча̀.

До́блестїю се́рдца ѿтрѧ́слъ є҆сѝ сла̑сти тѣлє́сныѧ, добро́тою несравни́тельною бжⷭ҇твенною наслажда́емь, и҆ ра́дꙋѧсѧ соверши́лъ є҆сѝ мꙋче́нїѧ твоегѡ̀ по́двигъ.

Ѡ҆божи́ласѧ є҆сѝ по прича́стїю, стрⷭ҇тоно́сице, бг҃отво́рнагѡ соедине́нїѧ: и҆ въ нб҃сныѧ всели́ласѧ є҆сѝ черто́ги ра́дꙋющисѧ, ꙗ҆́кѡ непоро́чна невѣ́ста влⷣки тва́ри.

Бг҃оро́диченъ: Соблю́дъ тѧ̀ дв҃ꙋ ꙗ҆́кѡ пре́жде ржⷭ҇тва̀, по ржⷭ҇твѣ̀, пречⷭ҇таѧ, и҆зъ тебє̀ воплоти́сѧ недомы́сленный, да́рїю мꙋ́ченицꙋ невѣ́стꙋ себѣ̀ приводѧ̀.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀.

Восхище́нъ ᲂу҆́мъ ѿ ве́щныхъ творѧ̀, вѧ́жемь, ѕло́бꙋ вра́жїю, страстоно́сче, разори́лъ є҆сѝ, бл҃же́нне.

Чистоты̀ рачи́тель бы́въ свѧще́ннѣйшїй, претвори́лъ є҆сѝ дѣ́вы ѻ҆гнепа́льнꙋю любо́вь ко гдⷭ҇ꙋ, прехва́льне.

Пове́ржена зрѧ̀, и҆ нога́ми спопира́ема мꙋчи́телѧ, ра́дованною мы́слїю влⷣкꙋ, пребл҃же́нне, велича́лъ є҆сѝ.

Бг҃оро́диченъ: Кто̀ мо́жетъ твоѐ сказа́ти та́инство, ѽ всечⷭ҇таѧ! бг҃а сло́ва, па́че ᲂу҆ма́ бо и҆ сло́ва, сꙋгꙋ́ба є҆стество́мъ родила̀ є҆сѝ.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю.

Пою́ща влⷣкꙋ всѣ́хъ, приснопа́мѧтне, свѣ́тъ съ нб҃сѐ всю́дꙋ тѧ̀ ѡ҆крꙋжи́въ просвѣтѝ, заключе́на въ те́мнѣйшей хра́минѣ, хрѷса́нѳе.

Ри́мъ тѧ̀ мꙋче́нїемъ честны́мъ сла́вимаго, златови́днꙋ ꙗ҆́коже ѕвѣздꙋ̀ стѧжа́въ, мꙋ́чениче, ᲂу҆краша́етсѧ по́двиги, и҆ бж҃е́ственными твои́ми, хрѷса́нѳе, чꙋдесы̀.

Красна̀, преꙋдо́брена же и҆ пресла́вна, мꙋ́ченице да́рїе дѣ́ва, показа́вшисѧ сло́вꙋ краснѣ́йшемꙋ, ᲂу҆невѣ́стиласѧ є҆сѝ болѣ́зньми всѧ́кими тѣле́сными.

Бг҃оро́диченъ: Мла́да тѧ̀ ꙗ҆́кѡ дѣ́тища дв҃а родѝ превѣ́чнаго сло́ва: є҆гѡ́же жела́юще ѻ҆трокови̑цы, се́ю въ слѣ́дъ тебѣ̀, всѣ́хъ цр҃ю̀, невѣ́стнически приведо́шасѧ.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Цвѣ́тъ мꙋ́ченикѡвъ златови́денъ ты̀ бы́лъ є҆сѝ, собо́ръ же страда́льцєвъ приве́лъ є҆сѝ хрⷭ҇тꙋ̀, бжⷭ҇твенными словесы̀ твои́ми и҆ чꙋдесы̀, мꙋ́чениче бг҃опрїѧ́тне, съ ни́миже вѣ́рнѡ тѧ̀ ны́нѣ ᲂу҆блажа́емъ.

Въ хлѣви́нѣ скве́рнѣй затворе́на на́га тѧ̀, блаже́нне, бж҃е́ственными благовѡ́нїи, сла́вою свѣтови́дною і҆и҃съ просвѣща́етъ: є҆го́же чи́стою мы́слїю, всемꙋ́дре, возлюби́лъ є҆сѝ.

Ѕвѣ́рѧ храни́телѧ тебѣ̀ дѣ́вства хрⷭ҇то́съ посла̀, па́гꙋбꙋ нечести́выхъ ѿгонѧ́ща ꙗ҆́вѣ, пѣснопою́щей тебѣ̀, всехва́льнаѧ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Бг҃оро́диченъ: По сꙋществꙋ̀ бжⷭ҇твенномꙋ сы́й неѡпи́санъ, въ нѣ́дрѣхъ твои́хъ, дв҃о, бы́сть по на́мъ пло́тїю ѡ҆писꙋ́емь: бл҃гослове́на ты̀ въ жена́хъ є҆сѝ, пренепоро́чнаѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Тве́рдымъ, блаже́нне, по́мысломъ проти́вѧсѧ сꙋемꙋ́дренномꙋ, строга̑нїѧ претерпѣ́лъ є҆сѝ тѣлє́снаѧ: и҆ свѣща́ми ѡ҆палѧ́емь, неѡпали́мь пребы́лъ є҆сѝ, со ѻ҆́троки воспѣва́ѧ, хрѷса́нѳе: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Премꙋ́дростїю ᲂу҆кра́шенъ хрⷭ҇то́вою, ѡ҆бꙋи́лъ є҆сѝ немꙋ́дрыхъ шата́нїе: и҆ ᲂу҆́мъ льсти́вагѡ посрами́лъ є҆сѝ, є҆́ѵꙋ прельсти́вшагѡ, плѣни́въ благоче́стнѡ сегѡ̀ ѻ҆рꙋ́жїе, мꙋ́дре, и҆ приве́лъ є҆сѝ невѣ́стꙋ бг҃ꙋ, и҆збра́ннꙋ вѣ́ры ра́ди.

Є҆дине́нїемъ дꙋшѝ плотска́гѡ и҆збѣжа́сте совокꙋпле́нїѧ: чи̑стыѧ сосꙋ́ды вседержи́телѧ ꙗ҆ви́стесѧ, и҆ въ хра́мъ принесо́стесѧ нбⷭ҇ный страда́льцы, вопїю́ще хрⷭ҇тꙋ̀: благослови́те, всѧ̑ дѣла̀ гдⷭ҇нѧ, гдⷭ҇а.

Во́лею бж҃їею плотскі̑ѧ стра̑сти ᲂу҆держа́вше, ѻ҆́гнь и҆спепели́ша мꙋ́къ, хрѷса́нѳъ и҆ да́рїа росо́ю дх҃а, и҆ вѣнцє́въ жи́зни ᲂу҆лꙋчи́ша пою́ще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: Ꙗ҆́кѡ ши́покъ посредѝ те́рнїѧ жите́йскагѡ, пречⷭ҇таѧ, бг҃ъ ѡ҆брѣ́тъ тѧ̀ нескве́рнꙋю, всели́сѧ во ᲂу҆тро́бꙋ твою̀ чⷭ҇тꙋю, и҆ благово́нїѧ та́инственнагѡ мі́ръ и҆спо́лни, взыва́ющїй: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ, веселѧ́щесѧ, тѧ̀, бцⷣе, велича́емъ.

Сщ҃енносло́вѧщꙋ бжⷭ҇твєннаѧ бжⷭ҇твенное во́инство тебѣ̀ приложи́сѧ, ле́сти скве́рныѧ и҆зба́вльсѧ: и҆ мече́мъ непорѡ́чныѧ жє́ртвы, на́съ ра́ди, ꙗ҆́кѡ ѻ҆вча́ти, мꙋ́чєницы поже́ршемꙋсѧ принесо́шасѧ.

Ꙗ҆ви́стесѧ посредѝ ѕвѣре́й, ꙗ҆́коже а҆́гнцы, страстоте́рпцы, воплоще́нїе проповѣ́дающе бжⷭ҇твенное, и҆злїѧ́вшагѡсѧ да́же и҆ до пло́ти, и҆ болѣ́зньми неболѣ́зненнꙋю кончи́нꙋ бжⷭ҇твеннѣ наслѣ́довасте.

Дне́сь свѣ́тлѡ пра́зднꙋетъ всѧ́къ гра́дъ же и҆ страна̀, ри́мъ созыва́ющи гра́дъ, бжⷭ҇твєнныѧ стра̑сти и҆ борє́нїѧ, ꙗ҆́кѡ всечрежде́нїе невеще́ственное, предлага́ющї ва́съ, ст҃і́и.

Взѧ́ти бы́сте къ безмѣ́рнѣй сла́вѣ, хрѷса́нѳе мꙋ́чениче и҆ да́рїа, и҆ вседержи́тельномꙋ сло́вꙋ, вѣнцено́сцы вкꙋ́пѣ предстоитѐ, ѡ҆ на́съ молѧ́щесѧ, бл҃жа́щихъ ва́съ всегда̀.

Бг҃оро́диченъ: Трепе́щетъ по́мыслъ и҆ се́рдце, омышлѧ́юще твоѐ ржⷭ҇тво̀ недомы́слимое, ѻ҆трокови́це: бг҃а бо сло́ва чревоноси́ла є҆сѝ, и҆збавлѧ́ющаго тобо́ю всѧ́кїѧ нꙋ́жды чтꙋ́щыѧ тѧ̀.

Хрисанф Римский

Жития мучеников Хрисанфа и Дарии и с ними мучеников Клавдия, Иларии, Иасона и Мавра, Диодора пресвитера и Мариана диакона

Свя­той Хри­санф про­ис­хо­дил из язы­че­ской се­мьи; по­лу­чил хо­ро­шее об­ра­зо­ва­ние. Сре­ди книг ему по­па­да­лись та­кие, в ко­то­рых языч­ни­ки рас­суж­да­ли о хри­сти­ан­стве. Но юно­ша за­хо­тел про­чи­тать кни­ги, на­пи­сан­ные са­ми­ми хри­сти­а­на­ми. Юно­ше до­ве­лось най­ти кни­ги Но­во­го За­ве­та. Свя­щен­ное Пи­са­ние про­све­ти­ло ду­шу ра­зум­но­го юно­ши. Он на­шел скры­вав­ше­го­ся от го­не­ний пре­сви­те­ра Кар­по­фо­ра и при­нял от него Свя­тое Кре­ще­ние. По­сле это­го он на­чал от­кры­то про­по­ве­до­вать Еван­ге­лие. Отец юно­ши вся­че­ски ста­рал­ся от­вра­тить сы­на от хри­сти­ан­ства и же­нил его на кра­са­ви­це Да­рии, жри­це Афи­ны Пал­ла­ды. Од­на­ко свя­той Хри­санф су­мел об­ра­тить свою же­ну ко Хри­сту, и мо­ло­дые су­пру­ги по обо­юд­но­му со­гла­сию ре­ши­ли ве­сти дев­ствен­ную жизнь. По­сле смер­ти от­ца они ста­ли жить в от­дель­ных до­мах. Свя­той Хри­санф со­брал во­круг се­бя несколь­ких об­ра­щен­ных ко Хри­сту юно­шей, а во­круг свя­той Да­рии со­бра­лись бла­го­че­сти­вые жен­щи­ны.

Го­ро­жане по­жа­ло­ва­лись епар­ху Ке­ле­ри­пу, что свя­тые Хри­санф и Да­рия про­по­ве­ду­ют без­бра­чие. Свя­той Хри­санф был от­дан на му­че­ния три­бу­ну Клав­дию.

Од­на­ко пыт­ки не смог­ли по­ко­ле­бать му­же­ство мо­ло­до­го му­че­ни­ка, ибо си­ла Бо­жия яв­но по­мо­га­ла ему. По­ра­жен­ный этим, три­бун Клав­дий уве­ро­вал во Хри­ста и при­нял Свя­тое Кре­ще­ние вме­сте с же­ной Ила­ри­ей, с сы­но­вья­ми Иа­со­ном и Мав­ром и со все­ми до­маш­ни­ми и во­и­на­ми. Ко­гда весть об этом до­шла до им­пе­ра­то­ра Ну­ме­ри­а­на (283–284), то он при­ка­зал всех их каз­нить. Му­че­ник три­бун Клав­дий был утоп­лен в мо­ре, а его сы­но­вья и во­и­ны бы­ли обез­глав­ле­ны. Хри­сти­ане по­хо­ро­ни­ли те­ла свя­тых му­че­ни­ков непо­да­ле­ку в пе­ще­ре, и свя­тая Ила­рия ста­ла по­сто­ян­но хо­дить ту­да, чтобы мо­лить­ся. Од­на­жды ее вы­сле­ди­ли и при­ве­ли на му­че­ния. Свя­тая по­про­си­ла дать ей несколь­ко ми­нут для мо­лит­вы, за­кон­чив ко­то­рую, скон­ча­лась. Слу­жан­ка по­хо­ро­ни­ла свя­тую в пе­ще­ре ря­дом с сы­но­вья­ми.

Свя­тую Да­рию му­чи­те­ли от­да­ли в блу­ди­ли­ще. Но там ее охра­нял по­слан­ный Бо­гом лев. Всех, кто пы­тал­ся осквер­нить свя­тую, лев ва­лил на зем­лю, но остав­лял жи­вы­ми. Му­че­ни­ца про­по­ве­до­ва­ла им Хри­ста и об­ра­ща­ла на путь спа­се­ния.

Свя­то­го Хри­сан­фа бро­си­ли в смрад­ную яму, ку­да сте­ка­ли все нечи­сто­ты го­ро­да. Но ему вос­си­ял Небес­ный Свет, а вме­сто смра­да яма на­пол­ни­лась бла­го­уха­ни­ем.

То­гда им­пе­ра­тор Ну­ме­ри­ан ве­лел от­дать свя­тых Хри­сан­фа и Да­рию в ру­ки па­ла­чей. По­сле ис­тя­за­ний му­че­ни­ки бы­ли жи­вы­ми за­ры­ты в зем­лю.

В пе­ще­ре, рас­по­ло­жен­ной непо­да­ле­ку от ме­ста каз­ни, ста­ли со­би­рать­ся хри­сти­ане, празд­нуя день му­че­ни­че­ской кон­чи­ны свя­тых. Они со­вер­ша­ли бо­го­слу­же­ния и при­ча­ща­лись Свя­тых Та­ин. Узнав об этом, язы­че­ские вла­сти при­ка­за­ли за­сы­пать вход в пе­ще­ру, за­пол­нен­ную мо­ля­щи­ми­ся.

Так в му­ках по­гиб­ло мно­же­ство хри­сти­ан, из ко­то­рых двое из­вест­ны по име­нам: му­че­ни­ки пре­сви­тер Ди­о­дор и диа­кон Ма­ри­ан.

См. так­же: "Стра­да­ние свя­тых му­че­ни­ков Хри­сан­фа и Да­рии" в из­ло­же­нии свт. Ди­мит­рия Ро­стов­ско­го.

Дария Римская

Жития мучеников Хрисанфа и Дарии и с ними мучеников Клавдия, Иларии, Иасона и Мавра, Диодора пресвитера и Мариана диакона

Свя­той Хри­санф про­ис­хо­дил из язы­че­ской се­мьи; по­лу­чил хо­ро­шее об­ра­зо­ва­ние. Сре­ди книг ему по­па­да­лись та­кие, в ко­то­рых языч­ни­ки рас­суж­да­ли о хри­сти­ан­стве. Но юно­ша за­хо­тел про­чи­тать кни­ги, на­пи­сан­ные са­ми­ми хри­сти­а­на­ми. Юно­ше до­ве­лось най­ти кни­ги Но­во­го За­ве­та. Свя­щен­ное Пи­са­ние про­све­ти­ло ду­шу ра­зум­но­го юно­ши. Он на­шел скры­вав­ше­го­ся от го­не­ний пре­сви­те­ра Кар­по­фо­ра и при­нял от него Свя­тое Кре­ще­ние. По­сле это­го он на­чал от­кры­то про­по­ве­до­вать Еван­ге­лие. Отец юно­ши вся­че­ски ста­рал­ся от­вра­тить сы­на от хри­сти­ан­ства и же­нил его на кра­са­ви­це Да­рии, жри­це Афи­ны Пал­ла­ды. Од­на­ко свя­той Хри­санф су­мел об­ра­тить свою же­ну ко Хри­сту, и мо­ло­дые су­пру­ги по обо­юд­но­му со­гла­сию ре­ши­ли ве­сти дев­ствен­ную жизнь. По­сле смер­ти от­ца они ста­ли жить в от­дель­ных до­мах. Свя­той Хри­санф со­брал во­круг се­бя несколь­ких об­ра­щен­ных ко Хри­сту юно­шей, а во­круг свя­той Да­рии со­бра­лись бла­го­че­сти­вые жен­щи­ны.

Го­ро­жане по­жа­ло­ва­лись епар­ху Ке­ле­ри­пу, что свя­тые Хри­санф и Да­рия про­по­ве­ду­ют без­бра­чие. Свя­той Хри­санф был от­дан на му­че­ния три­бу­ну Клав­дию.

Од­на­ко пыт­ки не смог­ли по­ко­ле­бать му­же­ство мо­ло­до­го му­че­ни­ка, ибо си­ла Бо­жия яв­но по­мо­га­ла ему. По­ра­жен­ный этим, три­бун Клав­дий уве­ро­вал во Хри­ста и при­нял Свя­тое Кре­ще­ние вме­сте с же­ной Ила­ри­ей, с сы­но­вья­ми Иа­со­ном и Мав­ром и со все­ми до­маш­ни­ми и во­и­на­ми. Ко­гда весть об этом до­шла до им­пе­ра­то­ра Ну­ме­ри­а­на (283–284), то он при­ка­зал всех их каз­нить. Му­че­ник три­бун Клав­дий был утоп­лен в мо­ре, а его сы­но­вья и во­и­ны бы­ли обез­глав­ле­ны. Хри­сти­ане по­хо­ро­ни­ли те­ла свя­тых му­че­ни­ков непо­да­ле­ку в пе­ще­ре, и свя­тая Ила­рия ста­ла по­сто­ян­но хо­дить ту­да, чтобы мо­лить­ся. Од­на­жды ее вы­сле­ди­ли и при­ве­ли на му­че­ния. Свя­тая по­про­си­ла дать ей несколь­ко ми­нут для мо­лит­вы, за­кон­чив ко­то­рую, скон­ча­лась. Слу­жан­ка по­хо­ро­ни­ла свя­тую в пе­ще­ре ря­дом с сы­но­вья­ми.

Свя­тую Да­рию му­чи­те­ли от­да­ли в блу­ди­ли­ще. Но там ее охра­нял по­слан­ный Бо­гом лев. Всех, кто пы­тал­ся осквер­нить свя­тую, лев ва­лил на зем­лю, но остав­лял жи­вы­ми. Му­че­ни­ца про­по­ве­до­ва­ла им Хри­ста и об­ра­ща­ла на путь спа­се­ния.

Свя­то­го Хри­сан­фа бро­си­ли в смрад­ную яму, ку­да сте­ка­ли все нечи­сто­ты го­ро­да. Но ему вос­си­ял Небес­ный Свет, а вме­сто смра­да яма на­пол­ни­лась бла­го­уха­ни­ем.

То­гда им­пе­ра­тор Ну­ме­ри­ан ве­лел от­дать свя­тых Хри­сан­фа и Да­рию в ру­ки па­ла­чей. По­сле ис­тя­за­ний му­че­ни­ки бы­ли жи­вы­ми за­ры­ты в зем­лю.

В пе­ще­ре, рас­по­ло­жен­ной непо­да­ле­ку от ме­ста каз­ни, ста­ли со­би­рать­ся хри­сти­ане, празд­нуя день му­че­ни­че­ской кон­чи­ны свя­тых. Они со­вер­ша­ли бо­го­слу­же­ния и при­ча­ща­лись Свя­тых Та­ин. Узнав об этом, язы­че­ские вла­сти при­ка­за­ли за­сы­пать вход в пе­ще­ру, за­пол­нен­ную мо­ля­щи­ми­ся.

Так в му­ках по­гиб­ло мно­же­ство хри­сти­ан, из ко­то­рых двое из­вест­ны по име­нам: му­че­ни­ки пре­сви­тер Ди­о­дор и диа­кон Ма­ри­ан.

См. так­же: "Стра­да­ние свя­тых му­че­ни­ков Хри­сан­фа и Да­рии" в из­ло­же­нии свт. Ди­мит­рия Ро­стов­ско­го.