Канон святым преподобным отцам Исаакию, Далмату и Фавсту Далматским

Припев: Преподо́бнии отцы́ Исаа́кие, Далма́те и Фа́всте, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 04 апреля (22 марта ст. ст.); 12 июня (30 мая ст. ст.); 16 августа (03 августа ст. ст.)

Глас 8.

Пе́снь 1.

Ирмо́с: Посе́ченный несеко́маго пресече́, и ви́де со́лнце зе́млю, ю́же не ви́де, лю́таго врага́ вода́ потопи́, и непроходи́мое про́йде Изра́иль, пе́снь же воспева́шеся: Го́сподеви пои́м, сла́вно бо просла́вися.

Све́ту Боже́ственному све́тло предстоя́ще, и трисо́лнечныя зари́ всегда́ наполня́еми, и прича́стием и́стинным обожа́еми, блаже́ннии, ве́рою пра́зднующия ва́шу па́мять всесвяще́нную, Го́сподеви пою́щия, боже́ственно озари́те.

Смотря́юще на еди́на пребыва́ющая, теку́щих стремле́ния вся́ко отри́нусте и, все́м умо́м Го́сподеви прилепля́ющеся, оста́вивше плотски́я сла́сти, отцы́ всечестни́и, те́мже к невече́рней зари́ преста́вистеся.

Свяще́нными поуче́нии окриля́емь, Далма́те, о́тче му́дре, и украша́емь боже́ственными уче́нии боже́ственнаго Исаа́кия, я́ве восте́кл еси́ к высоте́ доброде́телей и сто́лп и утвержде́ние мона́хов бы́л еси́, те́мже тя́ ублажа́ем.

Богоро́дичен: Препросла́вленная, Бо́га ро́ждшая, безсла́вия мя́ страсте́й премени́, и да́ждь ми́ по́мысл, Де́во, умиле́ния, и возсия́й покая́ния просвеще́ние, Чи́стая, в мы́сли мое́й, я́ко да велича́ю Тя́, все́х возвели́чившую.

Пе́снь 3.

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Неле́стную тя́ звезду́ восто́ка, преподо́бне о́тче, устреми́вшася, Исаа́кие, вси́ позна́хом, го́рькую ересе́й потребля́юща тму́ и ве́рныя словесы́ твои́ми просвеща́юща.

Разу́мно возсия́в чи́стыми сия́ньми, Фа́всте, по́двиг твои́х, о́тче, све́т бы́л еси́, просвеща́я вся́, зря́щия тя́, блаже́нне, и ве́рно житию́ твоему́ после́дующия.

Пе́сньми непреста́нными и моли́твами, преподо́бнии, стра́сти теле́сныя вся́ успи́вше, благода́ть неусы́пну и неотъе́млемо бога́тство от Бо́га прия́сте, преблаже́ннии.

До́лгим поще́нием, я́ко Моисе́й, преподо́бне, твое́ терпе́ние, Далма́те, все́м показа́л еси́, украша́яся пресве́тлыми твои́ми боле́зньми и удобря́яся житие́м твои́м.

Богоро́дичен: У́мный Тя́ све́щник и светоза́рен позна́хом, вну́трь прие́мшую, Де́во, О́гнь нестерпи́мый, Боже́ственную пала́ту и высо́кий престо́л, на не́мже почи́ Пресу́щественный.

Седа́лен, гла́с 8.

Све́том Тро́ическим све́тло осия́вшеся, отцы́, светови́дно, тму́ оста́висте сласте́й глубо́кую и свети́льницы де́лы боже́ственными, просвеща́юще ве́рных сердца́, блаже́ннии, яви́стеся. Те́мже светоно́сную и честну́ю ва́шу па́мять почита́ем дне́сь и согла́сно взыва́ем: богоно́снии пребога́тии, моли́те Христа́ Бо́га согреше́ний оставле́ние дарова́ти чту́щим любо́вию святу́ю па́мять ва́шу.

Богоро́дичен: Я́ко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца млеко́м пита́еши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е Рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Крестобогоро́дичен: А́гнца и Па́стыря и Изба́вителя, А́гница зря́щи на Кресте́, восклица́ше, пла́чущи, и, го́рько рыда́ющи, вопия́ше: ми́р у́бо ра́дуется, прие́мля Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние, ве́рою пою́щим Боже́ственныя Стра́сти Твоя́.

Пе́снь 4.

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Я́ко многопло́дны ло́зы и́стиннаго виногра́да бы́вше, вино́ источи́ша преподо́бнии чи́стое все́м умиле́ния.

Собо́ру согла́сника, преподо́бне Далма́те, вси́ тя позна́хом, благочести́выя утвержда́юща и го́рдыя отрева́юща.

Я́ко па́че все́х просия́вша, все́х преиме́ти попече́ние тя́, блаже́нне, боже́ственный собо́р предповеле́, доброде́тельми боже́ственными укра́шена.

Богоро́дичен: Дрема́нием ле́ности мя́ со́н грехо́вный, Чи́стая, пости́же, бде́нною моли́твою Твое́ю к покая́нию ны́не воздви́гни.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Пресе́льник от восто́ка к Ца́рскому гра́ду бы́л еси́ и боже́ственным се́менем жи́тницу сего́ умно́жил еси́, искорени́в вся́к лука́вый А́риев вре́д, свяще́нне о́тче Исаа́кие.

Учени́к Исаа́кию, я́коже Илии́ Елиссе́й, бы́л еси́, свяще́нне Далма́те, ми́лотию дарова́ний Ду́ха разделя́я во́ду лука́ваго де́монов вре́да и ве́рным управля́я пу́ть.

Зако́ном Боже́ственным повину́вся, зако́н грехо́вных до конца́ уклони́вся, и яви́лся еси́ сто́лп предъиды́й боже́ственнаго собо́ра, богоно́се Фа́всте, и мона́хов пра́вило и о́браз, и ве́рных непоколеби́мое утвержде́ние.

Богоро́дичен: И́стинную Богоро́дицу Тя́ вси́ ро́дове родо́в сла́вят, святе́йшу а́нгел я́ве бы́вшу, Пресвята́я Де́во. Те́мже вопию́: освяти́ мою́ ду́шу, оскве́рншуюся страстьми́.

Пе́снь 6.

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя.

Собесе́дник яви́лся еси́ а́нгелом, о́нех бо поревнова́л еси́ житию́ на земли́, пу́ть ше́ствуя, Далма́те, и воздержа́нием истнева́я те́ло твое́, наста́вниче мона́хов и пра́вило вои́стинну изве́стнейшее.

Ре́вностию Госпо́дни любве́, я́коже Илия́, распаля́емь, блаже́нне, я́ко Аха́ва, предста́теля тмы́ со дерзнове́нием, Исаа́кие, обличи́л еси́, неду́говавша лука́вою А́рия безу́мнаго е́ресию.

Яви́стеся наста́вницы заблу́ждшим и приста́нища ве́рно спаса́емым, чудотво́рцы, богоно́снии отцы́ Фа́всте, и Далма́те, и боже́ственный Исаа́кие, служи́тели Иису́совы, мона́шествующих свети́льницы присносве́тлии.

Богоро́дичен: Неду́говавшую ду́шу мою́ грехми́ и вся́кими врага́ искуше́ньми, посеще́нием, Пресвята́я Де́во, спаси́тельным Твои́м поспеше́нием посети́ и исцели́, я́ко Блага́, Богоро́дице, упова́ние мое́, Препе́тая.

Конда́к, гла́с 2.

Поще́нием возсия́вшия, я́ко свети́ла, и е́реси разврати́вшия ве́рою, пе́сньми Исаа́кия восхва́лим и с Далма́том Фа́вста, я́ко Христо́вы уго́дники, Того́ моля́щия о все́х на́с.

И́кос:

Кто́ дово́лен от челове́к изрещи́ преподо́бных оте́ц све́тлыя доброде́тели, и по́двиги, и труды́, ре́вность боже́ственную, дерзнове́ние чи́стое жития́, боже́ственная дея́ния, я́же на земли́ соверши́ша си́и, я́ко а́нгели? Но, оба́че сия́ чту́ще, Тро́ицу ве́рно воспое́м: ти́и бо, То́й све́тло со а́нгельскими ли́ки предстоя́ще, при́сно мо́лят о все́х на́с.

Пе́снь 7.

Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.

У́глие яви́стеся, Боже́ственным вжига́еми огне́м Уте́шителя, попаля́юще у́бо ве́щь зло́бную, ве́рныя же просвеща́юще, богоно́снии, во ве́ки.

Те́ло умертви́в поще́нием, покори́л еси́ ду́ху, Далма́те, и зло́бу вра́жию потопи́л еси́ ту́чами душе́вных сле́з твои́х, богоно́се, во ве́ки.

Кончи́ну блаже́нну обре́тше, в небе́снем живете́ Ца́рствии и преподо́бным лико́м совокупи́стеся, отцы́, с ни́миже вопие́те: Го́споди Бо́же, благослове́н еси́.

Богоро́дичен: Уста́вила еси́ то́к сме́ртный, Безсме́ртнаго Бо́га ро́ждши, еди́на Богоро́дице Чи́стая, Ему́же ве́рою пое́м: благослове́н еси́, Го́споди Бо́же, во ве́ки.

Пе́снь 8.

Ирмо́с: Седмери́цею пе́щь халде́йский мучи́тель, Богочести́вым неи́стовно разжже́; си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Жезло́м кре́стным мо́ре страсте́й расто́ргше, всю́ фарао́на мы́сленнаго си́лу погуби́сте, преподо́бнии, и мона́хов мно́жество свяще́нное к земли́ безстра́стия, пою́ще Сего́ непреста́нно, спасо́сте, отцы́: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Ерети́чествующих возвыше́ние проявле́нно смири́л еси́, издале́ча прови́дев те́х разруше́ние, ни́щим помо́гл еси́ и во́ждь бы́л еси́ слепы́х, ста́рости же́зл и вдови́ц утеше́ние, Далма́те, взыва́я: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Ты́ ко тре́м четы́редесяте дни́й пости́лся еси́, а́бие толи́ки па́че естества́ усну́л еси́, бо́дренно име́я твое́ серде́чное о́ко, му́дре, и Бо́жиею просвеща́емь заре́ю. К Нему́же вопие́ши, Далма́те: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Богоро́дичен: Всели́выйся Госпо́дь в нескве́рное чре́во Твое́ всю́ чи́сту и светоза́рну Тя́ показа́. Те́мже, оскверне́на мя́ го́рькими обы́чаи и вре́дными проти́вных нахо́ды, очи́сти, Де́во, и сподо́би пе́ти: лю́дие, превозноси́те Го́спода во ве́ки.

Пе́снь 9.

Ирмо́с: Устраши́ся вся́к слу́х неизрече́нна Бо́жия снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва бы́в Челове́к. Те́мже Пречи́стую Богоро́дицу, ве́рнии, велича́ем.

Возмого́ша, си́лою Христо́вою укрепля́еми, немощно́е шата́ние борца́ победи́ти, небому́дреннии, мона́хов нача́льницы, и, ны́не крася́щеся, преидо́ша к дворо́м мы́сленным, ра́дующеся.

Яви́стеся трисве́тлыя свещи́, невече́рнюю зарю́ испуща́юще, цве́ти неувяда́емии ра́йстии, благоуха́юще мы́сли ве́рных, отцы́ требога́тии. Те́мже па́мять ва́шу всепра́зднственную ве́рно пра́зднуем.

Я́коже венце́м благоле́пным, обложе́ни, прему́дрии, безстра́стием и оде́яни Боже́ственныя любве́ исправле́ньми, в черто́г Христо́в, ра́дующеся, внидо́сте, почива́юще и боле́зней воздая́ния прие́млюще.

Облиста́ сия́нием мы́сленным, озаря́ющи ве́рных соста́вы, боже́ственная па́мять ва́ша, блаже́ннии, Далма́те, Фа́всте и Исаа́кие, мона́шествующих нача́льницы, свети́льницы всеми́рнии. Те́мже просвети́те и на́ша душе́вная чу́вствия.

Богоро́дичен: Просвети́, Две́ре Све́та, се́рдце мое́, зло́бою осле́пшее, и да не в сме́рть попу́стиши ны́не усну́ти ми́, нечи́стыми по́мыслы при́сно помрача́емому, да сла́влю Тя́ благода́рно, Богоро́дице Всепе́тая.

Пѣ́снь а҃.

І҆рмо́съ: Посѣ́ченный несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ, лю́таго врага̀ вода̀ потопѝ, и҆ непроходи́мое про́йде і҆и҃ль, пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ.

Свѣ́тꙋ бжⷭ҇твенномꙋ свѣ́тлѡ предстоѧ́ще, и҆ трисо́лнечныѧ зарѝ всегда̀ наполнѧ́еми, и҆ прича́стїемъ и҆́стиннымъ ѡ҆божа́еми блаже́ннїи, вѣ́рою пра́зднꙋющыѧ ва́шꙋ па́мѧть всесвѧще́ннꙋю, гдⷭ҇еви пою́щыѧ бжⷭ҇твеннѡ ѡ҆зари́те.

Смотрѧ́юще на є҆ди̑на пребыва̑ющаѧ, текꙋ́щихъ стремлє́нїѧ всѧ́кѡ ѿри́нꙋсте, и҆ всѣ́мъ ᲂу҆мо́мъ гдⷭ҇еви прилѣплѧ́ющесѧ, ѡ҆ста́вивше плотскі̑ѧ сла̑сти, ѻ҆тцы̀ всечестні́и: тѣ́мже къ невече́рнѣй зарѝ преста́вистесѧ.

Свѧще́нными поꙋчє́нїи ѡ҆крилѧ́емь, далма́те ѻ҆́тче мꙋ́дре, и҆ ᲂу҆краша́емь бжⷭ҇твенными ᲂу҆чє́нїи бжⷭ҇твеннагѡ і҆саа́кїа, ꙗ҆́вѣ восте́клъ є҆сѝ къ высотѣ̀ добродѣ́телей, и҆ сто́лпъ и҆ ᲂу҆твержде́нїе мона́хѡвъ бы́лъ є҆сѝ: тѣ́мже тѧ̀ ᲂу҆блажа́емъ.

Бг҃оро́диченъ: Препросла́вленнаѧ, бг҃а ро́ждшаѧ, безсла́вїѧ мѧ̀ страсте́й премѣнѝ, и҆ да́ждь мѝ по́мыслъ, дв҃о, ᲂу҆миле́нїѧ: и҆ возсїѧ́й покаѧ́нїѧ просвѣще́нїе, чⷭ҇таѧ, въ мы́сли мое́й, ꙗ҆́кѡ да велича́ю тѧ̀ всѣ́хъ возвели́чившꙋю.

Пѣ́снь г҃.

І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче.

Неле́стнꙋю тѧ̀ ѕвѣздꙋ̀ восто́ка, прпⷣбне ѻ҆́тче, ᲂу҆стреми́вшасѧ, і҆саа́кїе, всѝ позна́хомъ, го́рькꙋю є҆ресе́й потреблѧ́юща тмꙋ̀, и҆ вѣ̑рныѧ словесы̀ твои́ми просвѣща́юща.

Разꙋ́мнѡ возсїѧ́въ чи́стыми сїѧ́ньми, фа́ѵсте, пѡ́двигъ твои́хъ, ѻ҆́тче, свѣ́тъ бы́лъ є҆сѝ, просвѣща́ѧ всѧ̑ зрѧ́щыѧ тѧ̀, бл҃же́нне, и҆ вѣ́рнѡ житїю̀ твоемꙋ̀ послѣ́дꙋющыѧ.

Пѣ́сньми непреста́нными, и҆ мл҃твами, прпⷣбнїи, стра̑сти тѣлє́сныѧ всѧ̑ ᲂу҆спи́вше, благода́ть неꙋсы́пнꙋ, и҆ неѿе́млемо бога́тство ѿ бг҃а прїѧ́сте, пребл҃же́ннїи.

До́лгимъ поще́нїемъ ꙗ҆́кѡ мѡѷсе́й, прпⷣбне, твоѐ терпѣ́нїе, далма́те, всѣ̑мъ показа́лъ є҆сѝ, ᲂу҆краша́ѧсѧ пресвѣ́тлыми твои́ми болѣ́зньми, и҆ ᲂу҆добрѧ́ѧсѧ житїе́мъ твои́мъ.

Бг҃оро́диченъ: Оу҆́мный тѧ̀ свѣ́щникъ, и҆ свѣтоза́ренъ позна́хомъ, внꙋ́трь прїе́мшꙋю, дв҃о, ѻ҆́гнь нестерпи́мый, бжⷭ҇твеннꙋю пала́тꙋ, и҆ высо́кїй прⷭ҇то́лъ, на не́мже почѝ пресꙋ́щественный.

Сѣда́ленъ, гла́съ и҃.

Свѣ́томъ трⷪ҇ческимъ свѣ́тлѡ ѡ҆сїѧ́вшесѧ, ѻ҆тцы̀, свѣтови́днѡ, тмꙋ̀ ѡ҆ста́висте сласте́й глꙋбо́кꙋю, и҆ свѣти́льницы дѣ́лы бжⷭ҇твенными просвѣща́юще вѣ́рныхъ сердца̀, блаже́ннїи, ꙗ҆ви́стесѧ. тѣ́мже свѣтоно́снꙋю и҆ честнꙋ́ю ва́шꙋ па́мѧть почита́емъ дне́сь, и҆ согла́снѡ взыва́емъ: бг҃оно́снїи пребога́тїи, моли́те хрⷭ҇та̀, бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть ва́шꙋ.

Бг҃оро́диченъ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀.

Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стра̑сти твоѧ̑.

Пѣ́снь д҃.

І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀.

Ꙗ҆́кѡ многопло́дны ло́зы и҆́стиннагѡ вїногра́да бы́вше, вїно̀ и҆сточи́ша, прпⷣбнїи, чи́стое всѣ̑мъ ᲂу҆миле́нїѧ.

Собо́рꙋ согла́сника, прпⷣбне далма́те, вси́ тѧ позна́хомъ, благочести̑выѧ ᲂу҆твержда́юща, и҆ гѡ́рдыѧ ѿрѣва́юща.

Ꙗ҆́кѡ па́че всѣ́хъ просїѧ́вша, всѣ́хъ преимѣ́ти попече́нїе тѧ̀, блаже́нне, бжⷭ҇твенный собо́ръ предповелѣ̀, добродѣ́тельми бжⷭ҇твенными ᲂу҆кра́шена.

Бг҃оро́диченъ: Дрема́нїемъ лѣ́ности мѧ̀ со́нъ грѣхо́вный, чⷭ҇таѧ, пости́же, бдѣ́нною моли́твою твое́ю къ покаѧ́нїю ны́нѣ воздви́гни.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Пресе́льникъ ѿ восто́ка къ ца́рскомꙋ гра́дꙋ бы́лъ є҆сѝ, и҆ бж҃е́ственнымъ сѣ́менемъ жи́тницꙋ сегѡ̀ ᲂу҆мно́жилъ є҆сѝ, и҆скорени́въ всѧ́къ лꙋка́вый а҆́рїевъ вре́дъ, свѧще́нне ѻ҆́тче і҆саа́кїе.

Оу҆чени́къ і҆саа́кїю, ꙗ҆́коже и҆лїѝ є҆лїссе́й бы́лъ є҆сѝ, свѧще́нне далма́те, ми́лѡтїю дарова́нїй дх҃а, раздѣлѧ́ѧ во́дꙋ лꙋка́вагѡ де́мѡнѡвъ вре́да, и҆ вѣ̑рнымъ ᲂу҆правлѧ́ѧ пꙋ́ть.

Зако́нѡмъ бжⷭ҇твєннымъ повинꙋ́всѧ, закѡ́нъ грѣхо́вныхъ до конца̀ ᲂу҆клони́всѧ, и҆ ꙗ҆ви́лсѧ є҆сѝ сто́лпъ пред̾иды́й бжⷭ҇твеннагѡ собо́ра, бг҃оно́се фа́ѵсте, и҆ мона́хѡвъ пра́вило и҆ ѻ҆́бразъ, и҆ вѣ́рныхъ непоколеби́мое ᲂу҆твержде́нїе.

Бг҃оро́диченъ: И҆́стиннꙋю бцⷣꙋ тѧ̀ всѝ ро́дове родѡ́въ сла́вѧтъ, свѧтѣ́йшꙋ а҆́гг҃лъ ꙗ҆́вѣ бы́вшꙋ, прест҃а́ѧ дв҃о. тѣ́мже вопїю̀: ѡ҆свѧтѝ мою̀ дꙋ́шꙋ ѡ҆скве́рншꙋюсѧ страстьмѝ.

Пѣ́снь ѕ҃.

І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ.

Собесѣ́дникъ ꙗ҆ви́лсѧ є҆сѝ а҆́гг҃лѡмъ: ѻ҆́нѣхъ бо поревнова́лъ є҆сѝ житїю̀ на землѝ, пꙋ́ть ше́ствꙋѧ, далма́те, и҆ воздержа́нїемъ и҆стнѣва́ѧ тѣ́ло твоѐ, наста́вниче мона́хѡвъ, и҆ пра́вило вои́стиннꙋ и҆звѣ́стнѣйшее.

Ре́вностїю гдⷭ҇ни любвѐ, ꙗ҆́коже и҆лїа̀ распалѧ́емь, бл҃же́нне, ꙗ҆́кѡ а҆ха́ва предста́телѧ тмы̀ со дерзнове́нїемъ, і҆саа́кїе ѡ҆бличи́лъ є҆сѝ, недꙋ́говавша лꙋка́вою а҆́рїа безꙋ́мнагѡ є҆́ресїю.

Ꙗ҆ви́стесѧ наста̑вницы заблꙋ́ждшымъ, и҆ приста̑нища вѣ́рнѡ спаса́ємымъ, чꙋдотво́рцы бг҃оно́снїи ѻ҆тцы̀, фа́ѵсте и҆ далма́те, и҆ бжⷭ҇твенный і҆саа́кїе, слꙋжи́тели і҆и҃совы мона́шествꙋющихъ свѣти́льницы присносвѣ́тлїи.

Бг҃оро́диченъ: Недꙋ́говавшꙋю дꙋ́шꙋ мою̀ грѣхмѝ, и҆ всѧ́кими врага̀ и҆скꙋше́ньми, посѣще́нїемъ, прест҃а́ѧ дв҃о, спаси́тельнымъ твои́мъ поспѣше́нїемъ посѣтѝ, и҆ и҆сцѣлѝ ꙗ҆́кѡ блага̀, бцⷣе, ᲂу҆пова́нїе моѐ, препѣ́таѧ.

Конда́къ, гла́съ в҃.

Поще́нїемъ возсїѧ́вшыѧ ꙗ҆́кѡ свѣти̑ла, и҆ є҆́рєси разврати́вшыѧ вѣ́рою, пѣ́сньми і҆саа́кїа восхва́лимъ, и҆ съ далма́томъ фа́ѵста, ꙗ҆́кѡ хрⷭ҇то́вы ᲂу҆го́дники, того̀ молѧ́щыѧ ѡ҆ всѣ́хъ на́съ.

І҆́косъ:

Кто̀ дово́ленъ ѿ человѣ̑къ и҆зрещѝ прпⷣбныхъ ѻ҆тє́цъ свѣ̑тлыѧ добродѣ́тєли, и҆ по́двиги и҆ трꙋды̀, ре́вность бжⷭ҇твеннꙋю, дерзнове́нїе чи́стое житїѧ̀, бжⷭ҇твєннаѧ дѣѧ̑нїѧ, ꙗ҆̀же на землѝ соверши́ша, сі́и ꙗ҆́кѡ а҆́гг҃ли; но ѻ҆ба́че сїѧ̑ чтꙋ́ще, трⷪ҇цꙋ вѣ́рнѡ воспое́мъ: ті́и бо то́й свѣ́тлѡ со а҆́гг҃льскими ли́ки предстоѧ́ще, при́снѡ мо́лѧтъ ѡ҆ всѣ́хъ на́съ.

Пѣ́снь з҃.

І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки.

Оу҆́глїе ꙗ҆ви́стесѧ, бжⷭ҇твеннымъ вжига́еми ѻ҆гне́мъ ᲂу҆тѣ́шителѧ, попалѧ́юще ᲂу҆́бѡ ве́щь ѕло́бнꙋю, вѣ̑рныѧ же просвѣща́юще бг҃оно́снїи во вѣ́ки.

Тѣ́ло ᲂу҆мертви́въ поще́нїемъ, покори́лъ є҆сѝ дꙋ́хꙋ далма́те, и҆ ѕло́бꙋ вра́жїю потопи́лъ є҆сѝ тꙋ́чами дꙋше́вныхъ сле́зъ твои́хъ, бг҃оно́се, во вѣ́ки.

Кончи́нꙋ блаже́ннꙋ ѡ҆брѣ́тше, въ нбⷭ҇нѣмъ живетѐ ца́рствїи, и҆ прпⷣбнымъ ликѡ́мъ совокꙋпи́стесѧ, ѻ҆тцы̀, съ ни́миже вопїе́те: гдⷭ҇и бж҃е, бл҃гослове́нъ є҆сѝ.

Бг҃оро́диченъ: Оу҆ста́вила є҆сѝ то́къ сме́ртный, безсме́ртнаго бг҃а ро́ждши, є҆ди́на бцⷣе чⷭ҇таѧ. є҆мꙋ́же вѣ́рою пое́мъ: бл҃гослове́нъ є҆сѝ, гдⷭ҇и бж҃е, во вѣ́ки.

Пѣ́снь и҃.

І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки.

Жезло́мъ крⷭ҇тнымъ мо́ре страсте́й расто́ргше, всю̀ фараѡ́на мы́сленнагѡ си́лꙋ погꙋби́сте, прпⷣбнїи, и҆ мона́хѡвъ мно́жество свѧще́нное, къ землѝ безстра́стїѧ, пою́ще сего̀ непреста́ннѡ спасо́сте, ѻ҆тцы̀: ѻ҆́троцы благослови́те, свѧще́нницы воспо́йте, лю́дїе превозноси́те во всѧ̑ вѣ́ки.

Є҆реті́чествꙋющихъ возвыше́нїе проѧвле́ннѡ смири́лъ є҆сѝ, и҆здале́ча прови́дѣвъ тѣ́хъ разрꙋше́нїе. ни́щымъ помо́глъ є҆сѝ, и҆ во́ждь бы́лъ є҆сѝ слѣпы́хъ, ста́рости же́злъ, и҆ вдови́цъ ᲂу҆тѣше́нїе, далма́те, взыва́ѧ: ѻ҆́троцы благослови́те, свѧще́нницы воспо́йте, лю́дїе превозноси́те во всѧ̑ вѣ́ки.

Ты̀ ко тре́мъ четы́редесѧте дні́й пости́лсѧ є҆сѝ, а҆́бїе толи́ки па́че є҆стества̀ ᲂу҆снꙋ́лъ є҆сѝ, бо́дренно и҆мѣ́ѧ твоѐ серде́чное ѻ҆́ко, мꙋ́дре, и҆ бж҃їею просвѣща́емь заре́ю. къ немꙋ́же вопїе́ши, далма́те: ѻ҆́троцы благослови́те: свѧще́нницы воспо́йте, лю́дїе превозноси́те во всѧ̑ вѣ́ки.

Бг҃оро́диченъ: Всели́выйсѧ гдⷭ҇ь въ нескве́рное чре́во твоѐ: всю̀ чи́стꙋ и҆ свѣтоза́рнꙋ тѧ̀ показа̀. тѣ́мже ѡ҆скверне́на мѧ̀ го́рькими ѻ҆бы̑чаи и҆ вре́дными проти́вныхъ нахѡ́ды, ѡ҆чи́сти, дв҃о, и҆ сподо́би пѣ́ти: лю́дїе, превозноси́те гдⷭ҇а во вѣ́ки.

Пѣ́снь ѳ҃.

І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ. тѣ́мже пречи́стꙋю бцⷣꙋ вѣ́рнїи велича́емъ.

Возмого́ша си́лою хрⷭ҇то́вою ᲂу҆крѣплѧ́еми, немощно́е шата́нїе борца̀ побѣди́ти, нб҃омꙋ́дреннїи, мона́хѡвъ нача̑льницы: и҆ ны́нѣ красѧ́щесѧ, преидо́ша къ дворѡ́мъ мы́слєннымъ ра́дꙋющесѧ.

Ꙗ҆ви́стесѧ трисвѣ̑тлыѧ свѣщы̀, невече́рнюю зарю̀ и҆спꙋща́юще, цвѣ́ти неꙋвѧда́емїи ра́йстїи, благоꙋха́юще мы̑сли вѣ́рныхъ, ѻ҆тцы̀ требога́тїи. тѣ́мже па́мѧть ва́шꙋ всепра́зднственнꙋю вѣ́рнѡ пра́зднꙋемъ.

Ꙗ҆́коже вѣнце́мъ благолѣ́пнымъ, ѡ҆бложе́ни премꙋ́дрїи безстра́стїемъ, и҆ ѡ҆дѣ́ѧни бжⷭ҇твенныѧ любвѐ и҆справле́ньми, въ черто́гъ хрⷭ҇то́въ ра́дꙋющесѧ внидо́сте, почива́юще, и҆ болѣ́зней воздаѧ̑нїѧ прїе́млюще:

Ѡ҆блиста̀ сїѧ́нїемъ мы́сленнымъ, ѡ҆зарѧ́ющи вѣ́рныхъ соста́вы, бжⷭ҇твеннаѧ па́мѧть ва́ша бл҃же́ннїи, далма́те, фа́ѵсте и҆ і҆саа́кїе, мона́шествꙋющихъ нача̑льницы, свѣти́льницы всемі́рнїи. тѣ́мже просвѣти́те и҆ на̑ша дꙋшє́внаѧ чꙋ̑вствїѧ.

Бг҃оро́диченъ: Просвѣтѝ, две́ре свѣ́та, се́рдце моѐ, ѕло́бою ѡ҆слѣ́пшее, и҆ да не въ сме́рть попꙋ́стиши ны́нѣ ᲂу҆снꙋ́ти мѝ, нечи́стыми пѡ́мыслы при́снѡ помрача́емомꙋ: да сла́влю тѧ̀ благода́рнѡ, бцⷣе всепѣ́таѧ.

Исаа́кий Далматский

Пре­по­доб­ный Иса­а­кий про­ис­хо­дил «с во­сто­ка», по всей ве­ро­ят­но­сти из Си­рии. Он под­ви­зал­ся в пу­стыне, по­ка не услы­шал го­лос с небес, по­велев­ший ему от­пра­вить­ся в Кон­стан­ти­но­поль. При­быв ту­да, свя­той за­стал сто­ли­цу охва­чен­ной ере­сью ари­ан­ства, при­вер­жен­цем ко­то­рой был им­пе­ра­тор Ва­лент (364–378). Ко­гда им­пе­ра­тор со­би­рал­ся на вой­ну с вар­ва­ра­ми[1], прп. Иса­а­кий несколь­ко раз под­хо­дил к нему с уве­ще­ва­ни­я­ми, про­ся от­крыть церк­ви и пре­кра­тить го­не­ния на пра­во­слав­ных. За это при­бли­жен­ные им­пе­ра­то­ра из­би­ли свя­то­го, а Ва­лент при­ка­зал бро­сить его в зло­вон­ное бо­ло­то, из ко­то­ро­го жи­вым не вы­би­ра­лось ни од­но су­ще­ство. Но 2 ан­ге­ла чу­дес­ным об­ра­зом из­ба­ви­ли прп. Иса­а­кия от ги­бе­ли. При­дя к им­пе­ра­то­ру в по­след­ний раз, он пред­ска­зал ему по­ра­же­ние в войне и ги­бель в огне. Раз­гне­ван­ный им­пе­ра­тор по­ве­лел бро­сить по­движ­ни­ка в тем­ни­цу до сво­е­го воз­вра­ще­ния. По про­ро­че­ству свя­то­го ар­мия Ва­лен­та бы­ла раз­би­та вар­ва­ра­ми, а им­пе­ра­тор, спа­са­ясь бег­ством, сго­рел в де­ре­вян­ном ам­ба­ре, по­до­жжен­ном пре­сле­до­ва­те­ля­ми.

О встре­че прп. Иса­а­кия с Ва­лен­том и пред­ска­за­нии по­ра­же­ния и ги­бе­ли им­пе­ра­то­ра со­об­ща­ют так­же цер­ков­ные ис­то­ри­ки блж. Фе­о­до­рит Кир­ский[2], Со­зо­мен[3] и неко­то­рые дру­гие. В си­нак­сар­ном Жи­тии прп. Исаакия[4] в свя­зи с эти­ми со­бы­ти­я­ми при­ве­де­на ис­то­рия, не встре­ча­ю­ща­я­ся в дру­гих ре­дак­ци­ях: святой узнал о ги­бе­ли им­пе­ра­то­ра еще до то­го, как ве­сти до­шли до Кон­стан­ти­но­по­ля, ибо он чу­дес­ным об­ра­зом чув­ство­вал за­пах со­жжен­но­го те­ла, до­но­сив­ший­ся с ме­ста сра­же­ния[5]. Эта ис­то­рия бы­ла впо­след­ствии пе­ре­ска­за­на ис­то­ри­ком Иоан­ном Зо­на­рой[6].

По­сле смер­ти им­пе­ра­то­ра Ва­лен­та на пре­стол взо­шел им­пе­ра­тор Фе­о­до­сий I Ве­ли­кий (379–395). Услы­шав о про­ро­че­стве свя­то­го, им­пе­ра­тор при­ка­зал от­пу­стить его из тем­ни­цы и с по­че­стя­ми при­нял во двор­це. По­сле это­го прп. Иса­а­кий, со­глас­но Жи­тию, участ­во­вал во II Все­лен­ском Со­бо­ре (381) (од­на­ко в спис­ках участ­ни­ков Со­бо­ра он не от­ме­чен). За­тем свя­той хо­тел вер­нуть­ся в пу­сты­ню, но бла­го­че­сти­вые вель­мо­жи Са­тур­нин и Вик­тор про­си­ли его не по­ки­дать Кон­стан­ти­но­поль и не остав­лять сво­их ду­хов­ных чад. Вняв их уго­во­рам, прп. Иса­а­кий по­про­сил по­стро­ить ему ке­лью. Каж­дый из вель­мож воз­вел в сво­ем име­нии жи­ли­ще для него, и свя­той вы­брал скром­ную ке­лью, со­ору­жен­ную Са­тур­ни­ном. Она на­хо­ди­лась в при­го­ро­де Кон­стан­ти­но­по­ля, за го­род­ски­ми сте­на­ми. К свя­то­му при­хо­ди­ло мно­го лю­дей из го­ро­да, он по­се­щал жи­те­лей по их прось­бам, чтобы по­мо­лить­ся с ни­ми и бла­го­сло­вить их до­ма. Им­пе­ра­тор Фе­о­до­сий так­же неод­но­крат­но при­гла­шал его во дво­рец. Прп. Иса­а­кий все­гда стре­мил­ся по­мо­гать бед­ным, и ес­ли кто-то, встре­тив его на до­ро­ге, про­сил ми­ло­сты­ни, то он сни­мал с се­бя плащ и от­да­вал ни­ще­му. Ес­ли он воз­вра­щал­ся из го­ро­да и во­ро­та уже бы­ли за­кры­ты, то по­сле мо­лит­вы и крест­но­го зна­ме­ния свя­то­го они все­гда чу­дес­ным об­ра­зом от­кры­ва­лись. Через неко­то­рое вре­мя во­круг ке­льи Иса­а­кия был ос­но­ван мо­на­стырь, впо­след­ствии на­зван­ный Дал­ма­та мо­на­стырь, ко­то­рый счи­тал­ся древ­ней­шим в Кон­стан­ти­но­по­ле[7]; там свя­той про­жил до кон­ца сво­их дней.

По­чув­ство­вав при­бли­же­ние смер­ти, прп. Иса­а­кий со­звал уче­ни­ков, на­став­лял их в пра­вой ве­ре и вы­брал сре­ди них од­но­го, по име­ни Дал­мат, ко­то­ро­го на­зна­чил сво­им пре­ем­ни­ком.

По­сле кон­чи­ны свя­то­го им­пе­ра­тор при­ка­зал со­вер­шить тор­же­ствен­ное по­гре­бе­ние с про­цес­си­ей к церк­ви св. Ири­ны (ко­то­рая то­гда бы­ла ка­фед­раль­ным со­бо­ром Кон­стан­ти­но­по­ля). Бра­тия мо­на­сты­ря и уче­ни­ки свя­то­го ис­про­си­ли раз­ре­ше­ние по­ло­жить остан­ки Иса­а­кия в церк­ви св. Сте­фа­на, по­стро­ен­ной непо­да­ле­ку от Дал­мат­ско­го мо­на­сты­ря. Св. Иса­а­кий был по­гре­бен в ал­та­ре это­го хра­ма, спра­ва от свя­то­го пре­сто­ла.

Ис­хо­дя из тек­ста Жи­тия Иса­а­кия, го­дом его смер­ти сле­ду­ет счи­тать 383-й[8]. Од­на­ко дру­гие ис­точ­ни­ки та­кую да­ту не под­твер­жда­ют. Со­глас­но Жи­тию Дал­ма­та, Иса­а­кий жил еще при ар­хи­епи­ско­пе Ат­ти­ке (406–425). Кал­ли­ник, ав­тор Жи­тия прп. Ипа­тия Ру­фи­ни­ан­ско­го, так­же со­об­ща­ет, что св. Иса­а­кий был жив еще в 406 г., ко­гда по­се­щал прп. Ипа­тия в его мо­на­сты­ре. При этом дру­гая вер­сия Жи­тия Дал­ма­та, из­дан­ная М. Ге­део­ном, под­твер­жда­ет 383 г. как да­ту кон­чи­ны свя­то­го, од­на­ко сам из­да­тель кри­ти­че­ски от­но­сит­ся к да­ти­ров­кам это­го со­чи­не­ния, ука­зы­вая на раз­но­об­раз­ные несо­от­вет­ствия, встре­ча­ю­щи­е­ся в тек­сте[9].

Ис­сле­до­ва­те­ли неод­но­крат­но за­тра­ги­ва­ли этот во­прос, и, по об­ще­му мне­нию, 383 г. нель­зя счи­тать го­дом смер­ти пре­по­доб­но­го. В на­сто­я­щее вре­мя об­ще­при­знан­ной яв­ля­ет­ся да­ти­ров­ка его кон­чи­ны пе­ри­о­дом по­сле 406 г.[10] Неко­то­рые ис­сле­до­ва­те­ли бо­лее кон­крет­но опре­де­ля­ют год смер­ти св. Иса­а­кия. Так, А. Ка­ме­рон от­но­сит его кон­чи­ну к 416 г. на ос­но­ва­нии дан­ных о церк­ви пер­во­мч. Сте­фа­на, в ко­то­рой бы­ли по­ло­же­ны мо­щи Иса­а­кия[11]. Су­ще­ству­ет мне­ние, что свя­той скон­чал­ся в 424 или 425 г.[12]

Со­глас­но О. Мей­нар­ду­су, ча­сти­цы мо­щей прпп. Иса­а­кия и Дал­ма­та хра­нят­ся в ски­ту Но­вая Фива­и­да на Афоне[13].

По­чи­та­ние прп. Иса­а­кия в Рос­сии свя­за­но с лич­но­стью им­пе­ра­то­ра Пет­ра I, день рож­де­ния ко­то­ро­го (30 мая) сов­пал с днем па­мя­ти свя­то­го. Им­пе­ра­тор счи­тал его сво­им небес­ным по­кро­ви­те­лем, и в честь свя­то­го был воз­двиг­нут Иса­а­ки­ев­ский со­бор в С.-Пе­тер­бур­ге.


См. так­же: "Жи­тие пре­по­доб­но­го от­ца на­ше­го Иса­а­кия Ис­по­вед­ни­ка" в из­ло­же­нии свт. Ди­мит­рия Ро­стов­ско­го.

См. так­же: "Пре­по­доб­ные от­цы на­ши Иса­а­кий, Дал­мат и Фавст" в из­ло­же­нии свт. Ди­мит­рия Ро­стов­ско­го.


При­ме­ча­ния

[1] Речь идет о по­хо­де про­тив ве­ст­го­тов 378 г.

[2] Theodoret. Hist. eccl. IV 34

[3] Sozom. Hist. eccl. V 40

[4] Су­ще­ству­ет две вер­сии Жи­тия прп. Иса­а­кия. Бо­лее пол­ная (BHG, N 956) со­хра­ни­лась в ру­ко­пи­си Vat. gr. 1671 (X в.) и из­да­на бол­лан­ди­ста­ми (ActaSS. Mai. T. 7. P. 247–258). Ее пе­ре­вод на сла­вян­ский язык со­дер­жит­ся в Су­п­расль­ском сбор­ни­ке (XI в.), а так­же вклю­чен под 21 мар­та в ВМЧ митр. Ма­ка­рия (Иосиф, ар­хим. Оглав­ле­ние ВМЧ. С. 37; Ива­но­ва К. Bibliotheca Hagiographica Balcano-Slavica. Со­фия, 2008. С. 493). Ав­тор, по всей ве­ро­ят­но­сти, был ино­ком Дал­ма­та мо­на­сты­ря. Ис­сле­до­ва­те­ли обыч­но да­ти­ру­ют это Жи­тие VI–VIII вв. (Dagron. 1970. P. 231; Lenski. 2004. P. 108). Крат­кая вер­сия (BHG, N 955) оста­ет­ся неиз­дан­ной, лат. пе­ре­вод был осу­ществ­лен А. Лип­по­ма­ном и из­дан вме­сте с пол­ной вер­си­ей Жи­тия (ActaSS. Mai. T. 7. P. 258-260). Крат­кое си­нак­сар­ное Жи­тие прп. Исаакия (BHG, N 956b), со­дер­жа­щее неко­то­рые све­де­ния, не встре­ча­ю­щи­е­ся в др. вер­си­ях, бы­ло из­да­но Ф. Аль­ке­ном в 1948 г. Н. Лен­ски вы­ска­зал пред­по­ло­же­ние, что обе ре­дак­ции Жи­тия, а так­же крат­кое си­нак­сар­ное Жи­тие вос­хо­дят к од­но­му ар­хе­ти­пу (Lenski. 2004. P. 108). Ис­сле­до­ва­тель Ф. Но упо­ми­на­ет о су­ще­ство­ва­нии еще од­ной вер­сии Жи­тия Иса­а­кия - в ру­ко­пи­си Paris. gr. 1453 (XII в.). Fol. 225v - 226 и при­во­дит из нее неболь­шой от­ры­вок, од­на­ко пол­ный текст до сих пор оста­ет­ся неиз­дан­ным (Nau F. Sur les mots ΠΟΛΙΤΙΚΟΣ et ΠΟΛΙΤΕΥΟΜΕΝΟΣ et sur plusieurs texts grecs relatifs à Saint Étienne // ROC. 1906. Vol. 11. P. 198-216).
До­пол­ни­тель­ные све­де­ния об Иса­а­кии и о Дал­ма­те мож­но по­черп­нуть из Жи­тия прп. Ипа­тия Ру­фи­ни­ан­ско­го (Callinicos. Vie d'Hypatios / Introd., texte crit., trad. et not. G. J. M. Bartelink. P., 1971. (SC; 177)), ко­то­рое, по мне­нию ис­сле­до­ва­те­лей, яв­ля­ет­ся бо­лее до­сто­вер­ным с ис­то­ри­че­ской точ­ки зре­ния со­чи­не­ни­ем, т. к. оно бы­ло со­зда­но вско­ре по­сле опи­сы­ва­е­мых со­бы­тий; имен­но к это­му Жи­тию сле­ду­ет об­ра­щать­ся в слу­чае со­мни­тель­ных да­ти­ро­вок.

[5] Halkin F. Le synaxaire grec de Christ Church, à Oxford // AnBoll. 1948. Vol. 66. P. 77

[6] Zonara. Epit. hist. XIII 16

[7] Theoph. Chron. P. 443

[8] Это слу­чи­лось при им­пе­ра­то­ре Фе­о­до­сии I (379–395), по­сле объ­яв­ле­ния со­пра­ви­те­лем его сы­на Ар­ка­дия (383), при ар­хи­еп. Нек­та­рии (381–397), в год кон­суль­ства Ме­робав­да и Са­тур­ни­на (383).

[9] Γεδεών. 1899. Σ. 144–145

[10] См.: Pargoire. Les débuts. 1899. P. 124; Idem. Date de la mort. 1899. P. 145; Dagron. 1970. P. 233; Lenski. 2004. P. 109.

[11] Cameron A., Long J. Barbarians and Politics at the Court of Arcadius. Berkeley, 1993. P. 73–75). Су­ще­ству­ет мне­ние, что И. скон­чал­ся в 424 или 425 г. (Παπαδόπουλος Σ. Γ. ᾿Ισαάκιος // ΘΗΕ. Τ. 6. Σ. 1007).

[12] Παπαδόπουλος Σ. Γ. ᾿Ισαάκιος // ΘΗΕ. Τ. 6. Σ. 1007

[13] Meinardus O. F. A. A Study of the Relics of Saints of the Greek Orthodox Church // Oriens Chr. 1970. Bd. 54. S. 166, 194

Далма́т Далматский (Константинопольский)

Жития преподобных Исаакия, Далмата и Фавста

Пре­по­доб­ные Иса­а­кий, Дал­мат и Фавст бы­ли игу­ме­на­ми Дал­мат­ской оби­те­ли. Пре­по­доб­ный Дал­мат слу­жил в вой­ске свя­то­го бла­го­вер­но­го ца­ря Фе­о­до­сия Ве­ли­ко­го (379–395) и поль­зо­вал­ся его ува­же­ни­ем. Оста­вив мир, пре­по­доб­ный Дал­мат меж­ду 381 и 383 го­да­ми вме­сте с сы­ном Фав­стом ушел в оби­тель пре­по­доб­но­го Иса­а­кия близ Кон­стан­ти­но­по­ля. Пре­по­доб­ный Иса­а­кий по­стриг от­ца и сы­на в ино­че­ский чин, и оба они ста­ли ве­сти стро­гую по­движ­ни­че­скую жизнь. Од­на­жды в Ве­ли­кий пост пре­по­доб­ный Дал­мат не вку­шал пи­щи в те­че­ние 40 дней, а за­тем, укре­пив­шись, до празд­ни­ка Воз­не­се­ния Хри­сто­ва про­был в вос­хи­ще­нии, удо­сто­ив­шись Бо­же­ствен­ных ви­де­ний. При­бли­жа­ясь к кон­цу сво­ей жиз­ни, пре­по­доб­ный Иса­а­кий в 383 го­ду по­ста­вил вме­сто се­бя игу­ме­ном пре­по­доб­но­го Дал­ма­та, по име­ни ко­то­ро­го оби­тель ста­ла на­зы­вать­ся Дал­мат­ской.

Пре­по­доб­ный Дал­мат явил­ся рев­ност­ным по­бор­ни­ком пра­во­слав­ной ве­ры на III Все­лен­ском Со­бо­ре в Ефе­се (431), осу­див­шем ересь Несто­рия.

По­сле Со­бо­ра свя­тые от­цы воз­ве­ли пре­по­доб­но­го Дал­ма­та в сан ар­хи­манд­ри­та Дал­мат­ской оби­те­ли, в ко­то­рой он и скон­чал­ся де­вя­но­сто­лет­ним стар­цем (по­сле 446 го­да).

О пре­по­доб­ном Фав­сте из­вест­но, что он, по­доб­но от­цу, был ве­ли­ким ас­ке­том и из ино­че­ских по­дви­гов осо­бен­но пре­успел в по­сте. По­сле смер­ти от­ца пре­по­доб­ный Фавст стал игу­ме­ном оби­те­ли.

См. так­же: "Пре­по­доб­ные от­цы на­ши Иса­а­кий, Дал­мат и Фавст" в из­ло­же­нии свт. Ди­мит­рия Ро­стов­ско­го.

Фавст Далматский

Жития преподобных Исаакия, Далмата и Фавста

Пре­по­доб­ные Иса­а­кий, Дал­мат и Фавст бы­ли игу­ме­на­ми Дал­мат­ской оби­те­ли. Пре­по­доб­ный Дал­мат слу­жил в вой­ске свя­то­го бла­го­вер­но­го ца­ря Фе­о­до­сия Ве­ли­ко­го (379–395) и поль­зо­вал­ся его ува­же­ни­ем. Оста­вив мир, пре­по­доб­ный Дал­мат меж­ду 381 и 383 го­да­ми вме­сте с сы­ном Фав­стом ушел в оби­тель пре­по­доб­но­го Иса­а­кия близ Кон­стан­ти­но­по­ля. Пре­по­доб­ный Иса­а­кий по­стриг от­ца и сы­на в ино­че­ский чин, и оба они ста­ли ве­сти стро­гую по­движ­ни­че­скую жизнь. Од­на­жды в Ве­ли­кий пост пре­по­доб­ный Дал­мат не вку­шал пи­щи в те­че­ние 40 дней, а за­тем, укре­пив­шись, до празд­ни­ка Воз­не­се­ния Хри­сто­ва про­был в вос­хи­ще­нии, удо­сто­ив­шись Бо­же­ствен­ных ви­де­ний. При­бли­жа­ясь к кон­цу сво­ей жиз­ни, пре­по­доб­ный Иса­а­кий в 383 го­ду по­ста­вил вме­сто се­бя игу­ме­ном пре­по­доб­но­го Дал­ма­та, по име­ни ко­то­ро­го оби­тель ста­ла на­зы­вать­ся Дал­мат­ской.

Пре­по­доб­ный Дал­мат явил­ся рев­ност­ным по­бор­ни­ком пра­во­слав­ной ве­ры на III Все­лен­ском Со­бо­ре в Ефе­се (431), осу­див­шем ересь Несто­рия.

По­сле Со­бо­ра свя­тые от­цы воз­ве­ли пре­по­доб­но­го Дал­ма­та в сан ар­хи­манд­ри­та Дал­мат­ской оби­те­ли, в ко­то­рой он и скон­чал­ся де­вя­но­сто­лет­ним стар­цем (по­сле 446 го­да).

О пре­по­доб­ном Фав­сте из­вест­но, что он, по­доб­но от­цу, был ве­ли­ким ас­ке­том и из ино­че­ских по­дви­гов осо­бен­но пре­успел в по­сте. По­сле смер­ти от­ца пре­по­доб­ный Фавст стал игу­ме­ном оби­те­ли.

См. так­же: "Пре­по­доб­ные от­цы на­ши Иса­а­кий, Дал­мат и Фавст" в из­ло­же­нии свт. Ди­мит­рия Ро­стов­ско­го.