Канон святым преподобным Симеону, Христа ради юродивому и Иоанну, спостнику его, Палестинским

Припев: Преподо́бные отцы́ Симео́не и Иоáнне, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 03 августа (21 июля ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Прича́стием, е́же к Бо́гу, преподо́бне, све́т бы́л еси́, и к Нему́ отлучи́лся еси́, Симео́не, жела́нием кра́йним, благи́м наде́ждам твои́м, о́тче, исполне́ние прия́л еси́.

Жела́нием, е́же к Бо́гу, распала́емь, ми́р оста́вил еси́, спу́тника, о́тче, обре́т, Иоа́нна сла́внаго, с ни́мже стезю́ проше́л еси́ спаси́тельную, ра́дуяся.

Обогати́тися ника́коже истоща́емыми вожделе́вше, бога́тство и сла́ву вре́менную, му́дрии, и пи́щу мимотеку́щую, и мирско́е достоя́ние доблему́дренне отри́нусте.

Богоро́дичен: Красну́, и избра́нну, и всече́стну разуме́в Тя́, Бо́жий, Пренепоро́чная, Сы́н, Тво́й Сы́н бы́сть, сы́ны сотвори́ благода́тию, Богоро́дицу Тя́ чту́щия.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Усе́рдно к мы́сленным совле́клся еси́ де́ланием, Симео́не, побежда́я вра́жия полки́ боже́ственным посо́бием Ду́ха.

Ра́нами моли́твенными и воздержа́ния бие́нии, преподо́бне, страсте́й Еги́пет, о́тче Иоа́нне, уязви́л еси́.

Умори́ша врага́ по́стницы Твои́, Иису́се, умерщвле́ние ра́достно, Влады́ко, Твое́ живоно́сное возжела́вше.

Богоро́дичен: Избавля́ющаго челове́ки преслуша́ния лю́таго паде́ния, всему́ Вино́внаго, Чи́стая Всенепоро́чная, родила́ еси́.

Седа́лен, гла́с 5.

Согла́сием боже́ственным озаря́еми, в пути́, веду́щия к Боже́ственным сия́нием, ходи́сте ве́рно, отцы́ преподо́бнии, и, враго́в отбе́гше прило́гов, сы́нове све́та и дне́ яви́стеся, Иоа́нне и Симео́не богоблаже́ннии.

Богоро́дичен: Недомы́сленно и непостижи́мо е́сть, Влады́чице Богора́дованная, е́же соде́ланное о Тебе́ стра́шное Бо́жие та́инство, и́бо Необыме́ннаго, заче́нши, родила́ еси́, пло́тию обложе́на от пречи́стых крове́й Твои́х; Его́же всегда́, Чи́стая, я́ко Сы́на Твоего́, моли́ спасти́ся душа́м на́шим.

Крестобогоро́дичен: Неискусобра́чная Чи́стая и Ма́ти Твоя́, Христе́, ви́дящи Тя́, ме́ртва ви́сяща на Кресте́, ма́терски пла́чущи, глаго́лаше: что́ Тебе́ воздаде́ евре́йский беззако́нный собо́р и неблагода́рный, и́же мно́гих и вели́ких Твои́х, Сы́не Мо́й, даро́в наслади́выйся? Пою́ Твое́ Боже́ственное снизхожде́ние.

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Соедини́вшеся к стезе́ пра́вды, богоно́снаго Ни́кона в боже́ственныя огра́ды внидо́сте, преподо́бнии, спаси́тельным сия́нием сего́ наказа́нии обогати́стеся.

Единообра́зных и преподо́бно смы́слящих богоно́сный и преподо́бный ви́дев ва́ю, боже́ственными повестьми́ и боже́ственною оде́ждою мона́шескою украси́.

Се́рдце твое́ скрижа́ль очище́нну Свята́го Ду́ха благода́ть обре́тши, о́тче, написа́ соверше́нно безстра́стие, ве́ру и любо́вь нелицеме́рну.

Богоро́дичен: Седя́й на престо́ле превознесе́нне херуви́мстем, я́ко престо́л Тя́ име́, на объя́тиях Твои́х почи́в, Мари́е Богоневе́сто, Препросла́вленный Бо́г на́ш.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Пресве́тлу зарю́, Иоа́нне, прии́м, я́ко со́лнце, яви́лся еси́, де́монскую тму́ отгна́в, достосла́вне.

Твои́м жела́нием, Христе́, окрили́вшеся, преподо́бнии жела́ния теле́сная, я́коже пе́ну морску́ю, му́дренно оттрясо́ша.

Си́лою Боже́ственною ду́ши укрепи́вше, в пусты́ню всели́стеся, опустева́юще стра́сти, отцы́ богому́дрии.

Богоро́дичен: Тече́ние преста́ тле́нное, Де́ва бо нетле́нно породи́ Бо́га Сло́ва, вы́ше естества́ и сло́ва, де́вою пребы́вши.

Пе́снь 6.

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

У́м тво́й ве́сь к Бо́гу простира́я, непреста́нными поуче́нии плотски́я любве́ не пощаде́л еси́, благи́х тебе́ хода́тайствуя, Симео́не, присвое́ние.

Ни скве́рны, ни вра́ски прия́л еси́, блаже́нне, посреде́ ми́ра живы́й, чи́стыми же па́че моли́твами очища́еши душе́вныя скве́рны притека́ющим ти́.

Сы́й плотски́х мудрова́ний вы́шши, по́мыслом не уязви́лся еси́, посреде́ же́н обнажа́яся: безстра́стия бо оде́ждею, Симео́не, обле́клся еси́.

Богоро́дичен: Усты́, и по́мыслом, и се́рдцем, Пречи́стая, Тя́, Богоро́дицу, пропове́дуем: Тобо́ю бо Бо́гу примири́хомся, отринове́ннии преступле́нием пе́рвее пра́отца.

Конда́к, гла́с 2.

Во пло́ти я́вльшася безпло́тнаго и доброде́тельми преми́рно просия́вшаго, Симео́на равноа́нгельнаго и богоно́снаго восхва́лим, с ни́мже Иоа́нна приснопа́мятнаго, ве́рою и любо́вию, я́ко моля́щияся Го́споду непреста́нно о все́х на́с.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Одержи́мь христоподо́бною, о́тче, Боже́ственною любо́вию други́х спасти́, ра́достно ве́сь са́м, вопия́, изда́лся еси́: благослове́н еси́ в хра́ме сла́вы Твоея́, Го́споди.

От небесе́ тебе́ по́данную, о́тче, прие́млеши пи́щу, се́ю препитава́еши вся́, благопоко́рно прие́млющия твоя́ повеле́ния и до́лу влеку́щий гре́х оставля́ющия, блаже́нне.

После́довав оте́ческим преда́нием, о́тче му́дре, па́губы Ориге́новы бе́гати злочести́выя запове́дал еси́ зову́щим: благослове́н еси́ в хра́ме сла́вы Твоея́, Го́споди.

Богоро́дичен: Вы́шняго освяще́нное Боже́ственное селе́ние, ра́дуйся, Тобо́ю бо даде́ся ра́дость, Богоро́дице, зову́щим: благослове́нна Ты́ в жена́х еси́, Всенепоро́чная Влады́чице.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Всесве́тлая ты́ бы́л еси́ звезда́, су́щия в ти́не страсте́й приводя́ к животу́, твори́ши бо жены́ нечи́стыя целому́дренно жи́ти и отго́ниши лю́тыя неду́ги, вопия́: благослови́те, вся́ дела́ Госпо́дня, Го́спода.

Сы́й це́л умо́м, в скро́ве му́дрых чуде́с, преподо́бне, мно́гия улови́л еси́ юро́дствовати Го́спода ра́ди, ве́дый наруга́нным бы́ти, вопия́ чисте́йшею душе́ю: благослови́те, вся́ дела́ Госпо́дня, Го́спода.

Соверше́нно еди́ный, и́же Свои́х Си́ по достоя́нию сла́вя Госпо́дь, износи́ма, преподо́бне, и гро́бу посыла́ема, а́нгельскими светлословле́нии почита́ет, вопию́ща: благослови́те, вся́ дела́ Госпо́дня, Го́спода.

Богоро́дичен: Избавля́яй на́с, возсия́ из Тебе́ Госпо́дь, Де́во Чи́стая, Его́же моли́, Влады́чице, просвети́ти пою́щия Тя́ и обстоя́ния на́с изба́вити, вопию́щих: благослови́те, вся́ дела́ Госпо́дня, Го́спода.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Все́м се́рдцем Тро́ице усе́рдно возложи́вшеся и и́же от Нея́ лучи́ благоде́тельно прие́мше, светови́дни бы́сте и со а́нгелы лику́ете.

Жела́нием боже́ственным приедини́вшеся и воздержа́нием просве́щшеся, ча́емых бла́г в прича́стии уже́ бы́сте и блаже́нное обрето́сте, богоблаже́ннии, наслажде́ние.

Ва́ша прия́т боле́зни и по́ты весе́лие, конца́ ника́коже иму́щее, в не́мже пита́ющеся, Симео́не преподо́бне и Иоа́нне сла́вне, на́с непреста́нно помина́йте.

Богоро́дичен: Спаси́ мя, все́х ро́ждшая Изба́вителя и Благоде́теля, разори́ души́ моея́ о́блаки, Све́та о́блаче, Свята́я Влады́чице, и си́льна соде́лай на стра́сти, борю́щия мя́.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть.

Прича́стїемъ є҆́же къ бг҃ꙋ, преподо́бне, свѣ́тъ бы́лъ є҆сѝ, и҆ къ немꙋ̀ ѿлꙋчи́лсѧ є҆сѝ, сѷмеѡ́не, жела́нїемъ кра́йнимъ: благи̑мъ наде́ждамъ твои̑мъ, ѻ҆́тче, и҆сполне́нїе прїѧ́лъ є҆сѝ.

Жела́нїемъ є҆́же къ бг҃ꙋ распала́емь, мі́ръ ѡ҆ста́вилъ є҆сѝ, спꙋ́тника, ѻ҆́тче, ѡ҆брѣ́тъ і҆ѡа́нна сла́внаго, съ ни́мже стезю̀ проше́лъ є҆сѝ спаси́тельнꙋю, ра́дꙋѧсѧ.

Ѡ҆богати́тисѧ ника́коже и҆стоща́емыми вожделѣ́вше, бога́тство и҆ сла́вꙋ вре́меннꙋю мꙋ́дрїи, и҆ пи́щꙋ мимотекꙋ́щꙋю, и҆ мїрско́е достоѧ́нїе доблемꙋ́дреннѣ ѿри́нꙋсте.

Бг҃оро́диченъ: Краснꙋ̀ и҆ и҆збра́ннꙋ и҆ всече́стнꙋ разꙋмѣ́въ тѧ̀, бж҃їй, пренепоро́чнаѧ, сн҃ъ, тво́й сы́нъ бы́сть, сы́ны сотворѝ бл҃года́тїю, бцⷣꙋ тѧ̀ чтꙋ́щыѧ.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̑, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Оу҆се́рднѡ къ мы́слєннымъ совле́клсѧ є҆сѝ дѣ́ланїємъ, сѷмеѡ́не, побѣжда́ѧ вра́жїѧ полкѝ бж҃е́ственнымъ посо́бїемъ дх҃а.

Ра́нами моли́твенными, и҆ воздержа́нїѧ бїе́нїи, прпⷣбне, страсте́й є҆гѵ́петъ, ѻ҆́тче і҆ѡа́нне, ᲂу҆ѧзви́лъ є҆сѝ.

Оу҆мори́ша врага̀ пѡ́стницы твоѝ, і҆и҃се, ᲂу҆мерщвле́нїе ра́достнѡ, влⷣко, твоѐ живоно́сное возжела́вше.

Бг҃оро́диченъ: И҆збавлѧ́ющаго человѣ́ки преслꙋша́нїѧ лю́тагѡ паде́нїѧ, всемꙋ̀ вино́внаго, чⷭ҇таѧ всенепоро́чнаѧ, родила̀ є҆сѝ.

Сѣда́ленъ, гла́съ є҃:

Согла́сїемъ бжⷭ҇твеннымъ ѡ҆зарѧ́еми, въ пꙋти̑ ведꙋ́щыѧ къ бжⷭ҇твєннымъ сїѧ́нїємъ ходи́сте вѣ́рнѡ, ѻ҆тцы̀ прпⷣбнїи, и҆ врагѡ́въ ѿбѣ́гше прило́гѡвъ, сы́нове свѣ́та и҆ днѐ ꙗ҆ви́стесѧ, і҆ѡа́нне и҆ сѷмеѡ́не бг҃облаже́ннїи.

Бг҃оро́диченъ: Недомы́сленно и҆ непостижи́мо є҆́сть, влⷣчце бг҃ора́дованнаѧ, є҆́же содѣ́ланное ѡ҆ тебѣ̀ стра́шное бж҃їе та́инство: и҆́бо неѡб̾име́ннаго заче́нши родила̀ є҆сѝ, пло́тїю ѡ҆бложе́на ѿ пречⷭ҇тыхъ крове́й твои́хъ. є҆го́же всегда̀, чⷭ҇таѧ, ꙗ҆́кѡ сн҃а твоего̀ молѝ, спасти́сѧ дꙋша́мъ на́шымъ.

Крⷭ҇тобг҃оро́диченъ: Неискꙋсобра́чнаѧ чⷭ҇таѧ и҆ мт҃и твоѧ̀, хрⷭ҇тѐ, ви́дѧщи тѧ̀ ме́ртва ви́сѧща на крⷭ҇тѣ̀, мт҃рски пла́чꙋщи гл҃го́лаше. что̀ тебѣ̀ воздадѐ є҆вре́йскїй беззако́нный собо́ръ и҆ неблагода́рный, и҆́же мно́гихъ и҆ вели́кихъ твои́хъ, сн҃е мо́й, дарѡ́въ наслади́выйсѧ; пою̀ твоѐ бжⷭ҇твенное снизхожде́нїе.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Соедини́вшесѧ къ стезѣ̀ пра́вды, бг҃оно́снагѡ ні́кѡна въ бжⷭ҇твенныѧ ѻ҆гра̑ды внидо́сте, преподо́бнїи, спаси́тельнымъ сїѧ́нїемъ, сегѡ̀ наказа́нїи ѡ҆богати́стесѧ.

Є҆диноѻбра́зныхъ, и҆ прпⷣбнѡ смы́слѧщихъ, бг҃оно́сный и҆ прпⷣбный ви́дѣвъ ва́ю, бжⷭ҇твенными повѣстьмѝ, и҆ бжⷭ҇твенною ѻ҆де́ждою мона́шескою ᲂу҆красѝ.

Се́рдце твоѐ скрижа́ль ѡ҆чище́ннꙋ, ст҃а́гѡ дх҃а благода́ть ѡ҆брѣ́тши, ѻ҆́тче, написа̀ соверше́нно безстра́стїе, вѣ́рꙋ и҆ любо́вь нелицемѣ́рнꙋ.

Бг҃оро́диченъ: Сѣдѧ́й на престо́лѣ превознесе́ннѣ, херꙋві́мстѣмъ, ꙗ҆́кѡ престо́лъ тѧ̀ и҆мѣ̀, на ѡ҆б̾ѧ́тїѧхъ твои́хъ почи́въ, марі́е бг҃оневѣ́сто, препросла́вленный бг҃ъ на́шъ.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀.

Пресвѣ́тлꙋ зарю̀, і҆ѡа́нне, прїи́мъ, ꙗ҆́кѡ со́лнце ꙗ҆ви́лсѧ є҆сѝ, де́мѡнскꙋю тмꙋ̀ ѿгна́въ, достосла́вне.

Твои́мъ жела́нїемъ, хрⷭ҇тѐ, ѡ҆крили́вшесѧ прпⷣбнїи, жела̑нїѧ тѣлє́снаѧ, ꙗ҆́коже пѣ́нꙋ морскꙋ́ю, мꙋ́дреннѡ ѿтрѧсо́ша.

Си́лою бжⷭ҇твенною дꙋ́шы ᲂу҆крѣпи́вше, въ пꙋсты́ню всели́стесѧ, ѡ҆пꙋстѣва́юще стра̑сти, ѻ҆тцы̀ бг҃омꙋ́дрїи.

Бг҃оро́диченъ: Тече́нїе преста̀ тлѣ́нное, дв҃а бо нетлѣ́ннѡ породѝ бг҃а сло́ва, вы́ше є҆стества̀ и҆ сло́ва, дв҃ою пребы́вши.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости, ѿ ре́бръ твои́хъ и҆сте́кшею кро́вїю.

Оу҆́мъ тво́й ве́сь къ бг҃ꙋ простира́ѧ, непреста́нными поꙋче́нїи плотскі́ѧ любвѐ не пощадѣ́лъ є҆сѝ, благи́хъ тебѣ̀ хода́тайствꙋѧ, сѷмеѡ́не, присвое́нїе.

Ни скве́рны, ни вра́ски прїѧ́лъ є҆сѝ, бл҃же́нне, посредѣ̀ мі́ра живы́й, чи́стыми же па́че моли́твами ѡ҆чища́еши дꙋшє́вныѧ сквє́рны притека́ющымъ тѝ.

Сы́й плотски́хъ мꙋдрова́нїй вы́шши, по́мысломъ не ᲂу҆ѧзви́лсѧ є҆сѝ, посредѣ̀ же́нъ ѡ҆бнажа́ѧсѧ: безстра́стїѧ бо ѻ҆де́ждею, сѷмеѡ́не, ѡ҆бле́клсѧ є҆сѝ.

Бг҃оро́диченъ: Оу҆сты̀ и҆ по́мысломъ и҆ се́рдцемъ, пречⷭ҇таѧ, тѧ̀ бцⷣꙋ проповѣ́дꙋемъ: тобо́ю бо бг҃ꙋ примири́хомсѧ ѿринове́ннїи престꙋпле́нїемъ пе́рвѣе пра́ѻтца.

Конда́къ, гла́съ в҃.

Во пло́ти ꙗ҆́вльшасѧ безпло́тнаго, и҆ добродѣ́тельми премі́рнѡ просїѧ́вшаго, сѷмеѡ́на равноа́гг҃льнаго и҆ бг҃оно́снаго восхва́лимъ, съ ни́мже і҆ѡа́нна приснопа́мѧтнаго, вѣ́рою и҆ любо́вїю, ꙗ҆́кѡ молѧ́щыѧсѧ гдⷭ҇ꙋ непреста́ннѡ ѡ҆ всѣ́хъ на́съ.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Ѡ҆держи́мь хрⷭ҇топодо́бною, ѻ҆́тче, бжⷭ҇твенною любо́вїю, дрꙋги́хъ спастѝ, ра́достнѡ ве́сь са́мъ вопїѧ̀ и҆зда́лсѧ є҆сѝ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Ѿ нб҃сѐ тебѣ̀ по́даннꙋю, ѻ҆́тче, прїе́млеши пи́щꙋ: се́ю препитава́еши всѧ̑ благопоко́рнѡ прїе́млющыѧ твоѧ̑ повелѣ̑нїѧ, и҆ до́лꙋ влекꙋ́щїй грѣ́хъ ѡ҆ставлѧ́ющыѧ, бл҃же́нне.

Послѣ́довавъ ѻ҆те́чєскимъ преда́нїємъ, ѻ҆́тче мꙋ́дре, па́гꙋбы ѻ҆рїге́новы бѣ́гати ѕлочести́выѧ заповѣ́далъ є҆сѝ зовꙋ́щымъ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Бг҃оро́диченъ: Вы́шнѧгѡ ѡ҆свѧще́нное бжⷭ҇твенное селе́нїе, ра́дꙋйсѧ, тобо́ю бо даде́сѧ ра́дость, бцⷣе, зовꙋ́щымъ: бл҃гослове́нна ты̀ въ жена́хъ є҆сѝ, всенепоро́чнаѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Всесвѣ́тлаѧ ты̀ бы́лъ є҆сѝ ѕвѣзда̀, сꙋ́щыѧ въ ти́нѣ страсте́й приводѧ̀ къ животꙋ̀: твори́ши бо жєны̀ нечи̑стыѧ цѣломꙋ́дреннѡ жи́ти, и҆ ѿго́ниши лю̑тыѧ недꙋ́ги, вопїѧ̀: благослови́те, всѧ̑ дѣла̀ гдⷭ҇нѧ, гдⷭ҇а.

Сы́й цѣ́лъ ᲂу҆мо́мъ, въ скро́вѣ мꙋ́дрыхъ чꙋде́съ, преподо́бне, мнѡ́гїѧ ᲂу҆лови́лъ є҆сѝ ю҆ро́дствовати гдⷭ҇а ра́ди, вѣ́дый нарꙋга́ннымъ бы́ти, вопїѧ̀ чистѣ́йшею дꙋше́ю: благослови́те, всѧ̑ дѣла̀ гдⷭ҇нѧ, гдⷭ҇а.

Соверше́ннѡ є҆ди́ный и҆́же свои́хъ сѝ по достоѧ́нїю сла́вѧ гдⷭ҇ь, и҆зноси́ма, прпⷣбне, и҆ гро́бꙋ посыла́ема, а҆́гг҃льскими свѣтлословле́нїи почита́етъ, вопїю́ща: благослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: И҆збавлѧ́ѧй на́съ возсїѧ̀ и҆зъ тебє̀ гдⷭ҇ь, дв҃о чⷭ҇таѧ, є҆го́же молѝ, влⷣчце, просвѣти́ти пою́щыѧ тѧ̀, и҆ ѡ҆бстоѧ́нїѧ на́съ и҆зба́вити, вопїю́щихъ: благослови́те, всѧ̑ дѣла̀ гдⷭ҇нѧ, гдⷭ҇а.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Всѣ́мъ се́рдцемъ трⷪ҇цѣ ᲂу҆се́рднѡ возложи́вшесѧ, и҆ и҆́же ѿ неѧ̀ лꙋчѝ благодѣ́тельнѡ прїе́мше, свѣтови́дни бы́сте, и҆ со а҆́гг҃лы ликꙋ́ете.

Жела́нїемъ бжⷭ҇твеннымъ приедини́вшесѧ, и҆ воздержа́нїемъ просвѣ́щшесѧ, ча́емыхъ бла̑гъ въ прича́стїи ᲂу҆жѐ бы́сте, и҆ блаже́нное ѡ҆брѣто́сте, бг҃облаже́ннїи, наслажде́нїе.

Ва́шѧ прїѧ́тъ болѣ̑зни и҆ по́ты, весе́лїе конца̀ ника́коже и҆мꙋ́щее, въ не́мже пита́ющесѧ, сѷмеѡ́не прпⷣбне и҆ і҆ѡа́нне сла́вне, на́съ непреста́ннѡ помина́йте.

Бг҃оро́диченъ: Спаси́ мѧ всѣ́хъ ро́ждшаѧ и҆зба́вителѧ и҆ бл҃годѣ́телѧ, разорѝ дꙋшѝ моеѧ̀ ѻ҆́блаки, свѣ́та ѻ҆́блаче, ст҃а́ѧ влⷣчце, и҆ си́льна содѣ́лай на стра̑сти борю́щыѧ мѧ̀.

Симео́н Палестинский, Емесский, Христа ради юродивый

Жития преподобных Симеона, Христа ради юродивого, и спостника его Иоанна

Пре­по­доб­ные Си­ме­он, Хри­ста ра­ди юро­ди­вый, и спост­ник его Иоанн бы­ли си­рий­ца­ми, жи­ли в VI в. в го­ро­де Едес­се. С дет­ства их свя­зы­ва­ла тес­ная друж­ба. Стар­ший из них, Си­ме­он, был хо­лост и жил с пре­ста­ре­лой ма­те­рью. Иоанн же, толь­ко что всту­пив в брак, жил с от­цом (мать его умер­ла) и с мо­ло­дой су­пру­гой. Оба дру­га при­над­ле­жа­ли к бо­га­тым се­мьям. Ко­гда Си­мео­ну ис­пол­ни­лось 30 лет, а Иоан­ну 24, они со­вер­ши­ли пу­те­ше­ствие в Иеру­са­лим на празд­ник Воз­дви­же­ния Чест­но­го и Жи­во­тво­ря­ще­го Кре­ста Гос­под­ня. На об­рат­ном пу­ти дру­зья бе­се­до­ва­ли о пу­тях спа­се­ния ду­ши. Сой­дя с ко­ней, они от­пра­ви­ли слуг с ко­ня­ми впе­ред, а са­ми по­шли пеш­ком.

Дой­дя до Иор­да­на, они уви­де­ли на бе­ре­гу ре­ки мо­на­сты­ри, рас­по­ло­жен­ные на гра­ни­це пу­сты­ни. У обо­их вспых­ну­ло неудер­жи­мое же­ла­ние оста­вить мир и про­ве­сти осталь­ную жизнь в ино­че­ских по­дви­гах. Они свер­ну­ли с до­ро­ги, по ко­то­рой шли их слу­ги в Си­рию, и, усерд­но по­мо­лив­шись Бо­гу, на­пра­ви­лись в про­ти­во­по­лож­ную сто­ро­ну – к мо­на­сты­рям. Они про­си­ли Гос­по­да ука­зать, ка­кой мо­на­стырь им из­брать и ре­ши­ли пой­ти в ту оби­тель, во­ро­та ко­то­рой бу­дут от­кры­ты. В это вре­мя Гос­подь из­ве­стил во сне игу­ме­на оби­те­ли Ни­ко­на от­крыть мо­на­стыр­ские во­ро­та и впу­стить в оби­тель овец Хри­сто­вых. В ве­ли­кой ра­до­сти дру­зья по­до­шли к от­кры­тым во­ро­там мо­на­сты­ря, бы­ли лас­ко­во при­ня­ты игу­ме­ном и оста­лись в оби­те­ли. В ско­ром вре­ме­ни они при­ня­ли по­стриг.

Про­быв неко­то­рое вре­мя в оби­те­ли, Си­ме­он воз­го­рел­ся же­ла­ни­ем уси­лить свой по­двиг, уй­ти вглубь пу­сты­ни и там под­ви­зать­ся в пол­ном уеди­не­нии. Иоанн не за­хо­тел от­стать от сво­е­го дру­га и ре­шил раз­де­лить с ним тру­ды пу­стын­но­жи­тель­ства. Игу­ме­ну Ни­ко­ну Гос­подь от­крыл на­ме­ре­ние дру­зей, и в ту ночь, ко­гда ино­ки Си­ме­он и Иоанн хо­те­ли по­ки­нуть оби­тель, он сам от­крыл им во­ро­та, по­мо­лил­ся с ни­ми, дал свое бла­го­сло­ве­ние и от­пу­стил в пу­сты­ню.

На­чав пу­стын­ни­че­скую жизнь, ду­хов­ные бра­тья вна­ча­ле пре­тер­пе­ли силь­ную брань от диа­во­ла, вну­шав­ше­го им пе­чаль об остав­лен­ных род­ных, устра­шав­ше­го по­движ­ни­ков, на­во­див­ше­го на них рас­слаб­ле­ние, уны­ние и ле­ность. Бра­тья Си­ме­он и Иоанн, твер­до пом­ня о дан­ных ими при по­стри­же­нии обе­тах, упо­вая на мо­лит­вы сво­е­го стар­ца, игу­ме­на Ни­ко­на, про­дол­жа­ли неуклон­но сле­до­вать по из­бран­но­му пу­ти, про­во­ди­ли вре­мя в непре­стан­ных мо­лит­вах в стро­гом по­сте, под­дер­жи­вая друг дру­га в борь­бе про­тив ис­ку­ше­ний. Через неко­то­рое вре­мя с по­мо­щью Бо­жи­ей ис­ку­ше­ния пре­кра­ти­лись.

Ино­ки по­лу­чи­ли от Бо­га из­ве­ще­ние, что мать Си­мео­на и су­пру­га Иоан­на скон­ча­лись и Гос­подь удо­сто­ил их рай­ско­го бла­жен­ства. По­сле это­го Си­ме­он и Иоанн про­жи­ли в пу­стыне 29 лет, до­стиг­ли пол­но­го бес­стра­стия и вы­со­кой сте­пе­ни ду­хов­но­сти. Пре­по­доб­ный Си­меон по вну­ше­нию Бо­жию по­мыс­лил о том, что им сле­ду­ет те­перь по­слу­жить лю­дям, а для это­го необ­хо­ди­мо оста­вить пу­стын­ное уеди­не­ние и ид­ти в мир. Но свя­той Иоанн, счи­тая, что не до­стиг еще та­кой сте­пе­ни бес­стра­стия, как его спо­движ­ник, ре­шил не остав­лять пу­сты­ни. Бра­тья рас­ста­лись со сле­за­ми. И Си­ме­он на­пра­вил­ся в Иеру­са­лим, там по­кло­нил­ся Гро­бу Гос­под­ню и всем свя­ты­ням. По сво­е­му ве­ли­ко­му сми­ре­нию свя­той по­движ­ник усерд­но мо­лил­ся Гос­по­ду спо­до­бить его по­слу­жить ближ­ним та­ким об­ра­зом, чтобы они не про­слав­ля­ли его.

Свя­той Си­ме­он из­брал для се­бя труд­ный по­двиг юрод­ства Хри­ста ра­ди. При­дя в го­род Емес­су, он остал­ся в нем и вел се­бя как безум­ный, со­вер­шая стран­ные по­ступ­ки, за что под­вер­гал­ся на­смеш­кам, бра­ни и по­бо­ям, и меж­ду тем со­вер­шал мно­го доб­рых дел. Он из­го­нял бе­сов, ис­це­лял бо­лез­ни, из­бав­лял от ско­ро­по­стиж­ной смер­ти, неве­ру­ю­щих при­во­дил к ве­ре, а греш­ни­ков – к по­ка­я­нию. Все эти доб­рые де­ла он со­вер­шал под ви­дом юрод­ства, и ни­ка­кой по­хва­лы или бла­го­дар­но­сти от лю­дей не по­лу­чал. Но вы­со­ко чтил сво­е­го ду­хов­но­го бра­та пре­по­доб­ный Иоанн: ко­гда в пу­стыне его на­ве­щал кто-ли­бо из жи­те­лей го­ро­да Емес­сы, про­ся со­ве­та и мо­литв, он неиз­мен­но на­прав­лял их к "юро­ди­во­му Си­мео­ну", ко­то­рый мог луч­ше пре­по­дать со­вет ду­хов­ный.

За три дня до сво­ей смер­ти свя­той Си­ме­он пе­ре­стал по­яв­лять­ся на ули­цах, за­тво­рил­ся в сво­ей хи­жине, в ко­то­рой, кро­ме вя­зан­ки хво­ро­ста, ни­че­го не бы­ло. Про­быв в непре­стан­ной мо­лит­ве три дня, свя­той Си­ме­он пре­ста­вил­ся ко Гос­по­ду. Неко­то­рые из го­род­ских ни­щих, дру­жив­ших с ним, не встре­чая юро­ди­во­го, при­шли к его хи­жине и там на­шли его мерт­вым. Взяв те­ло усоп­ше­го, они от­нес­ли его без обыч­но­го цер­ков­но­го пе­ния на ме­сто, где по­гре­ба­ли без­дом­ных и стран­ни­ков. Ко­гда нес­ли те­ло свя­то­го Си­мео­на, неко­то­рые из жи­те­лей слы­ша­ли див­ное цер­ков­ное пе­ние, не по­ни­мая, от­ку­да оно ис­хо­дит.

Вслед за свя­тым Си­мео­ном в пу­стыне мир­но ото­шел к Гос­по­ду пре­по­доб­ный Иоанн. Неза­дол­го до кон­чи­ны свя­то­му Си­мео­ну бы­ло да­но уви­деть ве­нец над го­ло­вой сво­е­го ду­хов­но­го бра­та с над­пи­сью: "За пу­стын­ни­че­ское тер­пе­ние".

См. так­же: "Жи­тие пре­по­доб­ных отец на­ших Си­мео­на, Хри­ста ра­ди юро­ди­во­го и Иоан­на, спост­ни­ка его" в из­ло­же­нии свт. Ди­мит­рия Ро­стов­ско­го.

Иоа́нн Палестинский, спостник прп. Симео́на юродивого

Жития преподобных Симеона, Христа ради юродивого, и спостника его Иоанна

Пре­по­доб­ные Си­ме­он, Хри­ста ра­ди юро­ди­вый, и спост­ник его Иоанн бы­ли си­рий­ца­ми, жи­ли в VI в. в го­ро­де Едес­се. С дет­ства их свя­зы­ва­ла тес­ная друж­ба. Стар­ший из них, Си­ме­он, был хо­лост и жил с пре­ста­ре­лой ма­те­рью. Иоанн же, толь­ко что всту­пив в брак, жил с от­цом (мать его умер­ла) и с мо­ло­дой су­пру­гой. Оба дру­га при­над­ле­жа­ли к бо­га­тым се­мьям. Ко­гда Си­мео­ну ис­пол­ни­лось 30 лет, а Иоан­ну 24, они со­вер­ши­ли пу­те­ше­ствие в Иеру­са­лим на празд­ник Воз­дви­же­ния Чест­но­го и Жи­во­тво­ря­ще­го Кре­ста Гос­под­ня. На об­рат­ном пу­ти дру­зья бе­се­до­ва­ли о пу­тях спа­се­ния ду­ши. Сой­дя с ко­ней, они от­пра­ви­ли слуг с ко­ня­ми впе­ред, а са­ми по­шли пеш­ком.

Дой­дя до Иор­да­на, они уви­де­ли на бе­ре­гу ре­ки мо­на­сты­ри, рас­по­ло­жен­ные на гра­ни­це пу­сты­ни. У обо­их вспых­ну­ло неудер­жи­мое же­ла­ние оста­вить мир и про­ве­сти осталь­ную жизнь в ино­че­ских по­дви­гах. Они свер­ну­ли с до­ро­ги, по ко­то­рой шли их слу­ги в Си­рию, и, усерд­но по­мо­лив­шись Бо­гу, на­пра­ви­лись в про­ти­во­по­лож­ную сто­ро­ну – к мо­на­сты­рям. Они про­си­ли Гос­по­да ука­зать, ка­кой мо­на­стырь им из­брать и ре­ши­ли пой­ти в ту оби­тель, во­ро­та ко­то­рой бу­дут от­кры­ты. В это вре­мя Гос­подь из­ве­стил во сне игу­ме­на оби­те­ли Ни­ко­на от­крыть мо­на­стыр­ские во­ро­та и впу­стить в оби­тель овец Хри­сто­вых. В ве­ли­кой ра­до­сти дру­зья по­до­шли к от­кры­тым во­ро­там мо­на­сты­ря, бы­ли лас­ко­во при­ня­ты игу­ме­ном и оста­лись в оби­те­ли. В ско­ром вре­ме­ни они при­ня­ли по­стриг.

Про­быв неко­то­рое вре­мя в оби­те­ли, Си­ме­он воз­го­рел­ся же­ла­ни­ем уси­лить свой по­двиг, уй­ти вглубь пу­сты­ни и там под­ви­зать­ся в пол­ном уеди­не­нии. Иоанн не за­хо­тел от­стать от сво­е­го дру­га и ре­шил раз­де­лить с ним тру­ды пу­стын­но­жи­тель­ства. Игу­ме­ну Ни­ко­ну Гос­подь от­крыл на­ме­ре­ние дру­зей, и в ту ночь, ко­гда ино­ки Си­ме­он и Иоанн хо­те­ли по­ки­нуть оби­тель, он сам от­крыл им во­ро­та, по­мо­лил­ся с ни­ми, дал свое бла­го­сло­ве­ние и от­пу­стил в пу­сты­ню.

На­чав пу­стын­ни­че­скую жизнь, ду­хов­ные бра­тья вна­ча­ле пре­тер­пе­ли силь­ную брань от диа­во­ла, вну­шав­ше­го им пе­чаль об остав­лен­ных род­ных, устра­шав­ше­го по­движ­ни­ков, на­во­див­ше­го на них рас­слаб­ле­ние, уны­ние и ле­ность. Бра­тья Си­ме­он и Иоанн, твер­до пом­ня о дан­ных ими при по­стри­же­нии обе­тах, упо­вая на мо­лит­вы сво­е­го стар­ца, игу­ме­на Ни­ко­на, про­дол­жа­ли неуклон­но сле­до­вать по из­бран­но­му пу­ти, про­во­ди­ли вре­мя в непре­стан­ных мо­лит­вах в стро­гом по­сте, под­дер­жи­вая друг дру­га в борь­бе про­тив ис­ку­ше­ний. Через неко­то­рое вре­мя с по­мо­щью Бо­жи­ей ис­ку­ше­ния пре­кра­ти­лись.

Ино­ки по­лу­чи­ли от Бо­га из­ве­ще­ние, что мать Си­мео­на и су­пру­га Иоан­на скон­ча­лись и Гос­подь удо­сто­ил их рай­ско­го бла­жен­ства. По­сле это­го Си­ме­он и Иоанн про­жи­ли в пу­стыне 29 лет, до­стиг­ли пол­но­го бес­стра­стия и вы­со­кой сте­пе­ни ду­хов­но­сти. Пре­по­доб­ный Си­меон по вну­ше­нию Бо­жию по­мыс­лил о том, что им сле­ду­ет те­перь по­слу­жить лю­дям, а для это­го необ­хо­ди­мо оста­вить пу­стын­ное уеди­не­ние и ид­ти в мир. Но свя­той Иоанн, счи­тая, что не до­стиг еще та­кой сте­пе­ни бес­стра­стия, как его спо­движ­ник, ре­шил не остав­лять пу­сты­ни. Бра­тья рас­ста­лись со сле­за­ми. И Си­ме­он на­пра­вил­ся в Иеру­са­лим, там по­кло­нил­ся Гро­бу Гос­под­ню и всем свя­ты­ням. По сво­е­му ве­ли­ко­му сми­ре­нию свя­той по­движ­ник усерд­но мо­лил­ся Гос­по­ду спо­до­бить его по­слу­жить ближ­ним та­ким об­ра­зом, чтобы они не про­слав­ля­ли его.

Свя­той Си­ме­он из­брал для се­бя труд­ный по­двиг юрод­ства Хри­ста ра­ди. При­дя в го­род Емес­су, он остал­ся в нем и вел се­бя как безум­ный, со­вер­шая стран­ные по­ступ­ки, за что под­вер­гал­ся на­смеш­кам, бра­ни и по­бо­ям, и меж­ду тем со­вер­шал мно­го доб­рых дел. Он из­го­нял бе­сов, ис­це­лял бо­лез­ни, из­бав­лял от ско­ро­по­стиж­ной смер­ти, неве­ру­ю­щих при­во­дил к ве­ре, а греш­ни­ков – к по­ка­я­нию. Все эти доб­рые де­ла он со­вер­шал под ви­дом юрод­ства, и ни­ка­кой по­хва­лы или бла­го­дар­но­сти от лю­дей не по­лу­чал. Но вы­со­ко чтил сво­е­го ду­хов­но­го бра­та пре­по­доб­ный Иоанн: ко­гда в пу­стыне его на­ве­щал кто-ли­бо из жи­те­лей го­ро­да Емес­сы, про­ся со­ве­та и мо­литв, он неиз­мен­но на­прав­лял их к "юро­ди­во­му Си­мео­ну", ко­то­рый мог луч­ше пре­по­дать со­вет ду­хов­ный.

За три дня до сво­ей смер­ти свя­той Си­ме­он пе­ре­стал по­яв­лять­ся на ули­цах, за­тво­рил­ся в сво­ей хи­жине, в ко­то­рой, кро­ме вя­зан­ки хво­ро­ста, ни­че­го не бы­ло. Про­быв в непре­стан­ной мо­лит­ве три дня, свя­той Си­ме­он пре­ста­вил­ся ко Гос­по­ду. Неко­то­рые из го­род­ских ни­щих, дру­жив­ших с ним, не встре­чая юро­ди­во­го, при­шли к его хи­жине и там на­шли его мерт­вым. Взяв те­ло усоп­ше­го, они от­нес­ли его без обыч­но­го цер­ков­но­го пе­ния на ме­сто, где по­гре­ба­ли без­дом­ных и стран­ни­ков. Ко­гда нес­ли те­ло свя­то­го Си­мео­на, неко­то­рые из жи­те­лей слы­ша­ли див­ное цер­ков­ное пе­ние, не по­ни­мая, от­ку­да оно ис­хо­дит.

Вслед за свя­тым Си­мео­ном в пу­стыне мир­но ото­шел к Гос­по­ду пре­по­доб­ный Иоанн. Неза­дол­го до кон­чи­ны свя­то­му Си­мео­ну бы­ло да­но уви­деть ве­нец над го­ло­вой сво­е­го ду­хов­но­го бра­та с над­пи­сью: "За пу­стын­ни­че­ское тер­пе­ние".

См. так­же: "Жи­тие пре­по­доб­ных отец на­ших Си­мео­на, Хри­ста ра­ди юро­ди­во­го и Иоан­на, спост­ни­ка его" в из­ло­же­нии свт. Ди­мит­рия Ро­стов­ско­го.