Канон великомученику Евстафию Плакиде, Римскому полководцу

Припев: Великому́чениче Евстáфие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 03 октября (20 сентября ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Сло́вом страсте́й мои́х игра́ние моли́твами твои́ми покори́в, му́чениче Христо́в, благохвали́ти устро́й свяще́нное торжество́ твои́х подвиго́в, всеблаже́нне.

Зва́ние твое́ не от челове́к бы́сть, всеизя́щнейше, но с небе́с, я́ко Па́вла пре́жде, Христо́с тя́ призва́, явле́йся, я́ко еле́нь, от ядови́тых изыма́я.

Му́дрости го́рнейшия испо́лнен бы́в, му́чениче, тле́емаго бога́тства и сла́дости, небе́сное наслажде́ние всеблагоче́стно проразсуди́л еси́, вседомо́вно венча́емь.

Богоро́дичен: Обре́т Тя́ чи́стшу, Всечи́стая, всея́ тва́ри, все́х Зижди́тель и Бо́г воплоти́тися благоволи́, из Тебе́ пло́тию Челове́ка вообрази́ти промы́сливый.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Терпе́л еси́ напа́стей треволне́ния кре́пко, сла́вне му́чениче Христо́в Евста́фие, ча́д и жены́ лиша́емь.

Спа́сшеся от Бо́га звере́й расхище́ния ча́да твоя́, му́чениче Христо́в Евста́фие, зве́ри мы́сленныя победи́ша.

Житие́ преходя́, я́ко реку́, искуше́ньми, сла́вне, твоея́ души́ сохрани́л еси́ богови́дное непоколеби́мо.

Богоро́дичен: Чистоты́ чи́стое и де́вства честно́е селе́ние прииди́те, ве́рнии, воспои́м ра́достными песнопе́ньми.

Седа́лен, гла́с 8.

На живо́тнем узре́л еси́ о́браз Креста́ и на не́м о́браз Иису́сов: ни́ц же бы́в, удиви́лся еси́ виде́нию, и вседомо́вно прише́л еси́ к боже́ственному креще́нию, и, обнища́в, я́коже вторы́й И́ов яви́лся еси́. Те́м сопру́жницы и сыно́в лиши́вся, вопия́л еси́: Госпо́дь даде́, Госпо́дь и отъя́. Воинонача́льниче Евста́фие, моли́ Христа́ Бо́га грехо́в оставле́ние дарова́ти пра́зднующим любо́вию святу́ю па́мять твою́.

Сла́ва, и ны́не: Кре́ст Спа́сов, в земли́ сокрове́нный, изъя́ше честна́я, ра́дости же наполня́ет мирска́я исполне́ния и в хра́ме Боже́ственнем провещева́ет возвы́сити в Ду́се, и ски́птр но́сит в ца́рская. Те́мже Еле́на сы́ну взыва́ше: простри́, влады́ко, и приими́ рука́ми твои́ми держа́ву твою́ и побе́ды, му́дре, и язы́ки научи́ в благода́ти покланя́тися Кресту́ и Страсте́м Христо́вым.

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Боже́ственною дла́нию сохра́ншися от мучи́тельства вра́жия, пребы́сть я́же целому́дрия храня́щи сожи́тельница твоя́, взыва́ющи: сла́ва си́ле Твое́й, Го́споди.

Напа́ствован и разли́чно искуше́н бы́в, му́чениче Христо́в Евста́фие, и к свиде́тельства те́кл еси́ три́знищу, вопия́ Влады́це твоему́: сла́ва си́ле Твое́й, Го́споди.

Направля́емь повеле́нием Влады́чним, му́ченическими кровьми́ украша́емь яви́лся еси́, приснопа́мятне Евста́фие сла́вне, со жено́ю и ча́ды твои́ми.

Богоро́дичен: Неискусобра́чно родила́ еси́, о Де́во, и по рождестве́ яви́лася еси́ де́вствующи па́ки. Те́м немо́лчными гла́сы, — ра́дуйся, — Тебе́, Влады́чице, ве́рою несомне́нною зове́м.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Ты́ я́коже И́ов яви́лся еси́, Евста́фие, ты́, непоро́чен и благочести́в, долготерпели́вно житие́ обре́лся еси́ препла́вая.

Кто́, блаже́нне, воспе́ти твоя́ боле́зни возмо́жет, Евста́фие, я́же подъя́л еси́, сопру́жницы, му́чениче, и дете́й лиша́емь?

Богоро́дичен: О, Ма́ти Бо́жия, души́ моея́ озлобле́ние исцели́, ро́ждшая Всеблаго́е Сло́во, вся́ благосты́нствующее.

Пе́снь 6.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Я́вльшагося ты́ Христа́ вожделе́л еси́, сла́вне, и совокупи́лся еси́ Тому́ любо́вию, я́ко яви́лся еси́, му́чениче, укра́шен, багряни́цею твои́х крове́й удобря́емь.

Поте́кл еси́, после́дуя Христо́вым стопа́м Боже́ственным, и о́бщник показа́лся еси́ Страсте́й Того́ и Ца́рствия, всесоверше́нно, вседомо́вно, му́чениче, венчава́емь.

Богоро́дичен: Глаго́лы Гаврии́ла, Де́во Всенепоро́чная, ны́не иму́ще, вопие́м: ра́дуйся, еди́на Ма́ти благослове́нная; ра́дуйся, две́ре, пра́вды Со́лнце иму́щая.

Конда́к, гла́с 2.

Стра́сти Христо́вы я́ве подража́в и Сего́ испи́в усе́рдно ча́шу, о́бщник, Евста́фие, и сла́вы снасле́дник бы́л еси́, от Сама́го все́х Бо́га прие́мля с высоты́ боже́ственное оставле́ние.

И́кос:

Пе́снь мне́ да́руй, Бо́же мо́й, воспе́ти и глаго́лати по́двиги ны́не страстоте́рпца Твоего́, Го́споди, я́ко да благочи́нно восхвалю́ до́бляго во страда́ниих Евста́фия, победи́теля в бра́нех вра́жиих бы́вша всегда́, вели́каго во благоче́стии, в ли́це му́чеников возсия́вшаго, с ни́ми бо пое́т непреста́нно Тебе́ со а́нгелы, Всему́дрый, прие́мля с высоты́ боже́ственное оставле́ние.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Я́ко в пещи́, разже́ннаго вола́ ме́днаго вну́трь заключе́ни, му́ченицы Христо́вы, благода́рственно взыва́сте: благослове́н еси́ в хра́ме сла́вы Твоея́, Го́споди.

Зако́ном любве́ я́ко соедине́ни и естества́, еди́но терпе́ние, му́ченицы благосла́внии, стра́ждуще, показа́сте: благослове́н еси́, пою́ще, в хра́ме сла́вы Твоея́, Го́споди.

Богоро́дичен: Вы́шшая небе́сных боже́ственных си́л еди́на от веко́в Ты́ еси́ и́стинно: Зижди́теля бо си́х родила́ еси́ несказа́нно, Богороди́тельнице, всечи́стая Влады́чице.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Свиде́телей нелжи́вых ли́к совокупле́н све́тло зако́нами естества́ и сло́вом ве́ры вси́ благоче́стно ны́не похва́лим, я́ко благоче́стия рачи́тели, и ве́рою воспои́м: благослови́те, вся́ дела́ Госпо́дня, Го́спода.

Красно́ соедини́стеся, честни́и, раздели́вшеся пре́жде про́мыслом вя́щшим, ва́шими кровьми́ обагри́вше порфи́ру уневе́щения, к небе́сному черто́гу те́пле тща́щеся и вопию́ще: благослови́те, вся́ дела́ Госпо́дня, Го́спода.

Пло́д чре́ва благоче́стно Бо́гу прине́сл еси́, блаже́нне Евста́фие, и сопру́жницу ра́дующуюся, о́бщники бо страда́ния от естества́ Христу́ пою́щия прия́л еси́: благослови́те, вся́ дела́ Госпо́дня, Го́спода.

Богоро́дичен: Же́зл из ко́рене Иессе́ева, Де́во, была́ еси́, Цве́т возрасти́вши, Всеси́льнаго Го́спода, на́с благово́нствующаго и воню́ Свою́ все́м подаю́щаго, вопию́щим: благослови́те, вся́ дела́ Госпо́дня, Го́спода.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Ве́сь во Све́т Тро́ицы с весе́лием преше́л еси́, а́нгельским во́инством ны́не сра́дуешися, му́чениче Евста́фие, с ни́миже непреста́нно моли́ все́м спасти́ся, пою́щим тя́.

На земли́ твоя́ по́двиги и обстоя́ния разли́чная, су́щее на небесе́х весе́лие с пра́ведными ны́не прия́т, его́же наслади́тися, сла́вне, тебе́ пою́щим сподо́би.

Всего́ мене́ тебе́ приношу́, му́чениче Евста́фие, усе́рдно, да тобо́ю обогащу́ся предста́телем ко Влады́це, заступа́ти могу́щим от вся́каго обстоя́ния, и спасе́ния боже́ственнаго хода́таем.

Богоро́дичен: Тя́, неискусому́жно ро́ждшую Жизнода́вца и Спа́са, вси́ мо́лим приле́жно, Богоро́дицу Тя́ испове́дающе, изба́витися вся́кия ско́рби Твои́ми моли́твами, Ма́ти Де́во.

Свети́лен.

Безсме́ртныя сла́вы и жи́зни безконе́чныя получи́л еси́, оста́вив мирски́я сла́сти, Евста́фие блаже́нне, с детьми́ богому́дрыми и жено́ю всеблаже́нною. Сего́ ра́ди любо́вию всесвяще́нную и боже́ственную пра́зднуем па́мять твою́

Сла́ва, и ны́не: Мы́, о Тебе́ наде́ющеся, Богоро́дице, сугу́быя враги́ побежда́ем всесоверше́нне, Кре́ст иму́ще Сы́на Твоего́ ору́жие на́ше и побе́ду, щи́т, ме́чь, и копие́, и стрелу́ на велиа́ра.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть.

Сло́вомъ страсте́й мои́хъ и҆гра́нїе моли́твами твои́ми покори́въ, мч҃ниче хрⷭ҇то́въ: благохвали́ти ᲂу҆стро́й, свѧще́нное торжество̀ твои́хъ подвигѡ́въ, всебл҃же́нне.

Зва́нїе твоѐ не ѿ человѣ̑къ бы́сть всеизѧ́щнѣйше, но съ нб҃съ, ꙗ҆́кѡ па́ѵла пре́жде хрⷭ҇то́съ тѧ̀ призва̀, ꙗ҆вле́йсѧ ꙗ҆́кѡ є҆ле́нь, ѿ ꙗ҆дови́тыхъ и҆з̾има́ѧ.

Мꙋ́дрости го́рнѣйшїѧ и҆спо́лненъ бы́въ, мч҃ниче, тлѣ́емагѡ бога́тства, и҆ сла́дости, нбⷭ҇ное наслажде́нїе, всеблагоче́стнѡ проразсꙋди́лъ є҆сѝ, вседомо́внѡ вѣнча́емь.

Бг҃оро́диченъ: Ѡ҆брѣ́тъ тѧ̀ чⷭ҇тшꙋ, всечⷭ҇таѧ, всеѧ̀ тва́ри, всѣ́хъ зижди́тель и҆ бг҃ъ, воплоти́тисѧ благоволѝ, и҆зъ тебє̀ пло́тїю человѣ́ка воѡбрази́ти промы́сливый.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Терпѣ́лъ є҆сѝ напа́стей треволнє́нїѧ крѣ́пкѡ, сла́вне мч҃ниче хрⷭ҇то́въ є҆ѵста́ѳїе, ча̑дъ и҆ жены̀ лиша́емь.

Спа́сшесѧ ѿ бг҃а ѕвѣре́й расхище́нїѧ ча̑да твоѧ̑, мч҃ниче хрⷭ҇то́въ є҆ѵста́ѳїе, ѕвѣ́ри мы́слєнныѧ побѣди́ша.

Житїѐ преходѧ̀ ꙗ҆́кѡ рѣкꙋ̀, и҆скꙋше́ньми, сла́вне, твоеѧ̀ дꙋшѝ сохрани́лъ є҆сѝ бг҃ови́дное непоколеби́мѡ.

Бг҃оро́диченъ: Чистоты̀ чи́стое, и҆ дѣ́вства честно́е селе́нїе, прїиди́те, вѣ́рнїи, воспои́мъ ра́достными пѣснопѣ́ньми.

Сѣда́ленъ, гла́съ и҃.

На живо́тнѣмъ ᲂу҆зрѣ́лъ є҆сѝ ѻ҆́бразъ крⷭ҇та̀, и҆ на не́мъ ѻ҆́бразъ і҆и҃совъ: ни́цъ же бы́въ, ᲂу҆диви́лсѧ є҆сѝ видѣ́нїю, и҆ вседомо́внѡ прише́лъ є҆сѝ къ бжⷭ҇твенномꙋ креще́нїю, и҆ ѡ҆бнища́въ ꙗ҆́коже вторы́й і҆́ѡвъ ꙗ҆ви́лсѧ є҆сѝ. тѣ́мъ сопрꙋ́жницы и҆ сынѡ́въ лиши́всѧ, вопїѧ́лъ є҆сѝ: гдⷭ҇ь дадѐ, гдⷭ҇ь и҆ ѿѧ̀. воинонача́льниче є҆ѵста́ѳїе, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, пра́зднꙋющымъ любо́вїю свѧтꙋ́ю па́мѧть твою̀.

Сла́ва, и҆ ны́нѣ: Крⷭ҇тъ сп҃совъ въ землѝ сокрове́нный и҆з̾ѧ́ше, честна́ѧ, ра́дости же наполнѧ́етъ мїрска̑ѧ и҆сполнє́нїѧ, и҆ въ хра́мѣ бжⷭ҇твеннѣмъ провѣщева́етъ возвы́сити въ дс҃ѣ, и҆ ски́птръ но́ситъ въ ца́рскаѧ. тѣ́мже є҆ле́на сы́нꙋ взыва́ше: прострѝ, влады́ко, и҆ прїимѝ рꙋка́ми твои́ми держа́вꙋ твою̀, и҆ побѣ̑ды, мꙋ́дре, и҆ ꙗ҆зы́ки наꙋчѝ въ бл҃года́ти, покланѧ́тисѧ крⷭ҇тꙋ̀ и҆ стрⷭ҇те́мъ хрⷭ҇тѡ́вымъ.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Бжⷭ҇твенною дла́нїю сохра́ншисѧ ѿ мꙋчи́тельства вра́жїѧ, пребы́сть ꙗ҆́же цѣломꙋ́дрїѧ хранѧ́щи сожи́тельница твоѧ̀, взыва́ющи: сла́ва си́лѣ твое́й, гдⷭ҇и.

Напа́ствованъ и҆ разли́чнѡ и҆скꙋше́нъ бы́въ, мч҃ниче хрⷭ҇то́въ є҆ѵста́ѳїе, и҆ къ свидѣ́тельства те́клъ є҆сѝ три́знищꙋ, вопїѧ̀ влⷣцѣ твоемꙋ̀: сла́ва си́лѣ твое́й, гдⷭ҇и.

Направлѧ́емь повелѣ́нїемъ влⷣчнимъ, мч҃ническими кровьмѝ ᲂу҆краша́емь ꙗ҆ви́лсѧ є҆сѝ, приснопа́мѧтне є҆ѵста́ѳїе сла́вне, со жено́ю и҆ ча́ды твои́ми.

Бг҃оро́диченъ: Неискꙋсобра́чнѡ родила̀ є҆сѝ, ѽ дв҃о, и҆ по ржⷭ҇твѣ̀ ꙗ҆ви́ласѧ є҆сѝ дѣ́вствꙋющи па́ки. тѣ́мъ немо́лчными гла́сы, ра́дꙋйсѧ, тебѣ̀ влⷣчце вѣ́рою несомнѣ́нною зове́мъ.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀.

Ты̀ ꙗ҆́коже і҆́ѡвъ ꙗ҆ви́лсѧ є҆сѝ, є҆ѵста́ѳїе: ты̀ непоро́ченъ и҆ благочести́въ, долготерпѣли́внѡ житїѐ ѡ҆брѣ́лсѧ є҆сѝ препла́ваѧ.

Кто̀, бл҃же́нне, воспѣ́ти твоѧ̑ болѣ̑зни возмо́жетъ, є҆ѵста́ѳїе, ꙗ҆̀же под̾ѧ́лъ є҆сѝ, сопрꙋ́жницы, мч҃ниче, и҆ дѣте́й лиша́емь.

Бг҃оро́диченъ: Ѽ мт҃и бж҃їѧ! дꙋшѝ моеѧ̀ ѡ҆ѕлобле́нїе и҆сцѣлѝ, ро́ждшаѧ всебл҃го́е сло́во, всѧ̑ благосты́нствꙋющее.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю.

Ꙗ҆́вльшагосѧ ты̀ хрⷭ҇та̀ вожделѣ́лъ є҆сѝ, сла́вне, и҆ совокꙋпи́лсѧ є҆сѝ томꙋ̀ любо́вїю: ꙗ҆́кѡ ꙗ҆ви́лсѧ є҆сѝ, мч҃ниче, ᲂу҆кра́шенъ, багрѧни́цею твои́хъ крове́й ᲂу҆добрѧ́емь.

Поте́клъ є҆сѝ, послѣ́дꙋѧ хрⷭ҇тѡ́вымъ стопа́мъ бжⷭ҇твєннымъ, и҆ ѻ҆́бщникъ показа́лсѧ є҆сѝ стрⷭ҇те́й тогѡ̀ и҆ ца́рствїѧ, всесоверше́ннѡ, вседомо́внѡ, мч҃ниче, вѣнчава́емь.

Бг҃оро́диченъ: Глаго́лы гаврїи́ла, дв҃о всенепоро́чнаѧ, ны́нѣ и҆мꙋ́ще вопїе́мъ: ра́дꙋйсѧ, є҆ди́на мт҃и бл҃гослове́ннаѧ: ра́дꙋйсѧ, две́ре, пра́вды сл҃нце и҆мꙋ́щаѧ.

Конда́къ, гла́съ в҃.

Стрⷭ҇ти хрⷭ҇то́вы ꙗ҆́вѣ подража́въ, и҆ сегѡ̀ и҆спи́въ ᲂу҆се́рднѡ ча́шꙋ, ѻ҆́бщникъ, є҆ѵста́ѳїе, и҆ сла́вы снаслѣ́дникъ бы́лъ є҆сѝ, ѿ сама́гѡ всѣ́хъ бг҃а, прїе́млѧ съ высоты̀ бжⷭ҇твенное ѡ҆ставле́нїе.

І҆́косъ:

Пѣ́снь мнѣ̀ да́рꙋй, бж҃е мо́й, воспѣ́ти и҆ глаго́лати по́двиги ны́нѣ страстоте́рпца твоегѡ̀, гдⷭ҇и, ꙗ҆́кѡ да благочи́ннѡ восхвалю̀ до́блѧго во страда́нїихъ є҆ѵста́ѳїа, побѣди́телѧ въ бра́нехъ вра́жїихъ бы́вша всегда̀, вели́каго во бл҃гоче́стїи, въ ли́цѣ мч҃никѡвъ возсїѧ́вшаго: съ ни́ми бо пое́тъ непреста́ннѡ тебѣ̀ со а҆́гг҃лы всемꙋ́дрый, прїе́млѧ съ высоты̀ бжⷭ҇твенное ѡ҆ставле́нїе.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Ꙗ҆́кѡ въ пещѝ, разже́ннагѡ вола̀ мѣ́днагѡ внꙋ́трь заключе́ни мч҃ницы хрⷭ҇то́вы, благода́рственнѡ взыва́сте: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Зако́номъ любвѐ ꙗ҆́кѡ соедине́ни и҆ є҆стества̀, є҆ди́но терпѣ́нїе мꙋ́чєницы благосла́внїи, стра́ждꙋще показа́сте, бл҃гослове́нъ є҆сѝ, пою́ще, въ хра́мѣ сла́вы твоеѧ̀, гдⷭ҇и.

Бг҃оро́диченъ: Вы́шшаѧ нбⷭ҇ныхъ бжⷭ҇твенныхъ си́лъ, є҆ди́на ѿ вѣкѡ́въ ты̀ є҆сѝ и҆́стиннѡ: зижди́телѧ бо си́хъ родила̀ є҆сѝ несказа́ннѡ, бг҃ороди́тельнице всечⷭ҇таѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те всѧ̑ дѣла̀ гдⷭ҇нѧ, гдⷭ҇а.

Свидѣ́телей нелжи́выхъ ли́къ совокꙋпле́нъ свѣ́тлѡ зако́нами є҆стества̀ и҆ сло́вомъ вѣ́ры, всѝ благоче́стнѡ ны́нѣ похва́лимъ, ꙗ҆́кѡ благоче́стїѧ рачи́тели, и҆ вѣ́рою воспои́мъ: благослови́те, всѧ̑ дѣла̀ гдⷭ҇нѧ, гдⷭ҇а.

Краснѡ̀ соедини́стесѧ, честні́и, раздѣли́вшесѧ пре́жде про́мысломъ вѧ́щшимъ, ва́шими кровьмѝ ѡ҆багри́вше порфѵ́рꙋ ᲂу҆невѣ́щенїѧ, къ нбⷭ҇номꙋ черто́гꙋ те́плѣ тща́щесѧ, и҆ вопїю́ще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Пло́дъ чре́ва благоче́стнѡ бг҃ꙋ прине́слъ є҆сѝ, бл҃же́нне є҆ѵста́ѳїе, и҆ сопрꙋ́жницꙋ ра́дꙋющꙋюсѧ: ѻ҆́бщники бо страда́нїѧ ѿ є҆стества̀ хрⷭ҇тꙋ̀ пою́щыѧ прїѧ́лъ є҆сѝ: благослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: Же́злъ и҆зъ ко́рене і҆ессе́ева, дв҃о, была̀ є҆сѝ, цвѣ́тъ возрасти́вши всеси́льнаго гдⷭ҇а, на́съ благово́нствꙋющаго, и҆ воню̀ свою̀ всѣ̑мъ подаю́щаго, вопїю́щымъ: благослови́те, всѧ̑ дѣла̀ гдⷭ҇нѧ, гдⷭ҇а.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀, тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ, веселѧ́щесѧ, тѧ̀, бцⷣе, велича́емъ.

Ве́сь во свѣ́тъ трⷪ҇цы съ весе́лїемъ преше́лъ є҆сѝ, а҆́гг҃льскимъ во́инствѡмъ ны́нѣ сра́дꙋешисѧ, мч҃ниче є҆ѵста́ѳїе: съ ни́миже непреста́ннѡ молѝ, всѣ̑мъ спасти́сѧ пою́щымъ тѧ̀.

На землѝ твоѧ̑ по́двиги, и҆ ѡ҆бстоѧ̑нїѧ разли̑чнаѧ, сꙋ́щее на нб҃сѣ́хъ весе́лїе съ пра́ведными ны́нѣ прїѧ́тъ: є҆гѡ́же наслади́тисѧ, сла́вне, тебѐ пою́щымъ сподо́би.

Всего̀ менѐ тебѣ̀ приношꙋ̀, мч҃ниче є҆ѵста́ѳїе, ᲂу҆се́рднѡ, да тобо́ю ѡ҆богащꙋ́сѧ предста́телемъ ко влⷣцѣ, застꙋпа́ти могꙋ́щымъ ѿ всѧ́кагѡ ѡ҆бстоѧ́нїѧ, и҆ спасе́нїѧ бжⷭ҇твеннагѡ хода́таемъ.

Бг҃оро́диченъ: Тѧ̀ неискꙋсомꙋ́жнѡ ро́ждшꙋю жизнода́вца и҆ сп҃са, всѝ мо́лимъ прилѣ́жнѡ, бцⷣꙋ тѧ̀ и҆сповѣ́дающе, и҆зба́витисѧ всѧ́кїѧ ско́рби твои́ми моли́твами, мт҃и дв҃о.

Свѣти́ленъ.

Безсме́ртныѧ сла́вы, и҆ жи́зни безконе́чныѧ полꙋчи́лъ є҆сѝ, ѡ҆ста́вивъ мїрскі̑ѧ сла̑сти, є҆ѵста́ѳїе бл҃же́нне, съ дѣтьмѝ бг҃омꙋ́дрыми, и҆ жено́ю всебл҃же́нною. сегѡ̀ ра́ди любо́вїю всесвѧще́ннꙋю и҆ бжⷭ҇твеннꙋю пра́зднꙋемъ па́мѧть твою̀.

Сла́ва, и҆ ны́нѣ: Мы̀ ѡ҆ тебѣ̀ надѣ́ющесѧ, бцⷣе, сꙋгꙋ̑быѧ врагѝ побѣжда́емъ всесоверше́ннѣ, крⷭ҇тъ и҆мꙋ́ще сн҃а твоегѡ̀, ѻ҆рꙋ́жїе на́ше и҆ побѣ́дꙋ, щи́тъ, ме́чь и҆ копїѐ, и҆ стрѣлꙋ̀ на велїа́ра.

Жития великомученика Евстафия, жены его мученицы Феопистии и чад их мучеников Агапия и Феописта

Свя­той ве­ли­ко­му­че­ник Ев­ста­фий до Кре­ще­ния но­сил имя Пла­ки­да. Он был во­е­на­чаль­ни­ком при им­пе­ра­то­рах Ти­те (79–81) и Тра­яне (98–117). Еще не по­знав Хри­ста, Пла­ки­да тво­рил де­ла ми­ло­сер­дия, по­мо­гая всем бед­ству­ю­щим и страж­ду­щим. Гос­подь не оста­вил доб­ро­де­тель­но­го языч­ни­ка во мра­ке идо­ло­по­клон­ства.

Од­на­жды на охо­те он пре­сле­до­вал на быст­ром коне оле­ня, ко­то­рый оста­но­вил­ся, взбе­жав на вы­со­кую го­ру, и Пла­ки­да вдруг уви­дел меж­ду его ро­га­ми си­я­ю­щий Крест, а на нем – рас­пя­то­го Сы­на Бо­жия. По­ра­жен­ный Пла­ки­да услы­шал глас: "За­чем ты го­нишь Ме­ня, Пла­ки­да?" – "Кто Ты, Гос­по­ди, го­во­ря­щий со мною?" – в стра­хе спро­сил Пла­ки­да. И услы­шал в от­вет: "Я – Иисус Хри­стос, Бог, во­пло­тив­ший­ся ра­ди спа­се­ния лю­дей и пре­тер­пев­ший воль­ные стра­да­ния и Крест­ную смерть. Ты Ме­ня, не зная, по­чи­та­ешь, ибо твои доб­рые де­ла и обиль­ные ми­ло­сты­ни до­шли до Ме­ня. Явил­ся Я здесь, чтобы об­ра­тить и при­со­еди­нить те­бя к вер­ным ра­бам Мо­им. Ибо не хо­чу Я, чтобы че­ло­век, тво­ря­щий пра­вед­ные де­ла, по­гиб в се­тях вра­жи­их".

Пла­ки­да вос­клик­нул: "Гос­по­ди, я ве­рую, что Ты – Бог Неба и зем­ли, Тво­рец всех тва­рей. Мо­лю Те­бя, Гос­по­ди, на­учи ме­ня, что мне де­лать". И вновь про­зву­чал Бо­же­ствен­ный глас: "Иди к свя­ще­ни­ку хри­сти­ан­ско­му, при­и­ми от него Кре­ще­ние, и он на­ста­вит те­бя ко спа­се­нию".

С ра­до­стью Пла­ки­да вер­нул­ся до­мой, все рас­ска­зал жене; та, в свою оче­редь, по­ве­да­ла ему о том, как на­ка­нуне ей в та­ин­ствен­ном сно­ви­де­нии Кто-то ска­зал: "Ты, твой муж и твои сы­но­вья зав­тра при­де­те ко Мне и по­зна­е­те Ме­ня – Иису­са Хри­ста, Ис­тин­но­го Бо­га, по­сы­ла­ю­ще­го спа­се­ние лю­бя­щим Ме­ня". Су­пру­ги по­сту­пи­ли, как им бы­ло ве­ле­но.

Они об­ра­ти­лись к хри­сти­ан­ско­му пре­сви­те­ру, ко­то­рый кре­стил все их се­мей­ство и всех при­ча­стил Свя­тых Та­ин.

На сле­ду­ю­щий день свя­той Ев­ста­фий от­пра­вил­ся на ме­сто сво­е­го чу­дес­но­го об­ра­ще­ния и в го­ря­чих мо­лит­вах воз­бла­го­да­рил Гос­по­да, при­звав­ше­го его на путь спа­се­ния.

И опять свя­той Ев­ста­фий был удо­сто­ен чу­дес­но­го от­кро­ве­ния – Сам Бог пре­ду­пре­ждал его о пред­сто­я­щих ис­пы­та­ни­ях: "Ев­ста­фий, по­до­ба­ет те­бе на де­ле про­явить твою ве­ру. Те­бе, как Иову, пред­сто­ит пре­тер­петь мно­гие скор­би, чтобы, бу­дучи ис­ку­шен­ным, по­доб­но зо­ло­ту в гор­ни­ле, явить­ся до­стой­ным Ме­ня и при­нять ве­нец из рук Мо­их". Свя­той Ев­ста­фий сми­рен­но от­ве­чал: "Да бу­дет во­ля Твоя, Гос­по­ди, всё го­тов я при­нять из рук Тво­их с бла­го­да­ре­ни­ем, толь­ко бы Твоя все­силь­ная по­мощь бы­ла со мной".

Вско­ре на Ев­ста­фия об­ру­ши­лись бед­ствия: умер­ли все его слу­ги и пал весь скот. Ра­зо­рен­ный, но не упав­ший ду­хом, свя­той Ев­ста­фий с се­мьей по­ки­нул тай­но дом, чтобы жить в без­вест­но­сти, сми­ре­нии и ни­ще­те. На ко­раб­ле он на­пра­вил­ся в Еги­пет. Во вре­мя пла­ва­ния но­вое несча­стье по­стиг­ло свя­то­го. Хо­зя­ин ко­раб­ля, пре­льстив­шись кра­со­той же­ны Ев­ста­фия, без­жа­лост­но вы­са­дил его с детьми на бе­рег, а же­ну оста­вил у се­бя. В ве­ли­кой скор­би свя­той про­дол­жал свой путь, и но­вое го­ре раз­ра­зи­лось над ним. Пе­ре­хо­дя бур­ную ре­ку вброд, он пе­ре­но­сил по оче­ре­ди двух сво­их сы­но­вей, но по­ка он пе­ре­но­сил од­но­го – дру­го­го схва­тил на бе­ре­гу лев и унес в пу­сты­ню, а по­ка воз­вра­тил­ся к дру­го­му – то­го ута­щил в лес волк.

По­те­ряв всё, горь­ко пла­кал свя­той Ев­ста­фий. Но он со­зна­вал, что это Бо­же­ствен­ный Про­мысл по­слал ему эти несча­стья, чтобы ис­пы­тать его тер­пе­ние и пре­дан­ность во­ле Бо­жи­ей. В мо­лит­вах из­лив Бо­гу свое неутеш­ное го­ре, свя­той Ев­ста­фий по­шел даль­ше, сми­рен­но го­то­вый к но­вым ис­пы­та­ни­ям. В се­ле­нии Ва­дисс он на­нял­ся ра­бо­чим и пят­на­дцать лет про­вел в непре­рыв­ных тру­дах. И не знал то­гда свя­той Ев­ста­фий, что по ми­ло­сти Бо­жи­ей пас­ту­хи и зем­ле­паш­цы спас­ли его сы­но­вей, и они жи­ли ря­дом с ним; не знал он и то­го, что нече­сти­вый ко­ра­бель­щик был ско­ро на­ка­зан – он умер от же­сто­кой бо­лез­ни, а же­на свя­то­го Ев­ста­фия, остав­шись непри­кос­но­вен­ной, жи­ла в мир­ных тру­дах.

В то вре­мя им­пе­ра­то­ру Тра­я­ну при­шлось ве­сти труд­ную для Ри­ма вой­ну. Он вспом­нил доб­лест­но­го пол­ко­вод­ца Пла­ки­ду и от­пра­вил во­и­нов Ан­тио­ха и Ака­кия, дру­зей Пла­ки­ды, его разыс­кать.

Объ­е­хав мно­же­ство об­ла­стей, они при­шли в се­ле­ние, где жил свя­той Ев­ста­фий. Во­и­ны встре­ти­ли Ев­ста­фия в по­ле, где он сто­ро­жил хлеб, но не узна­ли его и ста­ли го­во­рить ему о том, ко­го ищут, про­ся его по­мо­щи и обе­щая боль­шую пла­ту. Но свя­той Ев­ста­фий, сра­зу узнав сво­их дру­зей, не от­кры­вал им сво­е­го име­ни. Он при­вел их в дом сво­е­го хо­зя­и­на и на­кор­мил. При­смат­ри­ва­ясь к нему, пут­ни­ки за­ме­ти­ли, что он очень по­хож на их пол­ко­вод­ца, а ко­гда уви­де­ли на его шее осо­бую при­ме­ту – след от глу­бо­кой бо­е­вой ра­ны, по­ня­ли, что пе­ред ни­ми – их друг. Они об­ня­ли его со сле­за­ми и рас­ска­за­ли, за­чем ис­ка­ли его. Свя­той Ев­ста­фий вер­нул­ся в Рим и вновь стал им­пе­ра­тор­ским во­е­на­чаль­ни­ком. Мно­го но­во­бран­цев при­шло к нему в вой­ско, и не ве­дал он, что два мо­ло­дых во­и­на-дру­га, ко­то­рым он ча­сто да­вал при­ка­за­ния и ко­то­рых по­лю­бил за лов­кость и сме­лость, бы­ли его сы­но­вья, и они не зна­ли, что слу­жат под на­ча­лом сво­е­го от­ца и что друг дру­гу они – род­ные бра­тья.

Од­на­жды в по­хо­де вой­ско, ко­то­рое вел Ев­ста­фий, оста­но­ви­лось в од­ном се­ле­нии. Во­и­ны-бра­тья бе­се­до­ва­ли в па­лат­ке. Стар­ший рас­ска­зы­вал о сво­ей судь­бе: как он по­те­рял мать и несчаст­но­го бра­та, как ужас­ным об­ра­зом был раз­лу­чен с от­цом. И млад­ший с ра­до­стью по­нял, что пе­ред ним его брат, и по­ве­дал о се­бе.

Раз­го­вор во­и­нов слы­ша­ла жен­щи­на, у до­ма ко­то­рой бы­ла рас­ки­ну­та па­лат­ка, – это бы­ла их мать. Она по­ня­ла, что это ее сы­но­вья. Еще не от­кры­ва­ясь им, но очень же­лая с ни­ми не рас­ста­вать­ся, она при­шла к их на­чаль­ни­ку – свя­то­му Ев­ста­фию про­сить раз­ре­ше­ния сле­до­вать с его вой­ском. В нем она узна­ла сво­е­го му­жа и в сле­зах рас­ска­за­ла ему о се­бе и о двух во­и­нах, ко­то­рые ока­за­лись их сы­но­вья­ми. Так, по ве­ли­ко­му ми­ло­сер­дию Гос­по­да, встре­ти­лась вся се­мья.

К это­му вре­ме­ни по­бе­дой за­кон­чи­лась вой­на. С по­че­стя­ми и сла­вой вер­нул­ся свя­той Ев­ста­фий в Рим. Пре­ем­ни­ком умер­ше­го им­пе­ра­то­ра Тра­я­на стал те­перь Адри­ан (117–138), ко­то­рый по­же­лал от­празд­но­вать со­бы­тия тор­же­ствен­ным жерт­во­при­но­ше­ни­ем бо­гам. К удив­ле­нию всех, в ка­пи­ще не ока­за­лось свя­то­го Ев­ста­фия. По ве­ле­нию им­пе­ра­то­ра его сроч­но разыс­ка­ли.

"По­че­му ты не хо­чешь по­кло­нить­ся бо­гам? – спро­сил им­пе­ра­тор. – Те­бе преж­де дру­гих сле­до­ва­ло бы воз­дать им бла­го­да­ре­ние. Они не толь­ко со­хра­ни­ли те­бя на войне и да­ро­ва­ли по­бе­ду, но и по­мог­ли най­ти же­ну и де­тей". Свя­той Ев­ста­фий от­ве­тил: "Я – хри­сти­а­нин и знаю Еди­но­го Бо­га мо­е­го Иису­са Хри­ста, Его чту и бла­го­да­рю, и по­кло­ня­юсь Ему. Он всё да­ро­вал мне: здо­ро­вье, по­бе­ду, вер­нул се­мью и нис­по­слал Свою по­мощь на одо­ле­ние ис­пы­та­ний". В гне­ве им­пе­ра­тор раз­жа­ло­вал про­слав­лен­но­го пол­ко­вод­ца и вы­звал его с се­мьей на суд. Но и там не уда­лось твер­дых ис­по­вед­ни­ков Хри­сто­вых скло­нить к идоль­ско­му жерт­во­при­но­ше­нию. Всё се­мей­ство свя­то­го Ев­ста­фия бы­ло осуж­де­но на рас­тер­за­ние зве­ря­ми. Но зве­ри не тро­ну­ли свя­тых му­че­ни­ков. То­гда же­сто­кий им­пе­ра­тор в яро­сти при­ка­зал бро­сить всех жи­вы­ми в рас­ка­лен­но­го мед­но­го бы­ка, в ко­то­ром и при­ня­ли му­че­ни­че­скую кон­чи­ну свя­тые Ев­ста­фий, его же­на Фе­о­пи­стия и их сы­но­вья Ага­пий и Фе­о­пист. Ко­гда через три дня от­кры­ли ог­нен­ную мо­ги­лу, те­ла свя­тых му­че­ни­ков бы­ли об­ре­те­ны невре­ди­мы­ми – ни один во­лос не сго­рел на их гла­вах, а ли­ца си­я­ли незем­ной кра­со­той. Мно­гие ви­дев­шие чу­до уве­ро­ва­ли во Хри­ста. Хри­сти­ане пре­да­ли по­гре­бе­нию чест­ные те­ла свя­тых.

См. так­же: "Жи­тие и стра­да­ние свя­то­го ве­ли­ко­му­че­ни­ка Ев­ста­фия Пла­ки­ды, его су­пру­ги и чад" в из­ло­же­нии свт. Ди­мит­рия Ро­стов­ско­го.