Акафист Пресвятой Богородице пред иконой «Аз есмь с вами, и никтоже на вы» (Леушинская)
Не утвержден для общецерковного использования.
Взбра́нной Воево́де, невече́рняго Све́та Роди́тельнице, преди́вной Засту́пнице ро́да христиа́нскаго, Боже́ственное зна́мение спасе́ния — Христа́ Богомладе́нца на руку́ Свое́ю держа́щей, моли́твам Це́ркве земны́я вне́млющей, благоизво́лившей от святы́я Своея́ Леуши́нской ико́ны излива́ти на́м струи́ благода́тных исцеле́ний, похва́льная воспису́ем Ти́, Всесвята́я Богоро́дице. Ты́ же, Всеми́лостивая Цари́це, я́ко иму́щая держа́ву непобеди́мую и милосе́рдие неисче́тное, от вся́ких на́с бе́д и скорбе́й при́сно свобожда́й, да зове́м Ти́:
Архистрати́г Михаи́л и вся́ небе́сныя си́лы песносло́вят Тя́, Влады́чице, Честне́йшую Херуви́м и Сла́внейшую без сравне́ния Серафи́м, су́щую Богоро́дицу; и мы́ гре́шнии на земли́, подо́бяся си́м безпло́тным си́лам, и ра́дуяся пе́рвым глаго́лам ра́дости, принесе́нным Тебе́ Арха́нгелом Гаврии́лом и пра́ведною Елисаве́тою, ку́пно с ни́ми из глубины́ се́рдца на́шего вопие́м Ти́:
Ви́дят Тебя́, Пречи́стая Ма́терь Христо́ва, все́ Си́лы Небе́сныя, вы́ну предстоя́щую пред Престо́лом Бо́жиим за все́х христиа́н моля́щуюся Сы́ну и Бо́гу Твоему́. Мы́ же, гре́шнии, созерца́я о́браз Тво́й, «А́з е́смь с ва́ми и никто́же на вы́» имену́емый и к нему́ с наде́ждою ве́лиею припа́дая, Тебе́ Саме́й ра́достно покланя́емся, Го́сподеви взыва́я: Аллилу́иа.
Ра́зум благопросвеще́н име́юще, святы́е пра́отцы и проро́цы Иа́ков, Моисе́й, Дави́д и други́х мно́жество в словесе́х, виде́ниях, со́ниих чу́дное Рождество́ Твое́ и та́йну Присноде́вства Твоего́ изобрази́ша. Проразуме́ша ду́хом Бо́жиим апо́столи Христо́вы, ко́ль вожделе́нно бу́дет для ве́рующих начерта́ние на дске́ святе́йшего ли́ка Пречи́стой Де́вы Богома́тери, избра́ша из среды́ себе́ боже́ственнаго Луку́, я́ко живопи́сца преди́вна. И то́й, испроси́ Ма́тернее от Тебе́ благослове́ние, подкрепля́емый посто́м и моли́твою, написа́ пе́рвую ико́ну Тебе́ Влады́чице, к не́й же Сама́ рекла́ еси́: с о́бразом си́м бу́дут благода́ть Моя́ и си́ла. Сего́ ра́ди со умиле́нием и любо́вию воспева́ем Тебе́:
Си́лою Твое́й многомо́щней моли́твы обрати́ на пу́ть покая́ния и на́с, иму́щих сла́бую во́лю удобопрекло́нную греху́, я́ко согреша́ем ежеча́сно пред Сыно́м Твои́м и Бо́гом. Не тщи́мся воспря́нути от сна́ грехо́внаго, и не разумева́ем, ка́ко жи́знь на́ша прехо́дит, я́ко де́нь вчера́шний, и́же ми́мо и́де, но яви́ на́м милосе́рдие Твое́, е́же с наде́ждой вопи́ти Тебе́: Аллилу́иа.
Иму́щи Ма́тернюю любо́вь к лю́дем, восприя́ла еси́ в сыновство́ ве́сь ро́д людско́й вку́пе со святы́м апо́столом Иоа́нном, егда́ Сы́н Тво́й Боже́ственный на Дре́ве Кре́стнем ре́кл еси́: «Же́но, се́, сы́н Тво́й»; и с Ни́м ми́р возлюби́ла еси́. Ны́не же про́сим тя́: не преста́й, Пречи́стая, теплото́ю любве́ Твоея́, я́ко Ма́ти все́х, в ско́рбех и печа́лех, и напа́стех жите́йских су́щих, умоля́ти Всеще́драго Бо́га, да да́рует земли́ на́шей ми́р и безмяте́жие, Це́ркви же Святе́й непоколеби́мое благостоя́ние, да от все́х зо́л Тобо́ю избавля́еми, вопие́м Ти́:
Бу́рю земна́го ско́рбнаго жития́ на́шего в не́мощех и боле́знех ви́дящи, Премилосе́рдая Ма́ти Бо́жия благоизво́ли яви́ти чу́до явле́ния о́браза своего́, и мы́ с ра́достию несказа́нною припа́даем к Тебе́, Влады́чице, и из глубины́ души́ благодари́м Тя́, ди́вную Засту́пницу, воспева́юще Бо́гу: Аллилу́иа.
Слы́шавше горя́чия моли́твы боля́рыни Викто́рии Пу́шкиной, дще́рь благослове́нную дарова́ла еси́ е́й, Пречи́стая Богоро́дице, и́же че́стно послужи́ ма́тери свое́й земно́й, а по́слежде и в оби́телех ру́сских по́двиги мона́шескими и моли́твами всеусе́рдными угоди́ Тебе́ и Боже́ственному Сы́ну Твоему́. Мы́, с ра́достию и умиле́нием воспомина́я ми́лости твои́, преподо́бней ма́тери на́шей Таи́сии, ве́рной служи́тельнице твое́й, велича́я Тя́, Всенепоро́чная Ма́ти Бо́жия и с наде́ждою смире́нно прино́сим ти́ похвалы́ сия́:
Я́ко боготе́чней звезде́ покланя́емся ны́не пречестне́й ико́не Твое́й «А́з е́смь с ва́ми и никто́же на вы́ имену́емой», зря́ще ю́ исто́чником мно́гих исцеле́ний и кла́дезем всемо́щныя по́мощи. О, Любвеоби́льная Ма́ти Де́во, к ро́ду челове́ческому Боже́ственною ми́лостию преиспо́лненная, про́сим Тя́: спаса́й и ны́не во все́й вселе́нней безпомо́щныя ду́ши людски́я, во мра́ке грехо́вном погиба́ющия. Стра́ждущия бо сердца́, я́ко ре́ки многово́дныя, теку́т к се́рдцу Твоему́ матери́нскому, к сему́ ди́вному исто́чнику любви́ и милосе́рдия, Мы́ же благода́рне за Ма́терь такову́ю ро́да на́шего вопие́м Предве́чному и Милосе́рдому Бо́гу: Аллилу́иа.
Ви́девше пресла́вную оби́тель Леу́шинскую труда́ми христиа́н благочести́вых в се́верных преде́лех держа́вы Росси́йстей устроя́емую, благоволи́ла еси́, Преблагослове́нная Цари́це Небе́сная, но́вый уде́л земно́й зде́ основа́ти и в явле́ниих Твои́х пресла́вней ма́тери на́шей Таи́сии возвести́ла еси́ во́лю Твою́ и ми́лости твои́ и́нокиням и миря́ном оби́льно источи́ла еси́. Мы́ же, ве́руя несомне́нно, я́ко и ны́не не оскуде́ благосе́рдие твое́ к на́м, велича́ем тя́ си́це:
Пропове́дница вели́каго и неизрече́ннаго милосе́рдия твоего́ яви́ся богопросвеще́нная игу́мения Таи́сия, и́же внима́я веле́нием Твои́м, Всесвята́я Богоро́дице, благослови́ла иноки́ню Али́пию ди́вный о́браз Тво́й на дсце́ написа́ти и Ду́хом Святы́м вдохновля́емая ико́ну сию́ «А́з е́смь с ва́ми и никто́же на вы́» нарекла́ еси́. Сие́ же ны́не помина́юще, про́сим Тя́, о всепе́тая Ма́ти, ми́лостиво простри́ Тво́й взо́р, и на́м возвести́ о ми́лости снисхожде́ния всера́достным гла́сом Твои́м, глубо́кие ра́ны умягчи́ еле́ом безме́рнаго милосе́рдия Твоего́. Мы́ же, обра́дованныя Твое́ю к на́м матери́нскою любо́вию, с ликова́нием возглаша́ем о тебе́ Бо́гу: Аллилу́иа.
Возсия́ла еси́ я́ко со́лнце и́стинное во ико́не Твое́й Леуши́нской, всесвята́я Богоро́дице, луча́ми ма́терния любве́ Своея́ на́с согрева́ющи; сего́ ра́ди со смире́нием мо́лим Тя́: умилосе́рдися, Госпоже́ Пресвята́я, на бе́дствующими людьми́, изба́ви на́с от все́х напа́стей, бе́д и скорбе́й, находя́щих на ны́ за грехи́ на́шя, да Тобо́ю ра́дости прича́стницы бы́вше, зове́м Ти́:
Хотя́ще Человеколю́бец Госпо́дь спасти́ челове́ка от ве́чныя сме́рти даде́ в по́мощь и заступле́ние Ма́терь Свою́. И никто́ не оты́де то́щ и неуслы́шан от о́браза Твоего́, «А́з е́смь с ва́ми и никто́же на вы́» имену́емаго; сия́ у́бо ве́дуще преподо́бная Таи́сия в оби́тели своея́ учреди́ чи́н неусыпа́емаго чте́ния ака́фистов, дабы́ ангелоподо́бно вся́к ча́с прославля́ти Тя́, Де́во и Ма́терь Всевы́шняго. Мы́ же, ве́дуще, я́ко усе́рдие оскуде́ на́ше, на ми́лость твою́, Пренепоро́чная Богоро́дице, упова́ем и в покая́нии сле́зно глаго́лем Сы́ну Твоему́: Аллилу́иа.
Но́вый недомы́сленный ра́й, име́яй посреде́ Себе́, я́ко Дре́во жи́зни все́х Го́спода, зри́м Тебе́, Пренепоро́чная, Богоро́дице Присноде́во. А́ще и обстоя́т Тя́ Херуви́мы, но не ору́жия пла́менная в рука́х держа́т, па́че же разли́чныя духо́вныя да́ры от Тебе́ раздаю́т все́м, с и́скреннею и глубо́кою ве́рою к Тебе́ притека́ющим. Сие́ у́бо разуме́я Пра́ведный Иоа́нн Кроншта́дтский благослови́ ве́рных ча́д свои́х духо́вных почита́ти новоявле́нный о́браз Тво́й Леуши́нский, да не оскуде́ют в на́с любы́, ве́ра и наде́жда. Та́ко и мы́ дерза́ем велича́ти Тя́ Богора́дованная Цари́це, благохвале́ньми сицевы́ми:
Стра́нники и прише́льцы есмы́ на земли́ и, по глаго́лу апо́стола, не и́мамы зде́ пребыва́ющаго гра́да, но к кому́ прибе́гнем, Влады́чице, в ско́рбех стра́нствия на́шего, а́ще не к Тебе́, Всеблага́я? Ты́ бо бе́дствующих все́х По́моще и оби́димых Засту́пнице блага́я, Ма́ти Бо́жия Пречи́стыя. Многоско́рбных на́с Ты́ не оставля́ющая, но по́сле ско́рбных бе́д на́м ра́дости даю́щая. Мо́лим Тя́, Влады́чице, сохрани́ на́с от паде́ний грехо́вных, от собла́знов и непра́вды, да не поги́бнем лю́те, без покая́ния, и да сподо́бимся со все́ми чи́стыми сердца́ми воспева́ти Бо́гу: Аллилу́иа.
Все́ упова́ние свое́ на Тя́, Цари́це Небе́сная, возложи́х во дни́ вели́каго испыта́ния вое́ннаго Преподо́бный и Богоно́сный Ста́рец Серафи́м Вы́рицкий, подъя́в по́двиг неуста́нней тысячедне́вней моли́твы пред Леуши́нскою ико́ною твое́ю за наро́д сво́й, в борьбе́ с супоста́ты зело́ стра́ждущий, ве́руя несумне́нно в предста́тельство Твое́ пред Престо́лом Святы́я Тро́ицы. Возстаю́щии же у́бо на Бо́га не позна́ют, ко́ль си́льна е́сть моли́тва Бо́жией Ма́тери. Мы́ же о Твое́м всемо́щнем заступле́нии, по́мощи и благослове́нии до́бре ве́дуще, славосло́вим Тя́ си́це:
Вся́к земноро́дный да взыгра́ется ду́хом просвеща́ем и да лику́ет, сла́вяще, Богома́ти Пречи́стая, све́тлое торжество́ о́браза Твоего́ «А́з е́смь с Ва́ми и никто́же на вы́» имену́емаго и да вопию́т вси́ ку́пно с небе́сными си́лы безпло́тными гла́сом арха́нгельским: Ра́дуйся Благода́тная, Госпо́дь с Тобо́ю, и Тобо́ю с на́ми воспева́ющими Ему́ пе́снь: Аллилу́иа.
Вити́йствующий язы́к не возмо́жет досто́йно восхвали́ти Тя́ Богоро́дице, я́ко все́м блага́я подае́ши, Де́ва Всепе́тая, коему́ждо по потре́бе: боля́щим здра́вие, оби́димым покро́в и защище́ние, а́лчущих хле́бом пита́еши, слепы́м зре́ние да́руеши; вразуми́ все́х заблу́ждших и наста́ви на пу́ть покая́ния да согла́сно с на́ми взыва́ют Ти́:
Спаси́тельный про́мысл Госпо́день яви́ла еси́, Всесвята́я Богоро́дице, егда́ бу́рею страсте́й грехо́вных обурева́емыя, наро́ды росси́йския от ве́ры оте́ческия отхожда́ху и за́поведи Христо́вы наруша́ху, просвети́вши ве́рных ча́д Бо́жиих, я́ко Ты́ еси́ я́корь спасе́ния и све́т во тьме́ ми́ра, просвеща́яй ослепле́нных горды́нею жите́йскою, и подвиза́яй Сы́ну Твоему́ возноси́ти пе́снь покая́ния и благодаре́ния: Аллилу́иа.
Стена́ необори́мая и заступле́ние всемо́щное всему́ ми́ру христиа́нскому дарова́ся о́браз Пречи́стей Ма́тери Бо́жий Леуши́нской, его́ лю́дие благочести́выя в годи́ну сму́т и гоне́ний на Це́рковь Христо́ву сохрани́ша от поруга́ния безбо́жников, ве́руя, я́ко все́м с ве́рою и любо́вию притека́ющим к Тебе́, Пречи́стая Влады́чице, да́руеши грехо́в проще́ние, с Сы́ном Твои́м и Бо́гом примире́ние, скорбе́й утоле́ние и ра́дости возвраще́ние; те́м же мо́лим Тя́: заступи́ и покры́й и огради́ все́х на́с от искуше́ний, озлобле́ний и бе́д с любо́вию взыва́ющих Ти́ си́це:
Пе́ние на́ше, а́ще и тмочи́сленное бы бы́ло, не довле́ет к досто́йному прославле́нию мно́гих ми́лостей Твои́х и щедро́т, Преблагослове́нная Ма́терь Го́спода на́шего, и́миже непреста́нно благоде́тельствуеши ро́ду на́шему: оба́че да не неблагода́рни яви́мся пред Тобо́ю, Благоде́тельнице на́ша, по си́ле на́шей благода́рственныя пе́сни Тебе́ прино́сим с ве́рою и любо́вию, и прославля́я неисче́тная чудотворе́ния Твоя́, вопие́м Верхо́вному Творцу́ чуде́с Бо́гу: Аллилу́иа.
Светоза́рная свеща́, су́щим во тьме́ греха́ и юдо́ли пла́ча яви́ся Леуши́нская ико́на Твоя́, Пречи́стая Влады́чице, ю́же сохрани́ша благочести́выя христиа́не в земли́ малоросси́йстей: все́м бо притека́ющим к не́й струи́ исцеле́ний излива́еши и чуде́с заря́ми сердца́ ве́рных весели́ши, подвиза́ющи взыва́ти Тебе́ си́це:
Благода́тию Твое́ю, Влады́чице, и ны́не все́м ве́рою притека́ющим к цельбоно́сней ико́не Твое́й не оставля́еши Призыва́ющим И́мя Твое́, Свято́е услы́ши, подая́ благослове́ние супру́жеством, вступа́ющим во бра́чную жи́знь, уча́щимся по́мощи, вдова́м и сирота́м защи́ту и спасе́ние, больны́м и неду́жным здра́вие и укрепле́ние, и вся́ по коего́ждо потре́бе блага́я утеше́ния, да вси́ Тобо́ю сохраня́еми Го́споду вопию́т: Аллилу́иа.
Пою́щия многообра́зныя Твоя́ чудеса́, Влады́чице Богоро́дице, во спасе́ние ро́да челове́ческаго соде́янныя, мо́лим Го́спода и Влады́ку вся́ческих, да пода́ст на́м Ду́ха кро́тости ко сла́ве Бо́жией рабо́тати и се́рдце ми́лующее, и́же в Тебе́, николи́же оскуде́ет и во все́х, зову́щих Ти́ си́це:
О, Всепе́тая Ма́ти, Похвало́ Леуши́нская и всего́ ми́ра Наде́ждо и Утеше́ние, для утеше́ния стра́ждущих вели́каго Искупи́теля пресла́вно ро́ждшая, от на́с недосто́йных сии́ мольбы́ с любо́вию приими́, десни́цею ми́лости Твоея́ к стра́ждущим сердца́м ми́лостиво простри́, сле́зы пла́чущих отри́, все́м и́щущим матери́нския по́мощи Твоея́, да́руй благи́е щедро́ты любвеоби́льнаго се́рдца Твоего́: да во святы́х ди́вных доброде́телех Твои́х восхва́лим Отца́ Вседержи́теля, Сы́на Бо́жия Искупи́теля, и Ду́ха Свята́го Уте́шителя, воспева́я: Аллилу́иа.
Этот конда́к читается трижды, затем и́кос 1-й и конда́к 1-й.
Архистрати́г Михаи́л и вся́ небе́сныя си́лы песносло́вят Тя́, Влады́чице, Честне́йшую Херуви́м и Сла́внейшую без сравне́ния Серафи́м, су́щую Богоро́дицу; и мы́ гре́шнии на земли́, подо́бяся си́м безпло́тным си́лам, и ра́дуяся пе́рвым глаго́лам ра́дости, принесе́нным Тебе́ Арха́нгелом Гаврии́лом и пра́ведною Елисаве́тою, ку́пно с ни́ми из глубины́ се́рдца на́шего вопие́м Ти́:
Взбра́нной Воево́де, невече́рняго Све́та Роди́тельнице, преди́вной Засту́пнице ро́да христиа́нскаго, Боже́ственное зна́мение спасе́ния — Христа́ Богомладе́нца на руку́ Свое́ю держа́щей, моли́твам Це́ркве земны́я вне́млющей, благоизво́лившей от святы́я Своея́ Леуши́нской ико́ны излива́ти на́м струи́ благода́тных исцеле́ний, похва́льная воспису́ем Ти́, Всесвята́я Богоро́дице. Ты́ же, Всеми́лостивая Цари́це, я́ко иму́щая держа́ву непобеди́мую и милосе́рдие неисче́тное, от вся́ких на́с бе́д и скорбе́й при́сно свобожда́й, да зове́м Ти́:
О Пресвята́я Де́во, Ма́ти Го́спода, Цари́це Небесе́ и земли́! Вонми́ многоболе́зненному воздыха́нию души́ на́шея, при́зри с высоты́ святы́я Твоея́ на на́с, с ве́рою и любо́вию поклоня́ющихся Пречи́стому о́бразу Твоему́. Се́ бо грехми́ погружа́емии и скорбьми́ обурева́емии, взира́я на Тво́й о́браз, я́ко живе́й Ти́ су́щей с на́ми, прино́сим смире́нная моле́ния на́ша.