Акафист Пресвятой Богородице пред иконой «Млекопитательница»
Утвержден Священным Синодом 26 декабря 2019 года (журнал №163).
Память: 25 (12) января
Утвержден для общецерковного использования.
Взбра́нной Воево́де, Влады́чице на́шей Богоро́дице, похва́льная пе́ния прино́сим Ти́ раби́ Твои́ о явле́нии чудотво́рныя ико́ны Твоея́. Ты́ же, я́ко иму́щая милосе́рдие неизрече́нное, соблюди́ и спаси́ от вся́ких бе́д рабы́ Твоя́, с ве́рою и любо́вию вопию́щия Ти́:
Арха́нгел Гаврии́л с Небесе́ прии́де к Тебе́, Богоро́дице, благовести́ти непостижи́мое рожде́ние от Тебе́ Бо́га Сло́ва, и рече́: ра́дуйся, Благода́тная, Госпо́дь с Тобо́ю. Те́мже и мы́, смире́ннии, дерза́ем вопи́ти к Тебе́ си́це:
Ви́дя Ио́сиф целому́дренный Чи́стую Де́ву непра́здну су́щу, восхоте́ та́й пусти́ти Ю́: уве́дев же во чре́ве иму́щу от Ду́ха Свя́та, удиви́ся непостижи́мей та́йне воплоще́ния, и до конца́ ве́рен храни́тель чистоты́ Ея́ пребы́сть; мы́ же, гре́шнии, сла́вяще е́же о на́с Госпо́дне смотре́ние, во умиле́нии серде́ц на́ших благогове́йно покланя́емся Ти́, Де́во Чи́стая, вопию́ще ро́ждшемуся от Тебе́ Бо́гу: Аллилу́иа.
Ра́зум челове́ческий недоразумева́ет пости́гнути ве́лие та́инство воплоще́ния от Тебе́, Пречи́стая, Христа́ Бо́га на́шего, и А́нгели Небе́снии недоуме́нно дивя́тся, ка́ко на́с ра́ди, челове́к, Влады́ки Христа́ с Небесе́ на зе́млю низхожде́ние и от Де́вы воплоще́ние бы́сть, мы́ же, земноро́днии, Тебе́ благодаре́ние принося́ще, ра́достно глаго́лем:
Си́ла Вы́шняго осени́ Тя, Мари́е Богоневе́стная, и Ду́х Святы́й на́йде на Тя́ по благове́стию Арха́нгелову. Те́мже благода́тию Свята́го Ду́ха осеня́ема, зачала́ еси́ во утро́бе Твое́й и яви́лася еси́ одушевле́нный Киво́т Сло́ва воплоще́ннаго, Ему́же прера́достно вопие́м: Аллилу́иа.
Иму́щи любо́вь к челове́ком, искупле́нным Кро́вию Сы́на Твоего́, Преблага́я Влады́чице, прия́ла еси́ от Бо́га благода́ть покрыва́ти ро́д христиа́нский, ему́же в утеше́ние ико́ну Твою́ сию́ святу́ю, чуде́с благода́тию просла́вленную, ми́лостивно дарова́ла еси́. Те́мже благода́рственно вопие́м Ти́:
Бу́рное мо́ре преплы́в, Са́вва святы́й, Се́рбския Це́ркве первосвяти́тель, за́поведь испо́лнь вели́каго Са́ввы Освяще́ннаго, прия́ благогове́йно чудотво́рную ико́ну Твою́, Млекопита́тельнице, от ру́к преподо́бных оте́ц Ла́вры его́ и ра́достно возопи́ к носи́мому на рука́х Твои́х Сы́ну Бо́жию: Аллилу́иа.
Слы́шавше и́ноцы Святы́я Горы́ Афо́нския, я́ко честна́я ико́на Твоя́, Богоро́дице, от Иерусали́ма к ни́м гряде́т, с ра́достию изыдо́ша в сре́тение ея́, и узре́вше ю́, рука́ма святи́теля Са́ввы носи́мую, благогове́йно поклони́шася и с весе́лием си́це Тебе́ вопия́ху:
Боготе́чною звездо́ю води́мии волсви́ достиго́ша хра́мины, в не́йже узре́ша Отроча́ с Мари́ею, Ма́терию Его́, и па́дше поклони́шася Ему́. Сего́ ра́ди и мы́, гре́шнии, предстоя́ще честне́й ико́не Твое́й, Богома́ти, я́ко Само́й Ти́ су́щей с на́ми и держа́щей на объя́тиих Твои́х Богомладе́нца, со умиле́нием покланя́емся Ему́, непреста́нно вопию́ще: Аллилу́иа.
Ви́дяще, Влады́чице, святу́ю ико́ну Твою́ с Богомладе́нцем Иису́сом, Его́же, я́ко блаже́нная Ма́ти, от сосцу́ Твое́ю пита́еши, велича́ем ди́вное смотре́ние Его́ о на́с, гре́шных, и умиле́нно вопие́м Ти́ такова́я:
Пропове́дуем ми́лости, явле́нныя Тобо́ю Святе́й Горе́ Афо́нстей, Богома́ти, и о Покро́ве Твое́м всечестне́м при́сно ра́дуемся, ви́дим бо, я́ко и ны́не от ико́ны Твоея́ исцеле́ний мно́жество быва́ет все́м ве́рою прося́щим и умиле́нно вопию́щим Бо́гу: Аллилу́иа.
Возсия́ла еси́ луча́ми преди́вных чуде́с Твои́х, Богоро́дице Де́во, от ико́ны Твоея́ святы́я, на не́йже де́вственную ле́поту Твою́ созерца́юще, и рука́ма Твои́ма держи́маго красне́йшаго па́че сыно́в челове́ческих Богомладе́нца ви́дяще, к славосло́вию Твоему́ подвиза́емся и та́ко глаго́лем:
Хотя́щим на́м, Богороди́тельнице, благогове́йно лобыза́ти чудотво́рный Тво́й о́браз, не возбрани́, Всеблага́я, грехо́в ра́ди на́ших, но, а́ще и недосто́йных, с любо́вию приими́ и вся́ проше́ния блага́я на́ша испо́лни; ве́мы бо, Цари́це, я́ко милосе́рдие Твое́ неисче́тно. Сего́ ра́ди с упова́нием неотсту́пным к Тебе́ прибега́ем и, сла́вяще чудеса́ Твоя́, пое́м Бо́гу: Аллилу́иа.
Но́вую ми́лость яви́ла еси́, Богоро́дице, егда́ неисчерпа́емый исто́чник исцеле́ний и благода́тную по́мощь все́м с ве́рою притека́ющим ко святе́й ико́не Твое́й дарова́ла еси́. Сего́ ра́ди, благодаря́ще Тя́ и пречу́дному о́бразу Твоему́ со умиле́нием припа́дающе, хвале́бно зове́м Ти́:
Стра́нствие на́ше земно́е многоско́рбное и многомяте́жное услажда́еши, Влады́чице, ико́ною Твое́ю свято́ю, к не́йже притека́юще с ве́рою и любо́вию, упова́ем, я́ко и́мамы Тя́ на Небеси́ Ма́терь и Покрови́тельницу Всеблагу́ю, при́сно споспешеству́ющую на́м в жи́зни се́й и по сме́рти на́с не оставля́ющую. О се́м ра́дующеся и из глубины́ се́рдца благодаря́ще Тя́, вопие́м Бо́гу: Аллилу́иа.
Вси́ ро́ди христиа́нстии при́сно блажа́т Тя́, Богоро́дицу су́щую, и на ли́к Тво́й Пречи́стый благогове́йно взира́юще, с ве́рою покланя́ются Тебе́, я́ко Честне́йшей Херуви́м и Сла́внейшей без сравне́ния Серафи́м. Те́мже и мы́, гре́шнии, с любо́вию вопие́м Ти́:
Вся́кая похвала́ не довле́ет сла́ве Твое́й, Богоро́дице Де́во: Ты́ бо Сы́на от Ду́ха Свята́го зачала́ еси́ и невмести́маго Бо́га во чре́ве вмести́ла еси́; Тобо́ю спасе́ние ми́ра возвеща́ется, па́дший же ро́д челове́чь Пречестны́м Рождество́м Твои́м от ве́чныя сме́рти свобожда́ется. Сего́ ра́ди из глубины́ души́ возсыла́ем Ти́ благода́рственная хвале́ния и, я́ко изба́вленнии от злы́х, пое́м Бо́гу: Аллилу́иа.
Вети́и многовеща́ннии не мо́гут пости́гнути ве́лию та́йну Твоего́ присноде́вства, Богоро́дице, ка́ко в рождестве́ и по рождестве́ Де́ва пребыла́ еси́. Мы́ же, ве́рою правосла́вно велича́юще Тя́ я́ко Присноде́ву и Ма́терь Предве́чнаго Живота́, прино́сим Ти́ из глубины́ серде́ц испове́дание на́ше и любо́вию вопие́м Ти́:
Спасти́ хотя́ ми́р, Предве́чное Сло́во избра́ Тя́, Пречи́стая, и из честны́х крове́й Твои́х истка́ Себе́ пло́ть, яви́ся на земли́ и спасе́ние ми́ру соде́ла. Те́мже песносло́вим Тя́ я́ко Всепе́тую Ма́терь Изба́вителя, благода́рственно вопию́ще Ему́: Аллилу́иа.
Сте́ну необори́му и покро́в неруши́м име́ют Тя́, Богоро́дице Де́во, во оби́телех и́ноческих подвиза́ющиися и Помо́щницу Держа́вну вси́, на Тя́ по Бо́зе все́ упова́ние свое́ возлага́ющии, Тебе́ бо даде́ся от Го́спода благода́ть моли́твеннаго заступле́ния, и Ты́ еси́ ве́рных в де́встве и чистоте́ утвержде́ние. Те́мже и мы́, гре́шнии, благооти́шие душе́вное в Тебе́ обрета́юще, усе́рдно взыва́ем:
Пе́ние хвале́бное прино́сим Ти́, Христе́ Царю́, в верте́пе ро́ждшемуся и во я́слех возле́гшему спасе́ния на́шего ра́ди. Те́мже в пе́снех велича́ем и Пречи́стую Ма́терь Твою́, Присноде́ву Мари́ю, пред честно́ю ико́ною Ея́ возвеща́юще ми́лости и чудеса́, и́миже обогати́ся вся́ вселе́нная. Ты́ же, Всеблага́я, Сама́ научи́ на́с вы́ну взыва́ти Бо́гу: Аллилу́иа.
Све́тлыми луча́ми чуде́с Твои́х, Богоро́дице Де́во, мра́к грехо́вный отгоня́еши, все́х на́с на стезю́ спасе́ния наставля́ющи. Те́мже мо́лим Тя́, Всеблага́я, приведи́ на́с к ти́хому приста́нищу Твоему́, да со умиле́нием прино́сим Ти́ хвале́бная пе́ния сицева́я:
Благода́ть и ми́лость испроси́, Преблагослове́нная Ма́ти, от Сы́на Твоего́, Христа́ Бо́га на́шего, и, воздева́ющи к Нему́ Богоприе́мнеи ру́це Твои́, умоли́ Его́ вся́ ны́ спасти́ и изба́вити от ги́бели ве́чныя: мно́го бо мо́жет моли́тва Твоя́ Ма́терняя ко благосе́рдию Влады́ки; те́мже ра́дующеся, пое́м Ро́ждшемуся из Тебе́: Аллилу́иа.
Пою́ще пресла́вная чудеса́ Твоя́, Богоро́дице Де́во, от ико́ны Твоея́ святы́я при́сно явля́емая, велича́ем Тя́, возвели́чившую ро́д на́ш. Ты́ же, Всеблага́я, освяти́ и спаси́ вопию́щия Ти́ сицева́я:
О Всепе́тая Ма́ти, Млекопита́тельнице Спа́са на́шего! Услы́ши серде́чная воздыха́ния на́ша, бу́ди те́плая Засту́пница и Моли́твенница за на́с пред Сы́ном Твои́м и Бо́гом, о е́же изба́витися на́м от гре́х на́ших, да не пребу́дем вне́ черто́га Его́, но сподо́бимся со все́ми святы́ми пе́ти Ему́: Аллилу́иа.
Этот конда́к читается трижды, затем и́кос 1-й и конда́к 1-й.
Арха́нгел Гаврии́л с Небесе́ прии́де к Тебе́, Богоро́дице, благовести́ти непостижи́мое рожде́ние от Тебе́ Бо́га Сло́ва, и рече́: ра́дуйся, Благода́тная, Госпо́дь с Тобо́ю. Те́мже и мы́, смире́ннии, дерза́ем вопи́ти к Тебе́ си́це:
Взбра́нной Воево́де, Влады́чице на́шей Богоро́дице, похва́льная пе́ния прино́сим Ти́ раби́ Твои́ о явле́нии чудотво́рныя ико́ны Твоея́. Ты́ же, я́ко иму́щая милосе́рдие неизрече́нное, соблюди́ и спаси́ от вся́ких бе́д рабы́ Твоя́, с ве́рою и любо́вию вопию́щия Ти́:
О Пресвята́я Влады́чице Богоро́дице, Пречи́стая и Ми́лостивая Млекопита́тельнице! С любо́вию и благогове́нием припа́дающе ко свято́му и чудотво́рному о́бразу Твоему́, на не́мже ви́дяще все́х Творца́ и Го́спода, я́ко Младе́нца, пречи́стым млеко́м Твои́м пита́ема, благохвале́ния и поклоне́ние прино́сим Ти́ гре́шнии и недосто́йнии раби́ Твои́ и сле́зно мо́лим Тя́: не оста́ви на́с без Твоея́ по́мощи и заступле́ния! Се́ бо грехми́ и страстьми́ разсла́бленни есмы́ и гла́дом духо́вным погиба́юще, а́лчем и жа́ждем пи́щи Небе́сныя. Оскуде́ бо в на́с ве́ра, упова́ние благо́е, любо́вь и благоче́стие. Несмы́сленни и младоу́мни есмы́, зане́ при́сно умо́м и дея́ньми младе́нствуем, и во́ли Бо́жия не твори́м, ниже́ разуме́ем, что́ е́сть благо́е или́ зло́е. Ты́ же, о Цари́це Небе́сная, Пита́тельница жи́зни на́шея, покро́вом ми́лости Твоея́ покрыва́ющая вселе́нную всю́, напита́й на́с от исто́чника бла́гости Твоея́ млеко́м богопозна́ния, да возраста́ем в стра́се Бо́жии и смиренному́дрии. Ты́ еси́ ми́ро, излия́нное лю́бящим Тя́ рабо́м Твои́м, росо́ю моли́тв Твои́х Богома́терних ороси́ на́с, да принесе́м Бо́гу плоды́ покая́ния и житие́ нескве́рное. Укрепи́ на́с малоду́шных, омраче́нных грехми́ просвети́, воста́ние страсте́й на́ших утоли́, ко спасе́нию ве́чному окорми́, не́мощи естества́ на́шего исцели́ и не оста́ви до конца́ поги́бнути рабы́ Твоя́, Ты́ бо еси́ еди́на Засту́пница на́ша и упова́ние, и вси́ наде́ющиися на Тя́ не постыдя́тся, я́ко да Твои́ми те́плыми моли́твами в де́нь Стра́шнаго Суда́ Христо́ва изба́вимся бу́дущаго осужде́ния и несконча́емыя му́ки, сподо́бимся же избра́нных ра́дости и весе́лия ве́чнаго, во е́же со все́ми святы́ми воспева́ти Сы́на Твоего́, Христа́ Бо́га на́шего, Ему́же подоба́ет вся́кая сла́ва и благодаре́ние, че́сть и поклоне́ние со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.