Акафист Пресвятой Богородице пред иконой «Подольская»
Не утвержден для общецерковного использования.
Взбра́нной Воево́де, засту́пнице на́шей Богоро́дице, осени́вшей богоспаса́емый гра́д Жито́мир явле́нием чу́дныя ико́ны Своея́ я́же на Подо́ле, Тебе́ Всеми́лостивей Влады́чице, хвале́бное пе́ние прино́сим Ти́ раби́ Твои́; Ты́ же, я́ко иму́щая Держа́ву непобеди́мую, сохрани́ и спаси́ благода́рне Ти́ вопию́щия:
А́нгелов Цари́це и пра́во сла́вящих Бо́га Влады́чице, Пречи́стая Де́во Богоро́дице, сподо́би на́с возноси́ти Тебе́ гла́сы, хвалы́ и благодаре́ния за вели́кия и премно́гия ми́лости источа́емыя ро́ду христиа́нскому и ра́достно воспева́я Ти́:
Ви́дяще Пречи́стая Влады́чице, не́мощи и боле́зни на́ша, благоизво́ли яви́ти ми́лость Свою́, утеша́я и исцеля́я коего́ждо по потре́бе его́, да никто́же от Тебе́ неуте́шен оты́дет. И мы́, благодаря́ще ди́вную Засту́пницу, те́пле о Тебе́ Бо́гу вопие́м: Аллилу́иа.
Разуме́ти тща́шеся та́йну Твоего́ о на́с попече́ния прибега́ем, о Богома́ти, к Тебе́. Ты́ же, я́ко блага́я наста́внице, научи́ на́с разуме́ти во́лю Твою́ святу́ю да зове́м Ти́ ра́достно:
Си́лою благода́ти от ико́ны Твоея́ Подо́льския исходя́щей, Влады́чице Всепе́тая, лю́те стра́ждущую рабу́ Бо́жию Наде́жду исцели́ла еси́. Она́ же, по испове́дании и причаще́нии Те́ла и Кро́ве Сы́на Твоего́, взира́юще на чу́до сия́ния ико́ны Твоея́, здра́ва бы́сть и воспе́ Бо́гу: Аллилу́иа.
Име́юще любо́вь ве́лию и милосе́рдие неизрече́нное к лю́дем земли́ Волы́нския, ру́ку по́мощи и́м простира́еши. Мы́ же со тре́петом взира́ше на святу́ю ико́ну Твою́, мо́лим Ти ся приле́жно, обрати́ ны́ от зло́б на́ших и научи́ на́с во смире́нии и кро́тости ду́ха глаго́лати Тебе́:
Бу́рю вну́трь име́я помышле́ний сумни́тельных, правосла́внии лю́дие, я́же во гра́де Жито́мире, смято́шася, зря́ще от безбо́жник хра́м Тво́й оскверне́нный, и ско́рбию одержи́ми, да не пору́гана бу́дет свята́я ико́на Твоя́, в собо́р ю́ принесо́ша. Ви́дяще же и та́мо благода́тную по́мощь от нея́ источа́емую, возопи́ша с весе́лием: Аллилу́иа.
Вся́ су́щи в вы́шних, но и ни́жних не отступа́ющи благоизво́лила еси́, Богома́ти, я́коже не́когда гра́ду Ба́ру на Подо́лии чудотво́рную ико́ну дарова́ти, та́ко и гра́д Жито́мир в подо́бии честна́го о́браза Твоего́ благослови́ла еси́. На него́ же взира́юще, со умиле́нием зове́м:
Я́ко боготе́чную звезду́, узре́вше чудотво́рную и многоцеле́бную ико́ну Твою́ на Подо́ле ди́вно просия́вшую, христоимени́тии лю́дие прославля́ют Тя́ и Тобо́ю Сы́на Твоего́, Ему́ же пое́м: Аллилу́иа.
Ви́де цельбоно́сный святы́й о́браз Тво́й, на не́мже си́ла и благода́ть Твоя́, я́ко неисчерпа́емое мо́ре, ве́рным на вся́кое проше́ние благоизоби́льствует, неду́гующий Иоа́нн в злострада́нии теле́снем врача́ми земны́ми оста́вленный, к Тебе́ моля́ся, ско́ро исцеле́ние прия́т и благода́рне возопи́:
Я́ко свеща́ неугаси́мая сия́еши ми́ру, Влады́чице, и ма́терем, я́ко Ма́ти Бо́га на́шего, ско́рая помо́щница явля́ешися, не́когда пред чудотво́рным о́бразом Твои́м три́ свещи́ поста́вити веле́ла еси́, и та́ко отъя́ся слепота́ теле́сная дитя́ти, отверза́я о́чи серде́чныя пою́щим Сы́ну Твоему́ и Бо́гу: Аллилу́иа.
Возсия́вши благода́тию неизрече́нною от цельбоно́сныя ико́ны Твоея́, о Богома́ти, христолюби́вым лю́дем подае́ши исцеле́ние. Мы́ же, ви́девше вели́чие чуде́с Твои́х со тре́петом и любо́вию вопие́м Ти́:
Хотя́ долготерпели́вый Всеви́дец Госпо́дь яви́ти бе́здну Своего́ человеколю́бия, избра́ Тебе́, Де́во Пречи́стая, в Ма́терь Себе́, и на́м дарова́ в покро́в и защи́ту; да бу́деши ти́хое приста́нище вся́кой души́ христиа́нстей. Мы́ же, дивя́шеся неизрече́нному о на́с попече́нию, зове́м Сы́ну Твоему́: Аллилу́иа.
Ди́вныя и пресла́вныя чудеса́ Твоя́, Пренепоро́чная Влады́чице, ще́дро излива́еши: Це́рковь соблюда́еши, гра́ды и ве́си благословля́еши, ду́ши ве́рных освяща́еши. Смире́нно про́сим, бу́ди ми́лостива и к на́м направля́я по стезя́м спаси́тельным за́поведей Сы́на Твоего́, да не тая́ Твои́х благодея́ний, благода́рственно глаго́лем Ти́ си́це:
Ди́вная явля́еши дела́ Твоя́, Богора́дованная Влады́чице, и бога́тую по́мощь все́м с ве́рою, наде́ждою и любо́вию вку́пе с покая́нием ко Пресвяты́м Те́лу и Кро́ви Сы́на Твоего́ и Бо́га на́шего приступа́ющим; Ему́ же пое́м: Аллилу́иа.
Ве́сь ро́д христиа́нский, Пречи́стая Богоро́дице, по все́й вселе́нней Тебе́ прославля́ет. Ты́ А́нгелов Госпоже́, мона́шествующих засту́пнице, миря́н помо́щнице, и все́м по Бо́зе на́ша наде́ждо. Сего́ ра́ди пое́м Ти́:
Все́ естество́ а́нгельское велича́ет Тя́, Ма́ти Бо́га Вы́шняго, и ро́ди челове́честии блажа́т Тя́, Мари́е Богоневе́стная. Мы́ же, дивя́щеся вели́чию Твоему́, Пресвята́я, я́ко Бо́га вмести́ла Невмести́маго и я́ко Спа́са родила́ душа́м на́шим. Сла́вим и покланя́емся Творцу́, да́вшему на́м Засту́пницу усе́рдную, и пое́м Бо́гу: Аллилу́иа.
Вети́и многогла́снии недоуме́ют позна́ти та́йну Рождества́ Христо́ва, Присноде́во, ниже́ мо́гут уразуме́ти си́лу чудотво́рных ико́н Твои́х, в беда́х и напа́стех на́м помога́ющих. Мы́ же, вели́кия благодея́ния от ико́ны Твоея́ Подо́льския ви́дяще, с ра́достию вопие́м Ти́:
Спасти́ хотя́ вся́кую ду́шу христиа́нскую, любо́вию пече́шися о не́й, Цари́це Небе́сная, я́ко рекла́ еси́ в виде́нии со́нном не́коей Да́рии, разслабле́нием но́г стра́ждущей, призыва́я помоли́тися о́бразу Твоему́, я́же на Подо́ле. В де́нь суббо́тняго ака́фиста, Пресвята́я Влады́чице, прия́в сле́зную моли́тву боля́щей, чуде́сно исцели́ и научи́ ю́ пе́ти Сы́ну Твоему́: Аллилу́иа.
Стена́ еси́ необори́мая и наде́ждо несокруши́мая все́м к Тебе́ усе́рдно притека́ющим, о Богома́ти! Мо́лим Тя́, приими́ гре́шных ду́ш покая́ние, обремене́нных се́рдцем сокруше́ние, и сохрани́ от стре́л лука́ваго врага́. Сию́ же ико́ну благогове́йно чту́ще со умиле́нием и любо́вию взыва́ем Ти́:
Пе́ние хвале́бное и благода́рственное, приноси́мое Ти́, Ма́ти Бо́жия, людьми́ земли́ на́шея не довле́ет досто́йно просла́вити ми́лости Твоя́, и́миже пита́еши все́х на́с. Оба́че да не преста́нем упова́ти на посеще́ния Твоя́ во дни́ жития́ на́шего, а наипа́че в ны́нешний ча́с, дабы́ еди́неми усты́ и еди́нем се́рдцем в ра́дости воспева́ти Бо́гу: Аллилу́иа.
Све́та Невече́рняго Ма́ти Преблагослове́нная, да́руеши на́м ра́дость зре́ти светоза́рную ико́ну Твою́ в хра́ме Успе́ния Твоего́. Мо́лимся Ти́, о Пресвята́я Госпоже́ Богоро́дице, пода́ти на́м благода́ть от ико́ны Твоея́ исходя́щую, дабы́ возжещи́ и не угаси́ти о́гнь моли́твы на́шея, прославля́я Тя́ та́ко:
Благода́ть дарова́ся святы́м ико́нам Твои́м, Богома́ти Преблага́я: в боле́знех – исцеля́ти, в ско́рбных обстоя́ниих – укрепля́ти и помога́ти, в наро́дных треволне́ниих – вразумля́ти и утеша́ти. Вои́стину невозмо́жно челове́ческим умо́м разуме́ти благодея́ния Твоя́, но то́кмо чи́стым се́рдцем постига́ем, о ни́хже Творцу́ Богокра́сно пое́м: Аллилу́иа.
Прославля́юще чудеса́, Богороди́тельнице, неоску́дно явля́емыя от мно́жества ико́н Твои́х, и́миже вся́ вселе́нная благословля́ется, и ве́дяще бога́тую ми́лость наро́дам подае́мую уми́льно вопие́м Ти́:
О, Всепе́тая Ма́ти, неусы́пная предста́тельнице, вонми́ гла́су моле́ния на́шего, пред свято́ю ико́ною Подо́льскою усе́рдно Тебе́ возноси́маго! Сохрани́ на́с от вра́г ви́димых и неви́димых, боле́зней душе́вных и теле́сных, вся́каго зла́го обстоя́ния и ско́рби. Бу́ди на́м ско́рая помо́щница и засту́пница в де́нь кончи́ны на́шея; в бу́дущей жи́зни огня́ ве́чнаго изба́ви! Да спасе́нии Тобо́ю с ли́ки а́нгельскими и со все́ми святы́ми воспое́м Бо́гу: Аллилу́иа.
Этот конда́к читается трижды, затем и́кос 1-й и конда́к 1-й.
А́нгелов Цари́це и пра́во сла́вящих Бо́га Влады́чице, Пречи́стая Де́во Богоро́дице, сподо́би на́с возноси́ти Тебе́ гла́сы, хвалы́ и благодаре́ния за вели́кия и премно́гия ми́лости источа́емыя ро́ду христиа́нскому и ра́достно воспева́я Ти́:
Взбра́нной Воево́де, засту́пнице на́шей Богоро́дице, осени́вшей богоспаса́емый гра́д Жито́мир явле́нием чу́дныя ико́ны Своея́ я́же на Подо́ле, Тебе́ Всеми́лостивей Влады́чице, хвале́бное пе́ние прино́сим Ти́ раби́ Твои́; Ты́ же, я́ко иму́щая Держа́ву непобеди́мую, сохрани́ и спаси́ благода́рне Ти́ вопию́щия:
О, Всеми́лостиваго Бо́га милосе́рдная Ма́ти, Преблагослове́нная Влады́чице, Богоро́дице Присноде́во! Услы́ши стена́ние и во́пль на́ш, вонми́ гла́су моле́ния на́шего. Простри́ Твои́м всемогу́щим предста́тельством ру́ку по́мощи, да не поги́бнем со беззако́ньми на́шими, но в покая́ние благовре́менне прии́дем. Изба́ви на́с от паде́ний грехо́вных и от наве́т злы́х челове́к. Ве́си бо не́мощь и ско́рбь на́шу, от страсте́й и бесо́в быва́емую. Тобо́ю бо де́мони попира́ются и врази́ посрамля́ются. Испо́лни во бла́го проше́ния на́ша, Тебе́ приноси́мыя; никто́ же бо, притека́я к Тебе́, посра́млен отхо́дит. Умоли́ Сы́на Своего́ и Бо́га на́шего да ми́лостив бу́дет непра́вдам на́шим и да не вни́дет в су́д с рабы́ Свои́ми, я́ко не оправди́тся пред Ни́м вся́к живы́й. Ве́мы бо, я́ко мно́го мо́жет моле́ние Ма́тернее ко благосе́рдию Влады́ки и вся́ Тебе́ от Него́ возмо́жна су́ть. Исцели́ я́звы теле́с на́ших, грехми́ оскверне́нных, и очи́сти ду́ши на́ша, страстьми́ омраче́нныя. Напра́ви у́м на́ш на пу́ть пра́вый и утверди́ во́лю на́шу к соблюде́нию за́поведей Сы́на Твоего́ и ко исполне́нию де́л благи́х, да милосе́рдие Его́ неотсту́пно бу́дет с на́ми.
Пресвята́я Богоро́дице, Де́во Влады́чице, вы́шшая А́нгел и арха́нгел и всея́ тва́ри Честне́йшая! Услы́ши на́с, моля́щихся Тебе́, и яви́ ми́лость Твою́ на лю́дех Твои́х. Помяни́, Всеми́лостивая Госпоже́, предстоя́щия лю́ди и ра́ди благосло́вных ви́н отше́дших, поми́луй и́х и на́с по мно́жеству ми́лости Твоея́: сокро́вища и́х испо́лни вся́каго бла́га, супру́жества и́х в ми́ре и единомы́слии соблюди́, младе́нцы воспита́й, ю́ность наста́ви, ста́рость поддержи́, малоду́шныя уте́ши, расточе́нныя собери́, прельще́нных вразуми́, стужа́емыя от духо́в нечи́стых свободи́, пла́вающим спла́вай, путеше́ствующим спутеше́ствуй, вдови́цам предста́ни, си́рых защити́, плене́нныя изба́ви, неду́гующия исцели́, на суди́щи, в руда́х, в заточе́нии, в го́рьких рабо́тах, во вся́кой ну́жде и обстоя́нии су́щих облегчи́, возста́ви и поми́луй. Изря́днее же Це́рковь Сы́на Твоего́ соблюди́ и сохрани́ в долготу́ дни́й, Ты́ бо еси́, Госпоже́, Наде́жда на́ша и Засту́пница все́х притека́ющих к Тебе́ и Твоея́ святы́я по́мощи прося́щих. Те́мже всечестны́й о́браз Тво́й и руко́ю Твое́ю держи́маго Вседержи́теля, ви́дяще на ико́не, ра́дуемся, гре́шнии, со умиле́нием припа́дающе и любо́вию се́й лобыза́ем, ча́юще, Госпоже́, Твои́ми святы́ми богоприя́тными моли́твами сподо́битися небе́сныя безконе́чныя жи́зни, и непосты́дно ста́ти в де́нь су́дный одесну́ю Сы́на Твоего́ и Бо́га на́шего, сла́вящее Его́ ку́пно со Безнача́льным Отце́м и Пресвяты́м, и Благи́м, и Животворя́щим Ду́хом во ве́ки веко́в. Ами́нь.