Акафист священномученику Никодиму, архиепископу Костромскому и Галичскому
Память: 21 (8) августа
Не утвержден для общецерковного использования.
Избра́нный страстоте́рпче и испове́дниче Христо́в, Святи́телю Никоди́ме, Це́ркви Зижди́теля крестоноси́телю ве́рный, пла́менем любви́ Христо́вой разжига́емый, я́коже же́зл Ааро́нов, на ка́мене ве́ры процве́л еси́; бие́ния и поноше́ния, и темни́чные изнуре́ния от спи́ры богобо́рческия сла́дце претерпе́л еси́, со все́ми страстоте́рпцы наро́дов на́ших, Ру́сь Святу́ю Правосла́вную, я́ко вертогра́д Христо́в, просла́вил еси́, основа́ние Це́ркви Христо́вой в Не́й утвержда́юще. Мы́ же, взира́я на благи́я страда́ния твоя́, зове́м Ти́:
А́нгелы и боголюби́выя лю́дие дне́сь Христу́ благодаре́ние и славосло́вие прино́сят, от ро́да свяще́нническаго, я́ко же иногда́ пресла́внаго Предте́чу, глаша́тая и па́стыря ове́ц Це́ркви Своея́ избра́вшаго тя́, Святи́телю Богому́дре Никоди́ме, да во дни́ гоне́ний лю́тых, я́ко стра́ж ве́рный и па́стырь до́брый, па́ству Костромску́ю на растерза́ние волко́в лю́тых не оста́виши, но ду́шу свою́ за спасе́ние ея́ положи́ши. О се́м ублажа́ем Тя́ сицевы́ми похвала́ми:
Ви́дя Госпо́дь ни́ву духо́вную наро́дов на́ших правосла́вных, пле́вели произраста́ющую, де́лателя неле́ностнаго, наста́вника и се́ятеля Сло́ва Бо́жия в сердца́ ю́ных отроко́в, избра́ тя́, вертогра́дарю Христо́в Никоди́ме. Ты́ же, ви́дя ве́тры а́довы поднима́вшийся Ру́сь Святу́ю опустоши́ти, струя́ми Боже́ственнаго Открове́ния пито́мцы своя́ напая́л еси́, и я́ко во́инов Христо́вых проти́ву борю́щих на Це́рковь Святу́ю приуготовля́л еси́, да не умо́лкнет в наро́де на́шем побе́дная пе́снь Бо́гу: Аллилу́иа.
Ра́зум Богодухнове́нный укрепи́ и просвети́ тя́, свети́льниче ве́ры, всеблаже́нне Никоди́ме, егда́ не́кии пастыринае́мники, уви́девше волко́в лю́тых, соблазня́ша тя́ бежа́ти в страны́ дале́че, бро́сив ве́рных на ги́бельное растерза́ние, ты́ же, я́ко па́стырь до́брый, со апо́столом Па́влом ре́кл еси́: мне́ бо во е́же жи́ти — Христо́с, а е́же умре́ти — приобре́тение, преда́вшись во́ле Бо́жией, ча́д ве́рных свои́х не оста́вил еси́. О се́м взыва́ем Ти́ уми́льно:
Си́лою свы́ше на бра́нь с кня́зем ми́ра сего́ препоя́сася, це́рковь лука́внующих возненави́дел еси́, и на седа́лище с законопресту́пными не возсе́л еси́, иера́рше Христо́в Никоди́ме, но со смире́нием к же́ртвеннику Бо́жию припа́дая, Ему́ Еди́ному де́нь и но́щь взыва́л еси́: помяни́, Го́споди, призыва́ющих И́мя Твое́ во и́стине, помяни́ все́х, блага́я или́ сопроти́вная на́м хотя́щих, все́ бо челове́цы есмы́; Дави́дски вопия́ше: благослове́н Госпо́дь во ве́ки: Аллилу́иа.
Име́я тве́рдое упова́ние на всеблагу́ю во́лю Бо́жию и непоколеби́мую ве́ру во Еди́ну, Святу́ю, Собо́рную и Апо́стольскую Це́рковь, собла́зны и суеве́рия раско́лов злочести́вых, разруша́ющих Боже́ственный хито́н Це́ркви Христо́вой, не поколеба́ша тя́, апо́столов похвало́ и му́чеников ра́дование, Никоди́ме преблаже́нне, утверди́вшагося на ка́мене испове́дания Петро́ва. Си́це бо ве́рный ви́дяще тя́ я́ко а́нгела на стра́же Еде́ма Христо́ва — Це́ркви Вселе́нския стоя́ща, восхваля́ют тя́ си́це:
Бу́рею неи́стовства богобо́рческаго потрясе́ся Ру́сь Свята́я, егда́ все́ си́лы исча́дий а́дских устреми́шася опустоши́те и истреби́те ю́. Ты́ же, ви́дя мно́гия архипа́стыри и поколеба́вшиися ду́хом па́стыри, стра́ха ра́ди нае́мнически бежа́вше, не подража́в еси́ и́м, но я́ко па́стырь до́брый обре́кшися на страда́ния мно́гия: заточе́ния, бие́ния и зауше́ния, состра́ждуще па́стве гони́мой, вопия́л еси́ с ве́рными сле́зную пе́снь Бо́гу: Аллилу́иа.
Слы́шаша и ви́деша непоколеби́мую ве́рность твою́ Христу́ и Его́ Це́ркви Святе́й, боголюби́вый архипа́стырю Никоди́ме, па́ства костромска́я в ве́ре не поколеба́шася, Ду́хом Святы́м согрева́емая, мно́г пло́д изоби́ловаша: ины́я у же́ртвенников хра́мов Бо́жиих на сме́рть стоя́ша, ины́я же в темни́цах, да́же до кро́ви ве́ру правосла́вную испове́даша. Та́ко бо в му́жестве о́браза Христо́ва, созве́здие святы́х Це́ркви Небе́сныя умно́жил еси́. О се́м восхваля́ем по́двиги твоя́, зову́ще:
Богоизлия́нною Кро́вию созда́ Госпо́дь Це́рковь Свою́ Святу́ю, в не́й бо, я́ко А́гнец Бо́жий: раздробля́емый и неразделя́емый, всегда́ ядо́мый и никогда́же иждива́емый, но причаща́ющихся освяща́яй, сою́зом Любви́ Своея́ ве́рныя связу́ет. Ты́ же, святи́телю о́тче на́ш Никоди́ме, ви́дя хра́мы Бо́жия и оби́тели святы́я разруша́емыя, и ве́рныя, я́ко же́ртву всесожже́нную, в ни́х сжига́емыя, кровоточа́ще, взыва́л еси́ Бо́гу: Аллилу́иа.
Ви́дя гони́телей зверонра́вных на «Лифострото́не» Свято́й Руси́, у пла́мени сгора́вших святы́х ико́н и кни́г богодухнове́нных гре́ющихся, и Святы́ню небоподо́бную — Собо́р Благове́щения Пресвяты́я Богоро́дице, бесну́ющися, взорва́вших, рыда́ньми возопи́л еси́ к Преблагослове́нней, страстоте́рпче Никоди́ме: Благода́тная! Воспла́чи с на́ми! Ве́рныя лю́ди увещава́л еси́ не отчаява́тися, и́бо хра́м Бо́жий мы́ есмы́, в не́м бо Ру́сь правосла́вная, ве́чно торжеству́ющая! Зову́ сему́ вне́млюще, вопие́м Ти́:
Провозве́стник Боже́ственных открове́ний — Ду́х Святы́й, возвести́ тебе́, богодухнове́нне Никоди́ме, и́же и́мать стра́шное разоре́ние Благове́щенскаго Собо́ра соверши́тися, иде́же Святы́ня кра́я Костромска́го и все́й земли́ Росси́йстей — Фео́доровская Бо́жия Ма́терь храня́шеся, Сию́ благода́ти испо́лненную, со благогове́нием но́щию изъя́л еси́ и си́це, от уничтоже́ния о́гненнаго спа́сл еси́ Ю́, ве́рным на утеше́ние и спаси́тельное прибе́жище Сию́ сохрани́л. Лю́дие же сему́ Бо́жиему благоволе́нию ра́дующися, вопию́т Ему́: Аллилу́иа.
Возсия́ благода́ть от святы́я ико́ны Бо́жией Ма́тери чудоде́йственнем Покро́ве Ея́, в дни́ истребле́ния наро́дов на́ших правосла́вных, и́хже Пречи́стая, ины́х, к прославле́нию И́мени Бо́жия вся́чески спасла́ е́сть, а ины́х, богоизбра́нных, к венце́м му́ченическаго испове́дания Матери́нскою любо́вию укрепи́вшая. С ни́ми же Тя́, страстоте́рпче Никоди́ме, спа́сшаго свято́й Ли́к Ея́, сла́вно бо просла́вила. Мы́ же, Пречи́стую велича́юще, Тебе́ прино́сим сицева́я:
Хотя́ Влады́ка и Госпо́дь Сла́вы яви́ти тя́ му́жа соверше́нна и греху́ неиску́сна, испыта́ньми мно́гими и страда́ньми многотру́дными, я́коже И́ова иногда́ обложи́ тя́, страстоте́рпче Христо́в Никоди́ме. Ты́ же любо́вию ко Христу́ преиспо́лненный, у́зы темни́чныя и нощны́я истяза́ния, до́блестне претерпе́л еси́, Христа́ дерзнове́нно испове́дуя, я́коже три́ о́троцы в Вавило́не в пещи́ горя́щей, воспева́я лю́бящему на́с Бо́гу: Аллилу́иа.
Но́вую бла́гость да́рует Госпо́дь стра́ждущему наро́ду на́шему, в горни́ле испыта́ний лю́тых смерте́льно изнемо́гшему, да уразуме́ем я́ко бла́г Госпо́дь, наказу́ет, но не умерщвля́ет, показу́я на избра́нных Свои́х, вчера́ уни́женных и обезсла́вленных, ны́не и́х Це́рковь свята́я к ли́ку святы́х воздвиза́ет. С ни́ми же тя́, священному́чениче Никоди́ме, в черто́г Сво́й прие́млет моли́тися за ны́. Сего́ ра́ди ра́дующеся, вопие́м Ти́:
Стра́нно и уя́звлено бе́ слы́шати пропове́дание Ева́нгелия Христо́ва окра́деных умо́м, святи́телю Никоди́ме, тобо́ю пропове́даннаго. Ты́ же, любо́вию ко Христу́ пламене́я и взира́я на страда́ния Его́, и на сраспина́вшихся за И́стину благоче́стия Ева́нгельскаго, безбоя́зненно призыва́л еси́ па́ству свою́: име́ти со́весть незазо́рную и люби́ти дру́г дру́га, я́коже Госпо́дь возлюби́л на́с, вое́же, не то́кмо зде́, но и в селе́нии пра́ведных, воспева́ти творцу́ на́шему: Аллилу́иа.
любви́ Боже́ственныя испо́лнен и си́лою Ду́ха свята́го укрепля́емый, ве́рный дру́же Христо́в Никоди́ме, я́коже Госпо́дь иногда́ ше́л еси́, ведо́мый из суди́лища на суди́лище богобо́рцев зверонра́вных, иде́же гла́дом и хла́дом, и истяза́ньми лю́тыми, а́ки зве́ри ди́вные, тще́тно пыта́выйся отто́ргнути Тя́ от любви́ Христо́вой, и́хже посрамля́я, отвеща́л еси́: устыди́теся! Жестоковы́йность ва́ша не разлучи́т мя́ с возлю́бленным Го́сподом мои́м. Мы́ же ви́дяще тя́ тве́рда в ве́ре стоя́ща, прино́сим Ти́ таковы́я похвалы́:
Все́ естество́ опустоши́телей, расхища́вых свято́е достоя́ние хра́мов Бо́жиих, оболга́вше, собра́шася суди́ти тя́, архипа́стырю на́ш Никоди́ме, за я́же, я́ко проро́к Илия́ лжепроро́ков Иезаве́линых, облича́л еси́ беззако́ния и́х. Они́ же, обле́кшеся кля́твою, я́ко ри́зою, словесе́ и истяза́ньми лю́тыми обыдо́ша тя́. Ты́ же, муче́ния тя́жкая превозмога́я, сле́зно взыва́л еси́ ко Го́споду, да облеку́тся оболга́ющии мя́ в срамоту́, и я́ко оде́ждею, студо́м свои́м, ра́б же Тво́й веселя́щися о И́мени Твое́м, вопию́ще: Аллилу́иа.
Вити́я многовеща́нныя не мо́гут досто́йно воспе́ти страда́ния твоя́, святи́телю о́тче Никоди́ме, я́же претерпе́л еси́ за Це́рковь Бо́жию, и гони́мых па́стырей и боголюби́вых ча́д Ея́, бога́тство ве́ры оте́ческия храня́; за ни́х же в заточе́нии Яросла́вском ду́шу твою́, я́ко же́ртву Христу́ Пастыренача́льнику благоприя́тну, положи́л еси́. О се́м дивя́щеся, и своя́ прегреше́ния го́рько вспомина́я, уми́льно зове́м Ти́:
Спасти́ хотя́ вве́ренное тебе́ Бо́жие достоя́ние па́жити костромски́я, Никоди́ме преблаже́нне, его́же ди́вно украси́ли и приумно́жили подви́жники святы́я: Генна́дий Любимогра́дский, Мака́рий У́нженский, Паи́сий Га́личский, Авраа́мий Чу́хломской, Пахо́мий Не́рехтский и мно́гие боголю́бцы, посто́м и моли́твою со слеза́ми, а ины́я, во бране́х с ду́хом зло́бы поднебе́сней жи́знь свою́ положи́ша в вене́ц и́х по́двига ра́тнаго, Христу́ сораспя́вшися, ко дветысячеле́тия торжества́ Це́ркви Христо́вой, сла́вно воспе́л еси́ Бо́гу: Аллилу́иа.
Стена́ необори́мая, Небесе́ и земли́ Влады́чица Пречи́стая, гра́д Кострому́ огражда́ющая, сострои́теля Та́йн Бо́жиих и стра́жа ве́рна Це́ркви Сы́на Своего́ и Бо́га на́шего избра́ Тя́, Христу́ Бо́гу возлю́бленне Никоди́ме, вое́же, не то́кмо в земно́м уде́ле, но и у Престо́ла Царя́ Сла́вы на Небесе́, со все́ми святы́ми и А́нгелами небе́сными, священноде́йствовати со Христо́м пред Отце́м Небе́сным бу́деши. Мы́ же, ра́дости исполня́емся: каково́ бога́тство благода́ти угото́вил Госпо́дь лю́бящим Его́, Тебе́ же вопие́м:
Пе́ние всеумиле́нное, со слеза́ми безуте́шными возрыда́ша ве́рныя гра́да Костромы́, егда́ услы́шаша о стра́шней ги́бели твое́й, всеблаже́нне Никоди́ме, за ве́ру Правосла́вную и спасе́ния наро́да Бо́жиего, а́ки а́гнца закла́ннаго. Ны́не же преиспо́лнены весе́лием неизрече́нным, ви́дяще тя́, архипа́стыря своего́, в со́нме святы́х в Це́ркви Небе́сней возседа́юща и за ны́ Христу́ моля́щагося, с ра́достию вопию́т Бо́гу, все́ во бла́го устроя́ющему: Аллилу́иа.
Светоза́рнаго свети́льника, еле́я моли́твы чи́стыя преиспо́лнена, и пла́менем ве́ры све́тло сия́юща, воздви́г тя́ Госпо́дь, святи́телю Никоди́ме, в Богохрани́мей земле́ костромски́я, да тьма́ ересе́й и раско́лов нечести́вых не обы́мет Све́т Христо́в в сердца́х и ра́зуме боголюби́ваго наро́да на́шего, и низведе́т гряду́щих по на́с в па́сть губи́теля а́дскаго. Мы́ же, ви́дим тя́ в Тро́ическом Све́те пребыва́ющаго и Оте́честву на́шему ми́ра и благоде́нствия прося́щаго, с упова́нием ве́ры зове́м Ти́:
Благода́ти Свята́го Ду́ха испроси́ наро́дом правосла́вным, преблаги́й па́стырю ста́да Христо́ва, Никоди́ме, да егда́ все́ си́лы иску́са диа́вольскаго возста́нут, во е́же погуби́ти на́с и с посмея́нием реку́т: где́ е́сть Бо́г на́ш? Ты́ же, моли́твениче всеусе́рдный, ублажи́ Пречи́стую Бо́жию Ма́терь и все́х Святы́х, во е́же спасти́ся на́м, врази́ же на́ша да облеку́тся студо́м, мы́ же уви́дим сы́ны сыно́в на́ших в ми́ре и благоде́нствии прославля́ющих ми́лость Бо́жию, вопию́щих: Аллилу́иа.
Пою́ще многострада́льная по́двиги твоя́, святи́телю Христолюби́вый Никоди́ме, и ублажа́ем святу́ю кончи́ну твою́, е́юже Кре́стный по́двиг Це́ркви Зижди́теля — Христа́ Жизнода́вца и все́х Святы́х сподви́жников утвержде́ния Его́ Святы́я Це́ркви, всехва́льно увенча́л еси́, Костромска́го кра́я достохва́льная похвало́. Сего́ бога́тства некра́домаго, си́лу и му́дрость, и в любви́ Бо́жией утеше́ния, и на́м стяжа́ти Го́спода умоли́, да обле́кшися в броню́ пра́вды, благода́рно зове́м Ти́:
О пресла́вный испове́дниче Христо́в Никоди́ме! Приими́ от на́с, лю́бящих тя́ ча́д твои́х приноси́мое тебе́ сие́ убо́гое приноше́ние и, те́плым хода́тайством твои́м ко Го́споду, огради́ Святу́ю Це́рковь правосла́вную и боголюби́выя наро́ды на́ши, от междоусо́бий бра́тских, раско́лов и ерети́ческих смяте́ний, да в покая́нии сокруше́нном изба́вимся пра́веднаго гне́ва Бо́жия, бе́д и гряду́щия ве́чныя му́ки, и сподо́бимся с тобо́ю, я́ко ча́да со отце́м, во ве́ки воспева́ти Бо́гу: Аллилу́иа.
Этот конда́к читается трижды, затем и́кос 1-й и конда́к 1-й.
А́нгелы и боголюби́выя лю́дие дне́сь Христу́ благодаре́ние и славосло́вие прино́сят, от ро́да свяще́нническаго, я́ко же иногда́ пресла́внаго Предте́чу, глаша́тая и па́стыря ове́ц Це́ркви Своея́ избра́вшаго тя́, Святи́телю Богому́дре Никоди́ме, да во дни́ гоне́ний лю́тых, я́ко стра́ж ве́рный и па́стырь до́брый, па́ству Костромску́ю на растерза́ние волко́в лю́тых не оста́виши, но ду́шу свою́ за спасе́ние ея́ положи́ши. О се́м ублажа́ем Тя́ сицевы́ми похвала́ми:
Избра́нный страстоте́рпче и испове́дниче Христо́в, Святи́телю Никоди́ме, Це́ркви Зижди́теля крестоноси́телю ве́рный, пла́менем любви́ Христо́вой разжига́емый, я́коже же́зл Ааро́нов, на ка́мене ве́ры процве́л еси́; бие́ния и поноше́ния, и темни́чные изнуре́ния от спи́ры богобо́рческия сла́дце претерпе́л еси́, со все́ми страстоте́рпцы наро́дов на́ших, Ру́сь Святу́ю Правосла́вную, я́ко вертогра́д Христо́в, просла́вил еси́, основа́ние Це́ркви Христо́вой в Не́й утвержда́юще. Мы́ же, взира́я на благи́я страда́ния твоя́, зове́м Ти́:
Святы́й новому́чениче святи́телю Никоди́ме, ди́вный па́стырю и до́блестный во́ине Христо́в! Ты́ все́ю душе́ю от ю́ности за́поведи Бо́жии возлюби́л еси́. Неле́ностно словеса́м Христо́вой и́стины внима́я, и ины́м мно́гим до́брый наста́вник бы́л еси́. Те́мже Госпо́дь яви́ тя́ прее́мника апо́столом Свои́м. И во дни́ гоне́ния лю́таго на ве́ру Правосла́вную я́ко и́стинный па́стырь яви́лся еси́; кре́стный пу́ть со па́ствою свое́ю проше́д, ссы́лки, заточе́ния и страда́ния смире́нно претерпе́вый и та́ко вене́ц му́ченический восприя́вый, обре́те благода́ть моли́тися за ны́. И ны́не, о хода́таю на́ш пред Престо́лом Царя́ сла́вы, испроси́ у Него́ ве́ру оте́ческую утверди́ти, Це́рковь святу́ю от ересе́й и раско́лов огради́ти, ве́рных укрепи́ти, заблу́ждших обрати́ти, многострада́льное Оте́чество на́ше умири́ти и от враго́в ненаве́тно сохрани́ти, да моли́твами твои́ми укрепля́еми, изба́вимся от ко́зней лука́ваго, избе́гнем от вся́кия беды́ и напа́сти и та́ко на земли́ благоче́стно пожи́вше, жи́зни ве́чныя на Небеси́ сподо́бимся, иде́же вку́пе со Пречи́стою Госпоже́ю Де́вою Богоро́дицею, со́нмом преподо́бных и богоно́сных оте́ц Костромска́го кра́я покрови́телей и все́ми святы́ми просла́вим в Тро́ице сла́вимаго Бо́га Отца́ и Сы́на и Свята́го Ду́ха во ве́ки веко́в. Ами́нь.