Акафист святому мученику Василию Мангазейскому
Акафист был составлен в Свято-Троицком Туруханском монастыре, где сегодня почивают мощи святого. Текст воспроизводится по изданию: Акафист святому страстотерпцу и мученику Василию Мангазейскому и всея Сибири чудотворцу. — М.: Институт экономических стратегий, 2009. Акафист был опубликован по благословению архиепископа Красноярского и Енисейского Антония.
Не утвержден для общецерковного использования.
Возбра́нный чудотво́рче и му́чениче пресве́тлый, да́нный Христо́м правосла́вным лю́дям, в Сиби́рь прише́дшим, держа́ву Росси́йскую укрепля́ти и просвеща́ти язы́ческия наро́ды, ты́ же име́я дерзнове́ние ко Го́споду, подава́й на́м си́лы духо́вныя и теле́сные в Правосла́вии тве́рдо стоя́ти, и зе́млю се́верную Ева́нгельским сло́вом согрева́ти, да вси́ зове́м ти́:
А́нгельскому житию́ подража́я, Васи́лие, я́ко му́ченик Христо́в в Анки́ре, соблю́дший в себе́ ве́ру Христо́ву и в торжестве́ ве́ры дости́гший ве́чнаго упокое́ния, ему́ же тезоимени́т сы́й. Пред язы́ческими наро́ды ве́ру христиа́нскую испове́дав без стра́ха, я́ко апо́стол лю́тую сме́рть прия́л еси́. Мы́ же благода́рно пое́м ти́:
В благода́тном гра́де Яросла́вле, бога́том Бо́жиими уго́дниками и святы́ми це́рквами, вы́рос сы́н благочести́ваго Фео́дора. При креще́нии мона́х по и́мени Васи́лий, принима́я от купе́ли младе́нца, запове́дал ему́: моли́ся о все́х на́с Святе́й Тро́ице. Мы́ же прови́дению таково́му дивя́ся, пое́м во умиле́нии: Аллилу́иа.
Ра́зум, озаре́нный благода́тию Христо́вой, име́л еси́ и из мла́да безпреста́нно пе́ти и славосло́вити Триипоста́снаго Бо́га навы́кл свя́те Васи́лие; кро́ткий, роди́телем послу́шный, приле́жно ве́л еси́ дела́ купе́ческия, душе́ю же в Го́рнем пребыва́я. Мы́ же, взира́я на благочести́вое смире́ние твое́, пое́м такова́я:
От гра́да Яросла́вля Бо́жиим смотре́нием в страну́ Сиби́рскую прише́л еси́ и все́ю пра́ведною жи́знию Христа́ пропове́дал еси́. За чистоту́ душе́вную пострада́л от лю́таго врага́, распале́нием и немилосе́рдием господи́на своего́. Но чи́ст со́вестию, преда́л себя́ Бо́гови. Мы́ же, чту́щия честну́ю па́мять твою́, воспева́ем: Аллилу́иа.
Име́я в се́рдце благода́ть Святы́я Тро́ицы, все́ тяготы́ и истяза́ния претерпе́л еси́ глаго́ля: лю́ты у́бо настоя́щия му́ки, но ра́достна жи́знь ве́чная. По сме́рти те́ло твое́ честно́е в ти́нное ме́сто мучи́тели вве́ргли еси́. Мы́ же ны́не сла́вим тя́, источа́ющаго исцеле́ния и чудесы́ от честна́го гро́ба твоего́, поя́ такова́я:
Венча́вшаго тя́ му́ченическим венце́м на небеси́, Бо́жиим про́мыслом повеле́ земли́ само́й от не́др тво́й гро́б, те́ло и срачи́цу, обагре́нную кро́вию, обрести́ нетле́нно. Лю́ди мангазе́йския пе́рвыя, ви́дя чудеса́ исцеле́ний от святы́х моще́й, просла́виша па́мять твою́ пресве́тлую, поя́: Аллилу́иа.
Растерза́ли мучи́тели чи́стую пло́ть твою́, сме́рть страда́льческую устро́иша, но душа́ твоя́ в ру́це Бо́жией, и многострада́льное те́ло твое́ просла́вися чуде́с мно́жеством, мы́ же, сла́вя Бо́га, устро́ившаго хоте́ния Своя́ во святы́х Свои́х, пое́м си́це:
Восхоте́ Госпо́дь на Енисе́е в Туруха́нске во оби́тели Святы́я Тро́ицы драгоце́нныя мо́щи но́ваго чудотво́рца упоко́ити, су́щим настоя́телем блаже́нным Ти́хоном ти́и принесо́шася и мона́си тому́ возра́довашеся и восхвали́ша Бо́га, пою́ще: Аллилу́иа.
Ми́ра вся́каго благоприя́тие па́мять твоя́ яви́ся, ме́сто бо иде́же почива́еши мы́сль челове́ческую к све́ту спасе́ния вои́стину наставля́ет, сла́достен и тру́д к тебе́ подъя́ти ви́дися за наде́жду прия́тия ми́лости изоби́луеши бо дарова́ньми от Христа́, бра́тия же, предстоя́щая твоему́ честно́му гро́бу, соста́вльше ли́к ра́достно пое́т:
Просвети́ся Боже́ственною благода́тию, Боголю́бче, в целому́дрии и терпе́нии тече́ние свое́ му́ченически сконча́л еси́, те́м же и по сме́рти яви́ све́тлость жития́ твоего́, источа́еши бо чудесы́, с ве́рою приходя́щим к ра́це честны́х моще́й твои́х вопию́щим: Аллилу́иа.
Дне́сь оби́тель Туруха́нская торжеству́ет, и лю́бящия воспева́ют страда́ния твоя́, и́миже купи́л еси́ би́сер Ца́рства Небе́снаго. Торжеству́юще ны́не в Го́рнем Иерусали́ме иде́же не́т во ве́к ско́рбнаго наважде́ния, но при́сно ра́дость и венцы́ сия́ют по́чести. С весе́лием су́ще благогове́йно вопие́м ти́:
Неоскверне́нною испе́рва ри́зу креще́ния соблю́л еси́, му́жески вше́дши в по́двиг суди́ща. Терза́ние кра́снаго де́вственнаго те́ла претерпе́л еси́ Христо́в страда́льче непови́нный. Блаже́нны изгна́нныя пра́вды ра́ди, я́ко те́х е́сть Ца́рство Небе́сное. Мы́ же, вспомина́я се́й преве́чный глаго́л, пое́м: Аллилу́иа.
Ю́ноша ле́т свои́х и ве́рный ра́б Бо́га Ве́чнаго, и́стинной Це́ркви Правосла́вной сы́н яви́ся, сра́сленный бы́х сме́рти Христо́вой, со А́нгелы весели́тися ны́не в Це́ркви ве́чно торжеству́ющей. Мы́ же, име́я такова́го на́шего хода́тая ко спасе́нию, пое́м си́це:
Благоуха́нное ми́ро, а́ще и приле́жно сокрыва́емо быва́ет, оба́че за благоуха́ние утаи́тися не мо́жет, а́ще и изнесе́ны мо́щи твои́ от сла́вы, Христо́в му́ченик, и покрове́нны в земли́, оба́че утаи́тися не мо́гут, чуде́с лучи́ испуща́ющии с ве́рою приходя́щим к тебе́ и пою́щим: Аллилу́иа.
Неи́стовствует неве́рие в не́ких, но сие́ бо́льшую ве́ру сотворя́ет ве́дущим тя́, Христо́в му́ченик, в пренесе́нии во оби́тель Святы́я Тро́ицы честны́х моще́й твои́х дарова́нием те́м исцеле́ний и чуде́с. Мы́ же, вспомина́я чудеса́ твоя́ и исцеле́ния, восклица́ем такова́я:
Кро́тостию и любо́вию стяжа́в в се́рдце свое́м Ду́ха Свята́го, ты́ по внуше́нию Его́ поревнова́л подвиза́тися за и́мя Христо́во, да́же до сме́рти стоя́ му́жественно в ве́ре. Мы́ же, взира́юще на пра́ведное житие́ твое́ и на тве́рдое ве́ры правосла́вныя испове́дание, вопие́м ти́: Аллилу́иа.
Я́ко пресве́тлое со́лнце, возсия́л еси́ чудесы́ свои́ми в Сиби́рстей стране́, ми́ра благоприя́тие па́мять твоя́ яви́ся, в ме́сто бо иде́же почива́еши прихо́дят все́ язы́ки ея́ правосла́вием просвеще́нныя, хотя́ име́ти тя́ хода́тая к Бо́гу во спасе́ние, та́ко взыва́я:
Постыде́ся го́рдый вра́г тве́рдою на земле́ страстоте́рпца Бо́гу ве́рою, но не возмо́же и по сме́рти запя́ти доброде́тели твои́ и и́мя твое́, помрачи́ти поврежде́нием всечестна́го те́ла, и́бо Госпо́дь, творя́й чудеса́, просла́ви уго́дника своего́ и мы́ же дивя́ся и́м, пое́м: Аллилу́иа.
Ди́вен у Бо́га во святы́х блаже́нств ве́чных чи́н испо́лнивших, и мы́ тя́ по достоя́нию восхвали́ти не име́я си́лы, и́бо победоно́сная глава́ твоя́ небоплете́нным венце́м венча́ся от Христа́, но чту́щия любо́вию па́мять дерза́ем похва́льная воспе́ти такова́я:
Тя́жек уде́л сме́рти неви́ннаго ю́ноши и кончи́на страда́льца о́наго, ни одни́м жите́йским воздыха́нием, ни одно́й слезо́ю оби́ды на я́рость оби́дчика не ороше́нная. Но Оте́ц Небе́сный на неви́ннаго страда́льца свы́ше взира́я, не да́л пра́ведному позна́ти истле́ния и мы́ ви́дя такова́я, благодаря́ще пое́м Бо́гу: Аллилу́иа.
Благоволе́нием Всеси́льнаго в Тро́ице сла́вимаго Бо́га и чуде́сным внуше́нием самого́ страстоте́рпца Бо́жия, многоцеле́бныя мо́щи его́ во оби́тели Пресвяты́я Тро́ицы, а́може притека́ют христолюби́выя лю́дие определены́ пребыва́ти, да мы́ моля́щиеся об избавле́нии от неду́гов и скорбе́й, прославля́я му́ченика, си́це взыва́ем:
Вои́стину благода́ти сосу́д избра́нный бы́л еси́ му́чениче Васи́лие, тле́ние вре́меннаго жития́ сего́ все́ презре́в, Еди́ному Христу́ наве́чно прилепи́лся еси́ и те́м сподо́бился со А́нгелы воспева́ти Бо́гу: Аллилу́иа.
Пою́ще твое́ пресла́вное преставле́ние, прославля́ем равноа́нгельное житие́ и му́ченическую кончи́ну и почита́я святу́ю па́мять твою́, во умиле́нии серде́ц сла́вим, хва́лим и велича́ем возвели́чившаго тя́ Го́спода, Его́же умоли́ спасти́ся все́м, пою́щим такова́я:
О пресла́вный страстоте́рпче и му́чениче Христо́в Васи́лие! Приими́ ма́лое моле́ние сие́ на́ше у престо́ла Всевы́шняго, иде́же стои́ши ны́не. Испроси́ стране́ на́шей правосла́вия утвержде́ние, все́м на́м ми́ра и благоде́нствия, и свои́м пред Бо́гом хода́тайством изба́ви на́с ве́чныя му́ки и гее́ны о́гненныя, просвети́ на́с ве́рою, согре́й се́рдца на́ши любо́вию и научи́ безпреста́нно моли́тися и пе́ти Бо́гу: Аллилу́иа.
Этот конда́к читается трижды, затем и́кос 1-й и конда́к 1-й.
А́нгельскому житию́ подража́я, Васи́лие, я́ко му́ченик Христо́в в Анки́ре, соблю́дший в себе́ ве́ру Христо́ву и в торжестве́ ве́ры дости́гший ве́чнаго упокое́ния, ему́ же тезоимени́т сы́й. Пред язы́ческими наро́ды ве́ру христиа́нскую испове́дав без стра́ха, я́ко апо́стол лю́тую сме́рть прия́л еси́. Мы́ же благода́рно пое́м ти́:
Возбра́нный чудотво́рче и му́чениче пресве́тлый, да́нный Христо́м правосла́вным лю́дям, в Сиби́рь прише́дшим, держа́ву Росси́йскую укрепля́ти и просвеща́ти язы́ческия наро́ды, ты́ же име́я дерзнове́ние ко Го́споду, подава́й на́м си́лы духо́вныя и теле́сные в Правосла́вии тве́рдо стоя́ти, и зе́млю се́верную Ева́нгельским сло́вом согрева́ти, да вси́ зове́м ти́:
О святы́й му́чениче Христо́в Васи́лие, ра́дости святы́х единосе́льниче, на́ших скорбе́й и печа́лей премени́телю и вся́каго зла́ де́монскаго губи́телю, припа́дая, мо́лим ти́ ся́: прииди́ в заступле́ние на́ше, я́ко да очи́стится у́м на́ш от дея́ний грехо́вных, поне́же лиша́емся за сие́ благода́ти Бо́жией и не име́ем тве́рда основа́ния к покая́нию. Да́ждь на́м умиле́ние душе́вное и сле́зы грехоомыва́тельныя, воздежи́ ру́це твоя́ святы́я за убо́гия на́ши ду́ши ко Го́споду Иису́су Христу́, не оста́ви на́с, гре́шных, ра́ди на́шего невоздержа́ния, укрепи́ на́с бе́дствующих душе́вными по́мыслы и вне́шними обурева́нии, и́миже са́ми себе́ вина́ быва́ем, или́ от ненави́дящих на́с впра́вду, но вся́ по грехо́м на́шим пра́ведно бы́ти испове́дуем. Бу́ди на́м, малоду́шным, покрови́тель и побо́рник бла́г и ми́лостив, присеща́й на́с, гре́шных, в ско́рбех и печа́лех и сохраня́й от вся́каго смуще́ния проти́внаго, да не когда́ прогне́ваем Бо́га на́шего и тебе́ сомоле́бника на́шего блага́го, но утверди́ на́с моли́твами твои́ми в стра́се Бо́жии и досто́йна покажи́ своея́ всегда́ ми́лости да насле́дуем бла́га ве́чныя в Ца́рствии Небе́сном у Спаси́теля и Го́спода на́шего Иису́са Христа́, Ему́ же подоба́ет сла́ва, че́сть и поклоне́ние во ве́ки веко́в. Ами́нь.