Акафист святому преподобному Пафнутию Боровскому
Утвержден для общецерковного использования.
Избра́нный чудотво́рче, вели́кий уго́дниче Христо́в, врачу́ благода́тный, бесо́в прогони́телю, все́м любо́вию притека́ющим источа́яй ми́лости ми́ро, восхваля́ем тя́ любо́вию, о́тче Пафну́тие, ты́ же, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:
А́нгелов Творе́ц, прови́дя тя́ а́нгелом подража́теля во пло́ти иму́ща бы́ти, от ю́на во́зраста облече́ тя́ во а́нгельский чи́н. Ты́ же отше́д от ми́ра и обле́кся во и́ноческое одея́ние, кре́ст на ра́мо взе́м, вседу́шно поте́кл еси́ во сле́д Распе́ншагося на́с ра́ди Го́спода: ско́рбь и тру́д возлюби́в, прилепи́лся еси́ Христу́ любо́вию и моли́твами. Мы́ же, благодаря́ще о се́м Бо́га, похва́льная воспису́ем ти́:
Ви́дяще бли́жнии и да́льнии ди́вное о Бо́зе житие́ твое́, дарова́ние исцеле́ний и сбытие́ прорече́ний твои́х, вельми́ удивля́хуся и сла́вяще Бо́га вопия́ху: Аллилу́иа.
Ра́зум тво́й в Боже́ственная впери́в и Бо́жиим све́том озари́вся, да́ры благода́тныя явля́л еси́ в себе́, я́ко у́гль горя́щий огне́м Боже́ственным в тебе́, су́щая возгрева́я к любви́ Бо́жией, та́кожде и су́щих с тобо́ю просвеща́я. Моли́ся у́бо о на́с, покрови́телю на́ш, да ревну́я житию́ твоему́ спасе́м ду́ши на́ша и тебе́ благоприя́тно пое́м:
Си́лою свы́ше облеки́й апо́столы Госпо́дь, облече́ тя́, о́тче, в ри́зу спасе́ния, украси́ тя красото́ю доброде́телей и чуде́с да́ром, мы́ же благодаря́ще Бо́га Ди́внаго во святы́х Свои́х, вопие́м: Аллилу́иа.
Иму́ще оби́тель тебе́, о́тче, почива́юща зде́ святы́ми моща́ми, ра́достию исполня́ется и веселя́щися уми́льно тебе́ вопие́т:
Бу́ря недоуме́ния смуща́ет мя́, ка́ко воспою́ тя, свя́те, зане́ бу́ря страсте́й и во́лны грехо́в потопля́ют мя́; услы́ши у́бо во́пль и сле́зы потопля́емаго и бе́дствующему помози́, спаса́й мя́, прибе́жище мое́, да воспою́ благода́рно Бо́гу: Аллилу́иа.
Слы́шаще бо́ровския лю́дие, я́ко тобо́ю гре́шнии спаса́ются, неду́жнии исцеля́ются, бе́сы прогоня́ются, гла́днии пита́ются и скорбя́щии уте́шени быва́ют, потеко́ша к тебе́ и бли́жнии и да́льнии, я́ко к реце́, веселя́щей гра́д Бо́жий и лю́ди. Па́че же во вре́мя гла́да устремля́хуся вси́ к тебе́ с ве́рою в милосе́рдие твое́. Ты́ же и пита́л еси́ приходя́щия ежедне́вно я́ко ты́сящи и мно́жае, до́ндеже гла́д преста́. И та́ко просла́вися тобо́ю Оте́ц Небе́сный; мы́ же воспомина́юще о се́м восхваля́ем тя́ усе́рдно си́це:
Боготе́чную звезду́ уве́девше тя́, преподо́бне Пафну́тие, ученицы́ твои́: Ио́сиф Волокола́мский, Инноке́нтий, Илия́ сро́дник тво́й и ини́и, я́ко му́дрии волсви́, и́щуще Царя́ и Спа́са ми́ру и тобо́ю испыту́юще пу́ть, я́ко свети́льник держа́ще тя́, достиго́ша того́ и ра́дуются ны́не с тобо́ю, вопию́ще: Аллилу́иа.
От мно́гих люде́й вра́г творя́ше па́кости тебе́ и оби́тели твое́й, ты́ же, учени́к сы́й Христо́в, люби́л еси́ враги́ твоя́, добро́ творя́ ненави́дящим и моля́ся о ни́х, те́мже и побежда́л еси́ благи́ми зла́я. Сего́ ра́ди Це́рковь Свята́я восхваля́ет тя́:
Пропове́дник ве́ры и упова́ния на Бо́га ди́вный яви́лся еси́, преподо́бне Пафну́тие егда́ бо скорбя́ху бра́тия, я́ко не име́яху ры́б ко дню́ Све́тлаго Воскресе́ния Христо́ва, глаго́лал еси́ о упова́нии на Бо́га; в на́вечерии же Све́тлаго дне́ яви́шася на ма́лом пото́це ры́бы мно́зи. Та́ко упова́ние на Го́спода не посрами́ тя́, и просла́вивше Бо́га, вси́ вопия́ху: Аллилу́иа.
Возсия́л еси́, преподо́бне, све́т а́нгельския чистоты́: во пло́ти я́ко безпло́тен, преподо́бне, ревни́телю целому́дрия. Сего́ ра́ди восхваля́ем тя́:
Хотя́й отгна́ти от святы́я Це́ркве вся́кое богоме́рзкое злосмра́дие, яви́лся еси́ я́ко благово́нное ми́ро житие́м твои́м и сло́вом и́стины, апо́стольских же и собо́рных уче́ний, о́тче, испо́лненный сосу́д бы́л еси́, изгоня́я из оби́тели глаго́лющих проти́вная. Те́мже свята́я Це́рковь ублажа́ет тя́ и мы́ спасе́ннии вопие́м Бо́гу: Аллилу́иа.
Но́ваго тя́ Но́я спасе́ннаго ковче́га оби́тели твое́й показа́ Бо́г хотя́щим спасти́ся: наказу́я пото́пом гне́ва своего́ преслуша́ющих тя́ и па́ки ми́луя ка́ющихся, мы́ же благогове́йно мо́лим тя́: покры́й не́мощи на́ша, о́тче, милосе́рдием твои́м и смире́нною любо́вию, и сподо́би пе́ти:
Стра́нен и ди́вен бы́л еси́ на земли́, и́стый же подража́тель небе́сным житие́м, сло́вом и молча́нием, я́ко умили́тися ви́дящим тя́. Приидо́ша бо от кня́зя слуги́ бу́ии, во зло́бе хотя́ще сожещи́ оби́тель твою́, егда́ же узре́ша тя́, а́ки а́нгела ти́ха и све́тла, внеза́пу премени́шася на кро́тость и мно́зи та́ко уклони́шася от зла́ и сотвори́ша бла́го от слы́шания и виде́ния твоего́, мы́ же прославля́юще о се́м Бо́га, уми́льно вопие́м ти́: Аллилу́иа.
Возведи́ о́крест о́чи твои́, о́тче, и ви́ждь: се́ бо мно́гая ча́да твоя́, с ра́зных стра́н приидо́ша к тебе́ да́ры нося́ще, па́че же с ве́рою и любо́вию к засту́пнику и уте́шителю своему́ в ско́рбех и ну́ждах и припа́дающе мо́лят тя́: простри́ ру́ку по́мощи тре́бующим, услы́ши на́с из глубины́ души́ взыва́ющих:
Вся́кое естество́ челове́ческое удиви́ся а́нгельскому житию́ твоему́ на земли́: попра́л бо еси́ бесо́в, я́ко пра́х под нога́ма, низложи́в и́х шата́ния, разгна́в собла́знов тьму́ и вся́ стре́лы лука́ваго на главу́ его́ обрати́в: сораспя́лся еси́ Христу́ и научи́л еси́ мно́гих со стра́хом пе́ти Бо́гу: Аллилу́иа.
Вети́и многовеща́ннии не возмо́гут по до́лгу восхвали́ти тя́, преподо́бне, то́чию а́нгели досто́йно восхваля́ют а́нгельскими пе́нии, от на́с же, я́ко из у́ст младе́нец приими́ хвалу́ сию́:
Спасти́ся хотя́щии притека́ху к тебе́, до́брому па́стырю, указа́телю путе́й Госпо́дних, си́льному о Го́споде. Ты́ же я́ко име́яй дарова́ние прозре́ния, все́х любе́зно приима́л еси́, то́чию, ины́я па́ки отсыла́я, оба́че николи́же глаго́ля о ни́х зла́я, а́ще и ве́дый, мы́ же благодаря́ще Бо́га, ди́внаго во святы́х свои́х, вопие́м: Аллилу́иа.
Сте́ну тя́ неруши́му име́я и моли́твенника те́пла, из глубины́ души́ тебе́, покрови́телю, глаго́лем:
Пе́ние а́нгельское слы́шашеся во святе́м преставле́нии, о́тче, святы́я и богоуго́дныя души́ твоея́, в небе́сная селе́ния пресла́вно восходя́щия, го́рния бо си́лы ра́дующеся срета́ху тя́, пою́ще Бо́гу: Аллилу́иа.
Бо́жием светоли́тием просвеще́н бы́в, о́тче, я́ко мо́лния гро́зная блиста́л еси́, гоня́ и поража́я де́моны, я́коже и от жены́ не́кия отгна́л еси́ и́х: бе́си бо явля́ющеся, устраша́ху ю́, чесо́ ра́ди смуща́шеся умо́м и боля́ше; овогда́ ви́дяше явля́ющася ста́рца: ни́зка и согбе́нна, браду́ иму́ща се́ду и вели́ку, худы́ми ри́зами оде́янна, со вла́стию отгоня́юща де́моны, и быва́ше здра́ва. Слы́ша и гла́с: Пафну́тий, и́же в Бо́ровске, отго́нит от тебе́ бе́сы. Нете́рпит бо спады́й денни́ца и та́йныя клевре́ты его́ не то́чию прису́тствия, но и моли́тв смире́ния твоего́. Мы́ же, ве́дуще сия́, мо́лим тя́: сохраня́й и на́с от зло́б и́х, да хо́дим во све́те за́поведей Бо́жиих, вопию́щия ти́ усе́рдно:
Благода́ть ве́лию прия́л еси́ от Бо́га, о́тче, я́ко ме́ру потря́сну и прелива́ющуся, по мно́жеству любви́ твоея́ к Бо́гу и бли́жним, и́же и яви́ тя́ реку́, излива́ющу струи́ мно́ги, благода́ти тре́бующим, источа́еши исцеле́ния: мы́ же, ра́дующеся, вопие́м Бо́гу: Аллилу́иа.
Пою́ще све́тлое о Бо́зе житие́ твое́, хва́лим доброде́тели твоя́, я́ко Свята́го Ду́ха дарова́ния, ублажа́ем свято́е успе́ние твое́, почита́ем свяще́нную па́мять твою́, зову́ще любо́вию:
О пресвяты́й и преди́вный о́тче Пафну́тие, уте́шителю скорбя́щих, приими́ сие́ на́ше ма́лое моле́ние, изба́ви же на́с от вся́ких бе́д и ве́чныя изми́ му́ки, богоприя́тным твои́м пред Бо́гом хода́тайством, да с тобо́ю во ве́ки воспева́ем: Аллилу́иа.
Этот конда́к читается трижды, затем и́кос 1-й и конда́к 1-й.
А́нгелов Творе́ц, прови́дя тя́ а́нгелом подража́теля во пло́ти иму́ща бы́ти, от ю́на во́зраста облече́ тя́ во а́нгельский чи́н. Ты́ же отше́д от ми́ра и обле́кся во и́ноческое одея́ние, кре́ст на ра́мо взе́м, вседу́шно поте́кл еси́ во сле́д Распе́ншагося на́с ра́ди Го́спода: ско́рбь и тру́д возлюби́в, прилепи́лся еси́ Христу́ любо́вию и моли́твами. Мы́ же, благодаря́ще о се́м Бо́га, похва́льная воспису́ем ти́:
Избра́нный чудотво́рче, вели́кий уго́дниче Христо́в, врачу́ благода́тный, бесо́в прогони́телю, все́м любо́вию притека́ющим источа́яй ми́лости ми́ро, восхваля́ем тя́ любо́вию, о́тче Пафну́тие, ты́ же, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:
О свяще́нная главо́, земны́й а́нгеле, небе́сный челове́че, вели́кий чудотво́рче, преподо́бне о́тче на́ш Пафну́тие! К тебе́ с ве́рою и любо́вию усе́рдно прибега́ем и умиле́нно про́сим: яви́ на́м смире́нным и гре́шным свято́е и многомо́щное твое́ заступле́ние. Не дерза́ем, гре́х ра́ди на́ших, с свобо́дою ча́д Бо́жиих, проси́ти Го́спода и Влады́ку на́шего о поми́ловании и проще́нии. Но тебе́, моли́твенника к нему́ благоприя́тна, предлага́ем и мо́лим, испроси́ на́м у бла́гости его́ да́ры благопотре́бныя и спаси́тельныя душа́м на́шим: ве́ру пра́ву, благоче́стие кре́пкое, покая́ние и́стинное, проще́ние грехо́в, житие́ соверше́нное, исправле́ние реши́тельное, да обрати́вшеся от злы́х де́л к Богоугожде́нию, про́чее не прогневля́ем Го́спода наруше́нием святы́х его́ за́поведей. Умоли́, свя́тче Бо́жий, Всевы́шняго Творца́ дарова́ти ми́р и благоче́стие стране́ на́шей правосла́вной. Сохрани́, уго́дниче Христо́в, святу́ю оби́тель твою́, созда́нную тобо́ю, и вся́ живу́щия и подвиза́ющияся в не́й от вся́каго зла́ ненаве́тны. При́зри ми́лостивно на лю́ди, к тебе́ прибега́ющия, и вся́ проше́ния и́х во благо́е испо́лни. Все́м же на́м здра́вие душе́вное и теле́сное, земли́ плодоно́сие, ти́хое и благоуго́дное житие́, благу́ю, христиа́нскую кончи́ну и до́брый отве́т на Стра́шном Суде́ у Всеми́лостиваго Бо́га исхода́тайствуй, я́ко вои́стину име́яй ве́лие к нему́ дерзнове́ние. Е́й, о́тче, ве́мы, я́ко мно́го мо́жет моли́тва твоя́ пред лице́м Вседержи́теля Го́спода и ничто́же невозмо́жно е́сть хода́тайству твоему́, а́ще то́кмо восхо́щеши: сего́ ра́ди кре́пко на тя́ упова́ем и на твои́ святы́я моли́твы вельми́ наде́емся, я́ко ты́ приведе́ши на́с предста́тельством твои́м в ти́хое приста́нище спасе́ния и насле́дники яви́ши ны́ све́тлаго Ца́рствия Христо́ва. Не посрами́ же упова́ния на́шего, чудотво́рче святы́й. И сподо́би на́с вку́пе с тобо́ю блаже́нства ра́йскаго наслажда́тися, да сла́вим, хва́лим и велича́ем вели́кую ми́лость к на́м Человеколю́бца Бо́га, Отца́ и Сы́на и Свята́го Ду́ха и твое́ благо́е, оте́ческое заступле́ние во ве́ки веко́в. Ами́нь.