Акафист всем святым, в земле Русской просиявшим

Акафист утвержден Священным Синодом Русской Православной Церкви 14.05.2018 (журнал № 38).

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 30 июня (17 июня ст. ст.)

Утвержден для общецерковного использования.

Конда́к 1.

Избра́ннии от Бо́га святи́и уго́дницы, в земли́ Ру́сской просия́вшии и Це́рковь на́шу я́ко зве́зды све́тлыя украси́вшии, ве́рою соше́дшеся дне́сь, восхваля́ем пречестну́ю па́мять ва́шу. Вы́ же, я́ко иму́щии дерзнове́ние ко Спа́су, от вся́ких бе́д на́с свободи́те, зову́щих: Ра́дуйтеся, святи́и вси́, в земли́ Ру́сской просия́вшии.

И́кос 1.

А́нгелов и челове́ков Тво́рче и Царю́, отве́рзи ны́не гре́шная уста́ на́ша досто́йно воспе́ти вся́ святы́я Твоя́, благода́тию Твое́ю в земли́ Ру́сской просия́вшия и Тебе́, Бо́га на́шего, благоче́стием свои́м просла́вившия, да с любо́вию зове́м и́м такова́я:

Ра́дуйтеся, апо́столи Христо́ви Андре́е, Варфоломе́е и Си́моне Канани́те, до преде́л на́ших доше́дшии и и́стину ева́нгельскую в ни́х возвести́вшии; ра́дуйтеся, Фео́доре со ю́ным Иоа́нном, первому́ченицы Ру́сстии, пре́жде просвеще́ния страны́ на́шея за Христа́ пострада́вшии.

Ра́дуйся, О́льго равноапо́стольная, тьму́ язы́чества све́том Христо́вым озари́вшая; ра́дуйся, равноапо́стольный Влади́мире, земли́ Ру́сския сла́вный крести́телю.

Ра́дуйся, Михаи́ле, Це́ркве Ру́сския первосвяти́телю и правосла́внаго благоче́стия и чи́на в земли́ на́шей насади́телю; ра́дуйся, Иларио́не прему́дрый, о Зако́не и Благода́ти Сло́ва ди́внаго списа́телю.

Ра́дуйтеся, Бори́се и Гле́бе, страстоте́рпцы святи́и, в же́ртву чи́сту себе́ Бо́гови прине́сшии; ра́дуйтеся, святи́и кня́зи Яропо́лче и И́горю, кровьми́ свои́ми зе́млю Ру́сскую ороси́вшии.

Ра́дуйтеся, святи́и вси́, в земли́ Ру́сской просия́вшии.

Конда́к 2.

Ви́дев Госпо́дь ско́рби и утесне́ния ма́лаго слове́снаго ста́да Своего́, в земли́ на́шей от и́дольскаго злоче́стия озлобля́ема, кре́пкую по́мощь Свою́ дарова́, да посрами́вше прельще́ние вра́жие, лю́дие Его́ в ве́ре Христо́вой утвердя́тся и непреста́нно пою́т Ему́: Аллилу́иа.

И́кос 2.

Ра́зум разу́мных ве́ка сего́ отверга́я и объюро́девшую прему́дрость прему́дрых погубля́я, прия́л еси́, Го́споди, я́коже пло́д кра́сный от но́ваго вертогра́да Твоего́, земли́ на́шея, вся́ святы́я, в не́й просия́вшия; и́хже де́лание ны́не восхваля́юще, ублажа́ем и́х та́ко:

Ра́дуйся, Лео́нтие священному́чениче, страны́ Росто́вския просвети́телю; ра́дуйтеся, Иса́ие, Игна́тие, Фео́доре и Иа́кове, гра́да Росто́ва святи́телие.

Ра́дуйся, Ку́кше, земли́ вя́тичей благове́стниче и священному́чениче; ра́дуйтеся, Ники́то и Иоа́нне, и про́чии святи́телие Новагра́да Вели́каго, в дому́ Прему́дрости Бо́жия просия́вшии.

Ра́дуйся, Кири́лле, святи́телю Ту́ровский, сло́ва Бо́жия изря́дный пропове́дниче; ра́дуйся, Евфроси́ние, гра́ду По́лоцку ра́дование и де́вам сия́ние.

Ра́дуйся, Ефре́ме преподо́бне, Новото́ржский просвети́телю, со святы́ми Моисе́ем и Гео́ргием, бра́тиями свои́ми; ра́дуйтеся, свети́льницы Вя́земстии, Арка́дие ди́вный со Иулиани́ею пресла́вною.

Ра́дуйтеся, святи́и вси́, в земли́ Ру́сской просия́вшии.

Конда́к 3.

Си́ла Бо́жия, в не́мощех челове́ческих соверша́ющаяся, укрепля́ше ва́с, святи́и уго́дницы, в земли́ на́шей Бо́гови многообра́зне послужи́вшии, Ему́же ку́пно с ва́ми вы́ну пое́м: Аллилу́иа.

И́кос 3.

Иму́ще облежа́щ на́с толи́к о́блак свиде́телей, все́ мно́жество святы́х, в земли́ на́шей просия́вших, торжеству́ем ра́достно и духо́вно весели́мся, принося́ще и́м хвале́бное сие́ пе́ние:

Ра́дуйся, Си́моне, Влади́мирския и Су́здальския земли́ святи́телю и хра́мов Бо́жиих усе́рдный зижди́телю; ра́дуйтеся, Фео́доре, Иоа́нне и Диони́сие, святи́телие Су́здальстии и чудотво́рцы.

Ра́дуйтеся, преподо́бнии Евфи́мие и Евфроси́ние, Су́здаля зве́зды пресве́тлыя; ра́дуйся, Му́ромския страны́ просвети́телю Константи́не, со ча́ды твои́ми Михаи́лом и Фео́дором.

Ра́дуйтеся, Пе́тре и Февро́ние, Му́ромстии чудотво́рцы, со Иулиани́ею пра́ведною и ми́лостивою; ра́дуйся, Васи́лие святи́телю, в Му́роме поноше́ние ло́жное прие́мый и в Ряза́нь преесте́ственно преплы́вый.

Ра́дуйтеся, Ники́то Сто́лпниче и Дании́ле, ме́ртвых погреба́телю, Переясла́вля Зале́сскаго украше́ние; ра́дуйся, богому́дре кня́же Андре́е Боголю́бский, суету́ ми́ра сего́ презре́вый и яви́вый преди́вное смире́ние.

Ра́дуйтеся, святи́и вси́, в земли́ Ру́сской просия́вшии.

Конда́к 4.

Бу́ря нече́стия идолобо́жнаго а́ще и восстава́ше в земли́ на́шей на Це́рковь Христо́ву Правосла́вную, оба́че потопи́ти ю́ не возмо́же: досе́ле бо стои́т в чи́не свое́м, побе́дно пою́щи Бо́гу: Аллилу́иа.

И́кос 4.

Слы́шаша святи́и сладча́йший гла́с Христо́в, ко спасе́нию призыва́ющий, и Того́ и́го благо́е чрез все́ житие́ свое́ поне́сше, ны́не поко́й безболе́зненный и ве́чный в ра́йских оби́телех обрето́ша. Сего́ ра́ди слы́шат от на́с такова́я:

Ра́дуйтеся, Анто́ние и Феодо́сие преподо́бнии, святы́я ла́вры Ки́ево-Пече́рския устрои́телие и жития́ и́ноческаго в земли́ на́шей основа́телие; ра́дуйтеся, Али́пие, нача́льниче иконопи́сцев ру́сских, и Ага́пите, врачу́ безме́здный.

Ра́дуйтеся, Не́сторе, достопа́мятных дея́ний списа́телю, и Иоа́нне многострада́льный, со все́м ли́ком преподо́бных Пече́рских, от Го́спода просла́вленных; ра́дуйся, И́ове, ла́вры Поча́евския украше́ние, со все́ми уго́дники и чудотво́рцы Волы́нскими.

Ра́дуйтеся, Анто́ние, Иоа́нне и Евста́фие, Лито́встии му́ченицы, огню́ служи́ти отве́ргшиися и страда́ньми свои́ми мно́гия лю́ди ко Христу́ приве́дшии; ра́дуйся, Иси́доре пресви́тере, со все́м собо́ром му́ченик в Ю́рьеве гра́де Ливо́нстем, от лати́н за ве́ру правосла́вную пострада́вших.

Ра́дуйся, Афана́сие, игу́мене Бре́стский, преподобному́чениче преди́вный; ра́дуйся, му́чениче младе́нче Гаврии́ле, во страда́ниих лю́тых просия́вый.

Ра́дуйтеся, святи́и вси́, в земли́ Ру́сской просия́вшии.

Конда́к 5.

Боготе́чныя зве́зды, зе́млю на́шу благода́тию озаря́ющия, восхваля́ем уго́дники Бо́жия: о́вии бо во святи́тельстве, друзи́и же во и́ночестве, ини́и во юро́дстве Христа́ ра́ди подвиза́хуся; вси́ же преподо́бием и пра́вдою Бо́гу послужи́ша, Ему́же согла́сно пое́м: Аллилу́иа.

И́кос 5.

Ви́девше просия́вших в земли́ Ру́сской святы́х Бо́жиих неосла́бное терпе́ние в ве́це се́м и на Небесе́х сла́ву неизрече́нную, са́ми себе́ и дру́г дру́га к подража́нию те́м поощря́ти потщи́мся, зову́ще и́м:

Ра́дуйся, Се́ргие, Ра́донежский чудотво́рче, оби́тели Святы́я Тро́ицы основа́телю, и́ноков нача́льниче и за всю́ зе́млю на́шу те́плый моли́твенниче; ра́дуйтеся, Се́ргие и Ге́рмане Валаа́мстии и Арсе́ние Коне́вский, мона́хов наста́вницы и инове́рных просвети́телие.

Ра́дуйся, Анто́ние Ри́млянине, от оте́чествия твоего́ в Новгра́д Вели́кий на ка́мени преплы́вый и та́мо о́браз и́ноческаго жития́ яви́вый; ра́дуйся, Варлаа́ме, Ху́тынский чудотво́рче, Новагра́да похвало́ и всея́ страны́ на́шея свети́льниче.

Ра́дуйтеся, Зоси́мо, Савва́тие и Ге́рмане, зве́зды и́ночества пресве́тлыя, со все́ми преподо́бными Солове́цкими; ра́дуйся, Алекса́ндре Сви́рский, Святы́я Тро́ицы таи́нниче пресла́вный.

Ра́дуйся, преподо́бне о́тче Кири́лле, я́ко кри́н процветы́й в пусты́ни; ра́дуйся, и вся́ Фиваи́да ру́сская: пусты́ни и де́бри Олоне́цкия, Белоезе́рския и Волого́дския, свято́е и сла́вное преподо́бных отце́в мно́жество возрасти́вшия.

Ра́дуйтеся, святи́и вси́, в земли́ Ру́сской просия́вшии.

Конда́к 6.

Пропове́дницы ве́ры Христо́вы и благоче́стия христиа́нскаго бы́сте, святи́и, на земли́; те́мже ны́не на Небесе́х с весе́лием предстоя́ще Христу́, немо́лчно пое́те Ему́: Аллилу́иа.

И́кос 6.

Возсия́ли есте́ на́м, святи́и, многоразли́чными да́ры оби́льно укра́шени, и́миже венча́ ва́с Подвигополо́жник Христо́с. Прибега́юще бо к ва́м не всу́е тружда́емся, Бо́жию благода́ть и ми́лость наде́ющеся улучи́ти моли́твами ва́шими. Сего́ ра́ди вопие́м ва́м:

Ра́дуйтеся, честни́и страда́льцы Черни́говстии Михаи́ле и Фео́доре, веле́нию мучи́телеву не повину́вшиися и Еди́ному Бо́гу то́чию поклоня́вшиися; ра́дуйтеся, Алекса́ндре Не́вский и Андре́е Боголю́бский, Гео́ргие же и Гле́бе, Влади́мирстии чудотво́рцы, ве́ры ревни́телие и защи́тницы.

Ра́дуйся, му́чениче Авраа́мие, во гра́де Бо́лгаре за Христа́ пострада́вый и гра́д Влади́мир украси́вый; ра́дуйся, Дании́ле, гра́да Москвы́ покрови́телю, роди́тельскаго благослове́ния насле́дниче.

Ра́дуйтеся, Арсе́ние, святи́телю Тверски́й, благове́рнии кня́же Михаи́ле и княги́не А́нно Ка́шинская, моли́твенницы на́ши; ра́дуйтеся, преподо́бне Авраа́мие и му́чениче Мерку́рие, Смоле́нстии чудотво́рцы.

Ра́дуйтеся, Паи́сие и Кассиа́не, гра́ду У́гличу засту́пницы преми́лостивии; ра́дуйся, преподо́бне Ирина́рше, в затво́ре и вери́гах Го́сподеви благоугоди́вый.

Ра́дуйтеся, святи́и вси́, в земли́ Ру́сской просия́вшии.

Конда́к 7.

Хотя́ще спасе́ние ве́чное улучи́ти, святи́и ско́рбным и те́сным путе́м Христу́ после́доваша и Ему́ еди́ному угожда́ти потща́шася, и ны́не, лице́м к лицу́ Того́ во сла́ве зря́ще, воспева́ют Ему́: Аллилу́иа.

И́кос 7.

Но́вая свети́ла, Правосла́вную Це́рковь украша́ющая, зри́м вся́ святы́я земли́ на́шея, и в ве́ре на́шей утвержда́емся, о спасе́нии бо на́шем пред Бо́гом хода́тайствуют; те́мже вопие́м и́м:

Ра́дуйся, Пе́тре, вели́кий святи́телю, первопресто́льниче Моско́вский; ра́дуйся, Алекси́е святи́телю, свобожде́ния земли́ Ру́сския те́плый хода́таю и лю́дем Бо́жиим цели́телю преди́вный.

Ра́дуйся, Ио́но, па́ствы твоея́ наста́вниче и предста́телю; ра́дуйся, Фили́ппе, царя́ неи́стовства облича́вый и сего́ ра́ди лю́те убие́нный.

Ра́дуйся, священному́чениче Ермоге́не, прославле́нию Каза́нския ико́ны Богома́тере послужи́вый и за ве́ру правосла́вную ду́шу свою́ положи́вый; ра́дуйся, пресла́вный Ти́хоне, патриа́рше и испове́дниче, в годи́ну лю́тую за Це́рковь подвиза́выйся.

Ра́дуйтеся, Васи́лие, Иоа́нне и Макси́ме, Моско́встии чудотво́рцы, блаже́ннии юро́ди Христа́ ра́ди, подви́жницы нело́жнии и моли́твенницы те́плии; ра́дуйтеся, пра́ведне Алекси́е, до́брый па́стырю, и Матро́но блаже́нная, скорбя́щим утеше́ние.

Ра́дуйтеся, святи́и вси́, в земли́ Ру́сской просия́вшии.

Конда́к 8.

Стра́нно е́сть неве́рным ви́дети, ка́ко си́ла Бо́жия в не́мощи соверша́ется; мы́ же, и́стинную Христо́ву ве́ру тве́рдо содержа́ще, сла́ве святы́х на́ших возра́дуемся и Го́споду, прославля́ющему и́х, непреста́нно и усе́рдно воспои́м: Аллилу́иа.

И́кос 8.

Вся́ отло́жше попече́ния жите́йская и саме́х себе́ отве́ргшеся, неукло́нно Христу́ после́довасте, присноблаже́ннии; не мо́жет язы́к изобрази́ти и воспе́ти досто́йно ве́ру ва́шу и любо́вь, труды́ и боле́зни, терпе́ние и злострада́ния, и́миже в ра́дость Го́спода своего́ внидо́сте. Сего́ ра́ди восхваля́ем ва́с си́це:

Ра́дуйтеся, Ни́коне Ра́донежский, преподо́бнаго Се́ргия прее́мниче, и Михе́е смире́нный, и Са́вво Звенигоро́дский, и Стефа́не Ма́хрищский, и про́чии ученицы́ Се́ргиевы, мно́гих оби́телей и́ноческих устрои́телие; ра́дуйтеся, Мака́рие Каля́зинский и соиме́нный ему́ У́нженский, в по́двизех Бо́гу угоди́вшии.

Ра́дуйся, Ни́ле Столобе́нский, в моли́твах и труде́х неусы́пно подвиза́выйся; ра́дуйся, ди́вный Ни́ле, ску́дость ски́тскую возлюби́вый и пусты́ню Со́рскую слеза́ми напои́вый.

Ра́дуйся, Ио́сифе, о́тче Во́лоцкий, монасты́рскаго чи́на ревни́телю; ра́дуйтеся, Пафну́тие Бо́ровский, па́дших исправи́телю, с Ти́хоном, Калу́жским чудотво́рцем, вну́трь ду́ба обита́вшим.

Ра́дуйся, и ты́, Серафи́ме преподо́бне, ра́досте на́ша, подви́жниче Саро́вский пречу́дный; ра́дуйтеся, Льве́, Мака́рие, Амвро́сие, Варсоно́фие и вси́ ста́рцы О́птинстии, лю́дем Бо́жиим духоно́снии наста́вницы.

Ра́дуйтеся, святи́и вси́, в земли́ Ру́сской просия́вшии.

Конда́к 9.

Вся́к по́двиг и вся́ку доброде́тель испра́висте, святи́и, о́браз христиа́нскаго благоче́стия лю́дем в себе́ показа́вше, я́ко да ви́дяще ва́ша до́брая дела́, просла́вят Отца́ на́шего, И́же на Небесе́х, пою́ще Ему́: Аллилу́иа.

И́кос 9.

Вети́й худо́жество превозше́дше, святи́и благода́тную си́лу ве́ры Христо́вы житие́м и по́двиги свои́ми всему́ ми́ру яви́ша, благода́тию Бо́жиею неуста́нно неви́димаго врага́ попира́юще. Сего́ ра́ди зове́м:

Ра́дуйся, Стефа́не святи́телю, Пе́рмския страны́ апо́столе сла́вный; ра́дуйтеся, того́ прее́мницы Гера́симе и Питири́ме священному́ченицы и Ио́но, Усть-Вы́мстии чудотво́рцы.

Ра́дуйся, Три́фоне преподо́бне, страну́ Вя́тскую от злове́рия и́дольскаго ко Христу́ приведы́й; ра́дуйся, Три́фоне, Пече́нгский чудотво́рче, оби́тели твоея́ похвало́, во тьму́ язы́ческую стра́н полу́нощных све́т ве́ры Христо́вы принесы́й.

Ра́дуйтеся, Гу́рие, Варсоно́фие и Ге́рмане, гра́да Каза́ни и все́х окре́стных стра́н свети́ла пресве́тлая; ра́дуйтеся, язы́ков просвети́телие, Инноке́нтие чу́дный и Софро́ние прему́дрый, Ирку́тстии святи́телие, со Иоа́нном Тобо́льским, добро́тами ва́шими вся́ Сиби́рския страны́ озари́вшии.

Ра́дуйтеся, Инноке́нтие, святи́телю Моско́вский, и Ге́рмане преподо́бне, равноапо́стольное служе́ние во Аме́рице соверша́вшии; ра́дуйся, святи́телю Нико́лае, Це́ркве Правосла́вныя во стране́ Япо́нстей ди́вный насади́телю.

Ра́дуйтеся, святи́и вси́, в земли́ Ру́сской просия́вшии.

Конда́к 10.

Спасти́ хотя́ лю́ди земли́ на́шея, дарова́л еси́ и́м, Го́споди, вся́ святы́я, в не́й просия́вшия, я́ко о́бразы жития́ спаси́тельнаго, и хода́таи, и помо́щники, да благодаря́ще Тебе́ вопию́т: Аллилу́иа.

И́кос 10.

Стена́ есте́ и заступле́ние все́м, с ве́рою к ва́м прибега́ющим, святи́и. Ва́м бо даде́ся благода́ть все́м тре́бующим поле́зная дарова́ти: неду́жным исцеле́ние, скорбя́щим утеше́ние, в напа́стех су́щим избавле́ние, да воспои́м ва́м такова́я:

Ра́дуйтеся, Все́володе кро́ткий и Довмо́нте кре́пкий, гра́ду Пско́ву сте́ны необори́мыя; ра́дуйтеся, Ника́ндре пустынножи́телю и Евфроси́не преподо́бне, во стране́ Пско́встей подвиза́вшиися.

Ра́дуйся, Проко́пие блаже́нне, гра́д тво́й У́стюг от каменоме́тныя ту́чи изба́вивый; ра́дуйся, Симео́не пра́ведный, Верхоту́рский моли́твенниче и все́й земли́ Ура́льстей утвержде́ние.

Ра́дуйтеся, блаже́ннии юро́ди Христа́ ра́ди, Нико́лае и Фео́доре Новогра́дстии и Иси́доре Росто́вский, непра́вды обличи́телие и прему́дрости ве́ка сего́ посрами́телие; ра́дуйся, Ксе́ние мужеу́мная, гра́ду свята́го Петра́ засту́пнице кре́пкая.

Ра́дуйся, преди́вный Иоа́нне, Кроншта́дтский моли́твенниче и чудотво́рче; ра́дуйся, блаже́нный Па́вле Таганро́гский, ми́лостивый во у́зах су́щим уте́шителю.

Ра́дуйтеся, святи́и вси́, в земли́ Ру́сской просия́вшии.

Конда́к 11.

Пе́ние сие́ хвале́бное и благода́рственное приими́те от на́с, уго́дницы Бо́жии: к ва́м бо прибега́юще, на предста́тельство и по́мощь ва́шу упова́ем, Бо́гу же вопие́м: Аллилу́иа.

И́кос 11.

Светоза́рныя лучи́ по́двиг ва́ших многообра́зных вся́ку ду́шу христиа́нскую освети́вше, ко умиле́нию и ре́вности о спасе́нии побужда́ют, ва́м же пе́ти подвиза́ют такова́я:

Ра́дуйся, Митрофа́не, Воро́нежская похвало́, святи́телю препро́стый и ду́ш води́телю ко Христу́ прему́дрый; ра́дуйся, Ти́хоне, Задо́нский чудотво́рче, медоточи́вая уста́, Христо́ва Ева́нгелия веща́телю сладча́йший.

Ра́дуйся, Феодо́сие, святи́телю Черни́говский, свети́льниче преизря́дный; ра́дуйся, Росси́йский златоу́сте, Росто́вский святи́телю Дими́трие, жития́ святы́х собра́вый и в назида́ние все́м написа́вый.

Ра́дуйся, Иоаса́фе, моли́твенниче Белогра́дский и благоче́стия ревни́телю вели́кий; ра́дуйся, Питири́ме, страны́ Тамбо́вския архиере́ю и хода́таю пред Бо́гом неле́ностный.

Ра́дуйся, Игна́тие прему́дре, цевни́це духо́вная, де́лания у́мнаго ревни́телю; ра́дуйся, Феофа́не, затво́рниче Вы́шенский, оте́ческих писа́ний прелага́телю.

Ра́дуйтеся, святи́и вси́, в земли́ Ру́сской просия́вшии.

Конда́к 12.

Благода́ть у Го́спода испроси́те на́м, святи́и уго́дницы Бо́жии, да си́лою и де́йствием Свята́го Ду́ха огражда́еми, избе́гнем па́губы, ересе́й и раско́ла, правосла́вно пою́ще всегда́: Аллилу́иа.

И́кос 12.

Пою́ще вели́кий и пресве́тлый по́лк ва́ш, вси́ святи́и, в земли́ на́шей просия́вшии, благода́рне велича́ем просла́вльшаго ва́с Го́спода, Его́же ми́лость и проще́ние на́м гре́шным испроси́те, да усе́рдно воспева́ем ва́м:

Ра́дуйся, священному́чениче Кли́менте, епи́скопе Ри́мский, по́двиг тво́й во стране́ на́шей сконча́вый; ра́дуйтеся, священному́ченицы седмочи́сленнии, кровьми́ ва́шими в Херсо́нисе Таври́честем Це́рковь Христо́ву утверди́вшии.

Ра́дуйся, преподо́бне о́тче Паи́сие, в Горе́ Святе́й и преде́лех Молда́вских подвиза́выйся и Добротолю́бие свяще́нное на язы́к слове́нский преложи́вый; ра́дуйся, преди́вне Силуа́не, Афо́ну удобре́ние и Росси́и похвало́ и заступле́ние.

Ра́дуйся, Иоа́нне Шанха́йский и Сан-Франци́сский чудотво́рче, о́бразе непреста́нныя моли́твы и милосе́рдия; ра́дуйтеся, святи́и земли́ на́шея, во благове́стии Христо́ве потруди́вшиися и Це́рковь Правосла́вную в Сиби́ри, Аме́рице, Кита́и и Япо́нии насади́вшии.

Ра́дуйтеся, Влади́мире Ки́евский, Вениами́не Петрогра́дский, Пе́тре Крути́цкий и Кири́лле Каза́нский, священному́ченицы но́вии, в годи́ну гоне́ний пострада́вшии и кро́вию свое́ю Це́рковь Ру́сскую утверди́вшии; ра́дуйтеся, святи́и ца́рственнии страстоте́рпцы и вси́ новому́ченицы Це́ркве Ру́сския, за Христа́ ду́ши положи́вшии.

Ра́дуйтеся, святи́и вси́, в земли́ Ру́сской просия́вшии.

Конда́к 13.

О уго́дницы Бо́жии святи́и, в земли́ Ру́сской просия́вшии! Всечестну́ю па́мять ва́шу ны́не почита́юще, к ва́шему моли́твенному предста́тельству и заступле́нию прибега́ем, да ва́шими моли́твами изба́вимся в се́м ве́це от паде́ний грехо́вных, от наве́та злы́х челове́к и от внеза́пныя сме́рти, и в бу́дущем сподо́бимся спасе́ние улучи́ти, и ве́чных бла́г наслажде́ние, ку́пно с ва́ми а́нгельски пою́ще Бо́гу: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

И́кос 1.

А́нгелов и челове́ков Тво́рче и Царю́, отве́рзи ны́не гре́шная уста́ на́ша досто́йно воспе́ти вся́ святы́я Твоя́, благода́тию Твое́ю в земли́ Ру́сской просия́вшия и Тебе́, Бо́га на́шего, благоче́стием свои́м просла́вившия, да с любо́вию зове́м и́м такова́я:

Ра́дуйтеся, апо́столи Христо́ви Андре́е, Варфоломе́е и Си́моне Канани́те, до преде́л на́ших доше́дшии и и́стину ева́нгельскую в ни́х возвести́вшии; ра́дуйтеся, Фео́доре со ю́ным Иоа́нном, первому́ченицы Ру́сстии, пре́жде просвеще́ния страны́ на́шея за Христа́ пострада́вшии.

Ра́дуйся, О́льго равноапо́стольная, тьму́ язы́чества све́том Христо́вым озари́вшая; ра́дуйся, равноапо́стольный Влади́мире, земли́ Ру́сския сла́вный крести́телю.

Ра́дуйся, Михаи́ле, Це́ркве Ру́сския первосвяти́телю и правосла́внаго благоче́стия и чи́на в земли́ на́шей насади́телю; ра́дуйся, Иларио́не прему́дрый, о Зако́не и Благода́ти Сло́ва ди́внаго списа́телю.

Ра́дуйтеся, Бори́се и Гле́бе, страстоте́рпцы святи́и, в же́ртву чи́сту себе́ Бо́гови прине́сшии; ра́дуйтеся, святи́и кня́зи Яропо́лче и И́горю, кровьми́ свои́ми зе́млю Ру́сскую ороси́вшии.

Ра́дуйтеся, святи́и вси́, в земли́ Ру́сской просия́вшии.

Конда́к 1.

Избра́ннии от Бо́га святи́и уго́дницы, в земли́ Ру́сской просия́вшии и Це́рковь на́шу я́ко зве́зды све́тлыя украси́вшии, ве́рою соше́дшеся дне́сь, восхваля́ем пречестну́ю па́мять ва́шу. Вы́ же, я́ко иму́щии дерзнове́ние ко Спа́су, от вся́ких бе́д на́с свободи́те, зову́щих: Ра́дуйтеся, святи́и вси́, в земли́ Ру́сской просия́вшии.

Моли́тва.

О всеблаже́ннии и богому́дрии уго́дницы Бо́жии, по́двиги свои́ми зе́млю Ру́сскую освяти́вшии и телеса́ своя́, я́ко се́мя ве́ры, в не́й оста́вльшии, душа́ми же свои́ми Престо́лу Бо́жию предстоя́щии и непреста́нно о не́й моля́щиися! Се́ ны́не, в де́нь о́бщаго ва́шего торжества́, мы́ гре́шнии, ме́ньшии бра́тия ва́ши, дерза́ем приноси́ти ва́м сие́ хвале́бное пе́ние. Велича́ем ва́ша вели́кия по́двиги, духо́внии во́ини Христо́ви, терпе́нием и му́жеством до конца́ врага́ низложи́вшии и на́с от пре́лести и ко́зней его́ избавля́ющии. Ублажа́ем ва́ше свято́е житие́, свети́льницы Боже́ственнии, све́том ве́ры и доброде́телей светя́щиися и на́ша умы́ и сердца́ богому́дренно озаря́ющии. Прославля́ем ва́ша вели́кая чудеса́, цве́ти ра́йстии, в стране́ на́шей се́верней прекра́сне процве́тшии и арома́ты дарова́ний и чуде́с повсю́ду благоуха́ющии. Восхваля́ем ва́шу богоподража́тельную любо́вь, предста́телие на́ши и покрови́телие, и упова́юще на по́мощь ва́шу, припа́даем к ва́м и вопие́м: равноапо́стольнии просвети́телие на́ши! Споспешеству́йте лю́дем Ру́сския земли́ пре́данную ва́ми ве́ру правосла́вную тве́рдо содержа́ти, да спаси́тельное се́мя, ва́ми все́янное, не изсуше́но бу́дет зно́ем неве́рия, но дожде́м Бо́жия поспеше́ния напое́нное, пло́д изоби́льный да принесе́т. Святи́телие Христо́ви! Моли́твами ва́шими утверди́те Це́рковь Ру́сскую, е́реси, раско́лы и нестрое́ния в не́й потреби́те, расточе́нныя о́вцы во еди́но собери́те и от вся́ких волко́в, во оде́жди о́вчей в ста́до Христо́во входя́щих, огради́те. Преподо́бнии отцы́! Сохрани́те на́с от пре́лестей ми́ра сего́ лука́ваго, да отве́ргшеся себе́ и взе́мше кре́ст сво́й, после́дуем Христу́, распина́юще пло́ть свою́ со страстьми́ и похотьми́, нося́ще тяготы́ дру́г дру́га. Благове́рнии кня́зие! Воззри́те ми́лостивно на земно́е оте́чество ва́ше и вся́ нече́стия и собла́зны, в не́м ны́не су́щия, ору́жием моли́тв ва́ших потреби́те, да я́коже дре́вле, та́ко и ны́не и в гряду́щее вре́мя прославля́ется на Святе́й Руси́ и́мя Госпо́дне. Страстоте́рпцы пресла́внии Це́ркве Ру́сския! Укрепи́те на́с в му́жественнем стоя́нии да́же до кро́ве за ве́ру правосла́вную и обы́чаи оте́ческия, да ни ско́рбь, ни теснота́, ни гоне́ния, ни гла́д, ни нагота́, ни беда́, ни ме́ч не возмо́гут на́с разлучи́ти от любве́ Бо́жия, я́же о Христе́ Иису́се. Блаже́ннии, Христа́ ра́ди юро́дивии и пра́веднии! Посрами́те му́дрость ве́ка сего́, вознося́щуюся на ра́зум Бо́жий, на́м же помози́те, спаси́тельным бу́йством Креста́ Христо́ва утверди́вшеся, собла́зны му́дрости мирски́я незы́блемым бы́ти, Го́рнее при́сно, а не земно́е помышля́ти. Богому́дрыя жены́, в немощне́м естестве́ по́двиги ве́лия яви́вшия! Моли́теся, да ду́х ва́шея любве́ ко Го́споду и ре́вность о угожде́нии Ему́ и о свое́м и бли́жняго спасе́нии не оскудева́ет в на́с. Вси́ святи́и сро́дницы на́ши, от ле́т дре́вних просия́вшии и в после́дния дни́ подвиза́вшиися, явле́ннии и неявле́ннии, ве́домии и неве́домии! Помяни́те на́шу не́мощь и уничиже́ние и моли́твами ва́шими испроси́те у Христа́ Бо́га на́шего, да и мы́, безбе́дно преплы́вше жите́йскую пучи́ну и невреди́мо соблю́дше сокро́вище ве́ры, в приста́нище ве́чнаго спасе́ния дости́гнем и в блаже́нных оби́телех Го́рняго Оте́чества, вку́пе с ва́ми и со все́ми угоди́вшими Ему́ от ве́ка святы́ми, водвори́мся благода́тию и человеколю́бием Спаси́теля на́шего Го́спода Иису́са Христа́, Ему́же со Преве́чным Отце́м и Пресвяты́м Ду́хом подоба́ет непреста́нное славосло́вие и поклоне́ние от все́х тва́рей во ве́ки веко́в. Ами́нь.

А҆ка́ѳїстъ всѣ̑мъ ст҃ы̑мъ, въ землѝ рꙋ́сской просїѧ́вшымъ.

Конда́къ а҃.

И҆збра́ннїи ѿ бг҃а ст҃і́и ᲂу҆гѡ́дницы, въ землѝ рꙋ́сской просїѧ́вшїи, и҆ цр҃ковь на́шꙋ ꙗ҆́кѡ ѕвѣ́зды свѣ̑тлыѧ ᲂу҆краси́вшїи, вѣ́рою соше́дшесѧ дне́сь, восхвалѧ́емъ пречтⷭ҇нꙋ́ю па́мѧть ва́шꙋ. Вы́ же, ꙗ҆́кѡ и҆мꙋ́щїи дерзнове́нїе ко сп҃сꙋ, ѿ всѧ́кихъ бѣ́дъ на́съ свободи́те, зовꙋ́щихъ:

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

І҆́косъ а҃.

А҆́гг҃лѡвъ и҆ человѣ́кѡвъ тво́рче и҆ цр҃ю̀, ѿве́рзи ны́нѣ грѣ̑шнаѧ ᲂу҆ста̀ на̑ша досто́йнѡ воспѣ́ти всѧ̑ ст҃ы̑ѧ твоѧ̑, бл҃года́тїю твое́ю въ землѝ рꙋ́сской просїѧ́вшыѧ и҆ тебѐ, бг҃а на́шего, бл҃гоче́стїемъ свои́мъ просла́вившыѧ, да съ любо́вїю зове́мъ и҆̀мъ такова̑ѧ:

Ра́дꙋйтесѧ, а҆пⷭ҇ли хрⷭ҇тѡ́ви а҆ндре́е, варѳоломе́е и҆ сі́мѡне канані́те, до предѣ̑лъ на́шихъ доше́дшїи и҆ и҆́стинꙋ є҆ѵⷢ҇льскꙋю въ ни́хъ возвѣсти́вшїи: ра́дꙋйтесѧ, ѳео́дѡре со ю҆́нымъ і҆ѡа́нномъ, первомч҃нцы рꙋ́сстїи, пре́жде просвѣще́нїѧ страны̀ на́шеѧ за хрⷭ҇та̀ пострада́вшїи.

Ра́дꙋйсѧ, ѻ҆́льго равноапⷭ҇льнаѧ, тьмꙋ̀ ꙗ҆зы́чества свѣ́томъ хрⷭ҇то́вымъ ѡ҆зари́вшаѧ: ра́дꙋйсѧ, равноапⷭ҇льный влади́мїре, землѝ рꙋ́сскїѧ сла́вный крести́телю.

Ра́дꙋйсѧ, мїхаи́ле, цр҃кве рꙋ́сскїѧ первост҃и́телю и҆ правосла́внагѡ бл҃гоче́стїѧ и҆ чи́на въ землѝ на́шей насади́телю: ра́дꙋйсѧ, і҆ларїѡ́не премꙋ́дрый, ѡ҆ зако́нѣ и҆ бл҃года́ти сло́ва ди́внагѡ списа́телю.

Ра́дꙋйтесѧ, бори́се и҆ глѣ́бе, стрⷭ҇тоте́рпцы ст҃і́и, въ же́ртвꙋ чи́стꙋ себѐ бг҃ови прине́сшїи: ра́дꙋйтесѧ, ст҃і́и кн҃зи ꙗ҆ропо́лче и҆ и҆́горю, кровьмѝ свои́ми зе́млю рꙋ́сскꙋю ѡ҆роси́вшїи.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ в҃.

Ви́дѣвъ гдⷭ҇ь скѡ́рби и҆ ᲂу҆тѣснє́нїѧ ма́лагѡ слове́снагѡ ста́да своегѡ̀, въ землѝ на́шей ѿ і҆́дѡльскагѡ ѕлоче́стїѧ ѡ҆ѕлоблѧ́ема, крѣ́пкꙋю по́мощь свою̀ дарова̀: да посрами́вше прельще́нїе вра́жїе, лю́дїе є҆гѡ̀ въ вѣ́рѣ хрⷭ҇то́вой ᲂу҆твердѧ́тсѧ и҆ непреста́ннѡ пою́тъ є҆мꙋ̀: А҆ллилꙋ́їа.

І҆́косъ в҃.

Ра́зꙋмъ разꙋ́мныхъ вѣ́ка сегѡ̀ ѿверга́ѧ и҆ ѡ҆б̾юро́дѣвшꙋю премꙋ́дрость премꙋ́дрыхъ погꙋблѧ́ѧ, прїѧ́лъ є҆сѝ, гдⷭ҇и, ꙗ҆́коже пло́дъ кра́сный ѿ но́вагѡ вертогра́да твоегѡ̀, землѝ на́шеѧ, всѧ̑ ст҃ы̑ѧ, въ не́й просїѧ́вшыѧ: и҆́хже дѣ́ланїе ны́нѣ восхвалѧ́юще, ᲂу҆бл҃жа́емъ и҆̀хъ та́кѡ:

Ра́дꙋйсѧ, лео́нтїе сщ҃енномч҃нче, страны̀ росто́вскїѧ просвѣти́телю: ра́дꙋйтесѧ, и҆са́їе, і҆гна́тїе, ѳео́дѡре и҆ і҆а́кѡве, гра́да росто́ва ст҃и́телїе.

Ра́дꙋйсѧ, кꙋ́кше, землѝ вѧ́тичей бл҃говѣ́стниче и҆ сщ҃енномч҃нче: ра́дꙋйтесѧ, нїки́то и҆ і҆ѡа́нне, и҆ про́чїи ст҃и́телїе новагра́да вели́кагѡ, въ домꙋ̀ премⷣрости бж҃їѧ просїѧ́вшїи.

Ра́дꙋйсѧ, кѷрі́лле, ст҃и́телю тꙋ́ровскїй, сло́ва бж҃їѧ и҆зрѧ́дный проповѣ́дниче: ра́дꙋйсѧ, є҆ѵфросѵ́нїе, гра́дꙋ по́лоцкꙋ ра́дованїе и҆ дѣ́вамъ сїѧ́нїе.

Ра́дꙋйсѧ, є҆фре́ме прпⷣбне, новото́ржскїй просвѣти́телю, со ст҃ы́ми мѡѷсе́емъ и҆ геѡ́ргїемъ, бра́тїѧми свои́ми: ра́дꙋйтесѧ, свѣти́льницы вѧ́земстїи, а҆рка́дїе ди́вный со і҆ꙋлїані́ею пресла́вною.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ г҃.

Си́ла бж҃їѧ, въ не́мощехъ человѣ́ческихъ соверша́ющаѧсѧ, ᲂу҆крѣплѧ́ше ва́съ, ст҃і́и ᲂу҆гѡ́дницы, въ землѝ на́шей бг҃ови многоѻбра́знѣ послꙋжи́вшїи, є҆мꙋ́же кꙋ́пнѡ съ ва́ми вы́нꙋ пое́мъ: А҆ллилꙋ́їа.

І҆́косъ г҃.

И҆мꙋ́ще ѡ҆блежа́щъ на́съ толи́къ ѻ҆́блакъ свидѣ́телей, всѐ мно́жество ст҃ы́хъ, въ землѝ на́шей просїѧ́вшихъ, торжествꙋ́емъ ра́достнѡ и҆ дꙋхо́внѡ весели́мсѧ, приносѧ́ще и҆̀мъ хвале́бное сїѐ пѣ́нїе:

Ра́дꙋйсѧ, сі́мѡне, влади́мїрскїѧ и҆ сꙋ́здальскїѧ землѝ ст҃и́телю и҆ хра́мѡвъ бж҃їихъ ᲂу҆се́рдный зижди́телю: ра́дꙋйтесѧ, ѳео́дѡре, і҆ѡа́нне и҆ дїонѵ́сїе, ст҃и́телїе сꙋ́здальстїи и҆ чꙋдотво́рцы.

Ра́дꙋйтесѧ, прпⷣбнїи є҆ѵѳѵ́мїе и҆ є҆ѵфросѵ́нїе, сꙋ́здалѧ ѕвѣ́зды пресвѣ̑тлыѧ: ра́дꙋйсѧ, мꙋ́ромскїѧ страны̀ просвѣти́телю кѡнстанті́не, со ча́ды твои́ми мїхаи́ломъ и҆ ѳео́дѡромъ.

Ра́дꙋйтесѧ, пе́тре и҆ феврѡ́нїе, мꙋ́ромстїи чꙋдотво́рцы, со і҆ꙋлїані́ею првⷣною и҆ млⷭ҇тивою: ра́дꙋйсѧ, васі́лїе ст҃и́телю, въ мꙋ́ромѣ поноше́нїе ло́жное прїе́мый и҆ въ рѧза́нь преесте́ственнѡ преплы́вый.

Ра́дꙋйтесѧ, нїки́то сто́лпниче и҆ данїи́ле, ме́ртвыхъ погреба́телю, переѧсла́влѧ зале́сскагѡ ᲂу҆краше́нїе: ра́дꙋйсѧ, бг҃омꙋ́дре кнѧ́же а҆ндре́е бг҃олю́бскїй, сꙋетꙋ̀ мі́ра сегѡ̀ презрѣ́вый и҆ ꙗ҆ви́вый преди́вное смире́нїе.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ д҃.

Бꙋ́рѧ нече́стїѧ і҆дѡлобо́жнагѡ, а҆́ще и҆ восстава́ше въ землѝ на́шей на цр҃ковь хрⷭ҇то́вꙋ правосла́внꙋю, ѻ҆ба́че потопи́ти ю҆̀ не возмо́же: досе́лѣ бо стои́тъ въ чи́нѣ свое́мъ, побѣ́днѡ пою́щи бг҃ꙋ: А҆ллилꙋ́їа.

І҆́косъ д҃.

Слы́шаша ст҃і́и сладча́йшїй гла́съ хрⷭ҇то́въ, ко сп҃се́нїю призыва́ющїй, и҆ тогѡ̀ и҆́го бл҃го́е чрез̾ всѐ житїѐ своѐ поне́сше, ны́нѣ поко́й безболѣ́зненный и҆ вѣ́чный въ ра́йскихъ ѻ҆би́телехъ ѡ҆брѣто́ша. Сегѡ̀ ра́ди слы́шатъ ѿ на́съ такова̑ѧ:

Ра́дꙋйтесѧ, а҆нтѡ́нїе и҆ ѳеодо́сїе прпⷣбнїи, ст҃ы́ѧ ла́ѵры кі́ево-пече́рскїѧ ᲂу҆строи́телїе и҆ житїѧ̀ и҆́ноческагѡ въ землѝ на́шей ѡ҆снова́телїе: ра́дꙋйтесѧ, а҆лѵ́пїе, нача́льниче і҆кѡнопи́сцєвъ рꙋ́сскихъ, и҆ а҆га́пите, врачꙋ̀ безме́здный.

Ра́дꙋйтесѧ, не́сторе, достопа́мѧтныхъ дѣѧ́нїй списа́телю, и҆ і҆ѡа́нне многострада́льный, со всѣ́мъ ли́комъ прпⷣбныхъ пече́рскихъ, ѿ гдⷭ҇а просла́вленныхъ: ра́дꙋйсѧ, і҆́ѡве, ла́ѵры поча́евскїѧ ᲂу҆краше́нїе, со всѣ́ми ᲂу҆гѡ́дники и҆ чꙋдотво́рцы волы́нскими.

Ра́дꙋйтесѧ, а҆нтѡ́нїе, і҆ѡа́нне и҆ є҆ѵста́ѳїе, лїто́встїи мч҃нцы, ѻ҆гню̀ слꙋжи́ти ѿве́ргшїисѧ и҆ страда́ньми свои́ми мнѡ́гїѧ лю́ди ко хрⷭ҇тꙋ̀ приве́дшїи: ра́дꙋйсѧ, і҆сі́дѡре пресвѵ́тере, со всѣ́мъ собо́ромъ мч҃нкъ въ ю҆́рьевѣ гра́дѣ лїво́нстѣмъ, ѿ латі̑нъ за вѣ́рꙋ правосла́внꙋю пострада́вшихъ.

Ра́дꙋйсѧ, а҆ѳана́сїе, и҆гꙋ́мене бре́стскїй, прпⷣбномч҃нче преди́вный: ра́дꙋйсѧ, мч҃нче младе́нче гаврїи́ле, во страда́нїихъ лю́тыхъ просїѧ́вый.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ є҃.

Бг҃отє́чныѧ ѕвѣ́зды, зе́млю на́шꙋ бл҃года́тїю ѡ҆зарѧ́ющыѧ, восхвалѧ́емъ ᲂу҆го́дники бж҃їѧ: ѻ҆́вїи бо во ст҃и́тельствѣ, дрꙋзі́и же во и҆́ночествѣ, и҆ні́и во ю҆ро́дствѣ хрⷭ҇та̀ ра́ди подвиза́хꙋсѧ: вси́ же преподо́бїемъ и҆ пра́вдою бг҃ꙋ послꙋжи́ша, є҆мꙋ́же согла́снѡ пое́мъ: А҆ллилꙋ́їа.

І҆́косъ є҃.

Ви́дѣвше просїѧ́вшихъ въ землѝ рꙋ́сской ст҃ы́хъ бж҃їихъ неѡсла́бное терпѣ́нїе въ вѣ́цѣ се́мъ и҆ на нб҃сѣ́хъ сла́вꙋ неизрече́ннꙋю, са́ми себѐ и҆ дрꙋ́гъ дрꙋ́га къ подража́нїю тѣ̑мъ поѡщрѧ́ти потщи́мсѧ, зовꙋ́ще и҆̀мъ:

Ра́дꙋйсѧ, се́ргїе, ра́донежскїй чꙋдотво́рче, ѻ҆би́тели ст҃ы́ѧ трⷪ҇цы ѡ҆снова́телю, и҆́нокѡвъ нача́льниче и҆ за всю̀ зе́млю на́шꙋ те́плый мл҃твенниче: ра́дꙋйтесѧ, се́ргїе и҆ ге́рмане валаа́мстїи и҆ а҆рсе́нїе коне́вскїй, мона́хѡвъ наста̑вницы и҆ и҆новѣ́рныхъ просвѣти́телїе.

Ра́дꙋйсѧ, а҆нтѡ́нїе ри́млѧнине, ѿ ѻ҆те́чествїѧ твоегѡ̀ въ новгра́дъ вели́кїй на ка́мени преплы́вый и҆ та́мѡ ѻ҆́бразъ и҆́ноческагѡ житїѧ̀ ꙗ҆ви́вый: ра́дꙋйсѧ, варлаа́ме, хꙋ́тынскїй чꙋдотво́рче, новагра́да похвало̀ и҆ всеѧ̀ страны̀ на́шеѧ свѣти́льниче.

Ра́дꙋйтесѧ, зѡсі́мо, савва́тїе и҆ ге́рмане, ѕвѣ́зды и҆́ночества пресвѣ̑тлыѧ, со всѣ́ми прпⷣбными солове́цкими: ра́дꙋйсѧ, а҆леѯа́ндре сви́рскїй, ст҃ы́ѧ трⷪ҇цы таи́нниче пресла́вный.

Ра́дꙋйсѧ, прпⷣбне ѻ҆́тче кѷрі́лле, ꙗ҆́кѡ крі́нъ процвѣты́й въ пꙋсты́ни: ра́дꙋйсѧ, и҆ всѧ̀ ѳиваі́да рꙋ́сскаѧ: пꙋсты̑ни и҆ дє́бри ѻ҆лонє́цкїѧ, бѣлоезє́рскїѧ и҆ вологѡ́дскїѧ, ст҃о́е и҆ сла́вное прпⷣбныхъ ѻ҆тцє́въ мно́жество возрасти́вшыѧ.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ ѕ҃.

Проповѣ̑дницы вѣ́ры хрⷭ҇то́вы и҆ бл҃гоче́стїѧ хрⷭ҇тїа́нскагѡ бы́сте, ст҃і́и, на землѝ: тѣ́мже ны́нѣ на нб҃сѣ́хъ съ весе́лїемъ предстоѧ́ще хрⷭ҇тꙋ̀, немо́лчнѡ пое́те є҆мꙋ̀: А҆ллилꙋ́їа.

І҆́косъ ѕ҃.

Возсїѧ́ли є҆стѐ на́мъ, ст҃і́и, многоразли́чными да̑ры ѻ҆би́льнѡ ᲂу҆кра́шени, и҆́миже вѣнча̀ ва́съ подвигополо́жникъ хрⷭ҇то́съ. Прибѣга́юще бо къ ва́мъ не всꙋ́е трꙋжда́емсѧ, бж҃їю бл҃года́ть и҆ млⷭ҇ть надѣ́ющесѧ ᲂу҆лꙋчи́ти мл҃твами ва́шими. Сегѡ̀ ра́ди вопїе́мъ ва́мъ:

Ра́дꙋйтесѧ, чтⷭ҇ні́и страда́льцы черни́говстїи мїхаи́ле и҆ ѳео́дѡре, велѣ́нїю мꙋчи́телевꙋ не повинꙋ́вшїисѧ и҆ є҆ди́номꙋ бг҃ꙋ то́чїю поклонѧ́вшїисѧ: ра́дꙋйтесѧ, а҆леѯа́ндре не́вскїй и҆ а҆ндре́е бг҃олю́бскїй, геѡ́ргїе же и҆ глѣ́бе, влади́мїрстїи чꙋдотво́рцы, вѣ́ры ревни́телїе и҆ защи̑тницы.

Ра́дꙋйсѧ, мч҃нче а҆враа́мїе, во гра́дѣ бо́лгарѣ за хрⷭ҇та̀ пострада́вый и҆ гра́дъ влади́мїръ ᲂу҆краси́вый: ра́дꙋйсѧ, данїи́ле, гра́да москвы̀ покрови́телю, роди́тельскагѡ бл҃гослове́нїѧ наслѣ́дниче.

Ра́дꙋйтесѧ, а҆рсе́нїе, ст҃и́телю тверскі́й, бл҃говѣ́рнїи кнѧ́же мїхаи́ле и҆ кнѧги́не а҆́нно ка́шинскаѧ, мл҃твєнницы на́ши: ра́дꙋйтесѧ, прпⷣбне а҆враа́мїе и҆ мч҃нче меркꙋ́рїе, смоле́нстїи чꙋдотво́рцы.

Ра́дꙋйтесѧ, паі́сїе и҆ кассїа́не, гра́дꙋ ᲂу҆́гличꙋ застꙋ̑пницы премлⷭ҇тивїи: ра́дꙋйсѧ, прпⷣбне і҆рина́рше, въ затво́рѣ и҆ вери́гахъ гдⷭ҇еви бл҃гоꙋгоди́вый.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ з҃.

Хотѧ́ще сп҃се́нїе вѣ́чное ᲂу҆лꙋчи́ти, ст҃і́и ско́рбнымъ и҆ тѣ́снымъ пꙋте́мъ хрⷭ҇тꙋ̀ послѣ́доваша и҆ є҆мꙋ̀ є҆ди́номꙋ ᲂу҆гожда́ти потща́шасѧ, и҆ ны́нѣ, лице́мъ къ лицꙋ̀ того̀ во сла́вѣ зрѧ́ще, воспѣва́ютъ є҆мꙋ̀: А҆ллилꙋ́їа.

І҆́косъ з҃.

Нѡ́ваѧ свѣти̑ла правосла́внꙋю цр҃ковь ᲂу҆краша̑ющаѧ, зри́мъ всѧ̑ ст҃ы̑ѧ землѝ на́шеѧ, и҆ въ вѣ́рѣ на́шей ᲂу҆твержда́емсѧ, ѡ҆ сп҃се́нїи бо на́шемъ пред̾ бг҃омъ хода́тайствꙋютъ: тѣ́мже вопїе́мъ и҆̀мъ:

Ра́дꙋйсѧ, пе́тре, вели́кїй ст҃и́телю, первопресто́льниче моско́вскїй: ра́дꙋйсѧ, а҆леѯі́е ст҃и́телю, свобожде́нїѧ землѝ рꙋ́сскїѧ те́плый хода́таю и҆ лю́демъ бж҃їимъ цѣли́телю преди́вный.

Ра́дꙋйсѧ, і҆ѡ́но, па́ствы твоеѧ̀ наста́вниче и҆ предста́телю: ра́дꙋйсѧ, фїлі́ппе, царѧ̀ неи́стѡвства ѡ҆блича́вый и҆ сегѡ̀ ра́ди лю́тѣ ᲂу҆бїе́нный.

Ра́дꙋйсѧ, сщ҃енномч҃нче є҆рмоге́не, прославле́нїю каза́нскїѧ і҆кѡ́ны бг҃омт҃ре послꙋжи́вый и҆ за вѣ́рꙋ правосла́внꙋю дꙋ́шꙋ свою̀ положи́вый: ра́дꙋйсѧ, пресла́вный тѵ́хѡне, патрїа́рше и҆ и҆сповѣ́дниче, въ годи́нꙋ лю́тꙋю за цр҃ковь подвиза́выйсѧ.

Ра́дꙋйтесѧ, васі́лїе, і҆ѡа́нне и҆ маѯі́ме, моско́встїи чꙋдотво́рцы, бл҃же́ннїи ю҆ро́ди хрⷭ҇та̀ ра́ди, подви̑жницы нело́жнїи и҆ мл҃твєнницы те́плїи: ра́дꙋйтесѧ, првⷣне а҆леѯі́е, до́брый па́стырю, и҆ матрѡ́но бл҃же́ннаѧ, скорбѧ́щымъ ᲂу҆тѣше́нїе.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ и҃.

Стра́нно є҆́сть невѣ̑рнымъ ви́дѣти, ка́кѡ си́ла бж҃їѧ въ не́мощи соверша́етсѧ: мы́ же, и҆́стиннꙋю хрⷭ҇то́вꙋ вѣ́рꙋ тве́рдѡ содержа́ще, сла́вѣ ст҃ы́хъ на́шихъ возра́дꙋемсѧ и҆ гдⷭ҇ꙋ, прославлѧ́ющемꙋ и҆̀хъ, непреста́ннѡ и҆ ᲂу҆се́рднѡ воспои́мъ: А҆ллилꙋ́їа.

І҆́косъ и҃.

Всѧ̑ ѿло́жше попечє́нїѧ житє́йскаѧ и҆ самѣ́хъ себѐ ѿве́ргшесѧ, неꙋкло́ннѡ хрⷭ҇тꙋ̀ послѣ́довасте, приснобл҃же́ннїи: не мо́жетъ ѧ҆зы́къ и҆з̾ѡбрази́ти и҆ воспѣ́ти досто́йнѡ вѣ́рꙋ ва́шꙋ и҆ любо́вь, трꙋды̀ и҆ болѣ̑зни, терпѣ́нїе и҆ ѕлострада̑нїѧ, и҆́миже въ ра́дость гдⷭ҇а своегѡ̀ внидо́сте. Сегѡ̀ ра́ди восхвалѧ́емъ ва́съ си́це:

Ра́дꙋйтесѧ, ні́кѡне ра́донежскїй, прпⷣбнагѡ се́ргїа прее́мниче, и҆ мїхе́е смире́нный, и҆ са́вво звенигоро́дскїй, и҆ стефа́не ма́хрищскїй, и҆ про́чїи ᲂу҆ченицы̀ се́ргїевы, мно́гихъ ѻ҆би́телей и҆́ноческихъ ᲂу҆строи́телїе: ра́дꙋйтесѧ, мака́рїе калѧ́зинскїй и҆ соиме́нный є҆мꙋ̀ ᲂу҆́нженскїй, въ по́двизѣхъ бг҃ꙋ ᲂу҆годи́вшїи.

Ра́дꙋйсѧ, ні́ле столобе́нскїй, въ мл҃твахъ и҆ трꙋдѣ́хъ неꙋсы́пнѡ подвиза́выйсѧ: ра́дꙋйсѧ, ди́вный ні́ле, скꙋ́дость ски́тскꙋю возлюби́вый и҆ пꙋсты́ню со́рскꙋю слеза́ми напои́вый.

Ра́дꙋйсѧ, і҆ѡ́сифе, ѻ҆́тче во́лоцкїй, монасты́рскагѡ чи́на ревни́телю: ра́дꙋйтесѧ, пафнꙋ́тїе бо́ровскїй, па́дшихъ и҆справи́телю, съ тѵ́хѡномъ, калꙋ́жскимъ чꙋдотво́рцемъ, внꙋ́трь дꙋ́ба ѡ҆бита́вшимъ.

Ра́дꙋйсѧ, и҆ ты̀, серафі́ме прпⷣбне, ра́досте на́ша, подви́жниче саро́вскїй пречꙋ́дный: ра́дꙋйтесѧ, львѐ, мака́рїе, а҆мвро́сїе, варсоно́фїе и҆ всѝ ста́рцы ѻ҆́птинстїи, лю́демъ бж҃їимъ дх҃оно́снїи наста̑вницы.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ ѳ҃.

Всѧ́къ по́двигъ и҆ всѧ́кꙋ добродѣ́тель и҆спра́висте, ст҃і́и, ѻ҆́бразъ хрⷭ҇тїа́нскагѡ бл҃гоче́стїѧ лю́демъ въ себѣ̀ показа́вше, ꙗ҆́кѡ да ви́дѧще ва̑ша дѡ́браѧ дѣла̀, просла́вѧтъ ѻ҆ц҃а̀ на́шего, и҆́же на нб҃сѣ́хъ, пою́ще є҆мꙋ̀: А҆ллилꙋ́їа.

І҆́косъ ѳ҃.

Вѣті́й хꙋдо́жество превозше́дше, ст҃і́и бл҃года́тнꙋю си́лꙋ вѣ́ры хрⷭ҇то́вы житїе́мъ и҆ пѡ́двиги свои́ми всемꙋ̀ мі́рꙋ ꙗ҆ви́ша, бл҃года́тїю бж҃їею неꙋста́ннѡ неви́димаго врага̀ попира́юще. Сегѡ̀ ра́ди зове́мъ:

Ра́дꙋйсѧ, стефа́не ст҃и́телю, пе́рмскїѧ страны̀ а҆пⷭ҇ле сла́вный: ра́дꙋйтесѧ, тогѡ̀ преє́мницы гера́сїме и҆ пїтѷрі́ме сщ҃енномч҃нцы и҆ і҆ѡ́но, ᲂу҆сть-вы́мстїи чꙋдотво́рцы.

Ра́дꙋйсѧ, трѵ́фѡне прпⷣбне, странꙋ̀ вѧ́тскꙋю ѿ ѕловѣ́рїѧ і҆́дѡльскагѡ ко хрⷭ҇тꙋ̀ приведы́й: ра́дꙋйсѧ, трѵ́фѡне, пече́нгскїй чꙋдотво́рче, ѻ҆би́тели твоеѧ̀ похвало̀, во тьмꙋ̀ ꙗ҆зы́ческꙋю стра́нъ полꙋ́нощныхъ свѣ́тъ вѣ́ры хрⷭ҇то́вы принесы́й.

Ра́дꙋйтесѧ, гꙋ́рїе, варсоно́фїе и҆ ге́рмане, гра́да каза́ни и҆ всѣ́хъ ѻ҆кре́стныхъ стра́нъ свѣти̑ла пресвѣ̑тлаѧ: ра́дꙋйтесѧ, ꙗ҆зы́кѡвъ просвѣти́телїе, і҆нноке́нтїе чꙋ́дный и҆ сѡфро́нїе премꙋ́дрый, и҆ркꙋ́тстїи ст҃и́телїе, со і҆ѡа́нномъ тобо́льскимъ, добро́тами ва́шими всѧ̑ сиби̑рскїѧ страны̑ ѡ҆зари́вшїи.

Ра́дꙋйтесѧ, і҆нноке́нтїе, ст҃и́телю моско́вскїй, и҆ ге́рмане прпⷣбне, равноапⷭ҇льное слꙋже́нїе во а҆ме́рицѣ соверша́вшїи: ра́дꙋйсѧ, ст҃и́телю нїко́лае, цр҃кве правосла́вныѧ во странѣ̀ ꙗ҆по́нстѣй ди́вный насади́телю.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ і҃.

Сп҃стѝ хотѧ̀ лю́ди землѝ на́шеѧ, дарова́лъ є҆сѝ и҆̀мъ, гдⷭ҇и, всѧ̑ ст҃ы̑ѧ въ не́й просїѧ́вшыѧ, ꙗ҆́кѡ ѻ҆́бразы житїѧ̀ сп҃си́тельнагѡ, и҆ хода̑таи, и҆ помо́щники, да бл҃годарѧ́ще тебѐ вопїю́тъ: А҆ллилꙋ́їа.

І҆́косъ і҃.

Стѣна̀ є҆стѐ и҆ застꙋпле́нїе всѣ̑мъ, съ вѣ́рою къ ва́мъ прибѣга́ющымъ, ст҃і́и. Ва́мъ бо даде́сѧ бл҃года́ть всѣ̑мъ тре́бꙋющымъ полє́знаѧ дарова́ти: недꙋ̑жнымъ и҆сцѣле́нїе, скорбѧ́щымъ ᲂу҆тѣше́нїе, въ напа́стехъ сꙋ́щымъ и҆збавле́нїе, да воспои́мъ ва́мъ такова̑ѧ:

Ра́дꙋйтесѧ, все́володе кро́ткїй и҆ довмо́нте крѣ́пкїй, гра́дꙋ пско́вꙋ стѣ́ны неѡбори̑мыѧ: ра́дꙋйтесѧ, нїка́ндре пꙋстынножи́телю и҆ є҆ѵфросѵ́не прпⷣбне, во странѣ̀ пско́встѣй подвиза́вшїисѧ.

Ра́дꙋйсѧ, проко́пїе бл҃же́нне, гра́дъ тво́й ᲂу҆́стюгъ ѿ каменоме́тныѧ тꙋ́чи и҆зба́вивый: ра́дꙋйсѧ, сѷмеѡ́не првⷣный, верхотꙋ́рскїй мл҃твенниче и҆ все́й землѝ ᲂу҆ра́льстѣй ᲂу҆твержде́нїе.

Ра́дꙋйтесѧ, бл҃же́ннїи ю҆ро́ди хрⷭ҇та̀ ра́ди, нїко́лае и҆ ѳео́дѡре новогра́дстїи и҆ і҆сі́дѡре росто́вскїй, непра́вды ѡ҆бличи́телїе и҆ премꙋ́дрости вѣ́ка сегѡ̀ посрами́телїе: ра́дꙋйсѧ, ѯе́нїе мꙋжеꙋ́мнаѧ, гра́дꙋ ст҃а́гѡ петра̀ застꙋ́пнице крѣ́пкаѧ.

Ра́дꙋйсѧ, преди́вный і҆ѡа́нне, кроншта́дтскїй мл҃твенниче и҆ чꙋдотво́рче: ра́дꙋйсѧ, бл҃же́нный па́ѵле таганро́гскїй, млⷭ҇тивый во ᲂу҆́захъ сꙋ́щымъ ᲂу҆тѣ́шителю.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ а҃і.

Пѣ́нїе сїѐ хвале́бное и҆ бл҃года́рственное прїими́те ѿ на́съ, ᲂу҆гѡ́дницы бж҃їи: къ ва́мъ бо прибѣга́юще, на предста́тельство и҆ по́мощь ва́шꙋ ᲂу҆пова́емъ, бг҃ꙋ же вопїе́мъ: А҆ллилꙋ́їа.

І҆́косъ а҃і.

Свѣтоза́рныѧ лꙋчи̑ пѡ́двигъ ва́шихъ многоѻбра́зныхъ всѧ́кꙋ дꙋ́шꙋ хрⷭ҇тїа́нскꙋю ѡ҆свѣти́вше, ко ᲂу҆миле́нїю и҆ ре́вности ѡ҆ сп҃се́нїи побꙋжда́ютъ, ва́мъ же пѣ́ти подвиза́ютъ такова̑ѧ:

Ра́дꙋйсѧ, митрофа́не, воро́нежскаѧ похвало̀, ст҃и́телю препро́стый и҆ дꙋ́шъ води́телю ко хрⷭ҇тꙋ̀ премꙋ́дрый: ра́дꙋйсѧ, тѵ́хѡне, задо́нскїй чꙋдотво́рче, медоточи̑ваѧ ᲂу҆ста̀, хрⷭ҇то́ва є҆ѵⷢ҇лїа вѣща́телю сладча́йшїй.

Ра́дꙋйсѧ, ѳеодо́сїе, ст҃и́телю черни́говскїй, свѣти́льниче преизрѧ́дный: ра́дꙋйсѧ, рѡссі́йскїй златоꙋ́сте, росто́вскїй ст҃и́телю дими́трїе, житїѧ̀ ст҃ы́хъ собра́вый и҆ въ назида́нїе всѣ̑мъ написа́вый.

Ра́дꙋйсѧ, і҆ѡаса́фе, мл҃твенниче бѣлогра́дскїй и҆ бл҃гоче́стїѧ ревни́телю вели́кїй: ра́дꙋйсѧ, пїтѷрі́ме, страны̀ тамбо́вскїѧ а҆рхїере́ю и҆ хода́таю пред̾ бг҃омъ нелѣ́ностный.

Ра́дꙋйсѧ, і҆гна́тїе премꙋ́дре, цѣвни́це дх҃о́внаѧ, дѣ́ланїѧ ᲂу҆́мнагѡ ревни́телю: ра́дꙋйсѧ, ѳеофа́не, затво́рниче вы́шенскїй, ѻ҆те́ческихъ писа́нїй прелага́телю.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ в҃і.

Бл҃года́ть ᲂу҆ гдⷭ҇а и҆спроси́те на́мъ, ст҃і́и ᲂу҆гѡ́дницы бж҃їи, да си́лою и҆ дѣ́йствїемъ ст҃а́гѡ дх҃а ѡ҆гражда́еми, и҆збѣ́гнемъ па́гꙋбы, є҆ресе́й и҆ раско́ла, правосла́внѡ пою́ще всегда̀: А҆ллилꙋ́їа.

І҆́косъ в҃і.

Пою́ще вели́кїй и҆ пресвѣ́тлый по́лкъ ва́шъ, всѝ ст҃і́и, въ землѝ на́шей просїѧ́вшїи, бл҃года́рнѣ велича́емъ просла́вльшаго ва́съ гдⷭ҇а, є҆гѡ́же млⷭ҇ть и҆ проще́нїе на́мъ грѣ̑шнымъ и҆спроси́те, да ᲂу҆се́рднѡ воспѣва́емъ ва́мъ:

Ра́дꙋйсѧ, сщ҃енномч҃нче кли́менте, є҆пⷭ҇кпе ри́мскїй, по́двигъ тво́й во странѣ̀ на́шей сконча́вый: ра́дꙋйтесѧ, сщ҃енномч҃нцы седмочи́сленнїи, кровьмѝ ва́шими въ херсо́нисѣ таѵрі́честѣмъ цр҃ковь хрⷭ҇то́вꙋ ᲂу҆тверди́вшїи.

Ра́дꙋйсѧ, прпⷣбне ѻ҆́тче паѵ́сїе, въ горѣ̀ ст҃ѣ́й и҆ предѣ́лѣхъ молда́вскихъ подвиза́выйсѧ и҆ добротолю́бїе сщ҃е́нное на ѧ҆зы́къ слове́нскїй преложи́вый: ра́дꙋйсѧ, преди́вне сїлꙋа́не, а҆ѳѡ́нꙋ ᲂу҆добре́нїе и҆ рѡссі́и похвало̀ и҆ застꙋпле́нїе.

Ра́дꙋйсѧ, і҆ѡа́нне шанха́йскїй и҆ санъ–франци́сскїй чꙋдотво́рче, ѻ҆́бразе непреста́нныѧ мл҃твы и҆ млⷭ҇рдїѧ: ра́дꙋйтесѧ, ст҃і́и землѝ на́шеѧ, во бл҃говѣ́стїи хрⷭ҇то́вѣ потрꙋди́вшїисѧ и҆ цр҃ковь правосла́внꙋю въ сиби́ри, а҆ме́рицѣ, кита́и и҆ ꙗ҆по́нїи насади́вшїи.

Ра́дꙋйтесѧ, влади́мїре кі́евскїй, венїамі́не петрогра́дскїй, пе́тре крꙋти́цкїй и҆ кѷрі́лле каза́нскїй, сщ҃енномч҃нцы но́вїи, въ годи́нꙋ гоне́нїй пострада́вшїи и҆ кро́вїю свое́ю цр҃ковь рꙋ́сскꙋю ᲂу҆тверди́вшїи: ра́дꙋйтесѧ, ст҃і́и ца́рственнїи стрⷭ҇тоте́рпцы и҆ всѝ новомч҃нцы цр҃кве рꙋ́сскїѧ, за хрⷭ҇та̀ дꙋ́шы положи́вшїи.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ г҃і.

Ѽ ᲂу҆гѡ́дницы бж҃їи ст҃і́и, въ землѝ рꙋ́сской просїѧ́вшїи! Всечтⷭ҇нꙋ́ю па́мѧть ва́шꙋ ны́нѣ почита́юще, къ ва́шемꙋ мл҃твенномꙋ предста́тельствꙋ и҆ застꙋпле́нїю прибѣга́емъ, да ва́шими мл҃твами и҆зба́вимсѧ въ се́мъ вѣ́цѣ ѿ паде́нїй грѣхо́вныхъ, ѿ навѣ́та ѕлы́хъ человѣ̑къ и҆ ѿ внеза́пныѧ сме́рти, и҆ въ бꙋ́дꙋщемъ сподо́бимсѧ сп҃се́нїе ᲂу҆лꙋчи́ти, и҆ вѣ́чныхъ бла̑гъ наслажде́нїе, кꙋ́пнѡ съ ва́ми а҆́гг҃льски пою́ще бг҃ꙋ: А҆ллилꙋ́їа.

Се́й конда́къ глаго́летсѧ три́жды. И҆ па́ки чте́тсѧ і҆́косъ а҃-й, и҆ конда́къ а҃-й.

І҆́косъ а҃.

А҆́гг҃лѡвъ и҆ человѣ́кѡвъ тво́рче и҆ цр҃ю̀, ѿве́рзи ны́нѣ грѣ̑шнаѧ ᲂу҆ста̀ на̑ша досто́йнѡ воспѣ́ти всѧ̑ ст҃ы̑ѧ твоѧ̑, бл҃года́тїю твое́ю въ землѝ рꙋ́сской просїѧ́вшыѧ и҆ тебѐ, бг҃а на́шего, бл҃гоче́стїемъ свои́мъ просла́вившыѧ, да съ любо́вїю зове́мъ и҆̀мъ такова̑ѧ:

Ра́дꙋйтесѧ, а҆пⷭ҇ли хрⷭ҇тѡ́ви а҆ндре́е, варѳоломе́е и҆ сі́мѡне канані́те, до предѣ̑лъ на́шихъ доше́дшїи и҆ и҆́стинꙋ є҆ѵⷢ҇льскꙋю въ ни́хъ возвѣсти́вшїи: ра́дꙋйтесѧ, ѳео́дѡре со ю҆́нымъ і҆ѡа́нномъ, первомч҃нцы рꙋ́сстїи, пре́жде просвѣще́нїѧ страны̀ на́шеѧ за хрⷭ҇та̀ пострада́вшїи.

Ра́дꙋйсѧ, ѻ҆́льго равноапⷭ҇льнаѧ, тьмꙋ̀ ꙗ҆зы́чества свѣ́томъ хрⷭ҇то́вымъ ѡ҆зари́вшаѧ: ра́дꙋйсѧ, равноапⷭ҇льный влади́мїре, землѝ рꙋ́сскїѧ сла́вный крести́телю.

Ра́дꙋйсѧ, мїхаи́ле, цр҃кве рꙋ́сскїѧ первост҃и́телю и҆ правосла́внагѡ бл҃гоче́стїѧ и҆ чи́на въ землѝ на́шей насади́телю: ра́дꙋйсѧ, і҆ларїѡ́не премꙋ́дрый, ѡ҆ зако́нѣ и҆ бл҃года́ти сло́ва ди́внагѡ списа́телю.

Ра́дꙋйтесѧ, бори́се и҆ глѣ́бе, стрⷭ҇тоте́рпцы ст҃і́и, въ же́ртвꙋ чи́стꙋ себѐ бг҃ови прине́сшїи: ра́дꙋйтесѧ, ст҃і́и кн҃зи ꙗ҆ропо́лче и҆ и҆́горю, кровьмѝ свои́ми зе́млю рꙋ́сскꙋю ѡ҆роси́вшїи.

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Конда́къ а҃.

И҆збра́ннїи ѿ бг҃а ст҃і́и ᲂу҆гѡ́дницы, въ землѝ рꙋ́сской просїѧ́вшїи, и҆ цр҃ковь на́шꙋ ꙗ҆́кѡ ѕвѣ́зды свѣ̑тлыѧ ᲂу҆краси́вшїи, вѣ́рою соше́дшесѧ дне́сь, восхвалѧ́емъ пречтⷭ҇нꙋ́ю па́мѧть ва́шꙋ. Вы́ же, ꙗ҆́кѡ и҆мꙋ́щїи дерзнове́нїе ко сп҃сꙋ, ѿ всѧ́кихъ бѣ́дъ на́съ свободи́те, зовꙋ́щихъ:

Ра́дꙋйтесѧ, ст҃і́и всѝ, въ землѝ рꙋ́сской просїѧ́вшїи.

Мл҃тва.

ѽ всебл҃же́ннїи и҆ бг҃омꙋ́дрїи ᲂу҆гѡ́дницы бж҃їи, пѡ́двиги свои́ми зе́млю рꙋ́сскꙋю ѡ҆ст҃и́вшїи и҆ тѣлеса̀ своѧ̑, ꙗ҆́кѡ сѣ́мѧ вѣ́ры, въ не́й ѡ҆ста́вльшїи, дꙋша́ми же свои́ми прⷭ҇то́лꙋ бж҃їю предстоѧ́щїи и҆ непреста́ннѡ ѡ҆ не́й молѧ́щїисѧ! Сѐ ны́нѣ, въ де́нь ѻ҆́бщагѡ ва́шегѡ торжества̀, мы̀ грѣ́шнїи, ме́ньшїи бра́тїѧ ва́ши, дерза́емъ приноси́ти ва́мъ сїѐ хвале́бное пѣ́нїе. Велича́емъ ва́шѧ вели̑кїѧ по́двиги, дх҃о́внїи во́ини хрⷭ҇тѡ́ви, терпѣ́нїемъ и҆ мꙋ́жествомъ до конца̀ врага̀ низложи́вшїи и҆ на́съ ѿ пре́лести и҆ ко́зней є҆гѡ̀ и҆збавлѧ́ющїи. Оу҆бл҃жа́емъ ва́ше ст҃о́е житїѐ, свѣти́льницы бжⷭ҇твеннїи, свѣ́томъ вѣ́ры и҆ добродѣ́телей свѣтѧ́щїисѧ и҆ на́шѧ ᲂу҆мы̀ и҆ сердца̀ бг҃омꙋ́дреннѡ ѡ҆зарѧ́ющїи. Прославлѧ́емъ ва̑ша вели̑каѧ чꙋдеса̀, цвѣ́ти ра́йстїи, въ странѣ̀ на́шей сѣ́вернѣй прекра́снѣ процвѣ́тшїи и҆ а҆рѡма̑ты дарова́нїй и҆ чꙋде́съ повсю́дꙋ бл҃гоꙋха́ющїи. Восхвалѧ́емъ ва́шꙋ бг҃оподража́тельнꙋю любо́вь, предста́телїе на́ши и҆ покрови́телїе, и҆ ᲂу҆пова́юще на по́мощь ва́шꙋ, припа́даемъ къ ва́мъ и҆ вопїе́мъ: равноапⷭ҇льнїи просвѣти́телїе на́ши! Споспѣшествꙋ́йте лю́демъ рꙋ́сскїѧ землѝ пре́даннꙋю ва́ми вѣ́рꙋ правосла́внꙋю тве́рдѡ содержа́ти, да сп҃си́тельное сѣ́мѧ, ва́ми всѣ́ѧнное, не и҆зсꙋше́но бꙋ́детъ зно́емъ невѣ́рїѧ, но дожде́мъ бж҃їѧ поспѣше́нїѧ напое́нное, пло́дъ и҆з̾ѻби́льный да принесе́тъ. Ст҃и́телїе хрⷭ҇тѡ́ви! Мл҃твами ва́шими ᲂу҆тверди́те цр҃ковь рꙋ́сскꙋю, є҆́рєси, раско́лы и҆ нестроє́нїѧ въ не́й потреби́те, расточє́нныѧ ѻ҆́вцы во є҆ди́но собери́те и҆ ѿ всѧ́кихъ волкѡ́въ, во ѻ҆де́жди ѻ҆́вчей въ ста́до хрⷭ҇то́во входѧ́щихъ, ѡ҆гради́те. Прпⷣбнїи ѻ҆тцы̀! Сохрани́те на́съ ѿ пре́лестей мі́ра сегѡ̀ лꙋка́вагѡ, да ѿве́ргшесѧ себє̀ и҆ взе́мше крⷭ҇тъ сво́й, послѣ́дꙋемъ хрⷭ҇тꙋ̀, распина́юще пло́ть свою̀ со страстьмѝ и҆ похотьмѝ, носѧ́ще тѧготы̑ дрꙋ́гъ дрꙋ́га. Бл҃говѣ́рнїи кнѧ́зїе! Воззри́те млⷭ҇тивнѡ на земно́е ѻ҆те́чество ва́ше и҆ всⷤ нечє́стїѧ и҆ собла́зны, въ не́мъ ны́нѣ сꙋ́щыѧ, ѻ҆рꙋ́жїемъ мл҃твъ ва́шихъ потреби́те, да ꙗ҆́коже дре́вле, та́кѡ и҆ ны́нѣ и҆ въ грѧдꙋ́щее вре́мѧ, прославлѧ́етсѧ на ст҃ѣ́й рꙋсѝ и҆́мѧ гдⷭ҇не. Стрⷭ҇тоте́рпцы пресла́внїи цр҃кве рꙋ́сскїѧ! Оу҆крѣпи́те на́съ въ мꙋ́жественнѣмъ стоѧ́нїи да́же до кро́ве за вѣ́рꙋ правосла́внꙋю и҆ ѻ҆бы̑чаи ѻ҆те́чєскїѧ, да ни ско́рбь, ни тѣснота̀, ни гонє́нїѧ, ни гла́дъ, ни нагота̀, ни бѣда̀, ни ме́чь не возмо́гꙋтъ на́съ разлꙋчи́ти ѿ любвѐ бж҃їѧ, ꙗ҆́же ѡ҆ хрⷭ҇тѣ̀ і҆и҃сѣ. Бл҃же́ннїи, хрⷭ҇та̀ ра́ди ю҆ро́дивїи и҆ првⷣнїи! Посрами́те мꙋ́дрость вѣ́ка сегѡ̀, возносѧ́щꙋюсѧ на ра́зꙋмъ бж҃їй, на́мъ же помози́те, сп҃си́тельнымъ бꙋ́йствомъ крⷭ҇та̀ хрⷭ҇то́ва ᲂу҆тверди́вшесѧ, собла̑зны мꙋ́дрости мїрскі́ѧ незы́блємымъ бы́ти, го́рнее при́снѡ, а҆ не земно́е помышлѧ́ти. Бг҃омꙋ̑дрыѧ жєны̀, въ немощнѣ́мъ є҆стествѣ̀ по́двиги вє́лїѧ ꙗ҆ви́вшыѧ! Моли́тесѧ, да дꙋ́хъ ва́шеѧ любвѐ ко гдⷭ҇ꙋ и҆ ре́вность ѡ҆ ᲂу҆гожде́нїи є҆мꙋ̀ и҆ ѡ҆ свое́мъ и҆ бли́жнѧгѡ сп҃се́нїи не ѡ҆скꙋдѣва́етъ въ на́съ. Всѝ ст҃і́и срѡ́дницы на́ши, ѿ лѣ́тъ дре́внихъ просїѧ́вшїи и҆ въ послѣ̑днїѧ дни̑ подвиза́вшїисѧ, ꙗ҆вле́ннїи и҆ неѧвле́ннїи, вѣ́домїи и҆ невѣ́домїи! Помѧни́те на́шꙋ не́мощь и҆ ᲂу҆ничиже́нїе и҆ мл҃твами ва́шими и҆спроси́те ᲂу҆ хрⷭ҇та̀ бг҃а на́шегѡ, да и҆ мы̀, безбѣ́днѡ преплы́вше жите́йскꙋю пꙋчи́нꙋ и҆ невреди́мѡ соблю́дше сокро́вище вѣ́ры, въ приста́нище вѣ́чнагѡ сп҃се́нїѧ дости́гнемъ, и҆ въ бл҃же́нныхъ ѻ҆би́телехъ го́рнѧгѡ ѻ҆те́чества, вкꙋ́пѣ съ ва́ми и҆ со всѣ́ми ᲂу҆годи́вшими є҆мꙋ̀ ѿ вѣ́ка ст҃ы́ми, водвори́мсѧ бл҃года́тїю и҆ чл҃вѣколю́бїемъ сп҃си́телѧ на́шегѡ гдⷭ҇а і҆и҃са хрⷭ҇та̀, є҆мꙋ́же со превѣ́чнымъ ѻ҆ц҃е́мъ и҆ прест҃ы́мъ дх҃омъ подоба́етъ непреста́нное славосло́вїе и҆ поклоне́нїе ѿ всѣ́хъ тва́рей во вѣ́ки вѣкѡ́въ. А҆ми́нь.

Всех Свя­тых, в Зем­ле Русской про­си­яв­ших, Неде­ля – 2-е вос­кре­се­нье по­сле празд­ни­ка Пя­ти­де­сят­ни­цы, по­свя­щен­ное празд­но­ва­нию па­мя­ти всех рус­ских свя­тых.

Идея со­бор­но­го празд­но­ва­ния па­мя­ти рус. свя­тых по­яви­лась в сер. XVI в., по­сле про­слав­ле­ния сон­ма рус. свя­тых на Мос­ков­ских Со­бо­рах 1547 и 1549 гг. Пер­вая служ­ба в честь "но­вых рос­сий­ских чу­до­твор­цев" бы­ла со­став­ле­на Гри­го­ри­ем, ино­ком суз­даль­ско­го Спа­со-Ев­фи­ми­е­ва мон-ря, и пред­на­зна­ча­лась для пе­ния 17 июля; этот день стал пер­во­на­чаль­ной да­той празд­но­ва­ния Со­бо­ра рус­ских свя­тых. Служ­ба пе­ре­пи­сы­ва­лась в ру­ко­пи­сях (Сер­гий (Спас­ский). Ме­ся­це­слов. Т. 1. С. 385), но не во­шла в пе­чат­ные мос­ков­ские из­да­ния бо­го­слу­жеб­ных книг XVI–XVII вв. С кон. XVIII в. она из­да­ва­лась ста­ро­об­ряд­че­ски­ми ти­по­гра­фи­я­ми (Кра­ков, Б. г.; Грод­но, 1786, 1789; Су­п­расль, 1786, 1787; М., 1911). По­сле XVII в. это празд­но­ва­ние со­хра­ня­ет­ся толь­ко в ста­ро­об­ряд­че­ской сре­де и со­вер­ша­ет­ся в неде­лю (т. е. в вос­кре­се­нье) по­сле па­мя­ти прор. Илии (20 июля). По­сле­до­ва­ние вклю­ча­ет тро­парь 3-го гла­са: "Пре­чест­ная вер­ста Бо­гом воз­люб­лен­ная, от­цы преб­ла­жен­нии", кондак 8-го гла­са, на по­до­бен "Яко на­чат­ки": "Яко бла­го­че­стия про­по­вед­ни­ки и нече­стия обуз­да­те­ли", ка­нон 8-го гла­са, ир­мос: "Песнь воз­слем, лю­дие", нач.: "Вси пес­нь­ми ду­хов­ны­ми, иже по­стом про­си­яв­шая". По певч. ру­ко­пи­сям с XVII в. из­вест­ны рас­пе­тые сти­хи­ры (слав­ни­ки) из этой служ­бы. На­бор из слав­ни­ков (обыч­но 6) устой­чи­во при­во­дит­ся в ру­ко­пи­сях по­мор­ской тра­ди­ции (Пев­че­ские кни­ги. 2001).

Ок. 1643 г. иером. Ме­ле­тий Си­риг, про­то­син­келл К-поль­ско­го пат­ри­ар­ха, по прось­бе митр. Пет­ра (Мо­ги­лы) на­пи­сал служ­бу "пре­по­доб­ным от­цам Ки­е­во-пе­чер­ским и всем свя­тым, в Ма­лой Рос­сии про­си­яв­шим", т. е. укр. ана­лог служ­бы в честь Всех Рус­ских свя­тых. В кон. 40-х гг. XVII в. по об­раз­цу служ­бы иером. Ме­ле­тия со­ло­вец­кий иером. Сер­гий (Ше­ло­нин) на­пи­сал служ­бу "всем свя­тым, иже в Ве­ли­цеи Ро­сии в по­сте про­си­яв­шим" (из­вест­на по един­ствен­ной ркп. XVII в. – РНБ. Сол. 877/987). Несмот­ря на на­зва­ния, служ­бы иеро­мо­на­хов Ме­ле­тия и Сер­гия по­свя­ще­ны не толь­ко пре­по­доб­ным, но и свя­тым, про­слав­лен­ным в др. ли­ках; на­зва­ния обу­слов­ле­ны тем, что обе служ­бы со­став­ле­ны по об­раз­цу служ­бы в честь Всех пре­по­доб­ных от­цов в Сы­ро­пуст­ную суб­бо­ту (Пан­чен­ко. 2004). Боль­шо­го рас­про­стра­не­ния в бо­го­слу­жеб­ной прак­ти­ке по­сле­до­ва­ния, со­став­лен­ные иеро­мо­на­ха­ми Ме­ле­ти­ем и Сер­ги­ем, не по­лу­чи­ли.

По­ми­мо гим­но­гра­фи­че­ских про­из­ве­де­ний, для служ­бы рус. свя­тых со­зда­ва­лись че­тьи тек­сты. Так, инок Гри­го­рий Суз­даль­ский на­пи­сал "По­хваль­ное сло­во" в честь но­вых чу­до­твор­цев (Ма­ка­рий, ар­хим. 1997), иером. Сер­гий (Ше­ло­нин) – "По­хваль­ное сло­во рус­ским пре­по­доб­ным" (Пан­чен­ко. 2003).

Совр. празд­но­ва­ние Всех Свя­тых, в зем­ле Рос­сий­ской про­си­яв­ших, бы­ло уста­нов­ле­но по ре­ше­нию По­мест­но­го Со­бо­ра Рос­сий­ской Пра­во­слав­ной Церк­ви 1917–1918 гг. На за­се­да­нии 7 (20) авг. был за­слу­шан до­клад проф. Б.А. Ту­ра­е­ва о празд­но­ва­нии па­мя­ти всех свя­тых, но­вых чу­до­твор­цев рос­сий­ских (Де­я­ние 146 – Со­бор 1918. Де­я­ния. Т. 10. С. 146–147). В до­кла­де был сде­лан крат­кий об­зор ис­то­рии служ­бы но­вым рос­сий­ским чу­до­твор­цам, при­ве­де­ны при­ме­ры по­доб­ных служб (вет­хо­за­вет­ным пра­от­цам, пре­по­доб­ным афон­ским и др.) и пред­ло­же­но вос­ста­но­вить празд­но­ва­ние па­мя­ти рус. свя­тых в вос­крес­ный день по­сле па­мя­ти Всех свя­тых неде­ли по при­ме­ру па­мя­ти афон­ских по­движ­ни­ков, от­ме­ча­е­мой на Св. Го­ре. За­слу­шав до­клад, Со­бор опре­де­лил вос­ста­но­вить празд­но­ва­ние дня па­мя­ти всех рус. свя­тых в 1-е вос­кре­се­нье Пет­ро­ва по­ста, а со­от­вет­ству­ю­щее по­сле­до­ва­ние (ос­но­ван­ное на по­сле­до­ва­нии ино­ка Гри­го­рия, но ис­прав­лен­ное и до­пол­нен­ное Выс­шим Цер­ков­ным Управ­ле­ни­ем) на­пе­ча­тать в кон­це Цвет­ной Три­о­ди. Ста­тьи бы­ли пе­ре­да­ны в Ре­дак­ци­он­ный от­дел Со­бо­ра и при­ня­ты с неболь­ши­ми по­прав­ка­ми 13 (26) авг. (Де­я­ние 150 – Там же. С. 216-217). До­пол­не­ние и ис­прав­ле­ние служ­бы бы­ло по­ру­че­но Ту­ра­е­ву и иером. Афа­на­сию (Са­ха­ро­ву) (впосл. епи­скоп, свя­щен­но­ис­по­вед­ник). Служ­ба бы­ла по­чти пол­но­стью пе­ре­пи­са­на, из ста­рой оста­лось лишь неск. пес­но­пе­ний. Пер­во­на­чаль­ный ва­ри­ант служ­бы из­да­ли бро­шю­рой граж­дан­ской пе­ча­ти в Москве в 1918 г.; из­да­ние от­ли­ча­лось боль­шим ко­ли­че­ством опе­ча­ток. Свя­щен­но­исп. Афа­на­сий ре­дак­ти­ро­вал служ­бу в про­дол­же­ние всей жиз­ни. Сле­ду­ю­щее из­да­ние ее вы­шло в Москве в 1946 г. Окон­ча­тель­ный текст служ­бы, бо­лее пол­ный по срав­не­нию с тек­стом пер­вых из­да­ний, был вы­пу­щен в со­ста­ве Ми­ней, под­го­тов­лен­ных Мос­ков­ской пат­ри­ар­хи­ей в 1978-1989 гг. (Ми­нея. (МП). Май. Ч. 3. С. 308-387; см. так­же: Служ­ба. 1995). Служ­ба име­ет мно­го осо­бен­но­стей, обу­слов­лен­ных же­ла­ни­ем свя­щен­но­исп. Афа­на­сия вы­де­лить ее в кру­ге празд­ни­ков РПЦ; она вклю­ча­ет из­бы­точ­ный гим­но­гра­фи­че­ский ма­те­ри­ал, что поз­во­ля­ет со всей пол­но­той со­вер­шать ее как в вос­крес­ный, так и в буд­ний день. Нек-рые осо­бен­но­сти со­став­лен­ной свя­щен­но­исп. Афа­на­си­ем служ­бы не вполне тра­ди­ци­он­ны: по­имен­ное пе­ре­чис­ле­ние всех рус. свя­тых на ли­тии не име­ет ана­ло­гов в древ­них служ­бах (а по­сле про­слав­ле­ния сон­ма но­во­му­че­ни­ков на Ар­хи­ерей­ском юби­лей­ном Со­бо­ре 2000 г. ста­ло прак­ти­че­ски неосу­ще­стви­мым), со­еди­не­ние 3 ве­ли­ча­ний, об­ра­щен­ных к Бо­гу, Бо­жи­ей Ма­те­ри и ко всем рус. свя­тым, не на­хо­дит со­от­вет­ствия в Ти­пи­коне.

По­ме­щен­ное в Ми­нее по­сле­до­ва­ние вклю­ча­ет тро­па­ри 8-го гла­са: "Яко­же плод крас­ный Тво­е­го спа­си­тель­но­го се­я­ния" и 4-го гла­са: "Иеру­са­ли­ма выш­ня­го граж­да­ны"; кондак 3-го гла­са, на по­до­бен "Де­ва днесь": "Днесь лик свя­тых, в зем­ли на­шей Бо­гу уго­див­ших"; ка­нон утре­ни 8-го гла­са (ир­мос: "В черм­нем фа­ра­о­на с ко­лес­ни­ца­ми по­гру­зил еси", нач.: "Вси в пес­нех ду­хов­ных вос­по­им со­глас­но"); ма­лый мо­леб­ный ка­нон, со­став­лен­ный по по­до­бию мо­леб­но­го ка­но­на Бо­го­ро­ди­це 8-го гла­са (ир­мос: "Во­ду про­шед яко су­шу", нач.: "Мно­ги­ми со­дер­жи­ми на­пастьми, к вам при­бе­га­ем"); бо­лее 10 са­мо­глас­нов, 3 цик­ла по­доб­нов, а так­же цик­лы сти­хир на ли­тии, на ве­черне и на елео­по­ма­за­нии в кон­це утре­ни, вклю­ча­ю­щие по­доб­ны всех гла­сов. Па­ре­мии ве­чер­ни: Ис.49:8-15, Сир.44:1-14, Прем.3:1-9; Еван­ге­лие утре­ни: Мф.4:25-5:12; чте­ния ли­тур­гии: про­ки­мен из Пс.15, Кол.3:20-4:3 (или Евр.11:33-12), ал­ли­лу­и­а­рий со сти­ха­ми Пс.43, Лк.12:32-40 (или Мф.4.25-5:12), при­ча­стен Пс.149:4; по­ми­мо про­че­го, в со­став служ­бы вхо­дят осо­бые тро­па­ри на бла­жен­нах.

Служ­ба поль­зу­ет­ся боль­шой по­пуляр­но­стью (хо­тя, как пра­ви­ло, нек-рые ее ча­сти – мо­леб­ное пе­ние на­ка­нуне, ряд пес­но­пе­ний и др. – на прак­ти­ке со­кра­ща­ют­ся или опус­ка­ют­ся), нек-рые ее тек­сты (напр., сти­хи­ры по­доб­ны "Зем­ле рус­ская") во­шли в чис­ло наи­бо­лее из­вест­ных и лю­би­мых в Рус­ской Церк­ви.

Ли­те­ра­ту­ра: Спас­ский И. Пер­вая служ­ба Всем Рус­ским Свя­тым и ее ав­тор // ЖМП. 1949. № 8. С. 50–55; Служ­ба Всем Свя­тым, в зем­ле Рус­ской про­си­яв­шим. М., 1995; Ма­ка­рий (Ве­ре­тен­ни­ков), ар­хим. Эпо­ха но­вых чу­до­твор­цев: (По­хваль­ное сло­во но­вым рус. свя­тым ино­ка Гри­го­рия Суз­даль­ско­го) // АиО. 1997. № 2 (13). С. 128–144; Пев­че­ские кни­ги вы­го­лек­син­ско­го пись­ма. XVIII – 1-я пол. XIX в. / Сост. Ф. В. Пан­чен­ко. СПб., 2001. (Опи­са­ние РО Б-ки РАН; Т. 9. Вып. 1); Ка­зан­це­ва Г. Е. Осо­бен­но­сти цер­ков­но­слав. язы­ка служ­бы «Всем свя­тым, в Зем­ле Рус­ской про­си­яв­шим» свт. Афа­на­сия (Са­ха­ро­ва) // ЕжБК, 2003. С. 377–380; Пан­чен­ко О. В. Из ар­хеогр. разыс­ка­ний в об­ла­сти со­ло­вец­кой книж­но­сти: I. «По­хваль­ное сло­во рус. пре­по­доб­ным» – соч. Сер­гия Ше­ло­ни­на: Во­прос ат­ри­бу­ции, да­ти­ров­ка, ха­рак­те­ри­сти­ка авт. ре­дак­ций) // ТОДРЛ. 2003. Т. 53. С. 547–592; он же. Из ар­хеогр. разыс­ка­ний: II. «Ка­нон всем свя­тым, иже в Ве­ли­цеи Ро­сии в по­сте про­си­яв­шим» – соч. Сер­гия Ше­ло­ни­на // ТОДРЛ. 2004. Т. 56. С. 453–480.

А.А. Лу­ка­ше­вич
Ста­тья из т. 9 «Пра­во­слав­ной эн­цик­ло­пе­дии». Москва, 2005 г.