Акафист святителю Афанасию III, патриарху Константинопольскому
Не утвержден для общецерковного использования.
Избра́нниче Христо́в, патриа́рше Афана́сие, ско́рбное житие́ и по́двиги твоя́ воспомина́юще, любо́вию Тя́, я́ко па́стыря до́браго и засту́пника на́шего, пе́сньми почти́м. Ты́ же, име́яй дерзнове́ние ко Го́споду, от вся́ких на́с бе́д свободи́, да зове́м ти́:
А́нгелов Творе́ц и Госпо́дь си́л благопло́дную добро́ту души́ твоея́ прови́дя, святи́телю о́тче на́ш Афана́сие, у́м тво́й высо́ким благомы́слием просвети́, и стопы́ твоя́ от ю́ности напра́ви еди́наго на потре́бу взыска́ти. Ты́ же, уразуме́в ми́ра сего́ непостоя́нство, возжеле́л еди́ному Бо́гу во и́ноческом чи́не служи́ти. Те́м же приими́ от на́с сицевы́я похвалы́:
Ви́дя, я́ко отчи́зна твоя́ тя́жкому плене́нию от нечести́вых ага́рян подпа́ла, ты́, о́тче Афана́сие, утесне́ния и гоне́ния от слу́г Магоме́та претерпева́я, по́мыслы своя́ к небе́сной отчи́зне возноси́л, во Еди́ном Христе́ утеше́ние име́я, и Ему́ среди́ ско́рбных искуше́ний ра́достныя пе́сни, я́ко Царю́ и Бо́гу, воспева́ше взыва́л: Аллилу́иа.
Ра́зум тво́й, Бо́гом просвеще́нный, не утаи́ся от Патриа́рха Царегра́дскаго, и́же из уедине́ния Кри́тскаго тя́ призва́ и митрополи́том гра́да Солу́ни поста́ви, да неукло́нно возвести́ши сло́во и́стины ста́ду слове́сных ове́ц Христо́вых, душеспаси́тельною пи́щею уче́ния Ева́нгельскаго и́х науча́я, те́мже тя́, я́ко па́стыря до́браго, си́це прославля́ем:
Си́ла Бо́жия почива́ла на тебе́, святи́телю Афана́сие, и неви́димо в борьбе́ с еретика́ми и от правосла́вный ве́ры отсту́пниками, укрепля́ла. Те́мже ни хитросплете́ния ерети́ческая, ни о́стрыя стре́лы лука́ваго уче́ния не поколеба́ша тебе́. Я́ко тве́рдый адама́нт стоя́л еси́ на ка́мени ве́ры святооте́ческия и Еди́ному главе́ Це́ркве Христо́вы, Пастыренача́льнику Христу́ воспева́л: Аллилу́иа.
Первосвяти́тель Царегра́да всеблаже́нный Кири́лл возлюби́в тебе́, я́ко оте́ц лю́бит ча́до свое́, име́юще тебе́ в труде́х свои́х помо́щника, и в гоне́нии от неве́рных сострада́льца, те́мже и мы́ тебе́. Бо́гом и людьми́ возлю́бленному, взыва́ем:
Бу́ря гоне́ний, ю́же подъя́ша на Це́рковь Христо́ву лати́няне со ага́ряны, сняла́ с ка́федры вселе́нскаго патриа́рха, блаже́ннаго Кири́лла, и́же лю́тую сме́рть в му́ках претерпе́, от враго́в удавле́ние прие́мый. Ты́ же, святи́телю Афана́сие, жре́бий его́ понести́ сподо́бися и, прия́вши в свои́ богоно́снии ру́це корми́ло корабля́ церко́внаго, пе́снь серафи́мскую Христу́, Це́ркви Основополо́жнику, воспе́л: Аллилу́иа.
Слы́шаша, я́ко ты́, святи́телю Афана́сие, подо́бно вели́кому Афана́сию из Александри́и, зело́ посрамля́л свои́м уче́нием враго́в ве́ры правосла́вныя, и за сие́ с ка́федры своея́ изгна́н бы́л еси́ еретика́ми. Те́мже, я́ко испове́дника Христо́ва, сицевы́ми похвалы́ ублажа́ем:
Подо́бно звезде́ боготе́чней прише́л еси́, святи́телю о́тче Афана́сие, из Царегра́да на го́ру Афо́нскую в уде́л Пресвяты́я Богоро́дицы, и та́мо уедине́нную ке́ллию созда́в, до́брым трудо́м в безмо́лвии, посте́ и моли́тве потруди́ся, де́нь и но́щь Пресвяте́й Тро́ице, воспева́я пе́снь хвале́бную: Аллилу́иа.
Ви́девше, святи́телю о́тче Афана́сие, я́ко ке́ллиа твоя́ мно́ги и́ноки к себе́ собра́ и во благоустро́енный ски́т расшири́ся, где́ и до ны́не и́мя Христо́во и́ноками прославля́ется; и па́мять о тебе́ сицевы́ми похвалы́ утвержда́ется:
Пропове́дником правосла́внаго вероуче́ния бы́л ты́ в земли́ молда́встей и та́мо в монастыре́ святи́теля и чудотво́рца Никола́я вре́менный поко́й от трудо́в, гоне́ний и зло́бы обре́л еси́, и на спасе́ние ве́рных ча́д Це́ркви та́мо потруди́ся, безпреста́нно наставля́я и́х богоприя́тно воспева́ти Триеди́ному Бо́гу: Аллилу́иа.
Неме́ркнущий све́т Богопозна́ния, возсия́ в боголюби́вой душе́ твое́й, святи́телю Бо́жий, вознесе́ тя́ на высоту́ духо́внаго соверше́нства, я́ко на не́кий тае́мный Фаво́р, отону́дуже и на́ша затемне́нныя ду́ши твои́м моли́твенным пред Го́сподем предста́тельством просвети́, во е́же глаго́лати тебе́ сия́ похвалы́:
Человеколю́бец Госпо́дь, возжела́в соде́яти тя́, святи́телю Афана́сие, бли́жним стране́ на́шей, вложи́ тебе́ мы́сль ше́ствовати в зе́млю на́шу, да обря́щеши зде́ духо́вное утеше́ние и моли́твами твои́ми освяти́ши страну́ на́шу, в не́й же с дре́вних ле́т Пресвято́й Тро́ице пе́снь хвале́бная воспева́ется: Аллилу́иа.
Ви́дя в тебе́ но́ваго побо́рника благоче́стия ца́рь Алекси́й, с любо́вию прия́т тя́, святи́телю, и бога́тыми да́ры тя́ одари́. Мы́ же смире́нно прино́сим тебе́, я́ко да́ры, сии́ слове́сныя похвалы́:
Стра́нник чу́ждый бы́л еси́ святи́телю Афана́сие в земли́ на́шей, но то́кмо по язы́ку, по ве́ре же и благоче́стию бли́зок бы́л еси́ наро́ду на́шему, и по во́ле Бо́жией ско́ро и второ́е оте́чество в стране́ на́шей обре́л, и сно́м сме́рти зде́ почи́л, да соде́ешися засту́пником и моли́твенником пред Бо́гом за наро́д на́ш, и́же всеча́сно воспева́ет Бо́гу хвале́бную пе́снь: Аллилу́иа.
Се́рдцем все́м преда́вшись Бо́гу и Бо́гом наставля́емый, прише́л еси́ ты́, святи́телю Афана́сие, в монасты́рь Лубе́нский, и в боле́зни пребыва́я, благоволи́л оста́тися та́мо. Но и в не́мощи су́щий, моли́твенных по́двигов не оста́вил и, уедине́нное ме́сто избра́в, моли́твы ко Го́споду непреста́нно возноси́л. Те́мже и мы́ с любо́вию тебе́ зове́м:
Вси́ а́нгели Бо́жии с ра́достным пе́нием сре́тили пра́ведную ду́шу твою́, святи́телю Афана́сие, егда́ из темни́цы теле́сныя до небе́сных оби́телей она́ возноша́шеся и Творце́м а́нгелов в ра́йския селе́ния прия́та была́ и ку́пно с со́нмом а́нгелов немо́лчно пе́снь Бо́гу воспе́ла: Аллилу́иа.
Буесло́вцы вети́йствующие, и́же онепра́вдовали тя́, посра́млены бы́ша. Ты́ же, святи́телю Афана́сие, нетле́нием и чудесы́ от Го́спода по сме́рти просла́влен бы́л еси́. И́бо святы́я мо́щи твоя́ по восьмиле́тнем в моги́ле пребыва́нии обре́тены бы́ли це́лы и невреди́мы и да́же святи́тельских ри́з твои́х не косну́ся тле́ние. Ра́дуяся сему́ я́вному свиде́тельству твоея́ свя́тости, прино́сим ти́ сия́ похвалы́:
Спасе́ние ве́чное насле́довал еси́, незабве́нный Святи́телю. На́м же, волна́ми жите́йскаго мо́ря обурева́емым, ве́рным ко́рмчим и засту́пником себе́ явля́еши да́же до сего́ дне́. О́нем тя́ призыва́ющим в со́ниих и виде́ниих по́мощь подае́ши; ине́х же ве́рных к ти́хому приста́нищу направля́еши, да ку́пно с тобо́ю ди́вному во святы́х Бо́гу воспою́т: Аллилу́иа.
Царя́ Небе́снаго Христа́ ве́рный служи́телю, святи́телю о́тче Афана́сие, на́с рабо́в Его́ лени́вых и непотре́бных – подви́гни да́нною тебе́ с небесе́ благода́тию на соверше́ние доброде́телей и призови́ к исполне́нию за́поведей Христо́вых, да подража́тели тебе́ бу́дем; в ча́с сме́рти на́шея, благу́ю наде́жду на спасе́ние и́мамы, взыва́я к тебе́ си́ми похвалы́:
Хвале́бных пе́ний на́ших не отри́ни, святи́телю Бо́жий, но ми́лостивно приими́ и́х и вознеси́ за на́с своя́ те́плыя моли́твы ко Го́споду Бо́гу, да ми́лостив бу́дет к непра́вдам на́шим. Мы́ же не дерза́ем ко Го́споду взыва́ти о благода́ти, име́я же тебе́ вели́каго уго́дника Бо́жия за на́с пред Ни́м хода́тая, взыва́ем к Нему́ тя́ просла́вившему: Аллилу́иа.
Я́ко светлосия́ннаго свети́льника почита́ем тя́, святи́телю о́тче Афана́сие, и́бо све́т до́брых твои́х де́л, и́миже Оте́ц Небе́сный сла́вится, во ве́ки не поме́ркнет. И ны́не пред Его́ Престо́лом святы́м во сла́ве предстоя́, от на́с сии́ похвалы́ приими́:
Благода́ти Бо́жией испо́лненная ра́ка святы́х моще́й твои́х, святи́телю о́тче Афана́сие, взо́ры на́ша ра́дует и сердца́ умиля́ет, и́бо мы́ зри́м тя́ на ка́федре святи́тельстей возседа́ющим и же́зл архиере́йский в руце́ держа́щим. Те́мже поклоня́яся нетле́нным и многоцеле́бным моще́м твои́м, прославля́ем Бо́га, дарова́вшаго и́х на́м на утеше́ние и исцеле́ние, немо́лчно Ему́ вопие́м: Аллилу́иа.
Воспева́я мно́гая и преди́вная чудеса́ твоя́, чудотво́рче святи́телю Афана́сие, велича́ем и восхваля́ем тя́, такову́ю благода́ть от Бо́га прие́мшаго и усе́рдно мо́лим тя́: в ча́с сме́рти, егда́ убо́гая душа́ на́ша к своему́ исхо́ду прибли́зится и у́жасы де́монския ю́ окружа́т, яви́ на́м твое́ заступле́ние и моли́твами твои́ми изба́ви на́с от вла́сти велиа́ра, да благода́рственно воззове́м к тебе́ си́це:
О вели́кий чудотво́рче, святи́телю Христо́в о́тче на́ш Афана́сие, мно́гая моле́ния оста́вльше о еди́ном тя́ мо́лим и про́сим: вознеси́ твоя́ святы́я моли́твы ко Го́споду Бо́гу и изба́ви на́с от осужде́ния ве́чнаго и муче́ний а́дских, да твои́м заступле́нием сподо́бимся ку́пно с тобо́ю блаже́нство рая́ насле́довати и со все́ми святы́ми пе́ти Творцу́ на́шему: Аллилу́иа.
Этот конда́к читается трижды, затем и́кос 1-й и конда́к 1-й.
А́нгелов Творе́ц и Госпо́дь си́л благопло́дную добро́ту души́ твоея́ прови́дя, святи́телю о́тче на́ш Афана́сие, у́м тво́й высо́ким благомы́слием просвети́, и стопы́ твоя́ от ю́ности напра́ви еди́наго на потре́бу взыска́ти. Ты́ же, уразуме́в ми́ра сего́ непостоя́нство, возжеле́л еди́ному Бо́гу во и́ноческом чи́не служи́ти. Те́м же приими́ от на́с сицевы́я похвалы́:
Избра́нниче Христо́в, патриа́рше Афана́сие, ско́рбное житие́ и по́двиги твоя́ воспомина́юще, любо́вию Тя́, я́ко па́стыря до́браго и засту́пника на́шего, пе́сньми почти́м. Ты́ же, име́яй дерзнове́ние ко Го́споду, от вся́ких на́с бе́д свободи́, да зове́м ти́:
О святи́телю Христо́в, уго́дниче Бо́жий Афана́сие! Веле́нием Бо́жиим жре́бий служе́ния святи́тельскаго восприи́м и кре́ст Христо́в на ра́мена своя́ возложи́в, бы́л еси́ па́стырь до́брый, свети́льник всесве́тлый, сто́лп непоколеби́мый, Це́ркве служи́тель ве́рный, иера́рхов нача́льник, Правосла́вия защи́тник, нече́стия искорени́тель, сего́ ра́ди и водвори́лся еси́ в дому́ Го́спода твоего́. Тебе́ у́бо про́сим: моли́ся о на́с, с ве́рою и любо́вию притека́ющих к честны́м и многоцеле́бным моще́м твои́м, не отри́ни прося́щих у тебе́ по́мощи в ско́рбех и боле́знех. Моли́твою твое́ю предста́ни ко Всевы́шнему Влады́це, исхода́тайствуй я́же на по́льзу ду́ш и теле́с на́ших и отве́рзи на́м две́ри милосе́рдия Бо́жия. Хода́тайством твои́м сохрани́ Це́рковь Святу́ю тве́рду и непоколеби́му от наве́т вра́жиих. Моли́ Го́спода и Влады́ку, да ти́хое и безмо́лвное житие́ поживе́м во вся́ком благоче́стии и чистоте́. Соблюди́ хра́м се́й, в не́мже всели́лся еси́, от вся́ких бе́д и напа́стей и от все́х вра́г ви́димых и неви́димых, и, я́коже в жи́зни кри́тския лю́ди от непра́веднаго ага́рянскаго убие́ния изба́вил еси́, та́ко и ны́не на Небесе́х непреста́нно моли́ся ко Го́споду изба́витися на́м от вся́каго зла́го обстоя́ния. Пода́ждь ру́ку по́мощи и все́м правосла́вным христиа́ном, притека́ющим к честны́м и нетле́нным моще́м твои́м и в моли́твах свои́х тя́ призыва́ющим. Ускори́ на моли́тву и потщи́ся на по́мощь, и́миже ве́си судьба́ми, да вси́, безприкла́дное Бо́жие милосе́рдие ви́дяще и ча́емую по́мощь получи́вше, сла́вят пода́вшаго тебе́ си́лу и сла́ву Отца́ и Сы́на и Свята́го Ду́ха, во Еди́нем Существе́ сла́вимаго Бо́га, ны́не, и при́сно, и во ве́ки веко́в. Ами́нь.