Акафист святителю Григорию, епископу и чудотворцу Неокесарийскому
Память: 30 (17) ноября
Не утвержден для общецерковного использования.
Избра́нный чудотво́рче и изря́дный уго́дниче Христо́в, догма́тов творе́ц преди́вный и ересе́й искорени́телю неле́ностный, многоцеле́бный исто́чниче и моли́твенниче о душа́х на́ших, святи́телю Григо́рие, я́ко име́яй дерзнове́ние ко Го́споду, от вся́ких на́с бе́д свободи́ зову́щих:
А́нгел земны́й и челове́к небе́сный бы́л еси́, святи́телю Григо́рие, от нача́ла жития́ твоего́ чистоту́ души́ и те́ла возлюби́в и Христу́ любо́вию усе́рдно после́довав, соверше́нства духо́внаго дости́гл еси́. Те́м же изря́днейшаго жи́тельства, а́ки мо́лнией, сия́я све́том, ны́не све́ту вели́кому предстоя́, помина́й на́с, усе́рдно чту́щих тя́ и воспева́ющих та́ко:
Ви́дя нечести́вии ю́ноши александри́йстии непоро́чное и целому́дренное житие́ твое́, святи́телю Григо́рие, не́навистию, от диа́вола вселя́емою, распаля́шеся, научи́ша жену́ не́кую оклевета́ти тя́ пред все́ми, проси́ти пла́ту за блудодея́ние. Ты́ же от чре́ва ма́терня да́же до блаже́нной кончи́ны твоея́ не позна́в греха́ плотска́го и сохрани́в де́вство неоскверне́нное, с кро́тостию и незло́бием моли́л еси́ дру́га твоего́ пода́ти проси́мое, пою́щи Бо́гу, еди́ному ве́рному на небесе́х свиде́телю: Аллилу́иа.
Ра́зум и се́рдце име́я грехо́м омраче́нныя, прия́ла блудни́ца, и́же в Александри́и, мзду́ непра́ведную, с не́ю же и ка́знь лю́тую, воше́л бо в ню́ бе́с стра́шный, нача́в му́чити пред все́ми, та́к что́ сия́ дще́рь велиа́рова трепета́ла все́м те́лом, скрежета́ла зубы́ свои́ми и вопи́ла безу́держно. Ты́ же, святи́телю Григо́рие, сотвори́в о не́й те́плую моли́тву ко Го́споду, отгна́л еси́ ду́ха зло́бы поднебе́сныя. Мы́ же, дивя́щеся сему́, вопие́м ти́ та́ко:
Си́ла боже́ственныя прему́дрости осени́ тя́, святи́телю Григо́рие, егда́ ку́пно с дру́гом твои́м Фирмиа́ном из Каппадоки́и оста́ви мирско́е уче́ние и филосо́фию е́ллинскую и нача́ постига́ти Христиа́нстии и́стины и та́йны боже́ственнаго писа́ния, те́мже и на́с, вели́кий учи́телю, небе́снаго рая́ ны́не проходя́ нетле́нныя па́жити, помина́й у престо́ла Бо́жия, да и мы́ просвети́мся све́том ева́нгельскаго богопозна́ния, пою́ще: Аллилу́иа.
Име́яй в се́рдце свое́м о́гнь любве́ Боже́ственныя, святи́телю Григо́рие, в родно́й гра́д тво́й Неокесари́ю прише́л еси́, иде́же вси́ лю́дие проси́ша тя́ бы́ти и́м судие́ю и градоправи́телем. Ты́ же, избега́я сете́й го́рдости и пусто́й сла́вы челове́честей, ме́сто сие́ оста́ви и в пусты́ню удали́ся, пребыва́я в труде́х и по́двизех, и́х же еди́н Госпо́дь сердцеве́дец ве́дает. Мы́ же, смире́нию твоему́ и пустыннолю́бию дивя́щеся, вопие́м ти́ та́ко:
Бу́рю мирска́го жития́ и тяжелоно́сныя страсте́й во́лны преше́д, обре́л еси́, святи́телю Григо́рие, ти́хое и безмяте́жное приста́нище, в пусты́ню всели́вся, Христу́ неле́ностно порабо́тал еси́, возлюби́в по́ст и моли́тву, поя́ непреста́нно Бо́гу: Аллилу́иа.
Слы́ша блаже́нный Фе́дим, епи́скоп Амаси́йский, ангелоподо́бное житие́ твое́, святи́телю Григо́рие, восхоте́ призва́ти тя́ от пусты́ннаго уедине́ния к служе́нию церко́вному в святи́тельстем о́бразе, ты́ же, прови́дев сие́ наме́рение и недосто́инство свое́ помышля́я, сокры́ся во глубину́ пусты́нную. То́т же, дви́жимый Ду́хом Святы́м и ре́вностию по Це́ркви Христо́вой распаля́ясь, соверши́ша посвяще́ние ди́вное, без тебя́ хиротониса́в тя́ во епи́скопа гра́да Неокесари́йскаго. Мы́ же, дивя́щеся сему́, вопие́м ти́:
Боготе́чной звезде́ подо́бен бы́л еси́, святи́телю Григо́рие, не́бо церко́вное украша́я и све́том и́стиннаго богопозна́ния озаря́я, егда́ во́ле Бо́жией покаря́яся, прия́л еси́ епи́скопское поставле́ние во гра́д Неокесари́ю и а́бие возста́л еси́ проти́ву злы́х еретико́в Па́вла и Саве́ллия Самоса́тских, пропове́давших ло́жно о та́инстве Пресвяте́й Тро́ицы, ты́ же ве́рныя науча́я подоба́юще воспева́ти Триеди́ному Бо́гу: Аллилу́иа.
Ви́дя безу́мных еретико́в, о Пресвяте́й Тро́ице непра́ведно уча́щих, ты́, святи́телю Григо́рие, приле́жно моля́ше Го́споду Бо́гу и Пречи́стей Его́ Ма́тери об откры́тии правосла́вным христиа́ном догма́тов и́стинных, те́м же сподо́бился еси́ явле́ния чу́днаго — Пресвяты́я Богоро́дицы со апо́столом Иоа́нном Богосло́вом, от ни́хже и науче́н бы́в та́йнам богопозна́ния, записа́в, преда́л еси́ и́х все́м ве́рным в назида́ние. Мы́ же, небе́сныя глаго́лы си́и принима́юще с любо́вию, прославля́ем тя́, вели́кий таи́нниче, и вопие́м ти́ та́ко:
Пропове́дник светоно́сный триеди́наго Бо́га, святи́телю Григо́рие, яви́лся еси́, науче́нный от Саме́й Пресвяте́й Богоро́дицы и апо́стола Иоа́нна Богосло́ва, ка́ко во Святу́ю Тро́ицу и́стинно ве́ровати, непреста́нно взыва́л еси́: Отцу́ Сло́ва Жива́го, Прему́дрости Ипоста́сной Си́лы и О́бразу Ве́чнаго: Аллилу́иа.
Возсия́ заря́ и́стиннаго богопочита́ния гра́ду Неокесари́и, во тьме́ идолопоклоне́ния пребыва́ющему, с прише́ствием твои́м, святи́телю Григо́рие, мно́жество бо и́долов и и́м служа́щих обре́т в язы́ческих ка́пищех, моли́л еси́ Го́спода, да при́зрит на созда́ния своя́, просвети́т лю́ди погиба́ющия и обрати́т я́ на пу́ть спасе́ния. Сего́ ра́ди ве́рнии научи́шася воспева́ти ти́:
Хотя́ще не́когда нечести́вии жи́тели неокесари́йстии соверши́ти язы́ческий пра́здник Зе́всу, не взира́я на увеща́ния твоя́, святи́телю Григо́рие, наведо́ша на ся́ гне́в Бо́жий и наказа́ние стра́шное, губи́тельную я́зву смертоно́сную, я́ко смеша́вшия ра́дости безу́мия с пла́чем, весе́лию же преврати́вшуся в горе́ и несча́стие. Позна́в же лю́дие свое́ заблужде́ние, проси́ша тя́ останови́ти боле́знь лю́тую моли́твою твое́ю к Бо́гу, Его́же ты́ Еди́наго почита́л еси́ Влады́кою над все́ми и воспева́л Ему́: Аллилу́иа.
Но́ваго тя́ чудотво́рца испове́дует Христо́ва це́рковь, святи́телю Григо́рие, си́лою бо Бо́жией, в тебе́ де́йствующей, больны́я исцеля́еши, прокаже́нныя очища́еши, де́моны прогоня́еши. Ты́ бо еси́ все́м вои́стину помо́щник, свободи́тель, пита́тель и вра́ч. Сего́ ра́ди вопие́м ти́ та́ко:
Стра́нное чу́до яви́ся, святи́телю Григо́рие, егда́ бра́та два́, е́зеро от отца́ в насле́дство получи́ста и не могу́щема и́ма раздели́ти его́ между́ собо́ю, возста́ста дру́г проти́ву дру́га. Ты́ же моли́твою твое́ю ко Го́споду изсуши́л еси́ о́ное, дабы́ не изся́кла е́сть любо́вь бра́тская, науча́я ве́рныя в ми́ре дру́г со дру́гом воспева́ти Бо́гу: Аллилу́иа.
Ве́сь вои́стину правосла́вный ми́р почита́ет тя́, святи́телю Григо́рие, вели́каго чудотво́рца, и́бо моли́твою твое́ю ко Го́споду и водруже́нием жезла́ твоего́ тече́ние реки́ измени́л еси́, сохрани́в земли́ плодоро́дие; призва́в же и́мя Иису́сово, го́ру подви́гнул еси́, дая́ ме́сто для воздви́жения хра́ма Бо́жия. Мы́ же, дивя́щеся сему́, вопие́м Ти́:
Вся́кое естество́ а́нгельское удиви́ся да́ру прозорли́вости твоея́, святи́телю Григо́рие, егда́ узре́л еси́ в просто́м у́гольщике Алекса́ндре, му́же богоуго́дном и благочести́вом, бу́дущаго епи́скопа гра́да Кома́ны, и та́ко сокро́вище потае́ное откры́л еси́, украше́нием це́ркви Христо́вой ста́вшее. Сего́ ра́ди и мы́ со безпло́тными ли́ки вопие́м Бо́гу: Аллилу́иа.
Вети́и многовеща́ннии недоуме́ют изобрази́ти си́лу Бо́жию, в тебе́ де́йствующую, святи́телю Григо́рие, егда́ тро́е иуде́ев восхоте́ша над тобо́ю посмея́тися, еди́наго от нечести́вцев свои́х при доро́ге обнаже́ннаго, я́ко ме́ртва, положи́вше, рыда́ющу же над ни́м и прося́щу у тебя́ оде́жды покры́ти наготу́ его́. Ты́ же, покры́в его́, вои́стину бездыха́нным сотвори́л еси́, искуси́телей посрамля́я и ме́ртвым погреба́ти своего́ мертвеца́ оставля́я, мы́ же, прославля́юще тя́, святи́телю, си́це вопие́м:
Спасти́ хотя́й ду́ши слове́сных ове́ц твои́х, святи́телю Григо́рие, я́ко па́стырь до́брый, возста́л еси́ проти́ву во́лка хи́щнаго, нечести́ваго гони́теля Де́кия, и́же понужда́ше христиа́н к поклоне́нию и́долом и преда́ и́х муче́ниям и зло́й сме́рти. Ты́ же, оте́честей любо́вию дви́жимый, призыва́л еси́ ве́рных укры́тися от мучи́телей, дабы́ обезси́лев в страда́ниях не отпа́ли от Бо́га и́стиннаго, Ему́же до вре́мени в де́брех и разсе́линах го́р воспева́ху: Аллилу́иа.
Сте́ны го́рняго Иерусали́ма прия́ша тя́, святи́телю Григо́рие, по отше́ствии твое́м от земны́х к Небе́сным. Па́ства же твоя́ пла́каше о тебе́, я́ко о свое́м отце́ чадолюби́вем, мы́ же зря́ще тя́ погреба́ема и те́плаго предста́теля на Небеси́ име́ти тя́ упова́я, с рыда́нием ку́пно и наде́ждою вопие́м ти́:
Пе́ние благода́рственное Пресвяте́й Тро́ице принесо́ша лю́ди неокесари́йстии, егда́ обрето́ша честны́я и многоцеле́бныя мо́щи твои́, святи́телю Григо́рие, а́ки спаси́тельный исто́чник, ди́вные чудеса́ содева́ющий, и поста́виша и́х в це́ркви собо́рней, поя́ Бо́гу: Аллилу́иа.
Светопода́тельнаго свети́льника, просвеща́ющаго ду́ши и телеса́, яви́л тя́ Госпо́дь, святи́телю Григо́рие, лю́дем правосла́вным во все́й вселе́нней, и́бо моли́твами твои́ми посо́бствуеши, не то́чию в Неокесари́и су́щим, но и в преде́лех оте́чества на́шего пребыва́ющим, и моско́вский кня́зь Васи́лий Те́мный свобожде́н бы́сть чу́дно из тата́рскаго пле́на не ины́м че́м, но по́мощию твое́ю и предста́тельством, посему́ и воздви́же це́рковь во и́мя твое́ на ме́сте, с него́же узре́ сте́ны кремле́встии, на не́мже и ны́не прославля́ешися и слы́шиши такова́я:
Благода́ть, да́нную ти́ от Бо́га, све́дуще, с любо́вию восхваля́ем тя́, святи́телю Григо́рие, помышля́я, я́ко не могу́ще по достоя́нию изобрази́ти вели́чие и сла́ву твою́. Моли́ же о на́с, ча́дех твои́х духо́вных, да ми́лостив бу́дет Госпо́дь и к на́м, гре́шным, да облагодати́т и на́с хода́тайством твои́м, не от гра́да Неокесари́и, но от росси́йских преде́л вопию́щих ему́: Аллилу́иа.
Пою́ще богоуго́дное житие́ твое́, святи́телю Григо́рие, благодари́м ди́внаго во святы́х свои́х Христа́ Бо́га на́шего, дарова́вшаго тя́ вселе́нстей Це́ркви, я́ко сто́лп неподви́жен и утвержде́ние и́стинной ве́ры. Ты́ же приими́ от на́с словеса́ сия́:
Святи́телю Христо́в и чудотво́рче Григо́рие, приими́ сие́ моле́ние на́ше, от любве́ тебе́ приноси́мое, и испроси́ на́м у всеще́драго Бо́га, Ему́же ны́не предстои́ши на Небеси́, избавле́ние от многоразли́чных бе́д и напа́стей, наипа́че же ве́чныя сме́рти, оставле́ние прегреше́ний на́ших и насле́дование Ца́рствия Небе́снаго, да иде́же ве́чно вку́пе с тобо́ю на́м воспева́ти ему́: Аллилу́иа.
Этот конда́к читается трижды, затем и́кос 1-й и конда́к 1-й.
А́нгел земны́й и челове́к небе́сный бы́л еси́, святи́телю Григо́рие, от нача́ла жития́ твоего́ чистоту́ души́ и те́ла возлюби́в и Христу́ любо́вию усе́рдно после́довав, соверше́нства духо́внаго дости́гл еси́. Те́м же изря́днейшаго жи́тельства, а́ки мо́лнией, сия́я све́том, ны́не све́ту вели́кому предстоя́, помина́й на́с, усе́рдно чту́щих тя́ и воспева́ющих та́ко:
Избра́нный чудотво́рче и изря́дный уго́дниче Христо́в, догма́тов творе́ц преди́вный и ересе́й искорени́телю неле́ностный, многоцеле́бный исто́чниче и моли́твенниче о душа́х на́ших, святи́телю Григо́рие, я́ко име́яй дерзнове́ние ко Го́споду, от вся́ких на́с бе́д свободи́ зову́щих:
О пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый на́ш засту́пниче, святи́телю Григо́рие! Предстоя́ у Престо́ла все́х Царя́ и наслажда́яся све́том Единосу́щныя Тро́ицы и херуви́мски со А́нгелы возглаша́я пе́снь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, помози́ во бране́х оте́честву на́шему, и покори́ вся́ проти́вныя на́м враги́, ми́рное и безмяте́жное жи́тельство на́ше устро́й: благостоя́ние святы́х церкве́й утверди́: архиере́и благоле́пием святи́тельства украси́: мона́шествующия к по́двигом до́браго тече́ния укрепи́: гра́д се́й и вся́ гра́ды на́ши и страны́ до́бре сохрани́, и ве́ру святу́ю непоро́чну соблюсти́ на́м умоли́: ми́р ве́сь предста́тельством твои́м умири́, от гла́да и па́губы изба́ви ны́, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, сироты́ заступи́, младе́нцы возрасти́, плене́нныя возврати́, немощству́ющия исцели́, и везде́ те́пле призыва́ющия тя́ и с ве́рою притека́ющия к тебе́ и усе́рдно припа́дающия и моля́щияся тебе́ от вся́ких напа́стей и бе́д хода́тайством твои́м свободи́. Моли́ о на́с Всеще́драго и Человеколюби́ваго Христа́ Бо́га на́шего, да и в де́нь стра́шнаго прише́ствия Его́ от шу́ияго стоя́ния изба́вит на́с, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.