Акафист святому преподобному Порфирию Кавсокаливиту
Не утвержден для общецерковного использования.
Хра́брый во́ине Царя́ си́л Го́спода Иису́са, преди́вный преподо́бне о́тче Порфи́рие! Ты́ лю́биши на́с, исцеля́еши и защища́еши от вся́ких бе́д и ско́рбных обстоя́ний, те́пле пред Го́сподем хода́тайствуя о дарова́нии на́м обоже́ния. Ве́дуще по́мощь твою́, мы́ благода́рственно взыва́ем:
О, до́брый па́стырю ста́да Госпо́дня! Вдали́ от жите́йских бу́рь ве́л ты́ ти́хое и богоуго́дное житие́. Помышля́я о жи́зни и служе́нии Иоа́нна Кали́вита, ты́, вне́мля гла́су пла́меннаго своего́ се́рдца, положи́л еси́ и са́м пойти́ по стопа́м сего́ свята́го му́жа. Мы́ же, прославля́юще реши́мость твою́, та́ко воспева́ем:
В Кавсокали́вии, после́дуя путе́м вели́ких подви́жников, бы́л еси́ и́нок; наказа́нием ста́рцев внима́л еси́, никогда́же прекосло́вя, но исполне́нием де́ла отвеча́я сло́ву и́х веле́ния, я́ко сло́ву Сама́го Христа́, Кому́же и ны́не непреста́нно взыва́еши: Аллилу́иа.
За житие́ твое́ непоро́чное, о́тче, Бо́г сподо́би тя́ Своея́ благода́ти. Ты́ учи́л еси́ побежда́ти грехо́вныя стра́сти, тебе́ даде́ся прозира́ти вели́кия та́йны, стяжа́ти всеусе́рдное внима́ние ко вся́кому, к тебе́ в ско́рбех приходя́щему. И мы́, чу́вствующе оте́ческое попече́ние твое́, благода́рне пое́м:
Кро́тость и смире́ние – сия́ су́ть ору́жия послу́шника в духо́вной бра́ни. Си́м ору́жием иску́сно овладе́в, ты́ одоле́л еси́ врага́. Награ́дою же за побе́ду ста́ блаже́нное твое́, преподо́бне о́тче, земно́е пребыва́ние в благода́ти Госпо́дней. Преиспо́лнен сы́й е́ю, ты́ излива́еши ю́ на вся́каго, прибега́ющаго к тебе́ за по́мощию, утеша́еши, исцеля́еши, обраща́еши к Творцу́, призыва́я благода́рственно восклица́ти Ему́: Аллилу́иа.
О́тче, просла́ви тя́ Госпо́дь сла́вою Свое́ю Небе́сною, но ты́ не забыва́л еси́ и о оте́честве земне́м. В монастыре́ свята́го Харла́мпия ты́ все́ вре́мя проводи́л еси́ в служе́нии, избавля́я лю́ди от страда́ния. Изба́вленнии же очище́нным и благода́рным се́рдцем пою́т тебе́:
Смире́нно вне́мля Боже́ственному про́мыслу, ты́ прибы́л еси́ в Афи́ны, пасти́ Христо́вы о́вцы. Зде́сь, с неутоми́мым горе́нием Це́ркви служа́, ты́ мно́гих люде́й, иска́вших по́мощи, опо́ры и наде́жды, наста́вил еси́ на и́стинный пу́ть, побужда́я непреста́нно взыва́ти Бо́гу: Аллилу́иа.
В це́ркви на пло́щади Омо́ния ты́ мно́гих ко Спасе́нию наставля́л еси́. Ты́ бы́л еси́ подо́бен а́нгелу, сше́дшему в Вавило́н. О, преди́вный Порфи́рие, ты́ ста́л еси́ враче́м и наста́вником жи́телем Афи́н, ты́ мно́гих приве́л еси́ ко Христу́, и спасе́ннии ра́достно воспе́ша:
Бо́г дарова́ тебе́, о́тче, с ве́рою прося́щих исцеля́ти от теле́сных и душе́вных скорбе́й. Но, служа́ во хра́ме свята́го Гера́сима, ты́ зре́л еси́ его́, а не себе́ Бо́жиим ору́дием в си́х исцеле́ниих. О, преподо́бне! Кро́тостию и смире́нием ты́ возно́сиши высоча́йшую хвалу́ Исто́чнику вся́ких бла́г ‒ Го́споду на́шему, Ему́же подоба́ет непреста́нное пе́ние: Аллилу́иа.
Преподо́бне о́тче, ми́ро благоуха́ния Христо́ва! И́же в беда́х и ско́рбех к тебе́ и́скренно прихо́дит, то́й в утеше́нии и ра́дости воспое́т:
Служа́ в ми́ру, ты́ не прилага́л еси́ се́рдца к мирсте́й сла́ве и бога́тству. Твоя́ любо́вь отгоня́ла го́рькия печа́ли, утеша́ла скорбя́щих, вселя́ла наде́жду в отча́янных. Вознося́ своя́ моли́твы за стра́ждущих, ты́ научи́л еси́ и́х призыва́ти и́мя Бо́жие и воспева́ти Спаси́телю: Аллилу́иа.
А́вво светоно́сный, ты́ ве́сь бы́л еси́ озаре́н Боже́ственным сия́нием Святы́я Тро́ицы. Бла́гость Бо́жия позволя́ше тебе́ исцеля́ти вся́кия ско́рби и боле́зни, исцеля́емии же взыва́ху к тебе́:
Соверша́я мона́шеския по́двиги, ты́ сохраня́л еси́ ди́вное смире́ние; прие́мля ско́рби от ми́ра, храни́л еси́ серде́чную к лю́дем любо́вь. Ты́ врачева́л еси́ беснова́тыя, и трепета́ху и́мени твоего́ полцы́ бесо́встии. О, богоно́сный о́тче! Ко́ль высока́ и пои́стине свя́та жи́знь твоя́! Прославля́юще Бо́га, та́ко в тебе́ просия́вшаго, воспое́м Ему́: Аллилу́иа.
Тво́й све́т просвети́ся пред челове́ки, си́м просла́вил еси́ Ты́ Небе́снаго Отца́. То́й же надели́ ра́зум тво́й проро́ческим зре́нием людски́х серде́ц и Бо́жиих суде́б. Ви́девшии глубину́ твоего́ ве́дения, в изумле́нии восклица́ху:
О, смире́нный о́тче, мно́го ты́ претерпе́л еси́ скорбе́й от те́х, и́хже ду́ши помрачи́ша зло́ба и безве́рие. Но са́м, соверше́нное незло́бие храня́, ты́ с ми́ром и кро́тостию отвеча́л еси́ оскорби́телем; и замолка́ху проклина́ющия уста́, и закова́нныя в ле́д греха́ сердца́ начина́ху отта́ивати от излива́емыя теплоты́ твоего́ сострада́ния, и се́ уже́ слы́шен умиле́нный гла́с: Аллилу́иа.
Среди́ безконе́чныя суеты́ Афи́н ты́ уме́л еси́ сохраня́ти блаже́нный ми́р души́. В шу́ме центра́льныя пло́щади столи́цы ты́ жи́л еси́, я́ко в пусты́ни Святы́я Горы́. По сконча́нии же трудо́в свои́х упоко́ился еси́ в жела́нной Кавсокали́вии. Ны́не же и жи́тели Афи́н, и бра́тия Афо́на, и мы́ еди́ными усты́ тебе́ пое́м:
Открове́ние Иоа́нново в озаре́нии снизы́де на тя́, егда́ в пеще́ре его́ на Па́тмосе возноси́л еси́ моли́твы. Узре́в и услы́шав преди́вная, испо́лнився стра́ха Госпо́дня, тре́петно ты́ возгласи́л еси́: Аллилу́иа.
Госпо́дь на́ш Иису́с Христо́с деля́ше трапе́зу с мытаря́ми и гре́шниками. После́дуя Ему́ и ты́, преподо́бне о́тче, с безприме́рным сострада́нием приходи́л еси́ к несча́стным, попа́вшим в го́рькия се́ти греха́ душа́м. Ты́ не́сл еси́ и́м ве́сть о Спасе́нии, ты́ возвеща́л еси́ о милосе́рдии Бо́жием, ты́ свое́ю любо́вию призыва́л еси́ сердца́ к покая́нию, и та́ отзыва́хуся тре́петно и умиле́нно:
Блаже́нне о́тче, ты́ уме́л еси́ слу́шати Бо́га и слы́шати Его́. В жите́йских обстоя́тельствах и гла́се бли́жних, в пе́нии соловья́ и карти́не из кни́ги ты́ узнава́л еси́ гла́с Го́спода и, па́д ни́ц, благогове́йно восклица́л еси́ в отве́т: Аллилу́иа.
Стра́сти серде́чныя моли́твою ты́ прекраща́л еси́, а́вво Порфи́рие, ми́р и споко́йствие душа́м возвраща́я. Вся́кий, приходя́й к тебе́ за утеше́нием, обрета́ше е́; вся́кий, ища́й наставле́ния, приима́ше проси́мое, дивя́ся глубине́ боже́ственныя му́дрости, сокры́тыя в доброду́шней простоте́, и благода́рственно взыва́я:
Бо́г осо́бою благода́тию дарова́ тебе́, о́тче, высвобожда́ти исто́чники во́д из глуби́н земны́я тве́рди. Подо́бно сему́ ты́ высвобожда́л еси́ живото́чный о́браз Бо́жий из глуби́н затверде́вших во гресе́ серде́ц. И егда́ то́нким ручье́м начина́ше струи́тися в ни́х родни́к Ду́ха, тогда́ слы́шан бы́сть благода́рный свобо́дный гла́с: Аллилу́иа.
Твое́ явле́ние, о́тче, подо́бно ти́хому сия́нию небе́снаго све́та, мя́гко излива́ющагося на те́х, кто́ вне́млет тебе́. Тогда́ начина́ет разсе́иватися тма́, утиха́ют поры́вы ве́тров, и се́ в душе́ стано́вится та́ко я́сно и та́ко те́пло, я́ко уста́ сама́ благода́рственно пою́т:
До́брый па́стырю, а́вво Порфи́рие! Ны́не вся́ ча́да твоя́ несу́т тебе́ словеса́ чи́стыя любви́ и благодаре́ния, с де́тскою и́скренностию взыва́ют к тебе́. Ты́ же па́ки простира́еши к ни́м ру́це, па́ки гото́в еси́ и́х объя́ти, укры́ти и ку́пно воспе́ти: Аллилу́иа.
С ра́достию воспе́хом мы́ явле́нная в тебе́ Бо́жия дарова́ния. Во все́х си́х прославля́ется Свята́я Тро́ица, и́бо Сия́ е́сть Исто́чник вся́каго бла́га, Сия́ е́сть нача́ло прему́дрости и ра́зума, прозре́ния и исцеле́ния, чистоты́ и свя́тости, смире́ния и любви́. Сно́ва и сно́ва в явле́нных даре́х Да́рующаго прославля́юще, та́ко воспое́м:
О, преподо́бне о́тче Порфи́рие! Вои́стину обре́л еси́ Ца́рство Бо́жие, чему́ вся́ твоя́ жи́знь – непрело́жное свиде́тельство. Помози́ же и на́м путе́м покая́ния дости́гнути Жела́нных Черто́гов Го́спода На́шего, да ку́пно с тобо́ю и все́ми святы́ми усты́ еди́ными, се́рдцем еди́ным с горя́щею любо́вию Ему́ воспева́ем: Аллилу́иа.
Этот конда́к читается трижды, затем и́кос 1-й и конда́к 1-й.
О, до́брый па́стырю ста́да Госпо́дня! Вдали́ от жите́йских бу́рь ве́л ты́ ти́хое и богоуго́дное житие́. Помышля́я о жи́зни и служе́нии Иоа́нна Кали́вита, ты́, вне́мля гла́су пла́меннаго своего́ се́рдца, положи́л еси́ и са́м пойти́ по стопа́м сего́ свята́го му́жа. Мы́ же, прославля́юще реши́мость твою́, та́ко воспева́ем:
Хра́брый во́ине Царя́ си́л Го́спода Иису́са, преди́вный преподо́бне о́тче Порфи́рие! Ты́ лю́биши на́с, исцеля́еши и защища́еши от вся́ких бе́д и ско́рбных обстоя́ний, те́пле пред Го́сподем хода́тайствуя о дарова́нии на́м обоже́ния. Ве́дуще по́мощь твою́, мы́ благода́рственно взыва́ем:
О свяще́нная главо́, преподо́бне о́тче, преблаже́нне а́вво Порфи́рие, не забу́ди убо́гих твои́х до конца́, но помина́й на́с всегда́ во святы́х и благоприя́тных моли́твах к Бо́гу: помяни́ ста́до твое́, е́же са́м упа́сл еси́, и не забу́ди посеща́ти ча́д твои́х. Моли́ за ны́, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны́ ко Го́споду, и не пре́зри на́с, ве́рою и любо́вию чту́щих тя́: помина́й на́с недосто́йных у Престо́ла Вседержи́телева, и не преста́й моля́ся о на́с ко Христу́ Бо́гу, и́бо дана́ тебе́ бы́сть благода́ть за ны́ моли́тися. Не мни́м бо тя́ су́ща ме́ртва: а́ще бо те́лом и преста́вился еси́ от на́с, но и по сме́рти жи́в сы́й пребыва́еши, не отступа́й от на́с ду́хом, сохраня́я на́с от стре́л вра́жиих и вся́кия пре́лести бесо́вския и ко́зней диа́вольских, па́стырю на́ш до́брый. А́ще бо и моще́й твои́х ра́ка пред очи́ма на́шима ви́дима е́сть всегда́, но свята́я твоя́ душа́ со А́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя́ вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о на́с Всеси́льному Бо́гу, о по́льзе ду́ш на́ших, и испроси́ на́м вре́мя на покая́ние, да невозбра́нно пре́йдем от земли́ на не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, че́сть и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.
О, до́брый и ми́лостивый па́стырю, о́тче преподо́бне Порфи́рие! К тебе́ смире́нно припа́даем и усе́рдно мо́лимся: яви́ на́м, гре́шным, любо́вь твою́ оте́ческую и многомо́щное твое́ и чу́дное заступле́ние. Испроси́ предста́тельством твои́м у Всеми́лостиваго Бо́га на́шего и Ма́тери Его́ Пречи́стыя вся́ я́же на по́льзу душа́м и телесе́м на́шим, согреше́ний на́ших проще́ние и исправле́ние, любо́вь нелицеме́рную, ре́вность о спасе́ние на́шем, да благода́тию Бо́жиею соблюда́еми и спаса́еми, сла́ву, благодаре́ние и поклоне́ние возсыла́ем Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.